ഓം അസ്യ ശ്രീകുഞ്ജികാസ്തോത്രമന്ത്രസ്യ സദാശിവ ഋഷിഃ, അനുഷ്ടുപ് ഛന്ദഃ, ശ്രീത്രിഗുണാത്മികാ ദേവതാ, ഓം ഐം ബീജം, ഓം ഹ്രീം ശക്തിഃ, ഓം ക്ലീം കീലകം, മമ സർവാഭീഷ്ടസിദ്ധ്യർഥേ ജപേ വിനിയോഗഃ । ശിവ ഉവാച ശൃണു ദേവി പ്രവക്ഷ്യാമി കുഞ്ജികാസ്തോത്രമുത്തമം । യേന മന്ത്രപ്രഭാവേണ ചണ്ഡീജാപഃ ശുഭോ ഭവേത് ॥ 1 ॥ ന കവചം നാർഗലാസ്തോത്രം കീലകം ന രഹസ്യകം । ന സൂക്തം നാപി ധ്യാനം ച ന ന്യാസോ ന ച വാർചനം ॥ 2 ॥ കുഞ്ജികാപാഠമാത്രേണ ദുർഗാപാഠഫലം ലഭേത് । അതി ഗുഹ്യതരം ദേവി ദേവാനാമപി ദുർലഭം ॥ 3 ॥ ഗോപനീയം പ്രയത്നേന സ്വയോനിരിവ പാർവതി । മാരണം മോഹനം വശ്യം സ്തംഭനോച്ചാടനാദികം । പാഠമാത്രേണ സംസിദ്ധ്യേത് കുഞ്ജികാസ്തോത്രമുത്തമം ॥ 4 ॥ അഥ മന്ത്രഃ । ഓം ഐം ഹ്രീം ക്ലീം ചാമുണ്ഡായൈ വിച്ചേ । ഓം ഗ്ലൗം ഹും ക്ലീം ജൂം സഃ ജ്വാലയ ജ്വാലയ ജ്വല ജ്വല പ്രജ്വല പ്രജ്വല ഐം ഹ്രീം ക്ലീം ചാമുണ്ഡായൈ വിച്ചേ ജ്വല ഹം സം ലം ക്ഷം ഫട് സ്വാഹാ ॥ 5 ॥ ഇതി മന്ത്രഃ । നമസ്തേ രുദ്രരൂപിണ്യൈ നമസ്തേ മധുമർദിനി । നമഃ കൈടഭഹാരിണ്യൈ നമസ്തേ മഹിഷാർദിനി ॥ 6 ॥ നമസ്തേ ശുംഭഹന്ത്ര്യൈ ച നിശുംഭാസുരഘാതിനി । ജാഗ്രതം ഹി മഹാദേവി ജപം സിദ്ധം കുരുഷ്വ മേ ॥ 7 ॥ ഐങ്കാരീ സൃഷ്ടിരൂപായൈ ഹ്രീങ്കാരീ പ്രതിപാലികാ । ക്ലീങ്കാരീ കാമരൂപിണ്യൈ ബീജരൂപേ നമോഽസ്തു തേ ॥ 8 ॥ ചാമുണ്ഡാ ചണ്ഡഘാതീ ച യൈകാരീ വരദായിനീ । വിച്ചേ ചാഭയദാ നിത്യം നമസ്തേ മന്ത്രരൂപിണി ॥ 9 ॥ ധാം ധീം ധൂം ധൂർജടേഃ പത്നീ വാം വീം വൂം വാഗധീശ്വരീ । ക്രാം ക്രീം ക്രൂം കാലികാ ദേവി ശാം ശീം ശൂം മേ ശുഭം കുരു ॥ 10 ॥ ഹും ഹും ഹുങ്കാരരൂപിണ്യൈ ജം ജം ജം ജംഭനാദിനീ । ഭ്രാം ഭ്രീം ഭ്രൂം ഭൈരവീ ഭദ്രേ ഭവാന്യൈ തേ നമോ നമഃ ॥ 11 ॥ അം കം ചം ടം തം പം യം ശം വീം ദും ഐം വീം ഹം ക്ഷം । ധിജാഗ്രം ധിജാഗ്രം ത്രോടയ ത്രോടയ ദീപ്തം കുരു കുരു സ്വാഹാ ॥ 12 ॥ പാം പീം പൂം പാർവതീ പൂർണാ ഖാം ഖീം ഖൂം ഖേചരീ തഥാ । സാം സീം സൂം സപ്തശതീ ദേവ്യാ മന്ത്രസിദ്ധിം കുരുഷ്വ മേ ॥ 13 ॥ കുഞ്ജികായൈ നമോ നമഃ । ഇദം തു കുഞ്ജികാസ്തോത്രം മന്ത്രജാഗർതിഹേതവേ । അഭക്തേ നൈവ ദാതവ്യം ഗോപിതം രക്ഷ പാർവതി ॥ 14 ॥ യസ്തു കുഞ്ജികയാ ദേവി ഹീനാം സപ്തശതീം പഠേത് । ന തസ്യ ജായതേ സിദ്ധിരരണ്യേ രോദനം യഥാ ॥ 15 ॥ ഇതി ശ്രീരുദ്രയാമലേ ഗൗരീതന്ത്രേ ശിവപാർവതീസംവാദേ കുഞ്ജികാസ്തോത്രം സമ്പൂർണം ।