हैंహైHaindavamஹிહિં
📍
Font Size:
ஶ்யாமலா கவசம்
ஶ்ரீ தே³வ்யுவாச ।
ஸாது⁴ஸாது⁴ மஹாதே³வ கத²யஸ்வ மஹேஶ்வர ।
யேன ஸம்பத்³விதா⁴னேன ஸாத⁴கானாம்ʼ ஜயப்ரத³ம் ॥ 1 ॥
வினா ஜபம்ʼ வினா ஹோமம்ʼ வினா மந்த்ரம்ʼ வினா நுதிம் ।
யஸ்ய ஸ்மரணமாத்ரேண ஸாத⁴கோ த⁴ரணீபதி꞉ ॥ 2 ॥
ஶ்ரீ பை⁴ரவ உவாச ।
ஶ்ருʼணு தே³வி ப்ரவக்ஷ்யாமி மாதங்கீ³கவசம்ʼ பரம் ।
கோ³பனீயம்ʼ ப்ரயத்னேன மௌனேன ஜபமாசரேத் ॥ 3 ॥
மாதங்கீ³கவசம்ʼ தி³வ்யம்ʼ ஸர்வரக்ஷாகரம்ʼ ந்ருʼணாம் ।
கவித்வம்ʼ ச மஹத்வம்ʼ ச க³ஜாவாஜிஸுதாத³ய꞉ ॥ 4 ॥
ஶுப⁴த³ம்ʼ ஸுக²த³ம்ʼ நித்யமணிமாதி³ப்ரதா³யகம் ।
ப்³ரஹ்மவிஷ்ணுமஹேஶானாம்ʼ தேஷாமாத்³யா மஹேஶ்வரீ ॥ 5 ॥
ஶ்லோகார்த⁴ம்ʼ ஶ்லோகமேகம்ʼ வா யஸ்து ஸம்யக்படே²ன்னர꞉ ।
தஸ்ய ஹஸ்தே ஸதை³வாஸ்தே ராஜ்யலக்ஷ்மீர்ன ஸம்ʼஶய꞉ ॥ 6 ॥
ஸாத⁴க꞉ ஶ்யாமலாம்ʼ த்⁴யாயன் கமலாஸனஸம்ʼஸ்தி²த꞉ ।
யோனிமுத்³ராம்ʼ கரே ப³த்⁴வா ஶக்தித்⁴யானபராயண꞉ ॥ 7 ॥
கவசம்ʼ து படே²த்³யஸ்து தஸ்ய ஸ்யு꞉ ஸர்வஸம்பத³꞉ ।
புத்ரபௌத்ராதி³ஸம்பத்திரந்தே முக்திஶ்ச ஶாஶ்வதீ ॥ 8 ॥
ப்³ரஹ்மரந்த்⁴ரம்ʼ ஸதா³ பாயாச்ச்²யாமலா மந்த்ரநாயிகா ।
லலாடம்ʼ ரக்ஷதாம்ʼ நித்யம்ʼ கத³ம்பே³ஶீ ஸதா³ மம ॥ 9 ॥
ப்⁴ருவௌ பாயச்ச ஸுமுகீ² அவ்யாந்நேத்ரே ச வைணிகீ ।
வீணாவதீ நாஸிகாம்ʼ ச முக²ம்ʼ ரக்ஷது மந்த்ரிணீ ॥ 10 ॥
ஸங்கீ³தயோகி³னீ த³ந்தான் அவ்யாதோ³ஷ்டௌ² ஶுகப்ரியா ।
சுபு³கம்ʼ பாது மே ஶ்யாமா ஜிஹ்வாம்ʼ பாயான்மஹேஶ்வரீ ॥ 11 ॥
கர்ணௌ தே³வீ ஸ்தனௌ காலீ பாது காத்யாயனீ முக²ம் ।
நீபப்ரியா ஸதா³ ரக்ஷேது³த³ரம்ʼ மம ஸர்வதா³ ॥ 12 ॥
ப்ரியங்கரீ ப்ரியவ்யாபீ நாபி⁴ம்ʼ ரக்ஷது முத்³ரிணீ ।
ஸ்கந்தௌ⁴ ரக்ஷது ஶர்வாணீ பு⁴ஜௌ மே பாது மோஹினீ ॥ 13 ॥
கடிம்ʼ பாது ப்ரதா⁴னேஶீ பாது பாதௌ³ ச புஷ்பிணீ ।
ஆபாத³மஸ்தகம்ʼ ஶ்யாமா பூர்வே ரக்ஷது புஷ்டிதா³ ॥ 14 ॥
உத்தரே த்ரிபுரா ரக்ஷேத்³வித்³யா ரக்ஷது பஶ்சிமே ।
விஜயா த³க்ஷிணே பாது மேதா⁴ ரக்ஷது சானலே ॥ 15 ॥
ப்ராஜ்ஞா ரக்ஷது நைர்ருʼத்யாம்ʼ வாயவ்யாம்ʼ ஶுப⁴லக்ஷணா ।
ஈஶான்யாம்ʼ ரக்ஷதாத்³தே³வீ மாதங்கீ³ ஶுப⁴காரிணீ ॥ 16 ॥
ஊர்த்⁴வம்ʼ பாது ஸதா³ தே³வீ தே³வானாம்ʼ ஹிதகாரிணீ ।
பாதலே பாது மாம்ʼ நித்யா வாஸுகீ விஶ்வரூபிணீ ॥ 17 ॥
அகாராதி³க்ஷகாராந்தமாத்ருʼகாரூபதா⁴ரிணீ ।
ஆபாத³மஸ்தகம்ʼ பாயாத³ஷ்டமாத்ருʼஸ்வரூபிணீ ॥ 18 ॥
அவர்க³ஸம்ப⁴வா ப்³ராஹ்மீ முக²ம்ʼ ரக்ஷது ஸர்வதா³ ।
கவர்க³ஸ்தா² து மாஹேஶீ பாது த³க்ஷபு⁴ஜம்ʼ ததா² ॥ 19 ॥
சவர்க³ஸ்தா² து கௌமாரீ பாயான்மே வாமகம்ʼ பு⁴ஜம் ।
த³க்ஷபாத³ம்ʼ ஸமாஶ்ரித்ய டவர்க³ம்ʼ பாது வைஷ்ணவீ ॥ 20 ॥
தவர்க³ஜன்மா வாராஹீ பாயான்மே வாமபாத³கம் ।
ததா² பவர்க³ஜேந்த்³ராணீ பார்ஶ்வாதீ³ன் பாது ஸர்வதா³ ॥ 21 ॥
யவர்க³ஸ்தா² து சாமுண்டா³ ஹ்ருʼத்³தோ³ர்மூலே ச மே ததா² ।
ஹ்ருʼதா³தி³பாணிபாதா³ந்தஜட²ரானனஸஞ்ஜ்ஞிகம் ॥ 22 ॥
சண்டி³கா ச ஶவர்க³ஸ்தா² ரக்ஷதாம்ʼ மம ஸர்வதா³ ।
விஶுத்³த⁴ம்ʼ கண்ட²மூலம்ʼ து ரக்ஷதாத்ஷோட³ஶஸ்வரா꞉ ॥ 23 ॥
ககாராதி³ ட²காராந்த த்³வாத³ஶார்ணம்ʼ ஹ்ருʼத³ம்பு³ஜம் ।
மணிபூரம்ʼ டா³தி⁴பா²ந்த த³ஶவர்ணஸ்வரூபிணீ ॥ 24 ॥
ஸ்வாதி⁴ஷ்டா²னம்ʼ து ஷட்பத்ரம்ʼ பா³தி³லாந்தஸ்வரூபிணீ ।
வாதி³ஸாந்தஸ்வரூபா(அ)வ்யான்மூலாதா⁴ரம்ʼ சதுர்த³லம் ॥ 25 ॥
ஹங்க்ஷார்ணமாஜ்ஞா த்³வித³லம்ʼ ப்⁴ருவோர்மத்⁴யம்ʼ ஸதா³வது ।
அகாராதி³க்ஷகாராந்தமாத்ருʼகாபீ³ஜரூபிணி ॥ 26 ॥
மாதங்கீ³ மாம்ʼ ஸதா³ ரக்ஷேதா³பாத³தலமஸ்தகம் ।
இமம்ʼ மந்த்ரம்ʼ ஸமுத்³தா⁴ர்ய தா⁴ரயேத்³வாமகே பு⁴ஜே ॥ 27 ॥
கண்டே² வா தா⁴ரயேத்³யஸ்து ஸ வை தே³வோ மஹேஶ்வர꞉ ।
தம்ʼ த்³ருʼஷ்ட்வா தே³வதா꞉ ஸர்வா꞉ ப்ரணமந்தி ஸுதூ³ரத꞉ ॥ 28 ॥
தஸ்ய தேஜ꞉ ப்ரபா⁴வேன ஸம்யக்³க³ந்தும்ʼ ந ஶக்யதே ।
இந்த்³ராதீ³னாம்ʼ லபே⁴த்ஸத்யம்ʼ பூ⁴பதிர்வஶகோ³ ப⁴வேத் ॥ 29 ॥
வாக்ஸித்³தி⁴ர்ஜாயதே தஸ்ய அணிமாத்³யஷ்டஸித்³த⁴ய꞉ ।
அஜ்ஞாத்வா கவசம்ʼ தே³வ்யா꞉ ஶ்யாமலாம்ʼ யோ ஜபேன்னர꞉ ॥ 30 ॥
தஸ்யாவஶ்யம்ʼ து ஸா தே³வீ யோகி³னீ ப⁴க்ஷயேத்தனும் ।
இஹ லோகே ஸதா³ து³꞉க²ம்ʼ அதோ து³꞉கீ² ப⁴விஷ்யதி ॥ 31 ॥
ஜன்மகோடி ஸதா³ மூகோ மந்த்ரஸித்³தி⁴ர்ன வித்³யதே ।
கு³ருபாதௌ³ நமஸ்க்ருʼத்ய யதா²மந்த்ரம்ʼ ப⁴வேத்ஸுதீ⁴꞉ ॥ 32 ॥
ததா² து கவசம்ʼ தே³வ்யா꞉ ஸப²லம்ʼ கு³ருஸேவயா ।
இஹ லோகே ந்ருʼபோ பூ⁴த்வா படே²ன்முக்தோ ப⁴விஷ்யதி ॥ 33 ॥
போ³த⁴யேத்பரஶிஷ்யாய து³ர்ஜனாய ஸுரேஶ்வரி ।
நிந்த³காய குஶீலாய ஶக்திஹிம்ʼஸாபராய ச ॥ 34 ॥
யோ த³தா³தி ந ஸித்⁴யேத மாதங்கீ³கவசம்ʼ ஶுப⁴ம் ।
ந தே³யம்ʼ ஸர்வதா³ ப⁴த்³ரே ப்ராணை꞉ கண்ட²க³தைரபி ॥ 35 ॥
கோ³ப்யாத்³கோ³ப்யதரம்ʼ கோ³ப்யம்ʼ கு³ஹ்யாத்³கு³ஹ்யதமம்ʼ மஹத் ।
த³த்³யாத்³கு³ரு꞉ ஸுஶிஷ்யாய கு³ருப⁴க்திபராய ச ।
ஶிவே நஷ்டே கு³ருஸ்த்ராதா கு³ரௌ நஷ்டே ந கஶ்சன ॥ 36 ॥
இதி ஶ்ரீ ஶக்திதந்த்ரமஹார்ணவே ஶ்ரீ ஶ்யாமலா கவசம் ।
Recite with devotion and pure heart
Regular practice brings spiritual benefits