हैंహైHaindavamஹிહિં
📍
Font Size:
മാതംഗീ ഹൃദയം
ഏകദാ കൗതുകാവിഷ്ടാ ഭൈരവം ഭൂതസേവിതം ।
ഭൈരവീ പരിപപ്രച്ഛ സർവഭൂതഹിതേ രതാ ॥ 1 ॥
ശ്രീഭൈരവ്യുവാച ।
ഭഗവൻ സർവധർമജ്ഞ ഭൂതവാത്സല്യഭാവന ।
അഹം തു വേത്തുമിച്ഛാമി സർവഭൂതോപകാരം ॥ 2 ॥
കേന മന്ത്രേണ ജപ്തേന സ്തോത്രേണ പഠിതേന ച ।
സർവഥാ ശ്രേയസാം പ്രാപ്തിർഭൂതാനാം ഭൂതിമിച്ഛതാം ॥ 3 ॥
ശ്രീഭൈരവ ഉവാച ।
ശൃണു ദേവി തവ സ്നേഹാത്പ്രായോ ഗോപ്യമപി പ്രിയേ ।
കഥയിഷ്യാമി തത്സർവം സുഖസമ്പത്കരം ശുഭം ॥ 4 ॥
പഠതാം ശൃണ്വതാം നിത്യം സർവസമ്പത്തിദായകം ।
വിദ്യൈശ്വര്യസുഖാവാപ്തി മംഗലപ്രദമുത്തമം ॥ 5 ॥
മാതംഗ്യാ ഹൃദയം സ്തോത്രം ദുഃഖദാരിദ്ര്യഭഞ്ജനം ।
മംഗലം മംഗലാനാം ച ഹ്യസ്തി സർവസുഖപ്രദം ॥ 6 ॥
അസ്യ ശ്രീമാതംഗീ ഹൃദയസ്തോത്ര മന്ത്രസ്യ ദക്ഷിണാമൂർതിരൃഷിഃ വിരാട് ഛന്ദഃ മാതംഗീ ദേവതാ ഹ്രീം ബീജം ഹൂം ശക്തിഃ ക്ലീം കീലകം സർവവാഞ്ഛിതാർഥസിദ്ധ്യർഥേ പാഠേ വിനിയോഗഃ ॥
ഋഷ്യാദിന്യാസഃ –
ഓം ദക്ഷിണാമൂർതിരൃഷയേ നമഃ ശിരസി । വിരാട്ഛന്ദസേ നമോ മുഖേ । മാതംഗീദേവതായൈ നമഃ ഹൃദി । ഹ്രീം ബീജായ നമഃ ഗുഹ്യേ । ഹൂം ശക്തയേ നമഃ പാദയോഃ । ക്ലീം കീലകായ നമോ നാഭൗ । വിനിയോഗായ നമഃ സർവാംഗേ ॥
കരന്യാസഃ –
ഓം ഹ്രീം അംഗുഷ്ഠാഭ്യാം നമഃ । ഓം ക്ലീം തർജനീഭ്യാം നമഃ । ഓം ഹൂം മധ്യമാഭ്യാം നമഃ । ഓം ഹ്രീം അനാമികാഭ്യാം നമഃ । ഓം ക്ലീം കനിഷ്ഠികാഭ്യാം നമഃ । ഓം ഹൂം കരതലകരപൃഷ്ഠാഭ്യാം നമഃ ।
അംഗന്യാസഃ –
ഓം ഹ്രീം ഹൃദയായ നമഃ । ഓം ക്ലീം ശിരസേ സ്വാഹാ । ഓം ഹൂം ശിഖായൈ വഷട് । ഓം ഹ്രീം നേത്രത്രയായ വൗഷട് । ഓം ക്ലീം കവചായ ഹും । ഓം ഹൂം അസ്ത്രായ ഫട് ।
ധ്യാനം ।
ശ്യാമാം ശുഭ്രാംശുഭാലാം ത്രികമലനയനാം രത്നസിംഹാസനസ്ഥാം
ഭക്താഭീഷ്ടപ്രദാത്രീം സുരനികരകരാസേവ്യകഞ്ജാംഘ്രിയുഗ്മാം ।
നീലാംഭോജാംശുകാന്തിം നിശിചരനികരാരണ്യദാവാഗ്നിരൂപാം
മാതംഗീമാവഹന്തീമഭിമതഫലദാം മോദിനീം ചിന്തയാമി ॥ 7 ॥
നമസ്തേ മാതംഗ്യൈ മൃദുമുദിതതന്വൈ തനുമതാം
പരശ്രേയോദായൈ കമലചരണധ്യാനമനസാം ।
സദാ സംസേവ്യായൈ സദസി വിബുധൈർദിവ്യധിഷണൈ-
-ര്ദയാർദ്രായൈ ദേവ്യൈ ദുരിതദലനോദ്ദണ്ഡമനസേ ॥ 8 ॥
പരം മാതസ്തേ യോ ജപതി മനുമവ്യഗ്രഹൃദയഃ
കവിത്വം കല്പാനാം കലയതി സുകല്പഃ പ്രതിപദം ।
അപി പ്രായോ രമ്യാഽമൃതമയപദാ തസ്യ ലലിതാ
നടീം മന്യാ വാണീ നടതി രസനായാം ച ഫലിതാ ॥ 9 ॥
തവ ധ്യായന്തോ യേ വപുരനുജപന്തി പ്രവലിതം
സദാ മന്ത്രം മാതർനഹി ഭവതി തേഷാം പരിഭവഃ ।
കദംബാനാം മാലാഃ ശിരസി യുഞ്ജന്തി സദയേ
ഭവന്തി പ്രായസ്തേ യുവതിജനയൂഥസ്വവശഗാഃ ॥ 10 ॥
സരോജൈഃ സാഹസ്രൈഃ സരസിജപദദ്വന്ദ്വമപി യേ
സഹസ്രം നാമോക്ത്വാ തദപി തവ ങേന്തം മനുമിതം ।
പൃഥങ്നാമ്നാ തേനായുതകലിതമർചന്തി ഖലു തേ
സദാ ദേവവ്രാതപ്രണമിതപദാംഭോജയുഗലാഃ ॥ 11 ॥
തവ പ്രീത്യൈ മാതർദദതി ബലിമാധായ ബലിനാ
സമത്സ്യം മാംസം വാ സുരുചിരസിതം രാജരുചിതം ।
സുപുണ്യാ യേ സ്വാന്തസ്തവ ചരണമോദൈകരസികാ
അഹോ ഭാഗ്യം തേഷാം ത്രിഭുവനമലം വശ്യമഖിലം ॥ 12 ॥
ലസല്ലോലശ്രോത്രാഭരണകിരണക്രാന്തികലിതം
[ മിതസ്മിത്യാപന്നപ്രതിഭിതമമന്നം വികരിതം ]
മിതസ്മേരജ്യോത്സ്നാപ്രതിഫലിതഭാഭിർവികരിതം ।
മുഖാംഭോജം മാതസ്തവ പരിലുഠദ്ഭ്രൂമധുകരം
രമാ യേ ധ്യായന്തി ത്യജതി ന ഹി തേഷാം സുഭവനം ॥ 13 ॥
പരഃ ശ്രീമാതംഗ്യാ ജപതി ഹൃദയാഖ്യഃ സുമനസാ-
-മയം സേവ്യഃ സദ്യോഽഭിമതഫലദശ്ചാതിലലിതഃ ।
നരാ യേ ശൃണ്വന്തി സ്തവമപി പഠന്തീമമനിശം
ന തേഷാം ദുഷ്പ്രാപ്യം ജഗതി യദലഭ്യം ദിവിഷദാം ॥ 14 ॥
ധനാർഥീ ധനമാപ്നോതി ദാരാർഥീ സുന്ദരീം പ്രിയാം ।
സുതാർഥീ ലഭതേ പുത്രം സ്തവസ്യാസ്യ പ്രകീർതനാത് ॥ 15 ॥
വിദ്യാർഥീ ലഭതേ വിദ്യാം വിവിധാം വിഭവപ്രദാം ।
ജയാർഥീ പഠനാദസ്യ ജയം പ്രാപ്നോതി നിശ്ചിതം ॥ 16 ॥
നഷ്ടരാജ്യോ ലഭേദ്രാജ്യം സർവസമ്പത്സമാശ്രിതം ।
കുബേരസമസമ്പത്തിഃ സ ഭവേദ്ധൃദയം പഠൻ ॥ 17 ॥
കിമത്ര ബഹുനോക്തേന യദ്യദിച്ഛതി മാനവഃ ।
മാതംഗീഹൃദയസ്തോത്രപാഠാത്തത്സർവമാപ്നുയാത് ॥ 18 ॥
ഇതി ശ്രീ ദക്ഷിണാമൂർതിസംഹിതായാം ശ്രീ മാതംഗീ ഹൃദയ സ്തോത്രം ।
Recite with devotion and pure heart
Regular practice brings spiritual benefits