ப⁴க³வதி தவ தீரே நீரமாத்ராஶனோ(அ)ஹம் விக³தவிஷயத்ருʼஷ்ண꞉ க்ருʼஷ்ணமாராத⁴யாமி । ஸகல கலுஷப⁴ங்கே³ ஸ்வர்க³ஸோபானஸங்கே³ தரலதரதரங்கே³ தே³வி க³ங்கே³ ப்ரஸீத³ ॥ 1 ॥ ப⁴க³வதி ப⁴வலீலா மௌலிமாலே தவாம்ப⁴꞉ கணமணுபரிமாணம்ʼ ப்ராணினோ யே ஸ்ப்ருʼஶந்தி । அமரநக³ரநாரீ சாமர க்³ராஹிணீனாம்ʼ விக³த கலிகலங்காதங்கமங்கே லுட²ந்தி ॥ 2 ॥ ப்³ரஹ்மாண்ட³ம்ʼ க²ண்ட³யந்தீ ஹரஶிரஸி ஜடாவல்லிமுல்லாஸயந்தீ ஸ்வர்லோகாதா³பதந்தீ கனககி³ரிகு³ஹாக³ண்ட³ஶைலாத் ஸ்க²லந்தீ । க்ஷோணீப்ருʼஷ்டே² லுட²ந்தீ து³ரிதசயசமூர்நிர்ப⁴ரம்ʼ ப⁴ர்த்ஸயந்தீ பாதோ²தி⁴ம்ʼ பூரயந்தீ ஸுரநக³ரஸரித்பாவனீ ந꞉ புனாது ॥ 3 ॥ மஜ்ஜன்மாதங்க³ கும்ப⁴ச்யுத மத³மதி³ராமோத³மத்தாலிஜாலம்ʼ ஸ்னானை꞉ ஸித்³தா⁴ங்க³னானாம்ʼ குசயுக³ விலஸத்குங்குமாஸங்க³பிங்க³ம் । ஸாயம்ʼ ப்ராதர்முனீனாம்ʼ குஶகுஸுமசயைஶ்சி²ன்னதீரஸ்த²நீரம்ʼ பாயான்னோ கா³ங்க³மம்ப⁴꞉ கரிகலப⁴ கராக்ராந்த ரங்க³ஸ்தரங்க³ம் ॥ 4 ॥ ஆதா³வாதி³ பிதாமஹஸ்ய நியம வ்யாபார பாத்ரே ஜலம்ʼ பஶ்சாத்பன்னக³ஶாயினோ ப⁴க³வத꞉ பாதோ³த³கம்ʼ பாவனம் । பூ⁴ய꞉ ஶம்பு⁴ஜடாவிபூ⁴ஷண மணிர்ஜஹ்னோர்மஹர்ஷேரியம்ʼ கன்யா கல்மஷநாஶினீ ப⁴க³வதீ பா⁴கீ³ரதீ² த்³ருʼஶ்யதே ॥ 5 ॥ ஶைலேந்த்³ராத³வதாரிணீ நிஜஜலே மஜ்ஜஜ்ஜனோத்தாரிணீ பாராவாரவிஹாரிணீ ப⁴வப⁴யஶ்ரேணீ ஸமுத்ஸாரிணீ । ஶேஷாங்கை³ரனுகாரிணீ ஹரஶிரோவல்லீத³லாகாரிணீ காஶீப்ராந்தவிஹாரிணீ விஜயதே க³ங்கா³ மனோஹாரிணீ ॥ 6 ॥ குதோ வீசிர்வீசிஸ்தவ யதி³ க³தா லோசனபத²ம்ʼ த்வமாபீதா பீதாம்ப³ரபுரவாஸம்ʼ விதரஸி । த்வது³த்ஸங்கே³ க³ங்கே³ பததி யதி³ காயஸ்தனுப்⁴ருʼதாம்ʼ ததா³ மாத꞉ ஶாந்தக்ரதவபத³லாபோ⁴(அ)ப்யதிலகு⁴꞉ ॥ 7 ॥ க³ங்கே³ த்ரைலோக்யஸாரே ஸகலஸுரவதூ⁴தௌ⁴தவிஸ்தீர்ணதோயே பூர்ணப்³ரஹ்மஸ்வரூபே ஹரிசரணரஜோஹாரிணி ஸ்வர்க³மார்கே³ । ப்ராயஶ்சிதம்ʼ யதி³ ஸ்யாத்தவ ஜலகணிகா ப்³ரஹ்மஹத்யாதி³ பாபே கஸ்த்வாம்ʼ ஸ்தோதும்ʼ ஸமர்த²꞉ த்ரிஜக³த³க⁴ஹரே தே³வி க³ங்கே³ ப்ரஸீத³ ॥ 8 ॥ மாதர்ஜாஹ்னவீ ஶம்பு⁴ஸங்க³மிலிதே மௌலௌ நிதா⁴யாஞ்ஜலிம்ʼ த்வத்தீரே வபுஷோ(அ)வஸானஸமயே நாராயணாங்க்⁴ரித்³வயம் । ஸானந்த³ம்ʼ ஸ்மரதோ ப⁴விஷ்யதி மம ப்ராணப்ரயாணோத்ஸவே பூ⁴யாத்³ப⁴க்திரவிச்யுதா ஹரிஹராத்³வைதாத்மிகா ஶாஶ்வதீ ॥ 9 ॥ க³ங்கா³ஷ்டகமித³ம்ʼ புண்யம்ʼ ய꞉ படே²த்ப்ரயதோ நர꞉ । ஸர்வபாபவிநிர்முக்தோ விஷ்ணுலோகம்ʼ ஸ க³ச்ச²தி ॥ 10 ॥