(കാലിദാസ കൃതം) ചേടീ ഭവന്നിഖില ഖേടീ കദംബവന വാടീഷു നാകി പടലീ കോടീര ചാരുതര കോടീ മണീകിരണ കോടീ കരംബിത പദാ । പാടീരഗന്ധി കുചശാടീ കവിത്വ പരിപാടീമഗാധിപ സുതാ ഘോടീഖുരാദധിക ധാടീമുദാര മുഖ വീടീരസേന തനുതാം ॥ 1 ॥ ശാ ॥ ദ്വൈപായന പ്രഭൃതി ശാപായുധ ത്രിദിവ സോപാന ധൂലി ചരണാ പാപാപഹ സ്വമനു ജാപാനുലീന ജന താപാപനോദ നിപുണാ । നീപാലയാ സുരഭി ധൂപാലകാ ദുരിതകൂപാദുദൻചയതുമാം രൂപാധികാ ശിഖരി ഭൂപാല വംശമണി ദീപായിതാ ഭഗവതീ ॥ 2 ॥ ശാ ॥ യാലീഭി രാത്മതനുതാലീനകൃത്പ്രിയക പാലീഷു ഖേലതി ഭവാ വ്യാലീ നകുല്യസിത ചൂലീ ഭരാ ചരണ ധൂലീ ലസന്മണിഗണാ । യാലീ ഭൃതി ശ്രവസി താലീ ദലം വഹതി യാലീക ശോഭി തിലകാ സാലീ കരോതു മമ കാലീ മനഃ സ്വപദ നാലീക സേവന വിധൗ ॥ 3 ॥ ശാ ॥ ബാലാമൃതാംശു നിഭ ഫാലാമനാ ഗരുണ ചേലാ നിതംബ ഫലകേ കോലാഹല ക്ഷപിത കാലാമരാകുശല കീലാല ശോഷണ രവിഃ । സ്ഥൂലാകുചേ ജലദ നീലാകചേ കലിത വീലാ കദംബ വിപിനേ ശൂലായുധ പ്രണതി ശീലാ ദധാതു ഹൃദി ശൈലാധി രാജ തനയാ ॥ 4 ॥ ശാ ॥ കംബാവതീവ സവിഡംബാ ഗലേന നവ തുംബാഭ വീണ സവിധാ ബിംബാധരാ വിനത ശംബായുധാദി നികുരുംബാ കദംബ വിപിനേ । അംബാ കുരംഗ മദജംബാല രോചി രിഹ ലംബാലകാ ദിശതു മേ ശം ബാഹുലേയ ശശി ബിംബാഭി രാമ മുഖ സംബാധിതാ സ്തന ഭരാ ॥ 5 ॥ ശാ ॥ ദാസായമാന സുമഹാസാ കദംബവന വാസാ കുസുംഭ സുമനോ വാസാ വിപഞ്ചി കൃത രാസാ വിധൂത മധു മാസാരവിന്ദ മധുരാ । കാസാര സൂന തതി ഭാസാഭിരാമ തനു രാസാര ശീത കരുണാ നാസാ മണി പ്രവര ഭാസാ ശിവാ തിമിര മാസായേ ദുപരതിം ॥ 6 ॥ ശാ ॥ ന്യങ്കാകരേ വപുഷി കങ്കാല രക്ത പുഷി കങ്കാദി പക്ഷി വിഷയേ ത്വം കാമനാ മയസി കിം കാരണം ഹൃദയ പങ്കാരി മേ ഹി ഗിരിജാം । ശങ്കാശിലാ നിശിത ടങ്കായമാന പദ സങ്കാശമാന സുമനോ ഝങ്കാരി ഭൃംഗതതി മങ്കാനുപേത ശശി സങ്കാശ വക്ത്ര കമലാം ॥ 7 ॥ ശാ ॥ ജംഭാരി കുംഭി പൃഥു കുംഭാപഹാസി കുച സംഭാവ്യ ഹാര ലതികാ രംഭാ കരീന്ദ്ര കര ദംഭാപഹോരുഗതി ഡിംഭാനുരഞ്ജിത പദാ । ശംഭാ ഉദാര പരിരംഭാങ്കുരത് പുലക ദംഭാനുരാഗ പിശുനാ ശം ഭാസുരാഭരണ ഗുംഭാ സദാ ദിശതു ശുംഭാസുര പ്രഹരണാ ॥ 8 ॥ ശാ ॥ ദാക്ഷായണീ ദനുജ ശിക്ഷാ വിധൗ വികൃത ദീക്ഷാ മനോഹര ഗുണാ ഭിക്ഷാശിനോ നടന വീക്ഷാ വിനോദ മുഖി ദക്ഷാധ്വര പ്രഹരണാ । വീക്ഷാം വിധേഹി മയി ദക്ഷാ സ്വകീയ ജന പക്ഷാ വിപക്ഷ വിമുഖീ യക്ഷേശ സേവിത നിരാക്ഷേപ ശക്തി ജയ ലക്ഷാവധാന കലനാ ॥ 9 ॥ ശാ ॥ വന്ദാരു ലോക വര സന്ധായിനീ വിമല കുന്ദാവദാത രദനാ ബൃന്ദാരു ബൃന്ദ മണി ബൃന്ദാരവിന്ദ മകരന്ദാഭിഷിക്ത ചരണാ । മന്ദാനിലാ കലിത മന്ദാര ദാമഭിരമന്ദാഭിരാമ മകുടാ മന്ദാകിനീ ജവന ഭിന്ദാന വാചമരവിന്ദാനനാ ദിശതു മേ ॥ 10 ॥ ശാ ॥ യത്രാശയോ ലഗതി തത്രാഗജാ ഭവതു കുത്രാപി നിസ്തുല ശുകാ സുത്രാമ കാല മുഖ സത്രാസകപ്രകര സുത്രാണ കാരി ചരണാ । ഛത്രാനിലാതിരയ പത്ത്രാഭിഭിരാമ ഗുണ മിത്രാമരീ സമ വധൂഃ കു ത്രാസഹീന മണി ചിത്രാകൃതി സ്ഫുരിത പുത്രാദി ദാന നിപുണാ ॥ 11 ॥ ശാ ॥ കൂലാതിഗാമി ഭയ തൂലാവലിജ്വലനകീലാ നിജസ്തുതി വിധാ കോലാഹലക്ഷപിത കാലാമരീ കുശല കീലാല പോഷണ രതാ । സ്ഥൂലാകുചേ ജലദ നീലാകചേ കലിത ലീലാ കദംബ വിപിനേ ശൂലായുധ പ്രണതി ശീലാ വിഭാതു ഹൃദി ശൈലാധിരാജ തനയാ ॥ 12 ॥ ശാ ॥ ഇന്ധാന കീര മണിബന്ധാ ഭവേ ഹൃദയബന്ധാ വതീവ രസികാ സന്ധാവതീ ഭുവന സന്ധാരണേ പ്യമൃത സിന്ധാവുദാര നിലയാ । ഗന്ധാനുഭാവ മുഹുരന്ധാലി പീത കച ബന്ധാ സമർപയതു മേ ശം ധാമ ഭാനുമപി രുന്ധാന മാശു പദ സന്ധാന മപ്യനുഗതാ ॥ 13 ॥ ശാ ॥