हैंహైHaindavamஹிહિં
📍
Font Size:
சி²ந்நமஸ்தா ஸ்தோத்ரம்
ஈஶ்வர உவாச ।
ஸ்தவராஜமஹம்ʼ வந்தே³ வை ரோசன்யாஶ்ஶுப⁴ப்ரத³ம்ʼ ।
நாபௌ⁴ ஶுப்⁴ராரவிந்த³ம்ʼ தது³பரி விலஸன்மண்ட³லம்ʼ சண்ட³ரஶ்மே꞉
ஸம்ʼஸாரஸ்யைகஸாராம்ʼ த்ரிபு⁴வனஜனனீம்ʼ த⁴ர்மகாமார்த²தா³த்ரீம்ʼ ।
தஸ்மின்னத்⁴யே த்ரிபா⁴கே³ த்ரிதயதனுத⁴ராம்ʼ சி²ந்நமஸ்தாம்ʼ ப்ரஶஸ்தாம்ʼ
தாம்ʼ வந்தே³ சி²ந்நமஸ்தாம்ʼ ஶமனப⁴யஹராம்ʼ யோகி³னீம்ʼ யோக³முத்³ராம் ॥ 1 ॥
நாபௌ⁴ ஶுத்³த⁴ஸரோஜவக்த்ரவிலஸத்³ப³ந்தூ⁴கபுஷ்பாருணம்ʼ
பா⁴ஸ்வத்³பா⁴ஸ்கரமண்ட³லம்ʼ தது³த³ரே தத்³யோனிசக்ரம்ʼ மஹத் ।
தன்மத்⁴யே விபரீதமைது²னரத ப்ரத்³யும்னஸத்காமினீ
ப்ருʼஷ்ட²ம்ʼஸ்யாத்தருணார்ய கோடிவிலஸத்தேஜஸ்ஸ்வரூபாம்ʼ ப⁴ஜே ॥ 2 ॥
வாமே சி²ன்னஶிரோத⁴ராம்ʼ ததி³தரே பாணௌ மஹத்கர்த்ருʼகாம்ʼ
ப்ரத்யாலீட⁴பதா³ம்ʼ தி³க³ந்தவஸநாமுன்முக்த கேஶவ்ரஜாம்ʼ ।
சி²ன்னாத்மீய ஶிரஸ்ஸமச்சல த³ம்ருʼத்³தா⁴ராம்ʼ பிப³ந்தீம்ʼ பராம்ʼ
பா³லாதி³த்ய ஸமப்ரகாஶ விலஸந்நேத்ரத்ரயோத்³பா⁴ஸினீம் ॥ 3 ॥
வாமாத³ன்யத்ர நாலம்ʼ ப³ஹுக³ஹனக³லத்³ரக்ததா⁴ராபி⁴ருச்சை-
ர்கா³யந்தீமஸ்தி²பூ⁴ஷாம்ʼ கரகமலலஸத்கர்த்ருʼகாமுக்³ரரூபாம்ʼ ।
ரக்தாமாரக்தகேஶீமவக³தவஸனாவர்ணனீமாத்மஶக்திம்ʼ
ப்ரத்யாலீடோ⁴ருபாதா³மருணி தநயனாம்ʼ யோகி³னீம்ʼ யோக³நித்³ராம் ॥ 4 ॥
தி³க்³வஸ்த்ராம்ʼ முக்தகேஶீம்ʼ ப்ரலயக⁴னக⁴டா கோ⁴ரரூபாம்ʼ
ப்ரசண்டா³ம்ʼ த³ம்ஷ்ட்ராது³꞉ப்ரேக்ஷ்யவக்த்ரோத³ரவிவரலஸல்லோலஜிஹ்வாக்³ரபா⁴ஸாம்ʼ ।
வித்³யுல்லோலாக்ஷியுக்³மாம்ʼ ஹ்ருʼத³யதடலஸத்³போ⁴கி³னீம்ʼ பீ⁴மமூர்திம்ʼ
ஸத்³ய꞉ சி²ன்னாத்மகண்ட²ப்ரக³லிதருதி⁴ரைர்டா³கினீ வர்த⁴யந்தீம் ॥ 5 ॥
ப்³ரஹ்மேஶானாச்யுதாத்³யைஶ்ஶிரஸி விநிஹிதா மந்த³பாதா³ரவிந்தை³
ராஜ்ஞைர்யோகீ³ந்த்³ரமுக்²யை꞉ ப்ரதிபத³மநிஶம்ʼ சிந்திதாம்ʼ சிந்த்யரூபாம்ʼ ।
ஸம்ʼஸாரே ஸாரபூ⁴தாம்ʼ த்ரிபு⁴வனஜனனீம்ʼ சி²ந்நமஸ்தாம்ʼ ப்ரஶஸ்தாம்ʼ
இஷ்டாம்ʼ தாமிஷ்டதா³த்ரீம்ʼ கலிகலுஷஹராம்ʼ சேதஸா சிந்தயாமி ॥ 6 ॥
உத்பத்தி ஸ்தி²திஸம்ʼஹ்ருʼதீர்க⁴டயிதும்ʼ த⁴த்தே த்ரிரூபாம்ʼ தனும்ʼ
த்ரைகு³ண்யாஜ்ஜக³தோயதீ³யவிக்ருʼதி ப்³ரஹ்மாச்யுதஶ்ஶூலப்⁴ருʼத் ।
தாமாத்³யாம்ʼ ப்ரக்ருʼதிம்ʼ ஸ்மராமி மனஸா ஸர்வார்த²ஸம்ʼஸித்³த⁴யே
யஸ்மாத்ம்ஸேரபதா³ரவிந்த³யுக³லே லாப⁴ம்ʼ ப⁴ஜந்தே நரா꞉ ॥ 7 ॥
அபி⁴லஷித பரஸ்த்ரீ யோக³பூஜாபரோ(அ)ஹம்ʼ
ப³ஹுவித⁴ஜன பா⁴வாரம்ப⁴ஸம்பா⁴விதோ(அ)ஹம்ʼ ।
பஶுஜனவிரதோ(அ)ஹம்ʼ பை⁴ரவீ ஸம்ʼஸ்தி²தோ(அ)ஹம்ʼ
கு³ருசரணபரோ(அ)ஹம்ʼ பை⁴ரவோஹம்ʼ ஶிவோ(அ)ஹம் ॥ 8 ॥
இத³ம்ʼ ஸ்தோத்ரம்ʼ மஹாபுண்யம்ʼ ப்³ரஹ்மணா பா⁴ஷிதம்ʼ புரா ।
ஸர்வஸித்³தி⁴ப்ரத³ம்ʼ ஸாக்ஷான்மஹாபாதகநாஶனம் ॥ 9 ॥
ய꞉படே²த்ப்ராதருத்தா²ய தே³வ்யாஸ்ஸந்நிஹிதோபி வா ।
தஸ்ய ஸித்³தி⁴ர்ப⁴வேத்³தே³வீ வாஞ்சி²தார்த² ப்ரதா³யினீ ॥ 10 ॥
த⁴னம்ʼ தா⁴ன்யம்ʼ ஸுதம்ʼ ஜாயாம்ʼ ஹயம்ʼ ஹஸ்தினமேவ ச ।
வஸுந்த⁴ராம்ʼ மஹாவித்³யாமஷ்டஸித்³தி⁴ம்ʼ லபே⁴த்³த்⁴ருʼவம் ॥ 11 ॥
வையாக்⁴ராஜினரஞ்ஜிதஸ்வஜக⁴னே(அ)ரண்யே ப்ரலம்போ³த³ரே
க²ர்வே நிர்வசனீயபர்வஸுப⁴கே³ முண்டா³வலீமண்டி³தே ।
கர்தீம்ʼ குந்த³ருசிம்ʼ விசித்ரவனிதாம்ʼ ஜ்ஞானே த³தா⁴னே பதே³
மாதர்ப⁴க்தஜனானுகம்பினி மஹாமாயேஸ்து துப்⁴யம்ʼ நம꞉ ॥ 12 ॥
இதி ஶ்ரீ சி²ந்நமஸ்தா ஸ்தோத்ரம் ।
Recite with devotion and pure heart
Regular practice brings spiritual benefits