ಛಿನ್ನಮಸ್ತಾ ಸ್ತೋತ್ರಂ

ಈಶ್ವರ ಉವಾಚ ।

ಸ್ತವರಾಜಮಹಂ ವಂದೇ ವೈ ರೋಚನ್ಯಾಶ್ಶುಭಪ್ರದಂ ।

ನಾಭೌ ಶುಭ್ರಾರವಿಂದಂ ತದುಪರಿ ವಿಲಸನ್ಮಂಡಲಂ ಚಂಡರಶ್ಮೇಃ

ಸಂಸಾರಸ್ಯೈಕಸಾರಾಂ ತ್ರಿಭುವನಜನನೀಂ ಧರ್ಮಕಾಮಾರ್ಥದಾತ್ರೀಂ ।

ತಸ್ಮಿನ್ನಧ್ಯೇ ತ್ರಿಭಾಗೇ ತ್ರಿತಯತನುಧರಾಂ ಛಿನ್ನಮಸ್ತಾಂ ಪ್ರಶಸ್ತಾಂ

ತಾಂ ವಂದೇ ಛಿನ್ನಮಸ್ತಾಂ ಶಮನಭಯಹರಾಂ ಯೋಗಿನೀಂ ಯೋಗಮುದ್ರಾಂ ॥ 1 ॥

ನಾಭೌ ಶುದ್ಧಸರೋಜವಕ್ತ್ರವಿಲಸದ್ಬಂಧೂಕಪುಷ್ಪಾರುಣಂ

ಭಾಸ್ವದ್ಭಾಸ್ಕರಮಂಡಲಂ ತದುದರೇ ತದ್ಯೋನಿಚಕ್ರಂ ಮಹತ್ ।

ತನ್ಮಧ್ಯೇ ವಿಪರೀತಮೈಥುನರತ ಪ್ರದ್ಯುಮ್ನಸತ್ಕಾಮಿನೀ

ಪೃಷ್ಠಂಸ್ಯಾತ್ತರುಣಾರ್ಯ ಕೋಟಿವಿಲಸತ್ತೇಜಸ್ಸ್ವರೂಪಾಂ ಭಜೇ ॥ 2 ॥

ವಾಮೇ ಛಿನ್ನಶಿರೋಧರಾಂ ತದಿತರೇ ಪಾಣೌ ಮಹತ್ಕರ್ತೃಕಾಂ

ಪ್ರತ್ಯಾಲೀಢಪದಾಂ ದಿಗಂತವಸನಾಮುನ್ಮುಕ್ತ ಕೇಶವ್ರಜಾಂ ।

ಛಿನ್ನಾತ್ಮೀಯ ಶಿರಸ್ಸಮಚ್ಚಲ ದಮೃದ್ಧಾರಾಂ ಪಿಬಂತೀಂ ಪರಾಂ

ಬಾಲಾದಿತ್ಯ ಸಮಪ್ರಕಾಶ ವಿಲಸನ್ನೇತ್ರತ್ರಯೋದ್ಭಾಸಿನೀಂ ॥ 3 ॥

ವಾಮಾದನ್ಯತ್ರ ನಾಲಂ ಬಹುಗಹನಗಲದ್ರಕ್ತಧಾರಾಭಿರುಚ್ಚೈ-

ರ್ಗಾಯಂತೀಮಸ್ಥಿಭೂಷಾಂ ಕರಕಮಲಲಸತ್ಕರ್ತೃಕಾಮುಗ್ರರೂಪಾಂ ।

ರಕ್ತಾಮಾರಕ್ತಕೇಶೀಮವಗತವಸನಾವರ್ಣನೀಮಾತ್ಮಶಕ್ತಿಂ

ಪ್ರತ್ಯಾಲೀಢೋರುಪಾದಾಮರುಣಿ ತನಯನಾಂ ಯೋಗಿನೀಂ ಯೋಗನಿದ್ರಾಂ ॥ 4 ॥

ದಿಗ್ವಸ್ತ್ರಾಂ ಮುಕ್ತಕೇಶೀಂ ಪ್ರಲಯಘನಘಟಾ ಘೋರರೂಪಾಂ

ಪ್ರಚಂಡಾಂ ದಮ್ಷ್ಟ್ರಾದುಃಪ್ರೇಕ್ಷ್ಯವಕ್ತ್ರೋದರವಿವರಲಸಲ್ಲೋಲಜಿಹ್ವಾಗ್ರಭಾಸಾಂ ।

ವಿದ್ಯುಲ್ಲೋಲಾಕ್ಷಿಯುಗ್ಮಾಂ ಹೃದಯತಟಲಸದ್ಭೋಗಿನೀಂ ಭೀಮಮೂರ್ತಿಂ

ಸದ್ಯಃ ಛಿನ್ನಾತ್ಮಕಂಠಪ್ರಗಲಿತರುಧಿರೈರ್ಡಾಕಿನೀ ವರ್ಧಯಂತೀಂ ॥ 5 ॥

ಬ್ರಹ್ಮೇಶಾನಾಚ್ಯುತಾದ್ಯೈಶ್ಶಿರಸಿ ವಿನಿಹಿತಾ ಮಂದಪಾದಾರವಿಂದೈ

ರಾಜ್ಞೈರ್ಯೋಗೀಂದ್ರಮುಖ್ಯೈಃ ಪ್ರತಿಪದಮನಿಶಂ ಚಿಂತಿತಾಂ ಚಿಂತ್ಯರೂಪಾಂ ।

ಸಂಸಾರೇ ಸಾರಭೂತಾಂ ತ್ರಿಭುವನಜನನೀಂ ಛಿನ್ನಮಸ್ತಾಂ ಪ್ರಶಸ್ತಾಂ

ಇಷ್ಟಾಂ ತಾಮಿಷ್ಟದಾತ್ರೀಂ ಕಲಿಕಲುಷಹರಾಂ ಚೇತಸಾ ಚಿಂತಯಾಮಿ ॥ 6 ॥

ಉತ್ಪತ್ತಿ ಸ್ಥಿತಿಸಂಹೃತೀರ್ಘಟಯಿತುಂ ಧತ್ತೇ ತ್ರಿರೂಪಾಂ ತನುಂ

ತ್ರೈಗುಣ್ಯಾಜ್ಜಗತೋಯದೀಯವಿಕೃತಿ ಬ್ರಹ್ಮಾಚ್ಯುತಶ್ಶೂಲಭೃತ್ ।

ತಾಮಾದ್ಯಾಂ ಪ್ರಕೃತಿಂ ಸ್ಮರಾಮಿ ಮನಸಾ ಸರ್ವಾರ್ಥಸಂಸಿದ್ಧಯೇ

ಯಸ್ಮಾತ್ಮ್ಸೇರಪದಾರವಿಂದಯುಗಲೇ ಲಾಭಂ ಭಜಂತೇ ನರಾಃ ॥ 7 ॥

ಅಭಿಲಷಿತ ಪರಸ್ತ್ರೀ ಯೋಗಪೂಜಾಪರೋಽಹಂ

ಬಹುವಿಧಜನ ಭಾವಾರಂಭಸಂಭಾವಿತೋಽಹಂ ।

ಪಶುಜನವಿರತೋಽಹಂ ಭೈರವೀ ಸಂಸ್ಥಿತೋಽಹಂ

ಗುರುಚರಣಪರೋಽಹಂ ಭೈರವೋಹಂ ಶಿವೋಽಹಂ ॥ 8 ॥

ಇದಂ ಸ್ತೋತ್ರಂ ಮಹಾಪುಣ್ಯಂ ಬ್ರಹ್ಮಣಾ ಭಾಷಿತಂ ಪುರಾ ।

ಸರ್ವಸಿದ್ಧಿಪ್ರದಂ ಸಾಕ್ಷಾನ್ಮಹಾಪಾತಕನಾಶನಂ ॥ 9 ॥

ಯಃಪಠೇತ್ಪ್ರಾತರುತ್ಥಾಯ ದೇವ್ಯಾಸ್ಸನ್ನಿಹಿತೋಪಿ ವಾ ।

ತಸ್ಯ ಸಿದ್ಧಿರ್ಭವೇದ್ದೇವೀ ವಾಂಛಿತಾರ್ಥ ಪ್ರದಾಯಿನೀ ॥ 10 ॥

ಧನಂ ಧಾನ್ಯಂ ಸುತಂ ಜಾಯಾಂ ಹಯಂ ಹಸ್ತಿನಮೇವ ಚ ।

ವಸುಂಧರಾಂ ಮಹಾವಿದ್ಯಾಮಷ್ಟಸಿದ್ಧಿಂ ಲಭೇದ್ಧೃವಂ ॥ 11 ॥

ವೈಯಾಘ್ರಾಜಿನರಂಜಿತಸ್ವಜಘನೇಽರಣ್ಯೇ ಪ್ರಲಂಬೋದರೇ

ಖರ್ವೇ ನಿರ್ವಚನೀಯಪರ್ವಸುಭಗೇ ಮುಂಡಾವಲೀಮಂಡಿತೇ ।

ಕರ್ತೀಂ ಕುಂದರುಚಿಂ ವಿಚಿತ್ರವನಿತಾಂ ಜ್ಞಾನೇ ದಧಾನೇ ಪದೇ

ಮಾತರ್ಭಕ್ತಜನಾನುಕಂಪಿನಿ ಮಹಾಮಾಯೇಸ್ತು ತುಭ್ಯಂ ನಮಃ ॥ 12 ॥

ಇತಿ ಶ್ರೀ ಛಿನ್ನಮಸ್ತಾ ಸ್ತೋತ್ರಂ ।

Recite with devotion and pure heart

Regular practice brings spiritual benefits