हैंహైHaindavamஹிહિં
📍
Font Size:
ഛിന്നമസ്താ ഹൃദയം
ശ്രീ പാർവത്യുവാച –
ശ്രുതം പൂജാദികം സമ്യഗ്ഭവദ്വക്ത്രാബ്ജ നിസ്സൃതം ।
ഹൃദയം ഛിന്നമസ്തായാഃ ശ്രോതുമിച്ഛാമി സാമ്പ്രതം ॥ 1 ॥
ശ്രീ മഹാദേവ ഉവാച –
നാദ്യാവധി മയാ പ്രോക്തം കസ്യാപി പ്രാണവല്ലഭേ ।
യത്ത്വയാ പരിപൃഷ്ടോഽഹം വക്ഷ്യേ പ്രീത്യൈ തവ പ്രിയേ ॥ 2 ॥
ഓം അസ്യ ശ്രീഛിന്നമസ്താഹൃദയസ്തോത്രമഹാമന്ത്രസ്യ – ഭൈരവ ഋഷിഃ – സമ്രാട് ഛന്ദഃ -ഛിന്നമസ്താ ദേവതാ – ഹൂം ബീജം – ഓം ശക്തിഃ – ഹ്രീം കീലകം – ശത്രുക്ഷയകരണാർഥേ ജപേ വിനിയോഗഃ ॥
അഥ കരന്യാസഃ –
ഓം ഓം അംഗുഷ്ഠാഭ്യാം നമഃ ।
ഓം ഹൂം തർജനീഭ്യാം നമഃ ।
ഓം ഹ്രീം മധ്യമാഭ്യാം നമഃ ।
ഓം ക്ലീം അനാമികാഭ്യാം നമഃ ।
ഓം ഐം കനിഷ്ഠികാഭ്യാം നമഃ ।
ഓം ഹൂം കരതലകരപൃഷ്ഠാഭ്യാം നമഃ ।
അഥ കരന്യാസഃ –
ഓം ഓം ഹൃദയായ നമഃ ।
ഓം ഹൂം ശിരസേ സ്വാഹാ ।
ഓം ഹ്രീം ശിഖായൈ വഷട് ।
ഓം ക്ലീം നേത്രത്രയായ വൗഷട് ।
ഓം ഐം കവചായ ഹും ।
ഓം ഹൂം അസ്ത്രായ ഫട് ।
ഭൂർഭുവസ്സുവരോമിതി ദിഗ്ബന്ധഃ ।
ധ്യാനം –
രക്താഭാം രക്തകേശീം കരകമലലസത്കർതൃകാം കാലകാന്തിം
വിച്ഛിന്നാത്മീയമുണ്ഡാസൃഗരുണബഹുലാം ചക്രധാരാം പിബന്തീം ।
വിഘ്നാഭ്രൗഘപ്രചണ്ഡശ്വസനസമനിഭാം സേവിതാം സിദ്ധസംഘൈഃ
പദ്മാക്ഷീം ഛിന്നമസ്താം ഛലകരദിതിജച്ഛേദിനീം സംസ്മരാമി ॥ 1 ॥
വന്ദേഽഹം ഛിന്നമസ്താം താം ഛിന്നമുണ്ഡധരാം പരാം ।
ഛിന്നഗ്രീവോച്ഛടാച്ഛന്നാം ക്ഷൗമവസ്ത്രപരിച്ഛദാം ॥ 2 ॥
സർവദാ സുരസംഘേന സേവിതാംഘ്രിസരോരുഹാം ।
സേവേ സകലസമ്പത്യൈ ഛിന്നമസ്താം ശുഭപ്രദാം ॥ 3 ॥
യജ്ഞാനാം യോഗയജ്ഞായ യാ തു ജാതാ യുഗേ യുഗേ ।
ദാനവാന്തകരീം ദേവീം ഛിന്നമസ്താം ഭജാമി താം ॥ 4 ॥
വൈരോചനീം വരാരോഹാം വാമദേമവിവർധിതാം ।
കോടിസൂര്യപ്രഭാം വന്ദേ വിദ്യുദ്വർണാക്ഷിമണ്ഡിതാം ॥ 5 ॥
നിജകണ്ഠോച്ഛലദ്രക്തധാരയാ യാ മുഹുർമുഹുഃ ।
യോഗിനീ ഗണസംസ്തുത്യാ തസ്യാശ്ചരണമാശ്രയേ ॥ 6 ॥
ഹൂമിത്യേകാക്ഷരം മന്ത്രം യദീയം യുക്തമാനസഃ ।
യോ ജപേത്തസ്യ വിദ്വേഷീ ഭസ്മതാം യാതി താം ഭജേ ॥ 7 ॥
ഹൂം സ്വാഹേതി മനും സമ്യഗ്യസ്സ്മരത്യാർതിമാന്നരഃ ।
ഛിനത്തി ഛിന്നമസ്തായാ തസ്യ ബാധാം നമാമി താം ॥ 8 ॥
യസ്യാഃ കടാക്ഷമാത്രേണ ക്രൂരഭൂതാദയോ ദ്രുതം ।
ദൂരേ തസ്യ പലായന്തേ ഛിന്നമസ്താം ഭജാമി താം ॥ 9 ॥
ക്ഷിതിതലപരിരക്ഷാക്ഷാന്തരോഷാ സുദക്ഷാ
ഛലയുതകലകക്ഷാച്ഛേദനേ ക്ഷാന്തിലക്ഷ്യാ ।
ക്ഷിതിദിതിജസുപക്ഷാ ക്ഷോണിപാക്ഷയ്യശിക്ഷാ
ജയതു ജയതു ചാക്ഷാ ഛിന്നമസ്താരിഭക്ഷാ ॥ 10 ॥
കലികലുഷകലാനാം കർതനേ കർത്രിഹസ്താ
സുരകുവലയകാശാ മന്ദഭാനുപ്രകാശാ ।
അസുരകുലകലാപത്രാസികാകാലമൂർതി-
ര്ജയതു ജയതു കാലീ ഛിന്നമസ്താ കരാലീ ॥ 11 ॥
ഭുവനഭരണഭൂരീ ഭ്രാജമാനാനുഭാവാ
ഭവ ഭവ വിഭവാനാം ഭാരണോദ്ഭാതഭൂതിഃ ।
ദ്വിജകുലകമലാനാം ഭാസിനീ ഭാനുമൂർതി-
ര്ഭവതു ഭവതു വാണീ ഛിന്നമസ്താ ഭവാനീ ॥ 12 ॥
മമ രിപുഗണമാശു ച്ഛേത്തുമുഗ്രം കൃപാണം
സപദി ജനനി തീക്ഷ്ണം ഛിന്നമുണ്ഡം ഗൃഹാണ ।
ഭവതു തവ യശോഽലം ഛിന്ധി ശത്രൂൻകലാന്മേ
മമ ച പരിദിശേഷ്ടം ഛിന്നമസ്തേ ക്ഷമസ്വ ॥ 13 ॥
ഛിന്നഗ്രീവാ ഛിന്നമസ്താ ഛിന്നമുണ്ഡധരാഽക്ഷതാ ।
ക്ഷോദക്ഷേമകരീ സ്വക്ഷാ ക്ഷോണീശാച്ഛാദന ക്ഷമാ ॥ 14 ॥
വൈരോചനീ വരാരോഹാ ബലിദാനപ്രഹർഷിതാ ।
ബലിയോജിതപാദാബ്ജാ വാസുദേവ പ്രപൂജിതാ ॥ 15 ॥
ഇതി ദ്വാദശനാമാനി ഛിന്നമസ്താ പ്രിയാണി യഃ ।
സ്മരേത്പ്രാതസ്സമുത്ഥായ തസ്യ നശ്യന്തി ശത്രവഃ ॥ 16 ॥
യാം സ്മൃത്വാ സന്തി സദ്യഃ സകലഃ സുരഗണാഃ സർവദാ സമ്പദാഢ്യാഃ
ശത്രൂണാം സംഘമാഹത്യ വിശദവദനാഃ സ്വസ്ഥചിത്താഃ ശ്രയന്തി ।
തസ്യാഃ സങ്കല്പവന്തഃ സരസിജചരണസ്സന്തതം സംശ്രയന്തി
സാഽഽദ്യാ ശ്രീശാദിസേവ്യാ സുഫലതു സുതരാം ഛിന്നമസ്താ പ്രശസ്താ ॥ 17 ॥
ഹൃദയമിതിമജ്ഞാത്വാ ഹന്തുമിച്ഛതി യോ ദ്വിഷം ।
കഥം തസ്യാചിരം ശത്രുർനാശമേഷ്യതി പാർവതി ॥ 18 ॥
യദീച്ഛേന്നാശനം ശത്രോഃ ശീഘ്രമേതത്പഠേന്നരഃ ।
ഛിന്നമസ്താ പ്രസന്നാപി ദദാതി ഫലമീപ്സിതം ॥ 19 ॥
ശത്രുപ്രശമനം പുണ്യം സമീപ്സിതഫലപ്രദം ।
ആയുരാരോഗ്യദം ചൈവ പഠതാം പുണ്യസാധനം ॥ 20 ॥
ഇതി ശ്രീ നന്ദ്യാവർതേ മഹാദേവപാർവതീസംവാദേ ശ്രീഛിന്നമസ്താഹൃദയസ്തോത്രം സമ്പൂർണം ॥
Recite with devotion and pure heart
Regular practice brings spiritual benefits