हैंహైHaindavamஹிહિં
📍
Font Size:
ഛിന്നമസ്താ കവചം
ദേവ്യുവാച ।
കഥിതാശ്ഛിന്നമസ്തായാ യാ യാ വിദ്യാഃ സുഗോപിതാഃ ।
ത്വയാ നാഥേന ജീവേശ ശ്രുതാശ്ചാധിഗതാ മയാ ॥ 1 ॥
ഇദാനീം ശ്രോതുമിച്ഛാമി കവചം പൂർവസൂചിതം ।
ത്രൈലോക്യവിജയം നാമ കൃപയാ കഥ്യതാം പ്രഭോ ॥ 2 ॥
ഭൈരവ ഉവാച ।
ശൃണു വക്ഷ്യാമി ദേവേശി സർവദേവനമസ്കൃതേ ।
ത്രൈലോക്യവിജയം നാമ കവചം സർവമോഹനം ॥ 3 ॥
സർവവിദ്യാമയം സാക്ഷാത്സുരാത്സുരജയപ്രദം ।
ധാരണാത്പഠനാദീശസ്ത്രൈലോക്യവിജയീ വിഭുഃ ॥ 4 ॥
ബ്രഹ്മാ നാരായണോ രുദ്രോ ധാരണാത്പഠനാദ്യതഃ ।
കർതാ പാതാ ച സംഹർതാ ഭുവനാനാം സുരേശ്വരി ॥ 5 ॥
ന ദേയം പരശിഷ്യേഭ്യോഽഭക്തേഭ്യോഽപി വിശേഷതഃ ।
ദേയം ശിഷ്യായ ഭക്തായ പ്രാണേഭ്യോഽപ്യധികായ ച ॥ 6 ॥
ദേവ്യാശ്ച ച്ഛിന്നമസ്തായാഃ കവചസ്യ ച ഭൈരവഃ ।
ഋഷിസ്തു സ്യാദ്വിരാട് ഛന്ദോ ദേവതാ ച്ഛിന്നമസ്തകാ ॥ 7 ॥
ത്രൈലോക്യവിജയേ മുക്തൗ വിനിയോഗഃ പ്രകീർതിതഃ ।
ഹുങ്കാരോ മേ ശിരഃ പാതു ഛിന്നമസ്താ ബലപ്രദാ ॥ 8 ॥
ഹ്രാം ഹ്രൂം ഐം ത്ര്യക്ഷരീ പാതു ഭാലം വക്ത്രം ദിഗംബരാ ।
ശ്രീം ഹ്രീം ഹ്രൂം ഐം ദൃശൗ പാതു മുണ്ഡം കർത്രിധരാപി സാ ॥ 9 ॥
സാ വിദ്യാ പ്രണവാദ്യന്താ ശ്രുതിയുഗ്മം സദാഽവതു ।
വജ്രവൈരോചനീയേ ഹും ഫട് സ്വാഹാ ച ധ്രുവാദികാ ॥ 10 ॥
ഘ്രാണം പാതു ച്ഛിന്നമസ്താ മുണ്ഡകർത്രിവിധാരിണീ ।
ശ്രീമായാകൂർചവാഗ്ബീജൈർവജ്രവൈരോചനീയ ഹൂം ॥ 11 ॥
ഹൂം ഫട് സ്വാഹാ മഹാവിദ്യാ ഷോഡശീ ബ്രഹ്മരൂപിണീ ।
സ്വപാർശ്വേ വർണിനീ ചാസൃഗ്ധാരാം പായയതീ മുദാ ॥ 12 ॥
വദനം സർവദാ പാതു ച്ഛിന്നമസ്താ സ്വശക്തികാ ।
മുണ്ഡകർത്രിധരാ രക്താ സാധകാഭീഷ്ടദായിനീ ॥ 13 ॥
വർണിനീ ഡാകിനീയുക്താ സാപി മാമഭിതോഽവതു ।
രാമാദ്യാ പാതു ജിഹ്വാം ച ലജ്ജാദ്യാ പാതു കണ്ഠകം ॥ 14 ॥
കൂർചാദ്യാ ഹൃദയം പാതു വാഗാദ്യാ സ്തനയുഗ്മകം ।
രമയാ പുടിതാ വിദ്യാ പാർശ്വൗ പാതു സുരേശ്വരീ ॥ 15 ॥
മായയാ പുടിതാ പാതു നാഭിദേശേ ദിഗംബരാ ।
കൂർചേണ പുടിതാ ദേവീ പൃഷ്ഠദേശേ സദാഽവതു ॥ 16 ॥
വാഗ്ബീജപുടിതാ ചൈഷാ മധ്യം പാതു സശക്തികാ ।
ഈശ്വരീ കൂർചവാഗ്ബീജൈർവജ്രവൈരോചനീയ ഹൂം ॥ 17 ॥
ഹൂം ഫട് സ്വാഹാ മഹാവിദ്യാ കോടിസൂര്യസമപ്രഭാ ।
ഛിന്നമസ്താ സദാ പായാദൂരുയുഗ്മം സശക്തികാ ॥ 18 ॥
ഹ്രീം ഹ്രൂം വർണിനീ ജാനും ശ്രീം ഹ്രീം ച ഡാകിനീ പദം ।
സർവവിദ്യാസ്ഥിതാ നിത്യാ സർവാംഗം മേ സദാഽവതു ॥ 19 ॥
പ്രാച്യാം പായാദേകലിംഗാ യോഗിനീ പാവകേഽവതു ।
ഡാകിനീ ദക്ഷിണേ പാതു ശ്രീമഹാഭൈരവീ ച മാം ॥ 20 ॥
നൈരൃത്യാം സതതം പാതു ഭൈരവീ പശ്ചിമേഽവതു ।
ഇന്ദ്രാക്ഷീ പാതു വായവ്യേഽസിതാംഗീ പാതു ചോത്തരേ ॥ 21 ॥
സംഹാരിണീ സദാ പാതു ശിവകോണേ സകർത്രികാ ।
ഇത്യഷ്ടശക്തയഃ പാന്തു ദിഗ്വിദിക്ഷു സകർത്രികാഃ ॥ 22 ॥
ക്രീം ക്രീം ക്രീം പാതു സാ പൂർവം ഹ്രീം ഹ്രീം മാം പാതു പാവകേ ।
ഹ്രൂം ഹ്രൂം മാം ദക്ഷിണേ പാതു ദക്ഷിണേ കാലികാവതു ॥ 23 ॥
ക്രീം ക്രീം ക്രീം ചൈവ നൈരൃത്യാം ഹ്രീം ഹ്രീം ച പശ്ചിമേഽവതു ।
ഹൂം ഹൂം പാതു മരുത്കോണേ സ്വാഹാ പാതു സദോത്തരേ ॥ 24 ॥
മഹാകാലീ ഖഡ്ഗഹസ്താ രക്ഷഃകോണേ സദാവതു ।
താരോ മായാ വധൂഃ കൂർചം ഫട് കാരോഽയം മഹാമനുഃ ॥ 25 ॥
ഖഡ്ഗകർത്രിധരാ താരാ ചോർധ്വദേശം സദാഽവതു ।
ഹ്രീം സ്ത്രീം ഹൂം ഫട് ച പാതാലേ മാം പാതു ചൈകജടാ സതീ ।
താരാ തു സഹിതാ ഖേഽവ്യാന്മഹാനീലസരസ്വതീ ॥ 26 ॥
ഇതി തേ കഥിതം ദേവ്യാഃ കവചം മന്ത്രവിഗ്രഹം ।
യദ്ധൃത്വാ പഠനാദ്ഭീമഃ ക്രോധാഖ്യോ ഭൈരവഃ സ്മൃതഃ ॥ 27 ॥
സുരാസുര മുനീന്ദ്രാണാം കർതാ ഹർതാ ഭവേത്സ്വയം ।
യസ്യാജ്ഞയാ മധുമതീ യാതി സാ സാധകാലയം ॥ 28 ॥
ഭൂതിന്യാദ്യാശ്ച ഡാകിന്യോ യക്ഷിണ്യാദ്യാശ്ച ഖേചരാഃ ।
ആജ്ഞാം ഗൃഹ്ണന്തി താസ്തസ്യ കവചസ്യ പ്രസാദതഃ ॥ 29 ॥
ഏതദേവ പരം ബ്രഹ്മ കവചം മന്മുഖോദിതം ।
ദേവീമഭ്യർച ഗന്ധാദ്യൈർമൂലേ നൈവ പഠേത്സകൃത് ॥ 30 ॥
സംവത്സരകൃതായാസ്തു പൂജായാഃ ഫലമാപ്നുയാത് ।
ഭൂർജേ വിലിഖിതം ചൈതദ്ഗുടികാം കാഞ്ചനസ്ഥിതാം ॥ 31 ॥
ധാരയേദ്ദക്ഷിണേ ബാഹൗ കണ്ഠേ വാ യദി വാന്യതഃ ।
സർവൈശ്വര്യയുതോ ഭൂത്വാ ത്രൈലോക്യം വശമാനയേത് ॥ 32 ॥
തസ്യ ഗേഹേ വസേല്ലക്ഷ്മീർവാണീ ച വദനാംബുജേ ।
ബ്രഹ്മാസ്ത്രാദീനി ശസ്ത്രാണി തദ്ഗാത്രേ യാന്തി സൗമ്യതാം ॥ 33 ॥
ഇദം കവചമജ്ഞാത്വാ യോ ഭജേച്ഛിന്നമസ്തകാം ।
സോഽപി ശസ്ത്രപ്രഹാരേണ മൃത്യുമാപ്നോതി സത്വരം ॥ 34 ॥
ഇതി ശ്രീ ഭൈരവതന്ത്രേ ഭൈരവഭൈരവീസംവാദേ ത്രൈലോക്യവിജയം നാമ ഛിന്നമസ്താകവചം സമ്പൂർണം ।
Recite with devotion and pure heart
Regular practice brings spiritual benefits