हैंహైHaindavamஹிહિં
📍
Font Size:
ബാലാ ത്രിപുര സുന്ദരീ കവചം
ശ്രീപാർവത്യുവാച ।
ദേവദേവ മഹാദേവ ശങ്കര പ്രാണവല്ലഭ ।
കവചം ശ്രോതുമിച്ഛാമി ബാലായാ വദ മേ പ്രഭോ ॥ 1 ॥
ശ്രീമഹേശ്വര ഉവാച ।
ശ്രീബാലാകവചം ദേവി മഹാപ്രാണാധികം പരം ।
വക്ഷ്യാമി സാവധാനാ ത്വം ശൃണുഷ്വാവഹിതാ പ്രിയേ ॥ 2 ॥
അഥ ധ്യാനം ।
അരുണകിരണജാലൈഃ രഞ്ജിതാശാവകാശാ
വിധൃതജപവടീകാ പുസ്തകാഭീതിഹസ്താ ।
ഇതരകരവരാഢ്യാ ഫുല്ലകഹ്ലാരസംസ്ഥാ
നിവസതു ഹൃദി ബാലാ നിത്യകല്യാണശീലാ ॥
അഥ കവചം ।
വാഗ്ഭവഃ പാതു ശിരസി കാമരാജസ്തഥാ ഹൃദി ।
ശക്തിബീജം സദാ പാതു നാഭൗ ഗുഹ്യേ ച പാദയോഃ ॥ 1 ॥
ഐം ക്ലീം സൗഃ വദനേ പാതു ബാലാ മാം സർവസിദ്ധയേ ।
ഹസകലഹ്രീം സൗഃ പാതു സ്കന്ധേ ഭൈരവീ കണ്ഠദേശതഃ ॥ 2 ॥
സുന്ദരീ നാഭിദേശേഽവ്യാച്ചർചേ കാമകലാ സദാ ।
ഭ്രൂനാസയോരന്തരാലേ മഹാത്രിപുരസുന്ദരീ ॥ 3 ॥
ലലാടേ സുഭഗാ പാതു ഭഗാ മാം കണ്ഠദേശതഃ ।
ഭഗോദയാ തു ഹൃദയേ ഉദരേ ഭഗസർപിണീ ॥ 4 ॥
ഭഗമാലാ നാഭിദേശേ ലിംഗേ പാതു മനോഭവാ ।
ഗുഹ്യേ പാതു മഹാവീരാ രാജരാജേശ്വരീ ശിവാ ॥ 5 ॥
ചൈതന്യരൂപിണീ പാതു പാദയോർജഗദംബികാ ।
നാരായണീ സർവഗാത്രേ സർവകാര്യ ശുഭങ്കരീ ॥ 6 ॥
ബ്രഹ്മാണീ പാതു മാം പൂർവേ ദക്ഷിണേ വൈഷ്ണവീ തഥാ ।
പശ്ചിമേ പാതു വാരാഹീ ഹ്യുത്തരേ തു മഹേശ്വരീ ॥ 7 ॥
ആഗ്നേയ്യാം പാതു കൗമാരീ മഹാലക്ഷ്മീശ്ച നിരൃതൗ ।
വായവ്യാം പാതു ചാമുണ്ഡാ ചേന്ദ്രാണീ പാതു ചൈശകേ ॥ 8 ॥
ജലേ പാതു മഹാമായാ പൃഥിവ്യാം സർവമംഗലാ ।
ആകാശേ പാതു വരദാ സർവതോ ഭുവനേശ്വരീ ॥ 9 ॥
ഇദം തു കവചം നാമ ദേവാനാമപി ദുർലഭം ।
പഠേത്പ്രാതഃ സമുത്ഥായ ശുചിഃ പ്രയതമാനസഃ ॥ 10 ॥
നാമയോ വ്യാധയസ്തസ്യ ന ഭയം ച ക്വചിദ്ഭവേത് ।
ന ച മാരീഭയം തസ്യ പാതകാനാം ഭയം തഥാ ॥ 11 ॥
ന ദാരിദ്ര്യവശം ഗച്ഛേത്തിഷ്ഠേന്മൃത്യുവശേ ന ച ।
ഗച്ഛേച്ഛിവപുരം ദേവി സത്യം സത്യം വദാമ്യഹം ॥ 12 ॥
യദിദം കവചം ജ്ഞാത്വാ ശ്രീബാലാം യോ ജപേച്ഛിവേ ।
സ പ്രാപ്നോതി ഫലം സർവം ശിവസായുജ്യസംഭവം ॥ 13 ॥
ഇതി ശ്രീരുദ്രയാമലേ ശ്രീ ബാലാ കവചം ।
Recite with devotion and pure heart
Regular practice brings spiritual benefits