हैंహైHaindavamஹிહિં
📍
Font Size:
த³த்தாத்ரேய ஸ்தோத்ரம் - நாரத³ க்ருʼதம்
ஜடாத⁴ரம்ʼ பாண்டு³ராங்க³ம்ʼ ஶூலஹஸ்தம்ʼ க்ருʼபாநிதி⁴ம் ।
ஸர்வரோக³ஹரம்ʼ தே³வம்ʼ த³த்தாத்ரேயமஹம்ʼ ப⁴ஜே ॥ 1 ॥
அஸ்ய ஶ்ரீத³த்தாத்ரேயஸ்தோத்ரமந்த்ரஸ்ய ப⁴க³வாந்நாரத்³ருʼஷி꞉ । அனுஷ்டுப் ச²ந்த³꞉ । ஶ்ரீத³த்த꞉ பரமாத்மா தே³வதா । ஶ்ரீத³த்தாத்ரேய ப்ரீத்யர்தே² ஜபே விநியோக³꞉ ॥
நாரத³ உவாச –
ஜக³து³த்பத்திகர்த்ரே ச ஸ்தி²திஸம்ʼஹாரஹேதவே ।
ப⁴வபாஶவிமுக்தாய த³த்தாத்ரேய நமோ(அ)ஸ்து தே ॥ 1 ॥
ஜராஜன்மவிநாஶாய தே³ஹஶுத்³தி⁴கராய ச ।
தி³க³ம்ப³ர த³யாமூர்தே த³த்தாத்ரேய நமோ(அ)ஸ்து தே ॥ 2 ॥
கர்பூரகாந்திதே³ஹாய ப்³ரஹ்மமூர்தித⁴ராய ச ।
வேத³ஶாஸ்த்ரபரிஜ்ஞாய த³த்தாத்ரேய நமோ(அ)ஸ்து தே ॥ 3 ॥
ஹ்ரஸ்வதீ³ர்க⁴க்ருʼஶஸ்தூ²லநாமகோ³த்ரவிவர்ஜித ।
பஞ்சபூ⁴தைகதீ³ப்தாய த³த்தாத்ரேய நமோ(அ)ஸ்து தே ॥ 4 ॥
யஜ்ஞபோ⁴க்தே ச யஜ்ஞாய யஜ்ஞரூபத⁴ராய ச ।
யஜ்ஞப்ரியாய ஸித்³தா⁴ய த³த்தாத்ரேய நமோ(அ)ஸ்து தே ॥ 5 ॥
ஆதௌ³ ப்³ரஹ்மா ஹரிர்மத்⁴யே ஹ்யந்தே தே³வஸ்ஸதா³ஶிவ꞉ ।
மூர்தித்ரயஸ்வரூபாய த³த்தாத்ரேய நமோ(அ)ஸ்து தே ॥ 6 ॥
போ⁴கா³லயாய போ⁴கா³ய யோக³யோக்³யாய தா⁴ரிணே ।
ஜிதேந்த்³ரிய ஜிதஜ்ஞாய த³த்தாத்ரேய நமோ(அ)ஸ்து தே ॥ 7 ॥
தி³க³ம்ப³ராய தி³வ்யாய தி³வ்யரூபத⁴ராய ச ।
ஸதோ³தி³தபரப்³ரஹ்ம த³த்தாத்ரேய நமோ(அ)ஸ்து தே ॥ 8 ॥
ஜம்பூ³த்³வீபே மஹாக்ஷேத்ரே மாதாபுரநிவாஸினே ।
ஜயமான ஸதாம்ʼ தே³வ த³த்தாத்ரேய நமோ(அ)ஸ்து தே ॥ 9 ॥
பி⁴க்ஷாடனம்ʼ க்³ருʼஹே க்³ராமே பாத்ரம்ʼ ஹேமமயம்ʼ கரே ।
நானாஸ்வாத³மயீ பி⁴க்ஷா த³த்தாத்ரேய நமோ(அ)ஸ்து தே ॥ 10 ॥
ப்³ரஹ்மஜ்ஞானமயீ முத்³ரா வஸ்த்ரே சாகாஶபூ⁴தலே ।
ப்ரஜ்ஞானக⁴னபோ³தா⁴ய த³த்தாத்ரேய நமோ(அ)ஸ்து தே ॥ 11 ॥
அவதூ⁴த ஸதா³னந்த³ பரப்³ரஹ்மஸ்வரூபிணே ।
விதே³ஹதே³ஹரூபாய த³த்தாத்ரேய நமோ(அ)ஸ்து தே ॥ 12 ॥
ஸத்யரூப ஸதா³சார ஸத்யத⁴ர்மபராயண ।
ஸத்யாஶ்ரயபரோக்ஷாய த³த்தாத்ரேய நமோ(அ)ஸ்து தே ॥ 13 ॥
ஶூலஹஸ்தக³தா³பாணே வனமாலாஸுகந்த⁴ர ।
யஜ்ஞஸூத்ரத⁴ர ப்³ரஹ்மன் த³த்தாத்ரேய நமோ(அ)ஸ்து தே ॥ 14 ॥
க்ஷராக்ஷரஸ்வரூபாய பராத்பரதராய ச ।
த³த்தமுக்திபரஸ்தோத்ர த³த்தாத்ரேய நமோ(அ)ஸ்து தே ॥ 15 ॥
த³த்த வித்³யாட்⁴ய லக்ஷ்மீஶ த³த்த ஸ்வாத்மஸ்வரூபிணே ।
கு³ணநிர்கு³ணரூபாய த³த்தாத்ரேய நமோ(அ)ஸ்து தே ॥ 16 ॥
ஶத்ருநாஶகரம்ʼ ஸ்தோத்ரம்ʼ ஜ்ஞானவிஜ்ஞானதா³யகம் ।
ஸர்வபாபம்ʼ ஶமம்ʼ யாதி த³த்தாத்ரேய நமோ(அ)ஸ்து தே ॥ 17 ॥
இத³ம்ʼ ஸ்தோத்ரம்ʼ மஹத்³தி³வ்யம்ʼ த³த்தப்ரத்யக்ஷகாரகம் ।
த³த்தாத்ரேயப்ரஸாதா³ச்ச நாரதே³ன ப்ரகீர்திதம் ॥ 18 ॥
இதி ஶ்ரீநாரத³புராணே நாரத³விரசிதம்ʼ ஶ்ரீ த³த்தாத்ரேய ஸ்தோத்ரம் ।
Recite with devotion and pure heart
Regular practice brings spiritual benefits