ദത്താത്രേയ സ്തോത്രം - നാരദ കൃതം

ജടാധരം പാണ്ഡുരാംഗം ശൂലഹസ്തം കൃപാനിധിം । സർവരോഗഹരം ദേവം ദത്താത്രേയമഹം ഭജേ ॥ 1 ॥ അസ്യ ശ്രീദത്താത്രേയസ്തോത്രമന്ത്രസ്യ ഭഗവാന്നാരദൃഷിഃ । അനുഷ്ടുപ് ഛന്ദഃ । ശ്രീദത്തഃ പരമാത്മാ ദേവതാ । ശ്രീദത്താത്രേയ പ്രീത്യർഥേ ജപേ വിനിയോഗഃ ॥ നാരദ ഉവാച – ജഗദുത്പത്തികർത്രേ ച സ്ഥിതിസംഹാരഹേതവേ । ഭവപാശവിമുക്തായ ദത്താത്രേയ നമോഽസ്തു തേ ॥ 1 ॥ ജരാജന്മവിനാശായ ദേഹശുദ്ധികരായ ച । ദിഗംബര ദയാമൂർതേ ദത്താത്രേയ നമോഽസ്തു തേ ॥ 2 ॥ കർപൂരകാന്തിദേഹായ ബ്രഹ്മമൂർതിധരായ ച । വേദശാസ്ത്രപരിജ്ഞായ ദത്താത്രേയ നമോഽസ്തു തേ ॥ 3 ॥ ഹ്രസ്വദീർഘകൃശസ്ഥൂലനാമഗോത്രവിവർജിത । പഞ്ചഭൂതൈകദീപ്തായ ദത്താത്രേയ നമോഽസ്തു തേ ॥ 4 ॥ യജ്ഞഭോക്തേ ച യജ്ഞായ യജ്ഞരൂപധരായ ച । യജ്ഞപ്രിയായ സിദ്ധായ ദത്താത്രേയ നമോഽസ്തു തേ ॥ 5 ॥ ആദൗ ബ്രഹ്മാ ഹരിർമധ്യേ ഹ്യന്തേ ദേവസ്സദാശിവഃ । മൂർതിത്രയസ്വരൂപായ ദത്താത്രേയ നമോഽസ്തു തേ ॥ 6 ॥ ഭോഗാലയായ ഭോഗായ യോഗയോഗ്യായ ധാരിണേ । ജിതേന്ദ്രിയ ജിതജ്ഞായ ദത്താത്രേയ നമോഽസ്തു തേ ॥ 7 ॥ ദിഗംബരായ ദിവ്യായ ദിവ്യരൂപധരായ ച । സദോദിതപരബ്രഹ്മ ദത്താത്രേയ നമോഽസ്തു തേ ॥ 8 ॥ ജംബൂദ്വീപേ മഹാക്ഷേത്രേ മാതാപുരനിവാസിനേ । ജയമാന സതാം ദേവ ദത്താത്രേയ നമോഽസ്തു തേ ॥ 9 ॥ ഭിക്ഷാടനം ഗൃഹേ ഗ്രാമേ പാത്രം ഹേമമയം കരേ । നാനാസ്വാദമയീ ഭിക്ഷാ ദത്താത്രേയ നമോഽസ്തു തേ ॥ 10 ॥ ബ്രഹ്മജ്ഞാനമയീ മുദ്രാ വസ്ത്രേ ചാകാശഭൂതലേ । പ്രജ്ഞാനഘനബോധായ ദത്താത്രേയ നമോഽസ്തു തേ ॥ 11 ॥ അവധൂത സദാനന്ദ പരബ്രഹ്മസ്വരൂപിണേ । വിദേഹദേഹരൂപായ ദത്താത്രേയ നമോഽസ്തു തേ ॥ 12 ॥ സത്യരൂപ സദാചാര സത്യധർമപരായണ । സത്യാശ്രയപരോക്ഷായ ദത്താത്രേയ നമോഽസ്തു തേ ॥ 13 ॥ ശൂലഹസ്തഗദാപാണേ വനമാലാസുകന്ധര । യജ്ഞസൂത്രധര ബ്രഹ്മൻ ദത്താത്രേയ നമോഽസ്തു തേ ॥ 14 ॥ ക്ഷരാക്ഷരസ്വരൂപായ പരാത്പരതരായ ച । ദത്തമുക്തിപരസ്തോത്ര ദത്താത്രേയ നമോഽസ്തു തേ ॥ 15 ॥ ദത്ത വിദ്യാഢ്യ ലക്ഷ്മീശ ദത്ത സ്വാത്മസ്വരൂപിണേ । ഗുണനിർഗുണരൂപായ ദത്താത്രേയ നമോഽസ്തു തേ ॥ 16 ॥ ശത്രുനാശകരം സ്തോത്രം ജ്ഞാനവിജ്ഞാനദായകം । സർവപാപം ശമം യാതി ദത്താത്രേയ നമോഽസ്തു തേ ॥ 17 ॥ ഇദം സ്തോത്രം മഹദ്ദിവ്യം ദത്തപ്രത്യക്ഷകാരകം । ദത്താത്രേയപ്രസാദാച്ച നാരദേന പ്രകീർതിതം ॥ 18 ॥ ഇതി ശ്രീനാരദപുരാണേ നാരദവിരചിതം ശ്രീ ദത്താത്രേയ സ്തോത്രം ।

Recite with devotion and pure heart

Regular practice brings spiritual benefits

More stotras of Dattatreya: