వందే వాఙ్మనసాతీతం నిర్గుణం సగుణం గురుం । దత్తమాత్రేయమానందకందం భక్తేష్టపూరకం ॥ 1 ॥ నమామి సతతం దత్తమౌదుంబరనివాసినం । యతీంద్రరూపం చ సదా నిజానందప్రబోధనం ॥ 2 ॥ కృష్ణా యదగ్రే భువనేశానీ విద్యానిధిస్తథా । ఔదుంబరాః కల్పవృక్షాః సర్వతః సుఖదాః సదా ॥ 3 ॥ భక్తబృందాన్ దర్శనతః పురుషార్థచతుష్టయం । దదాతి భగవాన్ భూమా సచ్చిదానందవిగ్రహః ॥ 4 ॥ జాగర్తి గుప్తరూపేణ గోప్తా ధ్యానసమాధితః । బ్రహ్మబృందం బ్రహ్మసుఖం దదాతి సమదృష్టితః ॥ 5 ॥ కృష్ణా తృష్ణాహరా యత్ర సుఖదా భువనేశ్వరీ । యత్ర మోక్షదరాడ్దత్తపాదుకా తాం నమామ్యహం ॥ 6 ॥ పాదుకారూపియతిరాట్ శ్రీనృసింహసరస్వతీ । రాజతే రాజరాజశ్రీదత్తశ్రీపాదవల్లభః ॥ 7 ॥ నమామి గురుమూర్తే తం తాపత్రయహరం హరిం । ఆనందమయమాత్మానం నవభక్త్యా సుఖప్రదం ॥ 8 ॥ కరవీరస్థవిదుషమూఢపుత్రం వినిందితం । ఛిన్నజిహ్వం బుధం చక్రే తద్వన్మయి కృపాం కురు ॥ 9 ॥ ఇతి శ్రీమత్పరమహంస పరివ్రాజకాచార్య శ్రీ వాసుదేవానంద సరస్వతీ విరచితం ఔదుంబర పాదుకా స్తోత్రం ।