வந்தே³ வாங்மனஸாதீதம்ʼ நிர்கு³ணம்ʼ ஸகு³ணம்ʼ கு³ரும் । த³த்தமாத்ரேயமானந்த³கந்த³ம்ʼ ப⁴க்தேஷ்டபூரகம் ॥ 1 ॥ நமாமி ஸததம்ʼ த³த்தமௌது³ம்ப³ரநிவாஸினம் । யதீந்த்³ரரூபம்ʼ ச ஸதா³ நிஜானந்த³ப்ரபோ³த⁴னம் ॥ 2 ॥ க்ருʼஷ்ணா யத³க்³ரே பு⁴வனேஶானீ வித்³யாநிதி⁴ஸ்ததா² । ஔது³ம்ப³ரா꞉ கல்பவ்ருʼக்ஷா꞉ ஸர்வத꞉ ஸுக²தா³꞉ ஸதா³ ॥ 3 ॥ ப⁴க்தப்³ருʼந்தா³ன் த³ர்ஶனத꞉ புருஷார்த²சதுஷ்டயம் । த³தா³தி ப⁴க³வான் பூ⁴மா ஸச்சிதா³னந்த³விக்³ரஹ꞉ ॥ 4 ॥ ஜாக³ர்தி கு³ப்தரூபேண கோ³ப்தா த்⁴யானஸமாதி⁴த꞉ । ப்³ரஹ்மப்³ருʼந்த³ம்ʼ ப்³ரஹ்மஸுக²ம்ʼ த³தா³தி ஸமத்³ருʼஷ்டித꞉ ॥ 5 ॥ க்ருʼஷ்ணா த்ருʼஷ்ணாஹரா யத்ர ஸுக²தா³ பு⁴வனேஶ்வரீ । யத்ர மோக்ஷத³ராட்³த³த்தபாது³கா தாம்ʼ நமாம்யஹம் ॥ 6 ॥ பாது³காரூபியதிராட் ஶ்ரீந்ருʼஸிம்ʼஹஸரஸ்வதீ । ராஜதே ராஜராஜஶ்ரீத³த்தஶ்ரீபாத³வல்லப⁴꞉ ॥ 7 ॥ நமாமி கு³ருமூர்தே தம்ʼ தாபத்ரயஹரம்ʼ ஹரிம் । ஆனந்த³மயமாத்மானம்ʼ நவப⁴க்த்யா ஸுக²ப்ரத³ம் ॥ 8 ॥ கரவீரஸ்த²விது³ஷமூட⁴புத்ரம்ʼ வினிந்தி³தம் । சி²ன்னஜிஹ்வம்ʼ பு³த⁴ம்ʼ சக்ரே தத்³வன்மயி க்ருʼபாம்ʼ குரு ॥ 9 ॥ இதி ஶ்ரீமத்பரமஹம்ʼஸ பரிவ்ராஜகாசார்ய ஶ்ரீ வாஸுதே³வானந்த³ஸரஸ்வதீ விரசிதம்ʼ ஔது³ம்ப³ர பாது³கா ஸ்தோத்ரம் ।