हैंహైHaindavamஹிહિં
📍
Font Size:
ഔദുംബര പാദുകാ സ്തോത്രം
വന്ദേ വാങ്മനസാതീതം നിർഗുണം സഗുണം ഗുരും ।
ദത്തമാത്രേയമാനന്ദകന്ദം ഭക്തേഷ്ടപൂരകം ॥ 1 ॥
നമാമി സതതം ദത്തമൗദുംബരനിവാസിനം ।
യതീന്ദ്രരൂപം ച സദാ നിജാനന്ദപ്രബോധനം ॥ 2 ॥
കൃഷ്ണാ യദഗ്രേ ഭുവനേശാനീ വിദ്യാനിധിസ്തഥാ ।
ഔദുംബരാഃ കല്പവൃക്ഷാഃ സർവതഃ സുഖദാഃ സദാ ॥ 3 ॥
ഭക്തബൃന്ദാൻ ദർശനതഃ പുരുഷാർഥചതുഷ്ടയം ।
ദദാതി ഭഗവാൻ ഭൂമാ സച്ചിദാനന്ദവിഗ്രഹഃ ॥ 4 ॥
ജാഗർതി ഗുപ്തരൂപേണ ഗോപ്താ ധ്യാനസമാധിതഃ ।
ബ്രഹ്മബൃന്ദം ബ്രഹ്മസുഖം ദദാതി സമദൃഷ്ടിതഃ ॥ 5 ॥
കൃഷ്ണാ തൃഷ്ണാഹരാ യത്ര സുഖദാ ഭുവനേശ്വരീ ।
യത്ര മോക്ഷദരാഡ്ദത്തപാദുകാ താം നമാമ്യഹം ॥ 6 ॥
പാദുകാരൂപിയതിരാട് ശ്രീനൃസിംഹസരസ്വതീ ।
രാജതേ രാജരാജശ്രീദത്തശ്രീപാദവല്ലഭഃ ॥ 7 ॥
നമാമി ഗുരുമൂർതേ തം താപത്രയഹരം ഹരിം ।
ആനന്ദമയമാത്മാനം നവഭക്ത്യാ സുഖപ്രദം ॥ 8 ॥
കരവീരസ്ഥവിദുഷമൂഢപുത്രം വിനിന്ദിതം ।
ഛിന്നജിഹ്വം ബുധം ചക്രേ തദ്വന്മയി കൃപാം കുരു ॥ 9 ॥
ഇതി ശ്രീ ഔദുംബര പാദുകാ സ്തോത്രം ।
Recite with devotion and pure heart
Regular practice brings spiritual benefits