ಔದುಂಬರ ಪಾದುಕಾ ಸ್ತೋತ್ರಂ

ವಂದೇ ವಾಙ್ಮನಸಾತೀತಂ ನಿರ್ಗುಣಂ ಸಗುಣಂ ಗುರುಂ ।

ದತ್ತಮಾತ್ರೇಯಮಾನಂದಕಂದಂ ಭಕ್ತೇಷ್ಟಪೂರಕಂ ॥ 1 ॥

ನಮಾಮಿ ಸತತಂ ದತ್ತಮೌದುಂಬರನಿವಾಸಿನಂ ।

ಯತೀಂದ್ರರೂಪಂ ಚ ಸದಾ ನಿಜಾನಂದಪ್ರಬೋಧನಂ ॥ 2 ॥

ಕೃಷ್ಣಾ ಯದಗ್ರೇ ಭುವನೇಶಾನೀ ವಿದ್ಯಾನಿಧಿಸ್ತಥಾ ।

ಔದುಂಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ ॥ 3 ॥

ಭಕ್ತಬೃಂದಾನ್ ದರ್ಶನತಃ ಪುರುಷಾರ್ಥಚತುಷ್ಟಯಂ ।

ದದಾತಿ ಭಗವಾನ್ ಭೂಮಾ ಸಚ್ಚಿದಾನಂದವಿಗ್ರಹಃ ॥ 4 ॥

ಜಾಗರ್ತಿ ಗುಪ್ತರೂಪೇಣ ಗೋಪ್ತಾ ಧ್ಯಾನಸಮಾಧಿತಃ ।

ಬ್ರಹ್ಮಬೃಂದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ ॥ 5 ॥

ಕೃಷ್ಣಾ ತೃಷ್ಣಾಹರಾ ಯತ್ರ ಸುಖದಾ ಭುವನೇಶ್ವರೀ ।

ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಂ ॥ 6 ॥

ಪಾದುಕಾರೂಪಿಯತಿರಾಟ್ ಶ್ರೀನೃಸಿಂಹಸರಸ್ವತೀ ।

ರಾಜತೇ ರಾಜರಾಜಶ್ರೀದತ್ತಶ್ರೀಪಾದವಲ್ಲಭಃ ॥ 7 ॥

ನಮಾಮಿ ಗುರುಮೂರ್ತೇ ತಂ ತಾಪತ್ರಯಹರಂ ಹರಿಂ ।

ಆನಂದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಂ ॥ 8 ॥

ಕರವೀರಸ್ಥವಿದುಷಮೂಢಪುತ್ರಂ ವಿನಿಂದಿತಂ ।

ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು ॥ 9 ॥

ಇತಿ ಶ್ರೀ ಔದುಂಬರ ಪಾದುಕಾ ಸ್ತೋತ್ರಂ ।

Recite with devotion and pure heart

Regular practice brings spiritual benefits