వరాహ స్తుతిః - వరాహ పురాణే

బ్రహ్మాదయ ఊచుః –

జయ దేవ మహాపోత్రిన్ జయ భూమిధరాచ్యుత ।

హిరణ్యాక్షమహారక్షోవిదారణవిచక్షణ ॥ 1 ॥

త్వమనాదిరనంతశ్చ త్వత్తః పరతరో న హి ।

త్వమేవ సృష్టికాలేఽపి విధిర్భూత్వా చతుర్ముఖః ॥ 2 ॥

సృజస్యేతజ్జగత్సర్వం పాసి విష్ణుః సమంతతః ।

కాలాగ్నిరుద్రరూపీ చ కల్పాంతే సర్వజంతుషు ॥ 3 ॥

అంతర్యామీ భవాన్ దేవ సర్వకర్తా త్వమేవ హి ।

నిష్కృష్టం బ్రహ్మణో రూపం న జానంతి సురాస్తవ ॥ 4 ॥

ప్రసీద భగవన్ విష్ణో భూమిం స్థాపయ పూర్వవత్ ।

సర్వప్రాణినివాసార్థమస్తువన్ విబుధవ్రజాః ॥ 5 ॥

ఇతి శ్రీవరహపురాణే వేంకటాచలమాహాత్మ్యే దేవకృత శ్రీ వరాహ స్తుతిః ।

Recite with devotion and pure heart

Regular practice brings spiritual benefits