పరశురామ స్తుతిః

కులాచలా యస్య మహీం ద్విజేభ్యః

ప్రయచ్ఛతః సీమదృషత్త్వమాపుః ।

బభూవురుత్సర్గజలం సముద్రాః

స రైణుకేయః శ్రియమాతనోతు ॥ 1 ॥

నాశిష్యః కిమభూద్భవః కిమభవన్నాపుత్రిణీ రేణుకా

నాభూద్విశ్వమకార్ముకం కిమితి వః ప్రీణాతు రామత్రపా ।

విప్రాణాం ప్రతిమందిరం మణిగణోన్మిశ్రాణి దండాహతే-

-ర్నాబ్ధీనాం స మయా యమోఽపి మహిషేణాంభాంసి నోద్వాహితః ॥ 2 ॥

పాయాద్వో జమదగ్నివంశతిలకో వీరవ్రతాలంకృతో

రామో నామ మునీశ్వరో నృపవధే భాస్వత్కుఠారాయుధః ।

యేనాశేషహతాహితాంగరుధిరైః సంతర్పితాః పూర్వజాః

భక్త్యా చాశ్వమఖే సముద్రవసనా భూర్హంతకారీకృతా ॥ 3 ॥

ద్వారే కల్పతరుం గృహే సురగవీం చింతామణీనంగదే

పీయూషం సరసీషు విప్రవదనే విద్యాశ్చతస్రో దశ ।

ఏవం కర్తుమయం తపస్యతి భృగోర్వంశావతంసో మునిః

పాయాద్వోఽఖిలరాజకక్షయకరో భూదేవభూషామణిః ॥ 4 ॥

ఇతి శ్రీ పరశురామ స్తుతిః ।

Recite with devotion and pure heart

Regular practice brings spiritual benefits