ஶாந்திபாட:² ஓம் யோ ப்³ரஹ்மாணம் வித³தா⁴தி பூர்வம் யோ வை வேதா³ம்ஶ்ச ப்ரஹிணோதி தஸ்மை । தம் ஹ தே³வமாத்மபு³த்³தி⁴ப்ரகாஶம் முமுக்ஷுர்வை ஶரணமஹம் ப்ரபத்³யே ॥ த்⁴யானம் ஓம் மௌனவ்யாக்²யா ப்ரகடித பரப்³ரஹ்மதத்த்வம் யுவானம் வர்ஷிஷ்டா²ந்தே வஸத்³ருஷிக³ணைராவ்ருதம் ப்³ரஹ்மனிஷ்டை²: । ஆசார்யேந்த்³ரம் கரகலித சின்முத்³ரமானந்த³மூர்திம் ஸ்வாத்மாராமம் முதி³தவத³னம் த³க்ஷிணாமூர்திமீடே³ ॥ 1 ॥ வடவிடபிஸமீபேபூ⁴மிபா⁴கே³ நிஷண்ணம் ஸகலமுனிஜனானாம் ஜ்ஞானதா³தாரமாராத் । த்ரிபு⁴வனகு³ருமீஶம் த³க்ஷிணாமூர்திதே³வம் ஜனநமரணது³:க²ச்சே²த³த³க்ஷம் நமாமி ॥ 2 ॥ சித்ரம் வடதரோர்மூலே வ்ருத்³தா⁴: ஶிஷ்யா கு³ருர்யுவா । கு³ரோஸ்து மௌனம் வ்யாக்²யானம் ஶிஷ்யாஸ்துச்சி²ன்னஸம்ஶயா: ॥ 3 ॥ நித⁴யே ஸர்வவித்³யானாம் பி⁴ஷஜே ப⁴வரோகி³ணாம் । கு³ரவே ஸர்வலோகானாம் த³க்ஷிணாமூர்தயே நம: ॥ 4 ॥ ஓம் நம: ப்ரணவார்தா²ய ஶுத்³தஜ⁴்ஞானைகமூர்தயே । நிர்மலாய ப்ரஶாந்தாய த³க்ஷிணாமூர்தயே நம: ॥ 5 ॥ சித்³க⁴னாய மஹேஶாய வடமூலனிவாஸினே । ஸச்சிதா³னந்த³ரூபாய த³க்ஷிணாமூர்தயே நம: ॥ 6 ॥ ஈஶ்வரோ கு³ருராத்மேதி மூர்திபே⁴த³விபா⁴கி³னே । வ்யோமவத்³வ்யாப்ததே³ஹாய த³க்ஷிணாமூர்தயே நம: ॥ 7 ॥ அங்கு³ஷ்ட²தர்ஜனீ யோக³முத்³ரா வ்யாஜேனயோகி³னாம் । ஶ்ருத்யர்த²ம் ப்³ரஹ்மஜீவைக்யம் த³ர்ஶயன்யோக³தா ஶிவ: ॥ 8 ॥ ஓம் ஶாந்தி: ஶாந்தி: ஶாந்தி: ॥ ஸ்தோத்ரம் விஶ்வம் த³ர்பண-த்³ருஶ்யமான-னக³ரீ துல்யம் நிஜாந்தர்க³தம் பஶ்யன்னாத்மனி மாயயா ப³ஹிரிவோத்³பூ⁴தம் யதா² நித்³ரயா । யஸ்ஸாக்ஷாத்குருதே ப்ரபோ³த⁴ஸமயே ஸ்வாத்மானமே வாத்³வயம் தஸ்மை ஶ்ரீகு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 1 ॥ பீ³ஜஸ்யாந்தரி-வாங்குரோ ஜக³தி³தம் ப்ராங்னிர்விகல்பம் புன: மாயாகல்பித தே³ஶகாலகலனா வைசித்ர்யசித்ரீக்ருதம் । மாயாவீவ விஜ்ரும்ப⁴யத்யபி மஹாயோகீ³வ ய: ஸ்வேச்ச²யா தஸ்மை ஶ்ரீகு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 2 ॥ யஸ்யைவ ஸ்பு²ரணம் ஸதா³த்மகமஸத்கல்பார்த²கம் பா⁴ஸதே ஸாக்ஷாத்தத்வமஸீதி வேத³வசஸா யோ போ³த⁴யத்யாஶ்ரிதான் । யஸ்ஸாக்ஷாத்கரணாத்³ப⁴வேன்ன புனராவ்ருத்திர்ப⁴வாம்போ⁴னிதௌ⁴ தஸ்மை ஶ்ரீகு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 3 ॥ நானாச்சி²த்³ர க⁴டோத³ர ஸ்தி²த மஹாதீ³ப ப்ரபா⁴பா⁴ஸ்வரம் ஜ்ஞானம் யஸ்ய து சக்ஷுராதி³கரண த்³வாரா ப³ஹி: ஸ்பந்த³தே । ஜானாமீதி தமேவ பா⁴ந்தமனுபா⁴த்யேதத்ஸமஸ்தம் ஜக³த் தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 4 ॥ தே³ஹம் ப்ராணமபீந்த்³ரியாண்யபி சலாம் பு³த்³தி⁴ம் ச ஶூன்யம் விது³: ஸ்த்ரீ பா³லாந்த⁴ ஜடோ³பமாஸ்த்வஹமிதி ப்⁴ராந்தாப்⁴ருஶம் வாதி³ன: । மாயாஶக்தி விலாஸகல்பித மஹாவ்யாமோஹ ஸம்ஹாரிணே தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 5 ॥ ராஹுக்³ரஸ்த தி³வாகரேந்து³ ஸத்³ருஶோ மாயா ஸமாச்சா²த³னாத் ஸன்மாத்ர: கரணோப ஸம்ஹரணதோ யோபூ⁴த்ஸுஷுப்த: புமான் । ப்ராக³ஸ்வாப்ஸமிதி ப்ரபோ⁴த³ஸமயே ய: ப்ரத்யபி⁴ஜ்ஞாயதே தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 6 ॥ பா³ல்யாதி³ஷ்வபி ஜாக்³ரதா³தி³ஷு ததா² ஸர்வாஸ்வவஸ்தா²ஸ்வபி வ்யாவ்ருத்தா ஸ்வனு வர்தமான மஹமித்யந்த: ஸ்பு²ரந்தம் ஸதா³ । ஸ்வாத்மானம் ப்ரகடீகரோதி பஜ⁴தாம் யோ முத்³ரயா ப⁴த்³ரயா தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 7 ॥ விஶ்வம் பஶ்யதி கார்யகாரணதயா ஸ்வஸ்வாமிஸம்ப³ந்த⁴த: ஶிஷ்யசார்யதயா ததை²வ பித்ரு புத்ராத்³யாத்மனா பே⁴த³த: । ஸ்வப்னே ஜாக்³ரதி வா ய ஏஷ புருஷோ மாயா பரிப்⁴ராமித: தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 8 ॥ பூ⁴ரம்பா⁴ம்ஸ்யனலோனிலோம்ப³ர மஹர்னாதோ² ஹிமாம்ஶு: புமான் இத்யாபா⁴தி சராசராத்மகமித³ம் யஸ்யைவ மூர்த்யஷ்டகம் । நான்யத்கிஞ்சன வித்³யதே விம்ருஶதாம் யஸ்மாத்பரஸ்மாத்³விபோ⁴ தஸ்மை ஶ்ரீ கு³ருமூர்தயே நம இத³ம் ஶ்ரீ த³க்ஷிணாமூர்தயே ॥ 9 ॥ ஸர்வாத்மத்வமிதி ஸ்பு²டீக்ருதமித³ம் யஸ்மாத³முஷ்மின் ஸ்தவே தேனாஸ்வ ஶ்ரவணாத்தத³ர்த² மனநாத்³த்⁴யானாச்ச ஸங்கீர்தனாத் । ஸர்வாத்மத்வ மஹாவிபூ⁴திஸஹிதம் ஸ்யாதீ³ஶ்வரத்வம் ஸ்வத: ஸித்³த்⁴யேத்தத்புனரஷ்டதா⁴ பரிணதம் சைஶ்வர்ய-மவ்யாஹதம் ॥ 10 ॥ ॥ இதி ஶ்ரீமச்ச²ங்கராசார்யவிரசிதம் த³க்ஷிணாமூர்திஸ்தோத்ரம் ஸம்பூர்ணம் ॥