हैंహైHaindavamஹிહિં
📍
Font Size:
Dakshinamurthy Pancharatna Stavam
mattarogaśiroparisthitanṛtyamānapadāmbujaṃ
bhaktacintitasiddhikālavicakṣaṇaṃ kamalekṣaṇam ।
bhuktimuktiphalapradaṃ bhuvi padmajācyutapūjitaṃ
dakṣiṇāmukhamāśraye mama sarvasiddhidamīśvaram ॥ 1 ॥
vittadapriyamarcitaṃ kṛtakṛśā tīvratapovrataiḥ
muktikāmibhirāśritaiḥ muhurmunibhirdṛḍhamānasaiḥ ।
muktidaṃ nijapādapaṅkajasaktamānasayogināṃ
dakṣiṇāmukhamāśraye mama sarvasiddhidamīśvaram ॥ 2 ॥
kṛttadakṣamakhādhipaṃ varavīrabhadragaṇena vai
yakṣarākṣasamartyakinnaradevapannagavanditam ।
ratnabhuggaṇanāthabhṛdbhramarārcitāṅghrisaroruhaṃ
dakṣiṇāmukhamāśraye mama sarvasiddhidamīśvaram ॥ 3 ॥
naktanādakalādharaṃ nagajāpayodharamaṇḍalaṃ
liptacandanapaṅkakuṅkumamudritāmalavigraham ।
śaktimantamaśeṣasṛṣṭividhānake sakalaṃ prabhuṃ
dakṣiṇāmukhamāśraye mama sarvasiddhidamīśvaram ॥ 4 ॥
raktanīrajatulyapādapayoja sanmaṇi nūpuraṃ
bandhanatrayabheda peśala paṅkajākṣa śilīmukham ।
hemaśailaśarāsanaṃ pṛthu śiñjinīkṛta dakṣakaṃ
dakṣiṇāmukhamāśraye mama sarvasiddhidamīśvaram ॥ 5 ॥
yaḥ paṭhecca dine dine stavapañcaratnamumāpateḥ
purātale mayākṛtaṃ nikhilāgamamūlamahānalam ।
tasya putrakalatramitradhanāni santu kṛpābalāt
te maheśvara śaṅkarākhilaviśvanāyaka śāśvata ॥ 6 ॥
iti agastya kṛta śrī dakṣiṇāmūrti pañcaratna stavam ।
Recite with devotion and pure heart
Regular practice brings spiritual benefits