ದಕ್ಷಿಣಾಮೂರ್ತಿ ಕವಚಂ

ಪಾರ್ವತ್ಯುವಾಚ ।

ನಮಸ್ತೇಽಸ್ತು ತ್ರಯೀನಾಥ ಪರಮಾನಂದಕಾರಕ ।

ಕವಚಂ ದಕ್ಷಿಣಾಮೂರ್ತೇಃ ಕೃಪಯಾ ವದ ಮೇ ಪ್ರಭೋ ॥ 1 ॥

ಈಶ್ವರ ಉವಾಚ ।

ವಕ್ಷ್ಯೇಽಹಂ ದೇವದೇವೇಶಿ ದಕ್ಷಿಣಾಮೂರ್ತಿರವ್ಯಯಂ ।

ಕವಚಂ ಸರ್ವಪಾಪಘ್ನಂ ವೇದಾಂತಜ್ಞಾನಗೋಚರಂ ॥ 2 ॥

ಅಣಿಮಾದಿ ಮಹಾಸಿದ್ಧಿವಿಧಾನಚತುರಂ ಶುಭಂ ।

ವೇದಶಾಸ್ತ್ರಪುರಾಣಾನಿ ಕವಿತಾ ತರ್ಕ ಏವ ಚ ॥ 3 ॥

ಬಹುಧಾ ದೇವಿ ಜಾಯಂತೇ ಕವಚಸ್ಯ ಪ್ರಭಾವತಃ ।

ಋಷಿರ್ಬ್ರಹ್ಮಾ ಸಮುದ್ದಿಷ್ಟಶ್ಛಂದೋಽನುಷ್ಟುಬುದಾಹೃತಂ ॥ 4 ॥

ದೇವತಾ ದಕ್ಷಿಣಾಮೂರ್ತಿಃ ಪರಮಾತ್ಮಾ ಸದಾಶಿವಃ ।

ಬೀಜಂ ವೇದಾದಿಕಂ ಚೈವ ಸ್ವಾಹಾ ಶಕ್ತಿರುದಾಹೃತಾ ।

ಸರ್ವಜ್ಞತ್ವೇಽಪಿ ದೇವೇಶಿ ವಿನಿಯೋಗಂ ಪ್ರಚಕ್ಷತೇ ॥ 5 ॥

ಧ್ಯಾನಂ –

ಅದ್ವಂದ್ವನೇತ್ರಮಮಲೇಂದುಕಲಾವತಂಸಂ

ಹಂಸಾವಲಂಬಿತ ಸಮಾನ ಜಟಾಕಲಾಪಂ ।

ಆನೀಲಕಂಠಮುಪಕಂಠಮುನಿಪ್ರವೀರಾನ್

ಅಧ್ಯಾಪಯಂತಮವಲೋಕಯ ಲೋಕನಾಥಂ ॥

ಕವಚಂ –

ಓಂ । ಶಿರೋ ಮೇ ದಕ್ಷಿಣಾಮೂರ್ತಿರವ್ಯಾತ್ ಫಾಲಂ ಮಹೇಶ್ವರಃ ।

ದೃಶೌ ಪಾತು ಮಹಾದೇವಃ ಶ್ರವಣೇ ಚಂದ್ರಶೇಖರಃ ॥ 1 ॥

ಕಪೋಲೌ ಪಾತು ಮೇ ರುದ್ರೋ ನಾಸಾಂ ಪಾತು ಜಗದ್ಗುರುಃ ।

ಮುಖಂ ಗೌರೀಪತಿಃ ಪಾತು ರಸನಾಂ ವೇದರೂಪಧೃತ್ ॥ 2 ॥

ದಶನಾಂ ತ್ರಿಪುರಧ್ವಂಸೀ ಚೋಷ್ಠಂ ಪನ್ನಗಭೂಷಣಃ ।

ಅಧರಂ ಪಾತು ವಿಶ್ವಾತ್ಮಾ ಹನೂ ಪಾತು ಜಗನ್ಮಯಃ ॥ 3 ॥

ಚುಬುಕಂ ದೇವದೇವಸ್ತು ಪಾತು ಕಂಠಂ ಜಟಾಧರಃ ।

ಸ್ಕಂಧೌ ಮೇ ಪಾತು ಶುದ್ಧಾತ್ಮಾ ಕರೌ ಪಾತು ಯಮಾಂತಕಃ ॥ 4 ॥

ಕುಚಾಗ್ರಂ ಕರಮಧ್ಯಂ ಚ ನಖರಾನ್ ಶಂಕರಃ ಸ್ವಯಂ ।

ಹೃನ್ಮೇ ಪಶುಪತಿಃ ಪಾತು ಪಾರ್ಶ್ವೇ ಪರಮಪೂರುಷಃ ॥ 5 ॥

ಮಧ್ಯಮಂ ಪಾತು ಶರ್ವೋ ಮೇ ನಾಭಿಂ ನಾರಾಯಣಪ್ರಿಯಃ ।

ಕಟಿಂ ಪಾತು ಜಗದ್ಭರ್ತಾ ಸಕ್ಥಿನೀ ಕ್ಷ್ಚ ಮೃಡಃ ಸ್ವಯಂ ॥ 6 ॥

ಕೃತ್ತಿವಾಸಾಃ ಸ್ವಯಂ ಗುಹ್ಯಾಮೂರೂ ಪಾತು ಪಿನಾಕಧೃತ್ ।

ಜಾನುನೀ ತ್ರ್ಯಂಬಕಃ ಪಾತು ಜಂಘೇ ಪಾತು ಸದಾಶಿವಃ ॥ 7 ॥

ಸ್ಮರಾರಿಃ ಪಾತು ಮೇ ಪಾದೌ ಪಾತು ಸರ್ವಾಂಗಮೀಶ್ವರಃ ।

ಇತೀದಂ ಕವಚಂ ದೇವಿ ಪರಮಾನಂದದಾಯಕಂ ॥ 8 ॥

ಜ್ಞಾನವಾಗರ್ಥದಂ ವೀರ್ಯಮಣಿಮಾದಿವಿಭೂತಿದಂ ।

ಆಯುರಾರೋಗ್ಯಮೈಶ್ವರ್ಯಮಪಮೃತ್ಯುಭಯಾಪಹಂ ॥ 9 ॥

ಪ್ರಾತಃ ಕಾಲೇ ಶುಚಿರ್ಭೂತ್ವಾ ತ್ರಿವಾರಂ ಸರ್ವದಾ ಜಪೇತ್ ।

ನಿತ್ಯಂ ಪೂಜಾಸಮಾಯುಕ್ತಃ ಸಂವತ್ಸರಮತಂದ್ರಿತಃ ॥ 10 ॥

ಜಪೇತ್ ತ್ರಿಸಂಧ್ಯಂ ಯೋ ವಿದ್ವಾನ್ ವೇದಶಾಸ್ತ್ರಾರ್ಥಪಾರಗಃ ।

ಗದ್ಯಪದ್ಯೈಸ್ತಥಾ ಚಾಪಿ ನಾಟಕಾಃ ಸ್ವಯಮೇವ ಹಿ ।

ನಿರ್ಗಚ್ಛಂತಿ ಮುಖಾಂಭೋಜಾತ್ಸತ್ಯಮೇತನ್ನ ಸಂಶಯಃ ॥ 11 ॥

ಇತಿ ರುದ್ರಯಾಮಲೇ ಶ್ರೀ ದಕ್ಷಿಣಾಮೂರ್ತಿ ಕವಚಂ ॥

Recite with devotion and pure heart

Regular practice brings spiritual benefits