ധ്യാനം – വ്യാഖ്യാരുദ്രാക്ഷമാലേ കലശസുരഭിതേ ബാഹുഭിർവാമപാദം ബിഭ്രാണോ ജാനുമൂർധ്നാ വടതരുനിവൃതാവസ്യധോ വിദ്യമാനഃ । സൗവർണേ യോഗപീഠേ ലിപിമയകമലേ സൂപവിഷ്ടസ്ത്രിണേത്രഃ ക്ഷീരാഭശ്ചന്ദ്രമൗലിർവിതരതു നിതരാം ശുദ്ധബുദ്ധിം ശിവോ നഃ ॥ സ്തോത്രം – വിദ്യാരൂപീ മഹായോഗീ ശുദ്ധജ്ഞാനീ പിനാകധൃത് । രത്നാലങ്കൃതസർവാംഗോ രത്നമാലീ ജടാധരഃ ॥ 1 ॥ ഗംഗാധാര്യചലാവാസീ സർവജ്ഞാനീ സമാധിധൃത് । അപ്രമേയോ യോഗനിധിസ്താരകോ ഭക്തവത്സലഃ ॥ 2 ॥ ബ്രഹ്മരൂപീ ജഗദ്വ്യാപീ വിഷ്ണുമൂർതിഃ പുരാന്തകഃ । ഉക്ഷവാഹശ്ചർമവാസാഃ പീതാംബരവിഭൂഷണഃ ॥ 3 ॥ മോക്ഷസിദ്ധിർമോക്ഷദായീ ദാനവാരിർജഗത്പതിഃ । വിദ്യാധാരീ ശുക്ലതനുഃ വിദ്യാദായീ ഗണാധിപഃ ॥ 4 ॥ പാപാപസ്മൃതിസംഹർതാ ശശിമൗലിർമഹാസ്വനഃ । സാമപ്രിയഃ സ്വയം സാധുഃ സർവദേവൈർനമസ്കൃതഃ ॥ 5 ॥ ഹസ്തവഹ്നിധരഃ ശ്രീമാൻ മൃഗധാരീ ച ശങ്കരഃ । യജ്ഞനാഥഃ ക്രതുധ്വംസീ യജ്ഞഭോക്താ യമാന്തകഃ ॥ 6 ॥ ഭക്താനുഗ്രഹമൂർതിശ്ച ഭക്തസേവ്യോ വൃഷധ്വജഃ । ഭസ്മോദ്ധൂലിതസർവാംഗോഽപ്യക്ഷമാലാധരോ മഹാൻ ॥ 7 ॥ ത്രയീമൂർതിഃ പരം ബ്രഹ്മ നാഗരാജൈരലങ്കൃതഃ । ശാന്തരൂപോ മഹാജ്ഞാനീ സർവലോകവിഭൂഷണഃ ॥ 8 ॥ അർധനാരീശ്വരോ ദേവോ മുനിസേവ്യഃ സുരോത്തമഃ । വ്യാഖ്യാനദേവോ ഭഗവാൻ അഗ്നിചന്ദ്രാർകലോചനഃ ॥ 9 ॥ ജഗത്സ്രഷ്ടാ ജഗദ്ഗോപ്താ ജഗദ്ധ്വംസീ ത്രിലോചനഃ । ജഗദ്ഗുരുർമഹാദേവോ മഹാനന്ദപരായണഃ ॥ 10 ॥ ജടാധാരീ മഹാവീരോ ജ്ഞാനദേവൈരലങ്കൃതഃ । വ്യോമഗംഗാജലസ്നാതാ സിദ്ധസംഘസമർചിതഃ ॥ 11 ॥ തത്ത്വമൂർതിർമഹായോഗീ മഹാസാരസ്വതപ്രദഃ । വ്യോമമൂർതിശ്ച ഭക്താനാമിഷ്ടകാമഫലപ്രദഃ ॥ 12 ॥ വീരമൂർതിർവിരൂപീ ച തേജോമൂർതിരനാമയഃ । വേദവേദാംഗതത്ത്വജ്ഞശ്ചതുഷ്ഷഷ്ടികലാനിധിഃ ॥ 13 ॥ ഭവരോഗഭയധ്വംസീ ഭക്താനാമഭയപ്രദഃ । നീലഗ്രീവോ ലലാടാക്ഷോ ഗജചർമാ ച ജ്ഞാനദഃ ॥ 14 ॥ അരോഗീ കാമദഹനസ്തപസ്വീ വിഷ്ണുവല്ലഭഃ । ബ്രഹ്മചാരീ ച സംന്യാസീ ഗൃഹസ്ഥാശ്രമകാരണഃ ॥ 15 ॥ ദാന്തശമവതാം ശ്രേഷ്ഠഃ സത്ത്വരൂപദയാനിധിഃ । യോഗപട്ടാഭിരാമശ്ച വീണാധാരീ വിചേതനഃ ॥ 16 ॥ മന്ത്രപ്രജ്ഞാനുഗാചാരോ മുദ്രാപുസ്തകധാരകഃ । രാഗഹിക്കാദിരോഗാണാം വിനിഹന്താ സുരേശ്വരഃ ॥ 17 ॥ ഇതി ശ്രീ ദക്ഷിണാമൂർത്യഷ്ടോത്തരശതനാമ സ്തോത്രം ॥