തീക്ഷ്ണദംഷ്ട്ര കാലഭൈരവാഷ്ടകം

യം യം യം യക്ഷരൂപം ദശദിശിവിദിതം ഭൂമികമ്പായമാനം

സം സം സംഹാരമൂർതിം ശിരമുകുടജടാ ശേഖരം ചന്ദ്രബിംബം ।

ദം ദം ദം ദീർഘകായം വികൃതനഖമുഖം ചോർധ്വരോമം കരാലം

പം പം പം പാപനാശം പ്രണമത സതതം ഭൈരവം ക്ഷേത്രപാലം ॥ 1 ॥

രം രം രം രക്തവർണം കടികടിതതനും തീക്ഷ്ണദംഷ്ട്രാകരാലം

ഘം ഘം ഘം ഘോഷ ഘോഷം ഘഘഘഘ ഘടിതം ഘർജരം ഘോരനാദം ।

കം കം കം കാലപാശം ധൃക ധൃക ധൃകിതം ജ്വാലിതം കാമദാഹം

തം തം തം ദിവ്യദേഹം പ്രണമത സതതം ഭൈരവം ക്ഷേത്രപാലം ॥ 2 ॥

ലം ലം ലം ലം വദന്തം ലലലല ലലിതം ദീർഘജിഹ്വാ കരാലം

ധൂം ധൂം ധൂം ധൂമ്രവർണം സ്ഫുടവികടമുഖം ഭാസ്കരം ഭീമരൂപം ।

രും രും രും രുണ്ഡമാലം രവിതമനിയതം താമ്രനേത്രം കരാലം

നം നം നം നഗ്നഭൂഷം പ്രണമത സതതം ഭൈരവം ക്ഷേത്രപാലം ॥ 3 ॥

വം വം വം വായുവേഗം നതജനസദയം ബ്രഹ്മസാരം പരന്തം

ഖം ഖം ഖം ഖഡ്ഗഹസ്തം ത്രിഭുവനവിലയം ഭാസ്കരം ഭീമരൂപം ।

ചം ചം ചം ചലിത്വാഽചല ചല ചലിതാച്ചാലിതം ഭൂമിചക്രം

മം മം മം മായിരൂപം പ്രണമത സതതം ഭൈരവം ക്ഷേത്രപാലം ॥ 4 ॥

ശം ശം ശം ശംഖഹസ്തം ശശികരധവലം മോക്ഷ സമ്പൂർണ തേജം

മം മം മം മം മഹാന്തം കുലമകുലകുലം മന്ത്രഗുപ്തം സുനിത്യം ।

യം യം യം ഭൂതനാഥം കിലികിലികിലിതം ബാലകേലിപ്രധാനം

അം അം അം അന്തരിക്ഷം പ്രണമത സതതം ഭൈരവം ക്ഷേത്രപാലം ॥ 5 ॥

ഖം ഖം ഖം ഖഡ്ഗഭേദം വിഷമമൃതമയം കാലകാലം കരാലം

ക്ഷം ക്ഷം ക്ഷം ക്ഷിപ്രവേഗം ദഹദഹദഹനം തപ്തസന്ദീപ്യമാനം ।

ഹൗം ഹൗം ഹൗങ്കാരനാദം പ്രകടിതഗഹനം ഗർജിതൈർഭൂമികമ്പം

വം വം വം വാലലീലം പ്രണമത സതതം ഭൈരവം ക്ഷേത്രപാലം ॥ 6 ॥

സം സം സം സിദ്ധിയോഗം സകലഗുണമഖം ദേവദേവം പ്രസന്നം

പം പം പം പദ്മനാഭം ഹരിഹരമയനം ചന്ദ്രസൂര്യാഗ്നിനേത്രം ।

ഐം ഐം ഐം ഐശ്വര്യനാഥം സതതഭയഹരം പൂർവദേവസ്വരൂപം

രൗം രൗം രൗം രൗദ്രരൂപം പ്രണമത സതതം ഭൈരവം ക്ഷേത്രപാലം ॥ 7 ॥

ഹം ഹം ഹം ഹംസയാനം ഹസിതകലഹകം മുക്തയോഗാട്ടഹാസം

നം നം നം നേത്രരൂപം ശിരമുകുടജടാബന്ധബന്ധാഗ്രഹസ്തം । [ധന്ധന്ധം]

ടം ടം ടം ടങ്കാരനാദം ത്രിദശലടലടം കാമഗർവാപഹാരം

ഭും ഭും ഭും ഭൂതനാഥം പ്രണമത സതതം ഭൈരവം ക്ഷേത്രപാലം ॥ 8 ॥

ഇത്യേവം കാമയുക്തം പ്രപഠതി നിയതം ഭൈരവസ്യാഷ്ടകം യോ

നിർവിഘ്നം ദുഃഖനാശം സുരഭയഹരണം ഡാകിനീശാകിനീനാം ।

നശ്യേദ്ധി വ്യാഘ്രസർപൗ ഹുതവഹ സലിലേ രാജ്യശംസസ്യ ശൂന്യം

സർവാ നശ്യന്തി ദൂരം വിപദ ഇതി ഭൃശം ചിന്തനാത്സർവസിദ്ധിം ॥ 9 ॥

ഭൈരവസ്യാഷ്ടകമിദം ഷാണ്മാസം യഃ പഠേന്നരഃ

സ യാതി പരമം സ്ഥാനം യത്ര ദേവോ മഹേശ്വരഃ ॥ 10 ॥

സിന്ദൂരാരുണഗാത്രം ച സർവജന്മവിനിർമിതം ।

മുകുടാഗ്ര്യധരം ദേവം ഭൈരവം പ്രണമാമ്യഹം ॥ 11 ॥

നമോ ഭൂതനാഥം നമോ പ്രേതനാഥം

നമഃ കാലകാലം നമഃ രുദ്രമാലം ।

നമഃ കാലികാപ്രേമലോലം കരാലം

നമോ ഭൈരവം കാശികാക്ഷേത്രപാലം ॥

ഇതി തീക്ഷ്ണദംഷ്ട്ര കാലഭൈരവാഷ്ടകം ॥

Recite with devotion and pure heart

Regular practice brings spiritual benefits