Kala Bhairava Pancharatna Stuti

khaḍgaṃ kapālaṃ ḍamaruṃ triśūlaṃ

hastāmbuje sandadhataṃ triṇetram ।

digambaraṃ bhasmavibhūṣitāṅgaṃ

namāmyahaṃ bhairavaminducūḍam ॥ 1 ॥

kavitvadaṃ satvarameva modā-

-nnatālaye śambhumano'bhirāmam ।

namāmi yānīkṛtasārameyaṃ

bhavābdhipāraṃ gamayantamāśu ॥ 2 ॥

jarādiduḥkhaughavibhedadakṣaṃ

virāgisaṃsevyapadāravindam ।

narādhipatvapradamāśu nantre

surādhipaṃ bhairavamānato'smi ॥ 3 ॥

śamādisampatpradamānatebhyo

ramādhavādyarcitapādapadmam ।

samādhiniṣṭhaistarasādhigamyaṃ

namāmyahaṃ bhairavamādinātham ॥ 4 ॥

girāmagamyaṃ manaso'pi dūraṃ

carācarasya prabhavādihetum ।

karākṣipacchūnyamathāpi ramyaṃ

parāvaraṃ bhairavamānato'smi ॥ 5 ॥

iti śrī kālabhairava pañcaratna stutiḥ ॥

Recite with devotion and pure heart

Regular practice brings spiritual benefits