ತೀಕ್ಷ್ಣದಂಷ್ಟ್ರ ಕಾಲಭೈರವಾಷ್ಟಕಂ

ಯಂ ಯಂ ಯಂ ಯಕ್ಷರೂಪಂ ದಶದಿಶಿವಿದಿತಂ ಭೂಮಿಕಂಪಾಯಮಾನಂ

ಸಂ ಸಂ ಸಂಹಾರಮೂರ್ತಿಂ ಶಿರಮುಕುಟಜಟಾ ಶೇಖರಂ ಚಂದ್ರಬಿಂಬಂ ।

ದಂ ದಂ ದಂ ದೀರ್ಘಕಾಯಂ ವಿಕೃತನಖಮುಖಂ ಚೋರ್ಧ್ವರೋಮಂ ಕರಾಲಂ

ಪಂ ಪಂ ಪಂ ಪಾಪನಾಶಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 1 ॥

ರಂ ರಂ ರಂ ರಕ್ತವರ್ಣಂ ಕಟಿಕಟಿತತನುಂ ತೀಕ್ಷ್ಣದಂಷ್ಟ್ರಾಕರಾಲಂ

ಘಂ ಘಂ ಘಂ ಘೋಷ ಘೋಷಂ ಘಘಘಘ ಘಟಿತಂ ಘರ್ಜರಂ ಘೋರನಾದಂ ।

ಕಂ ಕಂ ಕಂ ಕಾಲಪಾಶಂ ಧೃಕ ಧೃಕ ಧೃಕಿತಂ ಜ್ವಾಲಿತಂ ಕಾಮದಾಹಂ

ತಂ ತಂ ತಂ ದಿವ್ಯದೇಹಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 2 ॥

ಲಂ ಲಂ ಲಂ ಲಂ ವದಂತಂ ಲಲಲಲ ಲಲಿತಂ ದೀರ್ಘಜಿಹ್ವಾ ಕರಾಲಂ

ಧೂಂ ಧೂಂ ಧೂಂ ಧೂಮ್ರವರ್ಣಂ ಸ್ಫುಟವಿಕಟಮುಖಂ ಭಾಸ್ಕರಂ ಭೀಮರೂಪಂ ।

ರುಂ ರುಂ ರುಂ ರುಂಡಮಾಲಂ ರವಿತಮನಿಯತಂ ತಾಮ್ರನೇತ್ರಂ ಕರಾಲಂ

ನಂ ನಂ ನಂ ನಗ್ನಭೂಷಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 3 ॥

ವಂ ವಂ ವಂ ವಾಯುವೇಗಂ ನತಜನಸದಯಂ ಬ್ರಹ್ಮಸಾರಂ ಪರಂತಂ

ಖಂ ಖಂ ಖಂ ಖಡ್ಗಹಸ್ತಂ ತ್ರಿಭುವನವಿಲಯಂ ಭಾಸ್ಕರಂ ಭೀಮರೂಪಂ ।

ಚಂ ಚಂ ಚಂ ಚಲಿತ್ವಾಽಚಲ ಚಲ ಚಲಿತಾಚ್ಚಾಲಿತಂ ಭೂಮಿಚಕ್ರಂ

ಮಂ ಮಂ ಮಂ ಮಾಯಿರೂಪಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 4 ॥

ಶಂ ಶಂ ಶಂ ಶಂಖಹಸ್ತಂ ಶಶಿಕರಧವಲಂ ಮೋಕ್ಷ ಸಂಪೂರ್ಣ ತೇಜಂ

ಮಂ ಮಂ ಮಂ ಮಂ ಮಹಾಂತಂ ಕುಲಮಕುಲಕುಲಂ ಮಂತ್ರಗುಪ್ತಂ ಸುನಿತ್ಯಂ ।

ಯಂ ಯಂ ಯಂ ಭೂತನಾಥಂ ಕಿಲಿಕಿಲಿಕಿಲಿತಂ ಬಾಲಕೇಲಿಪ್ರಧಾನಂ

ಅಂ ಅಂ ಅಂ ಅಂತರಿಕ್ಷಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 5 ॥

ಖಂ ಖಂ ಖಂ ಖಡ್ಗಭೇದಂ ವಿಷಮಮೃತಮಯಂ ಕಾಲಕಾಲಂ ಕರಾಲಂ

ಕ್ಷಂ ಕ್ಷಂ ಕ್ಷಂ ಕ್ಷಿಪ್ರವೇಗಂ ದಹದಹದಹನಂ ತಪ್ತಸಂದೀಪ್ಯಮಾನಂ ।

ಹೌಂ ಹೌಂ ಹೌಂಕಾರನಾದಂ ಪ್ರಕಟಿತಗಹನಂ ಗರ್ಜಿತೈರ್ಭೂಮಿಕಂಪಂ

ವಂ ವಂ ವಂ ವಾಲಲೀಲಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 6 ॥

ಸಂ ಸಂ ಸಂ ಸಿದ್ಧಿಯೋಗಂ ಸಕಲಗುಣಮಖಂ ದೇವದೇವಂ ಪ್ರಸನ್ನಂ

ಪಂ ಪಂ ಪಂ ಪದ್ಮನಾಭಂ ಹರಿಹರಮಯನಂ ಚಂದ್ರಸೂರ್ಯಾಗ್ನಿನೇತ್ರಂ ।

ಐಂ ಐಂ ಐಂ ಐಶ್ವರ್ಯನಾಥಂ ಸತತಭಯಹರಂ ಪೂರ್ವದೇವಸ್ವರೂಪಂ

ರೌಂ ರೌಂ ರೌಂ ರೌದ್ರರೂಪಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 7 ॥

ಹಂ ಹಂ ಹಂ ಹಂಸಯಾನಂ ಹಸಿತಕಲಹಕಂ ಮುಕ್ತಯೋಗಾಟ್ಟಹಾಸಂ

ನಂ ನಂ ನಂ ನೇತ್ರರೂಪಂ ಶಿರಮುಕುಟಜಟಾಬಂಧಬಂಧಾಗ್ರಹಸ್ತಂ । [ಧಂಧಂಧಂ]

ಟಂ ಟಂ ಟಂ ಟಂಕಾರನಾದಂ ತ್ರಿದಶಲಟಲಟಂ ಕಾಮಗರ್ವಾಪಹಾರಂ

ಭುಂ ಭುಂ ಭುಂ ಭೂತನಾಥಂ ಪ್ರಣಮತ ಸತತಂ ಭೈರವಂ ಕ್ಷೇತ್ರಪಾಲಂ ॥ 8 ॥

ಇತ್ಯೇವಂ ಕಾಮಯುಕ್ತಂ ಪ್ರಪಠತಿ ನಿಯತಂ ಭೈರವಸ್ಯಾಷ್ಟಕಂ ಯೋ

ನಿರ್ವಿಘ್ನಂ ದುಃಖನಾಶಂ ಸುರಭಯಹರಣಂ ಡಾಕಿನೀಶಾಕಿನೀನಾಂ ।

ನಶ್ಯೇದ್ಧಿ ವ್ಯಾಘ್ರಸರ್ಪೌ ಹುತವಹ ಸಲಿಲೇ ರಾಜ್ಯಶಂಸಸ್ಯ ಶೂನ್ಯಂ

ಸರ್ವಾ ನಶ್ಯಂತಿ ದೂರಂ ವಿಪದ ಇತಿ ಭೃಶಂ ಚಿಂತನಾತ್ಸರ್ವಸಿದ್ಧಿಂ ॥ 9 ॥

ಭೈರವಸ್ಯಾಷ್ಟಕಮಿದಂ ಷಾಣ್ಮಾಸಂ ಯಃ ಪಠೇನ್ನರಃ

ಸ ಯಾತಿ ಪರಮಂ ಸ್ಥಾನಂ ಯತ್ರ ದೇವೋ ಮಹೇಶ್ವರಃ ॥ 10 ॥

ಸಿಂದೂರಾರುಣಗಾತ್ರಂ ಚ ಸರ್ವಜನ್ಮವಿನಿರ್ಮಿತಂ ।

ಮುಕುಟಾಗ್ರ್ಯಧರಂ ದೇವಂ ಭೈರವಂ ಪ್ರಣಮಾಮ್ಯಹಂ ॥ 11 ॥

ನಮೋ ಭೂತನಾಥಂ ನಮೋ ಪ್ರೇತನಾಥಂ

ನಮಃ ಕಾಲಕಾಲಂ ನಮಃ ರುದ್ರಮಾಲಂ ।

ನಮಃ ಕಾಲಿಕಾಪ್ರೇಮಲೋಲಂ ಕರಾಲಂ

ನಮೋ ಭೈರವಂ ಕಾಶಿಕಾಕ್ಷೇತ್ರಪಾಲಂ ॥

ಇತಿ ತೀಕ್ಷ್ಣದಂಷ್ಟ್ರ ಕಾಲಭೈರವಾಷ್ಟಕಂ ॥

Recite with devotion and pure heart

Regular practice brings spiritual benefits