தே³வராஜஸேவ்யமானபாவனாங்க்⁴ரிபங்கஜம்ʼ வ்யாலயஜ்ஞஸூத்ரமிந்து³ஶேக²ரம்ʼ க்ருʼபாகரம் । நாரதா³தி³யோகி³ப்³ருʼந்த³வந்தி³தம்ʼ தி³க³ம்ப³ரம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 1 ॥ பா⁴னுகோடிபா⁴ஸ்வரம்ʼ ப⁴வாப்³தி⁴தாரகம்ʼ பரம்ʼ நீலகண்ட²மீப்ஸிதார்த²தா³யகம்ʼ த்ரிலோசனம் । காலகாலமம்பு³ஜாக்ஷமக்ஷஶூலமக்ஷரம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 2 ॥ ஶூலடங்கபாஶத³ண்ட³பாணிமாதி³காரணம்ʼ ஶ்யாமகாயமாதி³தே³வமக்ஷரம்ʼ நிராமயம் । பீ⁴மவிக்ரமம்ʼ ப்ரபு⁴ம்ʼ விசித்ரதாண்ட³வப்ரியம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 3 ॥ பு⁴க்திமுக்திதா³யகம்ʼ ப்ரஶஸ்தசாருவிக்³ரஹம்ʼ ப⁴க்தவத்ஸலம்ʼ ஸ்தி²ரம்ʼ ஸமஸ்தலோகவிக்³ரஹம் । நிக்வணன்மனோஜ்ஞஹேமகிங்கிணீலஸத்கடிம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 4 ॥ த⁴ர்மஸேதுபாலகம்ʼ த்வத⁴ர்மமார்க³நாஶகம்ʼ கர்மபாஶமோசகம்ʼ ஸுஶர்மதா³யகம்ʼ விபு⁴ம் । ஸ்வர்ணவர்ணகேஶபாஶஶோபி⁴தாங்க³நிர்மலம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 5 ॥ ரத்னபாது³காப்ரபா⁴பி⁴ராமபாத³யுக்³மகம்ʼ நித்யமத்³விதீயமிஷ்டதை³வதம்ʼ நிரஞ்ஜனம் । ம்ருʼத்யுத³ர்பநாஶனம்ʼ கராலத³ம்ʼஷ்ட்ரபூ⁴ஷணம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 6 ॥ அட்டஹாஸபி⁴ன்னபத்³மஜாண்ட³கோஶஸந்ததிம்ʼ த்³ருʼஷ்டிபாதநஷ்டபாபஜாலமுக்³ரஶாஸனம் । அஷ்டஸித்³தி⁴தா³யகம்ʼ கபாலமாலிகாத⁴ரம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 7 ॥ பூ⁴தஸங்க⁴நாயகம்ʼ விஶாலகீர்திதா³யகம்ʼ காஶிவாஸிலோகபுண்யபாபஶோத⁴கம்ʼ விபு⁴ம் । நீதிமார்க³கோவித³ம்ʼ புராதனம்ʼ ஜக³த்பதிம்ʼ காஶிகாபுராதி⁴நாத² காலபை⁴ரவம்ʼ ப⁴ஜே ॥ 8 ॥ காலபை⁴ரவாஷ்டகம்ʼ பட²ந்தி யே மனோஹரம்ʼ ஜ்ஞானமுக்திஸாத⁴கம்ʼ விசித்ரபுண்யவர்த⁴னம் । ஶோகமோஹதை³ன்யலோப⁴கோபதாபநாஶனம்ʼ தே ப்ரயாந்தி காலபை⁴ரவாங்க்⁴ரிஸந்நிதி⁴ம்ʼ த்⁴ருவம் ॥ 9 ॥ இதி ஶ்ரீமச்ச²ங்கராசார்ய விரசிதம்ʼ காலபை⁴ரவாஷ்டகம்ʼ ஸம்பூர்ணம் ।