കാലഭൈരവ പഞ്ചരത്ന സ്തുതിഃ

ഖഡ്ഗം കപാലം ഡമരും ത്രിശൂലം

ഹസ്താംബുജേ സന്ദധതം ത്രിണേത്രം ।

ദിഗംബരം ഭസ്മവിഭൂഷിതാംഗം

നമാമ്യഹം ഭൈരവമിന്ദുചൂഡം ॥ 1 ॥

കവിത്വദം സത്വരമേവ മോദാ-

-ന്നതാലയേ ശംഭുമനോഽഭിരാമം ।

നമാമി യാനീകൃതസാരമേയം

ഭവാബ്ധിപാരം ഗമയന്തമാശു ॥ 2 ॥

ജരാദിദുഃഖൗഘവിഭേദദക്ഷം

വിരാഗിസംസേവ്യപദാരവിന്ദം ।

നരാധിപത്വപ്രദമാശു നന്ത്രേ

സുരാധിപം ഭൈരവമാനതോഽസ്മി ॥ 3 ॥

ശമാദിസമ്പത്പ്രദമാനതേഭ്യോ

രമാധവാദ്യർചിതപാദപദ്മം ।

സമാധിനിഷ്ഠൈസ്തരസാധിഗമ്യം

നമാമ്യഹം ഭൈരവമാദിനാഥം ॥ 4 ॥

ഗിരാമഗമ്യം മനസോഽപി ദൂരം

ചരാചരസ്യ പ്രഭവാദിഹേതും ।

കരാക്ഷിപച്ഛൂന്യമഥാപി രമ്യം

പരാവരം ഭൈരവമാനതോഽസ്മി ॥ 5 ॥

ഇതി ശ്രീ കാലഭൈരവ പഞ്ചരത്ന സ്തുതിഃ ॥

Recite with devotion and pure heart

Regular practice brings spiritual benefits