ఓంకారమూర్తిమార్తిఘ్నం దేవం హరిహరాత్మజమ్ । శబరీపీఠనిలయం శాస్తారం ప్రణతోఽస్మ్యహమ్ ॥ 1 ॥ నక్షత్రనాథవదనం నాథం త్రిభువనావనమ్ । నమితాశేషభువనం శాస్తారం ప్రణతోఽస్మ్యహమ్ ॥ 2 ॥ మన్మథాయుతసౌందర్యం మహాభూతనిషేవితమ్ । మృగయారసికం శూరం శాస్తారం ప్రణతోఽస్మ్యహమ్ ॥ 3 ॥ శివప్రదాయినం భక్తదైవతం పాండ్యబాలకమ్ । శార్దూలదుగ్ధహర్తారం శాస్తారం ప్రణతోఽస్మ్యహమ్ ॥ 4 ॥ వారణేంద్రసమారూఢం విశ్వత్రాణపరాయణమ్ । వేత్రోద్భాసికరాంభోజం శాస్తారం ప్రణతోఽస్మ్యహమ్ ॥ 5 ॥ యక్షిణ్యభిమతం పూర్ణాపుష్కలాపరిసేవితమ్ । క్షిప్రప్రసాదకం నిత్యం శాస్తారం ప్రణతోఽస్మ్యహమ్ ॥ 6 ॥ ఇతి శ్రీ శాస్తృ పంచాక్షర స్తోత్రమ్ ।