हैंహైHaindavamஹிહિં
📍
Font Size:
మహాశాస్తా అనుగ్రహ కవచం
శ్రీదేవ్యువాచ ।
భగవన్ దేవదేవేశ సర్వజ్ఞ త్రిపురాంతక ।
ప్రాప్తే కలియుగే ఘోరే మహాభూతైః సమావృతే ॥ 1 ॥
మహావ్యాధి మహావ్యాల ఘోరరాజైః సమావృతే ।
దుఃస్వప్నశోకసంతాపైః దుర్వినీతైః సమావృతే ॥ 2 ॥
స్వధర్మవిరతేమార్గే ప్రవృత్తే హృది సర్వదా ।
తేషాం సిద్ధిం చ ముక్తిం చ త్వం మే బ్రూహి వృషధ్వజ ॥ 3 ॥
ఈశ్వర ఉవాచ ।
శృణు దేవి మహాభాగే సర్వకల్యాణకారణే ।
మహాశాస్తుశ్చ దేవేశి కవచం పుణ్యవర్ధనం ॥ 4 ॥
అగ్నిస్తంభ జలస్తంభ సేనాస్తంభ విధాయకం ।
మహాభూతప్రశమనం మహావ్యాధినివారణం ॥ 5 ॥
మహాజ్ఞానప్రదం పుణ్యం విశేషాత్ కలితాపహం ।
సర్వరక్షాకరం దివ్యమాయురారోగ్యవర్ధనం ॥ 6 ॥
కిమతో బహునోక్తేన యం యం కామయతే ద్విజః ।
తం తమాప్నోత్యసందేహో మహాశాస్తుః ప్రసాదతః ॥ 7 ॥
కవచస్య ఋషిర్బ్రహ్మా గాయత్రీశ్ఛంద ఉచ్యతే ।
దేవతా శ్రీమహాశాస్తా దేవో హరిహరాత్మజః ॥ 8 ॥
షడంగమాచరేద్భక్త్యా మాత్రయా జాతియుక్తయా ।
ధ్యానమస్య ప్రవక్ష్యామి శృణుష్వావహితా ప్రియే ॥ 9 ॥
అస్య శ్రీమహాశాస్తుః కవచస్తోత్ర మహామంత్రస్య బ్రహ్మా ఋషిః, గాయత్రీ ఛందః, మహాశాస్తా దేవతా, హ్రాం బీజం, హ్రీం శక్తిః, హ్రూం కీలకం, శ్రీమహాశాస్తుః ప్రసాద సిద్ధ్యర్థే జపే వినియోగః ॥
హ్రామిత్యాది షడంగన్యాసః ॥
అథ ధ్యానం ।
తేజోమండలమధ్యగం త్రినయనం దివ్యాంబరాలంకృతం
దేవం పుష్పశరేక్షుకార్ముకలసన్మాణిక్యపాత్రాఽభయం ।
బిభ్రాణం కరపంకజే మదగజస్కంధాధిరూఢం విభుం
శాస్తారం శరణం వ్రజామి సతతం త్రైలోక్యసమ్మోహనం ॥
అథ కవచం ।
మహాశాస్తా శిరః పాతు ఫాలం హరిహరాత్మజః ।
కామరూపీ దృశౌ పాతు సర్వజ్ఞో మే శ్రుతీ సదా ॥ 1 ॥
ఘ్రాణం పాతు కృపాధ్యక్షో ముఖం గౌరీప్రియః సదా ।
వేదాధ్యాయీ చ మే జిహ్వాం పాతు మే చిబుకం గురుః ॥ 2 ॥
కంఠం పాతు విశుద్ధాత్మా స్కంధౌ పాతు సురార్చితః ।
బాహూ పాతు విరూపాక్షః కరౌ తు కమలాప్రియః ॥ 3 ॥
భూతాధిపో మే హృదయం మధ్యం పాతు మహాబలః ।
నాభిం పాతు మహావీరః కమలాక్షోఽవతాత్కటిం ॥ 4 ॥
అపానం పాతు విశ్వాత్మా గుహ్యం గుహ్యార్థవిత్తమః ।
ఊరూ పాతు గజారూఢో వజ్రధారీ చ జానునీ ॥ 5 ॥
జంఘే పాత్వంకుశధరః పాదౌ పాతు మహామతిః ।
సర్వాంగం పాతు మే నిత్యం మహామాయావిశారదః ॥ 6 ॥
ఇతీదం కవచం పుణ్యం సర్వాఘౌఘనికృంతనం ।
మహావ్యాధిప్రశమనం మహాపాతకనాశనం ॥ 7 ॥
జ్ఞానవైరాగ్యదం దివ్యమణిమాదివిభూషితం ।
ఆయురారోగ్యజననం మహావశ్యకరం పరం ॥ 8 ॥
యం యం కామయతే కామం తం తం ప్రాప్నోత్యసంశయః ।
త్రిసంధ్యం యః పఠేద్విద్వాన్ స యాతి పరమాం గతిం ॥ 9 ॥
ఇతి శ్రీ మహాశాస్తా అనుగ్రహ కవచం ।
Recite with devotion and pure heart
Regular practice brings spiritual benefits