हैंహైHaindavamஹிહિં
📍
Font Size:
മഹാശാസ്താ അനുഗ്രഹ കവചം
ശ്രീദേവ്യുവാച ।
ഭഗവൻ ദേവദേവേശ സർവജ്ഞ ത്രിപുരാന്തക ।
പ്രാപ്തേ കലിയുഗേ ഘോരേ മഹാഭൂതൈഃ സമാവൃതേ ॥ 1 ॥
മഹാവ്യാധി മഹാവ്യാല ഘോരരാജൈഃ സമാവൃതേ ।
ദുഃസ്വപ്നശോകസന്താപൈഃ ദുർവിനീതൈഃ സമാവൃതേ ॥ 2 ॥
സ്വധർമവിരതേമാർഗേ പ്രവൃത്തേ ഹൃദി സർവദാ ।
തേഷാം സിദ്ധിം ച മുക്തിം ച ത്വം മേ ബ്രൂഹി വൃഷധ്വജ ॥ 3 ॥
ഈശ്വര ഉവാച ।
ശൃണു ദേവി മഹാഭാഗേ സർവകല്യാണകാരണേ ।
മഹാശാസ്തുശ്ച ദേവേശി കവചം പുണ്യവർധനം ॥ 4 ॥
അഗ്നിസ്തംഭ ജലസ്തംഭ സേനാസ്തംഭ വിധായകം ।
മഹാഭൂതപ്രശമനം മഹാവ്യാധിനിവാരണം ॥ 5 ॥
മഹാജ്ഞാനപ്രദം പുണ്യം വിശേഷാത് കലിതാപഹം ।
സർവരക്ഷാകരം ദിവ്യമായുരാരോഗ്യവർധനം ॥ 6 ॥
കിമതോ ബഹുനോക്തേന യം യം കാമയതേ ദ്വിജഃ ।
തം തമാപ്നോത്യസന്ദേഹോ മഹാശാസ്തുഃ പ്രസാദതഃ ॥ 7 ॥
കവചസ്യ ഋഷിർബ്രഹ്മാ ഗായത്രീശ്ഛന്ദ ഉച്യതേ ।
ദേവതാ ശ്രീമഹാശാസ്താ ദേവോ ഹരിഹരാത്മജഃ ॥ 8 ॥
ഷഡംഗമാചരേദ്ഭക്ത്യാ മാത്രയാ ജാതിയുക്തയാ ।
ധ്യാനമസ്യ പ്രവക്ഷ്യാമി ശൃണുഷ്വാവഹിതാ പ്രിയേ ॥ 9 ॥
അസ്യ ശ്രീമഹാശാസ്തുഃ കവചസ്തോത്ര മഹാമന്ത്രസ്യ ബ്രഹ്മാ ഋഷിഃ, ഗായത്രീ ഛന്ദഃ, മഹാശാസ്താ ദേവതാ, ഹ്രാം ബീജം, ഹ്രീം ശക്തിഃ, ഹ്രൂം കീലകം, ശ്രീമഹാശാസ്തുഃ പ്രസാദ സിദ്ധ്യർഥേ ജപേ വിനിയോഗഃ ॥
ഹ്രാമിത്യാദി ഷഡംഗന്യാസഃ ॥
അഥ ധ്യാനം ।
തേജോമണ്ഡലമധ്യഗം ത്രിനയനം ദിവ്യാംബരാലങ്കൃതം
ദേവം പുഷ്പശരേക്ഷുകാർമുകലസന്മാണിക്യപാത്രാഽഭയം ।
ബിഭ്രാണം കരപങ്കജേ മദഗജസ്കന്ധാധിരൂഢം വിഭും
ശാസ്താരം ശരണം വ്രജാമി സതതം ത്രൈലോക്യസമ്മോഹനം ॥
അഥ കവചം ।
മഹാശാസ്താ ശിരഃ പാതു ഫാലം ഹരിഹരാത്മജഃ ।
കാമരൂപീ ദൃശൗ പാതു സർവജ്ഞോ മേ ശ്രുതീ സദാ ॥ 1 ॥
ഘ്രാണം പാതു കൃപാധ്യക്ഷോ മുഖം ഗൗരീപ്രിയഃ സദാ ।
വേദാധ്യായീ ച മേ ജിഹ്വാം പാതു മേ ചിബുകം ഗുരുഃ ॥ 2 ॥
കണ്ഠം പാതു വിശുദ്ധാത്മാ സ്കന്ധൗ പാതു സുരാർചിതഃ ।
ബാഹൂ പാതു വിരൂപാക്ഷഃ കരൗ തു കമലാപ്രിയഃ ॥ 3 ॥
ഭൂതാധിപോ മേ ഹൃദയം മധ്യം പാതു മഹാബലഃ ।
നാഭിം പാതു മഹാവീരഃ കമലാക്ഷോഽവതാത്കടിം ॥ 4 ॥
അപാനം പാതു വിശ്വാത്മാ ഗുഹ്യം ഗുഹ്യാർഥവിത്തമഃ ।
ഊരൂ പാതു ഗജാരൂഢോ വജ്രധാരീ ച ജാനുനീ ॥ 5 ॥
ജംഘേ പാത്വങ്കുശധരഃ പാദൗ പാതു മഹാമതിഃ ।
സർവാംഗം പാതു മേ നിത്യം മഹാമായാവിശാരദഃ ॥ 6 ॥
ഇതീദം കവചം പുണ്യം സർവാഘൗഘനികൃന്തനം ।
മഹാവ്യാധിപ്രശമനം മഹാപാതകനാശനം ॥ 7 ॥
ജ്ഞാനവൈരാഗ്യദം ദിവ്യമണിമാദിവിഭൂഷിതം ।
ആയുരാരോഗ്യജനനം മഹാവശ്യകരം പരം ॥ 8 ॥
യം യം കാമയതേ കാമം തം തം പ്രാപ്നോത്യസംശയഃ ।
ത്രിസന്ധ്യം യഃ പഠേദ്വിദ്വാൻ സ യാതി പരമാം ഗതിം ॥ 9 ॥
ഇതി ശ്രീ മഹാശാസ്താ അനുഗ്രഹ കവചം ।
Recite with devotion and pure heart
Regular practice brings spiritual benefits