ಧ್ಯಾನಂ – ವಿಪ್ರಾರೋಪಿತಧೇನುಘಾತಕಲುಷಚ್ಛೇದಾಯ ಪೂರ್ವಂ ಮಹಾನ್ ಸೋಮಾರಣ್ಯಜಯಂತಿಮಧ್ಯಮಗತೋ ಗ್ರಾಮೇ ಮುನಿರ್ಗೌತಮಃ । ಚಕ್ರೇ ಯಜ್ಞವರಂ ಕೃಪಾಜಲನಿಧಿಸ್ತತ್ರಾವಿರಾಸೀತ್ ಪ್ರಭುಃ ತಸ್ಮೈ ಶ್ರೀಗುರುಮೂರ್ತಯೇ ನಮ ಇದಂ ಯೋ ವಿಷ್ಣುಶಂಭ್ವೋಸುತಃ ॥ ನಾಮಾವಲೀ – ರೈವತಾಚಲಶೃಂಗಾಗ್ರಮಧ್ಯಸ್ಥಾಯ ನಮೋ ನಮಃ । ರತ್ನಾದಿಸೋಮಸಮ್ಯುಕ್ತಶೇಖರಾಯ ನಮೋ ನಮಃ । ಚಂದ್ರಸೂರ್ಯಶಿಖಾವಾಹತ್ರಿಣೇತ್ರಾಯ ನಮೋ ನಮಃ । ಪಾಶಾಂಕುಶಗದಾಶೂಲಾಭರಣಾಯ ನಮೋ ನಮಃ । ಮದಘೂರ್ಣಿತಪೂರ್ಣಾಂಬಾಮಾನಸಾಯ ನಮೋ ನಮಃ । ಪುಷ್ಕಲಾಹೃದಯಾಂಭೋಜನಿವಾಸಾಯ ನಮೋ ನಮಃ । ಶ್ವೇತಮಾತಂಗನೀಲಾಶ್ವವಾಹನಾಯ ನಮೋ ನಮಃ । ರಕ್ತಮಾಲಾಧರಸ್ಕಂಧಪ್ರದೇಶಾಯ ನಮೋ ನಮಃ । ವೈಕುಂಠನಾಥಶಂಭ್ವೋಶ್ಚ ಸುಸುತಾಯ ನಮೋ ನಮಃ । ತ್ರಿಕಾಲಂ ವರ್ತಮಾನಾನಾಂ ಭಾಷಣಾಯ ನಮೋ ನಮಃ । 10 ಮಹಾಸುರದಶಕರಚ್ಛೇದನಾಯ ನಮೋ ನಮಃ । ದೇವರಾಜಸುವಾಕ್ ತುಷ್ಟಮಾನಸಾಯ ನಮೋ ನಮಃ । ಅಭಯಂಕರಮಂತ್ರಾರ್ಥಸ್ವರೂಪಾಯ ನಮೋ ನಮಃ । ಜಯಶಬ್ದಮುನಿಸ್ತೋತ್ರಶ್ರೋತ್ರಿಯಾಯ ನಮೋ ನಮಃ । ಸೂರ್ಯಕೋಟಿಪ್ರತೀಕಾಶಸುದೇಹಾಯ ನಮೋ ನಮಃ । ದಂಡನಾರಾಚವಿಲಸತ್ಕರಾಬ್ಜಾಯ ನಮೋ ನಮಃ । ಮಂದಾಕಿನೀನದೀತೀರನಿವಾಸಾಯ ನಮೋ ನಮಃ । ಮತಂಗೋದ್ಯಾನಸಂಚಾರವೈಭವಾಯ ನಮೋ ನಮಃ । ಸದಾ ಸದ್ಭಕ್ತಿಸಂಧಾತೃಚರಣಾಯ ನಮೋ ನಮಃ । ಕೃಶಾನುಕೋಣಮಧ್ಯಸ್ಥಕೃಪಾಂಗಾಯ ನಮೋ ನಮಃ । 20 ಪಾರ್ವತೀಹೃದಯಾನಂದಭರಿತಾಯ ನಮೋ ನಮಃ । ಶಾಂಡಿಲ್ಯಮುನಿಸಂಸ್ತುತ್ಯಶ್ಯಾಮಲಾಯ ನಮೋ ನಮಃ । ವಿಶ್ವಾವಸುಸದಾಸೇವ್ಯವಿಭವಾಯ ನಮೋ ನಮಃ । ಪಂಚಾಕ್ಷರೀಮಹಾಮಂತ್ರಪಾರಗಾಯ ನಮೋ ನಮಃ । ಪ್ರಭಾ ಸತ್ಯಾಭಿಸಂಪೂಜ್ಯಪದಾಬ್ಜಾಯ ನಮೋ ನಮಃ । ಖಡ್ಗಖೇಟೋರಗಾಂಭೋಜಸುಭುಜಾಯ ನಮೋ ನಮಃ । ಮದತ್ರಯದ್ರವಗಜಾರೋಹಣಾಯ ನಮೋ ನಮಃ । ಚಿಂತಾಮಣಿಮಹಾಪೀಠಮಧ್ಯಗಾಯ ನಮೋ ನಮಃ । ಶಿಖಿಪಿಂಛಜಟಾಬದ್ಧಜಘನಾಯ ನಮೋ ನಮಃ । ಪೀತಾಂಬರಾಬದ್ಧಕಟಿಪ್ರದೇಶಾಯ ನಮೋ ನಮಃ । 30 ವಿಪ್ರಾರಾಧನಸಂತುಷ್ಟವಿಶ್ರಾಂತಾಯ ನಮೋ ನಮಃ । ವ್ಯೋಮಾಗ್ನಿಮಾಯಾಮೂರ್ಧೇಂದುಸುಬೀಜಾಯ ನಮೋ ನಮಃ । ಪುರಾ ಕುಂಭೋದ್ಭವಮುನಿಘೋಷಿತಾಯ ನಮೋ ನಮಃ । ವರ್ಗಾರಿಷಟ್ಕುಲಾಮೂಲವಿನಾಶಾಯ ನಮೋ ನಮಃ । ಧರ್ಮಾರ್ಥಕಾಮಮೋಕ್ಷಶ್ರೀಫಲದಾಯ ನಮೋ ನಮಃ । ಭಕ್ತಿಪ್ರದಾನಂದಗುರುಪಾದುಕಾಯ ನಮೋ ನಮಃ । ಮುಕ್ತಿಪ್ರದಾತೃಪರಮದೇಶಿಕಾಯ ನಮೋ ನಮಃ । ಪರಮೇಷ್ಠಿಸ್ವರೂಪೇಣ ಪಾಲಕಾಯ ನಮೋ ನಮಃ । ಪರಾಪರೇಣ ಪದ್ಮಾದಿದಾಯಕಾಯ ನಮೋ ನಮಃ । ಮನುಲೋಕೈಃ ಸದಾವಂದ್ಯ ಮಂಗಲಾಯ ನಮೋ ನಮಃ । 40 ಕೃತೇ ಪ್ರತ್ಯಕ್ಷರಂ ಲಕ್ಷಾತ್ಕೀರ್ತಿದಾಯ ನಮೋ ನಮಃ । ತ್ರೇತಾಯಾಂ ದ್ವ್ಯಷ್ಟಲಕ್ಷೇಣ ಸಿದ್ಧಿದಾಯ ನಮೋ ನಮಃ । ದ್ವಾಪರೇ ಚಾಷ್ಟಲಕ್ಷೇಣ ವರದಾಯ ನಮೋ ನಮಃ । ಕಲೌ ಲಕ್ಷಚತುಷ್ಕೇನ ಪ್ರಸನ್ನಾಯ ನಮೋ ನಮಃ । ಸಹಸ್ರಸಂಖ್ಯಾಜಾಪೇನ ಸಂತುಷ್ಟಾಯ ನಮೋ ನಮಃ । ಯದುದ್ದಿಶ್ಯ ಜಪಃ ಸದ್ಯಸ್ತತ್ಪ್ರದಾತ್ರೇ ನಮೋ ನಮಃ । ಶೌನಕಸ್ತೋತ್ರಸಂಪ್ರೀತಸುಗುಣಾಯ ನಮೋ ನಮಃ । ಶರಣಾಗತಭಕ್ತಾನಾಂ ಸುಮಿತ್ರಾಯ ನಮೋ ನಮಃ । ಪಾಣ್ಯೋರ್ಗಜಧ್ವಜಂ ಘಂಟಾಂ ಬಿಭ್ರತೇ ತೇ ನಮೋ ನಮಃ । ಆಜಾನುದ್ವಯಸಂದೀರ್ಘಬಾಹುಕಾಯ ನಮೋ ನಮಃ । 50 ರಕ್ತಚಂದನಲಿಪ್ತಾಂಗಶೋಭನಾಯ ನಮೋ ನಮಃ । ಕಮಲಾಸುರಜೀವಾಪಹರಣಾಯ ನಮೋ ನಮಃ । ಶುದ್ಧಚಿತ್ತಸುಭಕ್ತಾನಾಂ ರಕ್ಷಕಾಯ ನಮೋ ನಮಃ । ಮಾರ್ಯಾದಿದುಷ್ಟರೋಗಾಣಾಂ ನಾಶಕಾಯ ನಮೋ ನಮಃ । ದುಷ್ಟಮಾನುಷಗರ್ವಾಪಹರಣಾಯ ನಮೋ ನಮಃ । ನೀಲಮೇಘನಿಭಾಕಾರಸುದೇಹಾಯ ನಮೋ ನಮಃ । ಪಿಪೀಲಿಕಾದಿಬ್ರಹ್ಮಾಂಡವಶ್ಯದಾಯ ನಮೋ ನಮಃ । ಭೂತನಾಥಸದಾಸೇವ್ಯಪದಾಬ್ಜಾಯ ನಮೋ ನಮಃ । ಮಹಾಕಾಲಾದಿಸಂಪೂಜ್ಯವರಿಷ್ಠಾಯ ನಮೋ ನಮಃ । ವ್ಯಾಘ್ರಶಾರ್ದೂಲ ಪಂಚಾಸ್ಯ ವಶ್ಯದಾಯ ನಮೋ ನಮಃ । 60 ಮಧುರಾನೃಪಸಮ್ಮೋಹಸುವೇಷಾಯ ನಮೋ ನಮಃ । ಪಾಂಡ್ಯಭೂಪಸಭಾರತ್ನಪಂಕಜಾಯ ನಮೋ ನಮಃ । ರಾಘವಪ್ರೀತಶಬರೀಸ್ವಾಶ್ರಮಾಯ ನಮೋ ನಮಃ । ಪಂಪಾನದೀಸಮೀಪಸ್ಥಸದನಾಯ ನಮೋ ನಮಃ । ಪಂತಲಾಧಿಪವಂದ್ಯಶ್ರೀಪದಾಬ್ಜಾಯ ನಮೋ ನಮಃ । ಭೂತಭೇತಾಲಕೂಷ್ಮಾಂಡೋಚ್ಚಾಟನಾಯ ನಮೋ ನಮಃ । ಭೂಪಾಗ್ರೇ ವನಶಾರ್ದೂಲಾಕರ್ಷಣಾಯ ನಮೋ ನಮಃ । ಪಾಂಡ್ಯೇಶವಂಶತಿಲಕಸ್ವರೂಪಾಯ ನಮೋ ನಮಃ । ಪತ್ರವಾಣೀಜರಾರೋಗಧ್ವಂಸನಾಯ ನಮೋ ನಮಃ । ವಾಣ್ಯೈ ಚೋದಿತಶಾರ್ದೂಲ ಶಿಶುದಾಯ ನಮೋ ನಮಃ । 70 ಕೇರಲೇಷು ಸದಾ ಕೇಲಿವಿಗ್ರಹಾಯ ನಮೋ ನಮಃ । ಆಶ್ರಿತಾಖಿಲವಂಶಾಭಿವೃದ್ಧಿದಾಯ ನಮೋ ನಮಃ । ಛಾಗಾಸ್ಯರಾಕ್ಷಸೀಪಾಣಿಖಂಡನಾಯ ನಮೋ ನಮಃ । ಸದಾಜ್ವಲದ್ಘೃಣೀನ್ಯಸ್ತಶರಣಾಯ ನಮೋ ನಮಃ । ದೀಪ್ತ್ಯಾದಿಶಕ್ತಿನವಕೈಃ ಸೇವಿತಾಯ ನಮೋ ನಮಃ । ಪ್ರಭೂತನಾಮಪಂಚಾಸ್ಯಪೀಠಸ್ಥಾಯ ನಮೋ ನಮಃ । ಪ್ರಮಥಾಕರ್ಷಸಾಮರ್ಥ್ಯದಾಯಕಾಯ ನಮೋ ನಮಃ । ಷಟ್ಪಂಚಾಶದ್ದೇಶಪತಿವಶ್ಯದಾಯ ನಮೋ ನಮಃ । ದುರ್ಮುಖೀನಾಮದೈತ್ಯಶಿರಶ್ಛೇದಾಯ ನಮೋ ನಮಃ । ಟಾದಿಭಾಂತದಲೈಃ ಕ್ಲುಪ್ತಪದ್ಮಸ್ಥಾಯ ನಮೋ ನಮಃ । 80 ಶರಚ್ಚಂದ್ರಪ್ರತೀಕಾಶವಕ್ತ್ರಾಬ್ಜಾಯ ನಮೋ ನಮಃ । ವಶ್ಯಾದ್ಯಷ್ಟಕ್ರಿಯಾಕರ್ಮಫಲದಾಯ ನಮೋ ನಮಃ । ವನವಾಸಾದಿಸುಪ್ರೀತವರಿಷ್ಠಾಯ ನಮೋ ನಮಃ । ಪುರಾ ಶಚೀಭಯಭ್ರಾಂತಿಪ್ರಣಾಶಾಯ ನಮೋ ನಮಃ । ಸುರೇಂದ್ರಪ್ರಾರ್ಥಿತಾಭೀಷ್ಟಫಲದಾಯ ನಮೋ ನಮಃ । ಶಂಭೋರ್ಜಟಾಸಮುತ್ಪನ್ನಸೇವಿತಾಯ ನಮೋ ನಮಃ । ವಿಪ್ರಪೂಜ್ಯಸಭಾಮಧ್ಯನರ್ತಕಾಯ ನಮೋ ನಮಃ । ಜಪಾಪುಷ್ಪಪ್ರಭಾವೋರ್ಧ್ವಾಧರೋಷ್ಠಾಯ ನಮೋ ನಮಃ । ಸಾಧುಸಜ್ಜನಸನ್ಮಾರ್ಗರಕ್ಷಕಾಯ ನಮೋ ನಮಃ । ಮಧ್ವಾಜ್ಯಕುಲವತ್ಸ್ವಾದುವಚನಾಯ ನಮೋ ನಮಃ । 90 ರಕ್ತಸೈಕತಶೈಲಾಘಕ್ಷೇತ್ರಸ್ಥಾಯ ನಮೋ ನಮಃ । ಕೇತಕೀವನಮಧ್ಯಸ್ಥಕುಮಾರಾಯ ನಮೋ ನಮಃ । ಗೋಹತ್ತಿಪಾಪಶಮನಚತುರಾಯ ನಮೋ ನಮಃ । ಸ್ವಪೂಜನಾತ್ ಪಾಪಮುಕ್ತಗೌತಮಾಯ ನಮೋ ನಮಃ । ಉದೀಚ್ಯಾಚಲವಾರೀಶಗ್ರಾಮರಕ್ಷಾಯ ತೇ ನಮಃ । ಗೌತಮೀಸಲಿಲಸ್ನಾನಸಂತುಷ್ಟಾಯ ನಮೋ ನಮಃ । ಸೋಮಾರಣ್ಯಜಯಂತಾಖ್ಯಕ್ಷೇತ್ರಮಧ್ಯಾಯ ತೇ ನಮಃ । ಗೌತಮಾಖ್ಯಮುನಿಶ್ರೇಷ್ಠಯಾಗಪ್ರಾರ್ಚ್ಯಾಯ ತೇ ನಮಃ । ಕೃತ್ತಿಕರ್ಕ್ಷೋದ್ಭವಗ್ರಾಮಪ್ರವೇಶಾಯ ನಮೋ ನಮಃ । ಕೃತ್ತಿಕರ್ಕ್ಷೋದ್ಭವಗ್ರಾಮಕ್ಲೇಶನಾಶಾಯ ತೇ ನಮಃ । 100 ಕೃತ್ತಿಕರ್ಕ್ಷೋದ್ಭವಗ್ರಾಮಪಾಲನಾಯ ನಮೋ ನಮಃ । ಸದಾಧ್ಯಾಯಿಭರದ್ವಾಜಪೂಜಿತಾಯ ನಮೋ ನಮಃ । ಕಶ್ಯಪಾದಿಮುನೀಂದ್ರಾಣಾಂ ತಪೋದೇಶಾಯ ತೇ ನಮಃ । ಜನ್ಮಮೃತ್ಯುಜರಾತಪ್ತಜನಶಾಂತಿಕೃತೇ ನಮಃ । ಭಕ್ತಜನಮನಃ ಕ್ಲೇಶಮರ್ದನಾಯ ನಮೋ ನಮಃ । ಆಯುರ್ಯಶಃ ಶ್ರಿಯಂ ಪ್ರಜ್ಞಾಂ ಪುತ್ರಾನ್ ದೇಹಿ ನಮೋ ನಮಃ । ರೇವಂತಜೃಂಭಿನ್ ಏಹ್ಯೇಹಿ ಪ್ರಸಾದಂ ಕುರು ಮೇ ನಮಃ । ಬ್ರಹ್ಮವಿಷ್ಣುಶಿವಾತ್ಮೈಕ್ಯಸ್ವರೂಪಾಯ ನಮೋ ನಮಃ । 108 ಇತಿ ಶ್ರೀಮಹಾಶಾಸ್ತೃ ಅಷ್ಟೋತ್ತರಶತನಾಮಾವಲೀ ॥