లోకవీరం మహాపూజ్యం సర్వరక్షాకరం విభుమ్ । పార్వతీ హృదయానందం శాస్తారం ప్రణమామ్యహమ్ ॥ 1 ॥ విప్రపూజ్యం విశ్వవంద్యం విష్ణుశంభోః ప్రియం సుతమ్ । క్షిప్రప్రసాదనిరతం శాస్తారం ప్రణమామ్యహమ్ ॥ 2 ॥ మత్తమాతంగగమనం కారుణ్యామృతపూరితమ్ । సర్వవిఘ్నహరం దేవం శాస్తారం ప్రణమామ్యహమ్ ॥ 3 ॥ అస్మత్కులేశ్వరం దేవమస్మచ్ఛత్రు వినాశనమ్ । అస్మదిష్టప్రదాతారం శాస్తారం ప్రణమామ్యహమ్ ॥ 4 ॥ పాండ్యేశవంశతిలకం కేరలే కేలివిగ్రహమ్ । ఆర్తత్రాణపరం దేవం శాస్తారం ప్రణమామ్యహమ్ ॥ 5 ॥ పంచరత్నాఖ్యమేతద్యో నిత్యం శుద్ధః పఠేన్నరః । తస్య ప్రసన్నో భగవాన్ శాస్తా వసతి మానసే ॥