(தை।ஆ।1।0।0) ஓம்ʼ ப⁴॒த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ । ப⁴॒த்³ரம்ʼ ப॑ஶ்யேமா॒க்ஷபி⁴॒ர்யஜ॑த்ரா꞉ । ஸ்தி²॒ரைரங்கை³᳚ஸ்துஷ்டு॒வாக்³ம்ʼஸ॑ஸ்த॒னூபி⁴॑: । வ்யஶே॑ம தே³॒வஹி॑தம்॒ʼ யதா³யு॑: । ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ । ஸ்வ॒ஸ்தி ந॑: பூ॒ஷா வி॒ஶ்வவே॑தா³꞉ । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ । ஸ்வ॒ஸ்தி நோ॒ ப்³ருʼஹ॒ஸ்பதி॑ர்த³தா⁴து ॥ ஓம்ʼ ஶாந்தி॒: ஶாந்தி॒: ஶாந்தி॑: ॥ 1-0-0 ஓம்ʼ ப⁴॒த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ । ப⁴॒த்³ரம்ʼ ப॑ஶ்யேமா॒க்ஷபி⁴॒ர்யஜ॑த்ரா꞉ । ஸ்தி²॒ரைரங்கை³᳚ஸ்துஷ்டு॒வாக்³ம்ʼஸ॑ஸ்த॒னூபி⁴॑: । வ்யஶே॑ம தே³॒வஹி॑தம்॒ʼ யதா³யு॑: । ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ । ஸ்வ॒ஸ்தி ந॑: பூ॒ஷா வி॒ஶ்வவே॑தா³꞉ । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ । ஸ்வ॒ஸ்தி நோ॒ ப்³ருʼஹ॒ஸ்பதி॑ர்த³தா⁴து । ஆப॑மாபாம॒ப꞉ ஸர்வா᳚: । அ॒ஸ்மாத³॒ஸ்மாதி³॒தோ(அ)முத॑: ॥ 1 ॥ 1-1-1 அ॒க்³நிர்வா॒யுஶ்ச॒ ஸூர்ய॑ஶ்ச । ஸ॒ஹ ஸ॑ஞ்சரஸ்க॒ரர்த்³தி⁴॑யா । வா॒ய்வஶ்வா॑ ரஶ்மி॒பத॑ய꞉ । மரீ᳚ச்யாத்மானோ॒ அத்³ரு॑ஹ꞉ । தே³॒வீர்பு⁴॑வன॒ஸூவ॑ரீ꞉ । பு॒த்ர॒வ॒த்வாய॑ மே ஸுத । மஹானாம்நீர்ம॑ஹாமா॒னா꞉ । ம॒ஹ॒ஸோ ம॑ஹஸ॒ஸ்ஸ்வ॑: । தே³॒வீ꞉ ப॑ர்ஜன்ய॒ஸூவ॑ரீ꞉ । பு॒த்ர॒வ॒த்வாய॑ மே ஸுத ॥ 2 ॥ 1-1-2 அ॒பாஶ்ன்யு॑ஷ்ணிம॒பா ரக்ஷ॑: । அ॒பாஶ்ன்யு॑ஷ்ணிம॒பாரக⁴ம்᳚ । அபா᳚க்⁴ரா॒மப॑ சா॒வர்திம்᳚ । அப॑தே³॒வீரி॒தோ ஹி॑த । வஜ்ரம்॑ʼ தே³॒வீரஜீ॑தாக்³ஶ்ச । பு⁴வ॑னம்ʼ தே³வ॒ஸூவ॑ரீ꞉ । ஆ॒தி³॒த்யானதி³॑திம்ʼ தே³॒வீம் । யோனி॑னோர்த்⁴வமு॒தீ³ஷ॑த । ஶி॒வான॒ஶ்ஶந்த॑மா ப⁴வந்து । தி³॒வ்யா ஆப॒ ஓஷ॑த⁴ய꞉ । ஸு॒ம்ரு॒ʼடீ³॒கா ஸர॑ஸ்வதி । மா தே॒ வ்யோ॑ம ஸ॒ந்த்³ருʼஶி॑ ॥ 3 ॥ 1-1-3 ஸ்ம்ருʼதி॑: ப்ர॒த்யக்ஷ॑மைதி॒ஹ்யம்᳚ । அனு॑மானஶ்சதுஷ்ட॒யம் । ஏ॒தைராதி³॑த்யமண்ட³லம் । ஸர்வை॑ரேவ॒ விதா⁴᳚ஸ்யதே । ஸூர்யோ॒ மரீ॑சி॒மாத³॑த்தே । ஸர்வஸ்மா᳚த்³பு⁴வ॑நாத³॒தி⁴ । தஸ்யா꞉ பாகவி॑ஶேஷே॒ண । ஸ்ம்ரு॒ʼதம்ʼ கா॑லவி॒ஶேஷ॑ணம் । ந॒தீ³வ॒ ப்ரப⁴॑வாத்கா॒சித் । அ॒க்ஷய்யா᳚த்ஸ்யந்த³॒தே ய॑தா² ॥ 4 ॥ 1-2-1 தான்னத்³யோ(அ)பி⁴ஸ॑மாய॒ந்தி । ஸோ॒ருஸ்ஸதீ॑ ந நி॒வர்த॑தே । ஏ॒வன்னா॒னாஸ॑முத்தா²॒னா꞉ । கா॒லாஸ்ஸம்॑ʼவத்ஸ॒ரக்³க்³ ஶ்ரி॑தா꞉ । அணுஶஶ்ச ம॑ஹஶ॒ஶ்ச । ஸர்வே॑ ஸமவ॒யந்த்ரி॑தம் । ஸதை᳚ஸ்ஸ॒ர்வைஸ்ஸ॑மாவி॒ஷ்ட꞉ । ஊ॒ருஸ்ஸ॑ன்ன நி॒வர்த॑தே । அதி⁴ஸம்ʼவத்ஸ॑ரம்ʼ வி॒த்³யாத் । ததே³வ॑ லக்ஷ॒ணே ॥ 5 ॥ 1-2-2 அணுபி⁴ஶ்ச ம॑ஹத்³பி⁴॒ஶ்ச । ஸ॒மாரூ॑ட⁴꞉ ப்ர॒த்³ருʼஶ்ய॑தே । ஸம்ʼவத்ஸர꞉ ப்ர॑த்யக்ஷே॒ண । நா॒தி⁴ஸ॑த்வ꞉ ப்ர॒த்³ருʼஶ்ய॑தே । ப॒டரோ॑ விக்லி॑த⁴꞉ பி॒ங்க³꞉ । ஏ॒தத்³வ॑ருண॒லக்ஷ॑ணம் । யத்ரைத॑து³ப॒த்³ருʼஶ்ய॑தே । ஸ॒ஹஸ்ரம்॑ʼ தத்ர॒ நீய॑தே । ஏகக்³ம்ʼஹி ஶிரோ நா॑னா மு॒கே² । க்ரு॒ʼத்ஸ்னம்ʼ த॑த்³ருʼது॒லக்ஷ॑ணம் ॥ 6 ॥ 1-2-3 உப⁴யதஸ்ஸப்தே᳚ந்த்³ரியா॒ணி । ஜ॒ல்பிதம்॑ʼ த்வேவ॒ தி³ஹ்ய॑தே । ஶுக்லக்ருʼஷ்ணே ஸம்ʼவ॑த்ஸர॒ஸ்ய । த³க்ஷிணவாம॑யோ꞉ பா॒ர்ஶ்வயோ꞉ । தஸ்யை॒ஷா ப⁴வ॑தி । ஶு॒க்ரம்ʼ தே॑ அ॒ன்யத்³ய॑ஜ॒தம்ʼ தே॑ அ॒ன்யத் । விஷு॑ரூபே॒ அஹ॑னீ॒ த்³யௌரி॑வாஸி । விஶ்வா॒ ஹி மா॒யா அவ॑ஸி ஸ்வதா⁴வ꞉ । ப⁴॒த்³ரா தே॑ பூஷன்னி॒ஹ ரா॒திர॒ஸ்த்விதி॑ । நாத்ர॒ பு⁴வ॑னம் । ந பூ॒ஷா । ந ப॒ஶவ॑: । நாதி³த்யஸ்ஸம்ʼவத்ஸர ஏவ ப்ரத்யக்ஷேண ப்ரியத॑மம்ʼ வி॒த்³யாத் । ஏதத்³வை ஸம்ʼவத்ஸரஸ்ய ப்ரியத॑மக்³ம்ʼ ரூ॒பம் । யோ(அ)ஸ்ய மஹானர்த² உத்பத்ஸ்யமா॑னோ ப⁴॒வதி । இத³ம்ʼ புண்யம்ʼ கு॑ருஷ்வே॒தி । தமாஹர॑ணம்ʼ த³॒த்³யாத் ॥ 7 ॥ 1-2-4 ஸா॒க॒ஞ்ஜாநாக்³ம்॑ʼ ஸ॒ப்தத²॑மாஹுரேக॒ஜம் । ஷடு³॑த்³ய॒மா ருʼஷ॑யோ தே³வ॒ஜா இதி॑ । தேஷா॑மி॒ஷ்டானி॒ விஹி॑தானி தா⁴ம॒ஶ꞉ । ஸ்தா²॒த்ரே ரே॑ஜந்தே॒ விக்ரு॑ʼதானி ரூப॒ஶ꞉ । கோ நு॑ மர்யா॒ அமி॑தி²த꞉ । ஸகா²॒ ஸகா²॑யமப்³ரவீத் । ஜஹா॑கோ அ॒ஸ்மதீ³॑ஷதே । யஸ்தி॒த்யாஜ॑ ஸகி²॒வித³॒க்³ம்॒ʼ ஸகா²॑யம் । ந தஸ்ய॑ வா॒ச்யபி॑ பா⁴॒கோ³ அ॑ஸ்தி । யதீ³க்³ம்॑ʼ ஶ்ரு॒ʼணோத்ய॒லகக்³ம்॑ʼ ஶ்ருʼணோதி ॥ 8 ॥ 1-3-1 ந ஹி ப்ர॒வேத³॑ ஸுக்ரு॒ʼதஸ்ய॒ பந்தா²॒மிதி॑ । ரு॒ʼதுர்ரு॑ʼதுனா நு॒த்³யமா॑ன꞉ । வின॑நாதா³॒பி⁴தா⁴॑வ꞉ । ஷஷ்டிஶ்ச த்ரிக்³ம்ʼஶ॑கா வ॒ல்கா³꞉ । ஶு॒க்லக்ரு॑ʼஷ்ணௌ ச॒ ஷாஷ்டி॑கௌ । ஸா॒ரா॒க³॒வ॒ஸ்த்ரைர்ஜ॒ரத³॑க்ஷ꞉ । வ॒ஸ॒ந்தோ வஸு॑பி⁴ஸ்ஸ॒ஹ । ஸம்॒ʼவ॒த்ஸ॒ரஸ்ய॑ ஸவி॒து꞉ । ப்ரை॒ஷ॒க்ருʼத்ப்ர॑த²॒ம꞉ ஸ்ம்ரு॑ʼத꞉ । அ॒மூனா॒த³ய॑தேத்ய॒ன்யான் ॥ 9 ॥ 1-3-2 அ॒மூக்³ஶ்ச॑ பரி॒ரக்ஷ॑த꞉ । ஏ॒தா வா॒ச꞉ ப்ர॑யுஜ்ய॒ந்தே । யத்ரைத॑து³ப॒த்³ருʼஶ்ய॑தே । ஏ॒ததே³॒வ வி॑ஜானீ॒யாத் । ப்ர॒மாணம்॑ʼ கால॒பர்ய॑யே । வி॒ஶே॒ஷ॒ணம்ʼ து॑ வக்ஷ்யா॒ம꞉ । ரு॒ʼதூனாம்᳚ʼ தன்னி॒போ³த⁴॑த । ஶுக்லவாஸா॑ ருத்³ர॒க³ண꞉ । க்³ரீ॒ஷ்மேணா॑(ஆ)வர்த॒தே ஸ॑ஹ । நி॒ஜஹ॑ன்ப்ருʼதி²॑வீக்³ம்ʼ ஸ॒ர்வாம் ॥ 10 ॥ 1-3-3 ஜ்யோ॒திஷா᳚(அ)ப்ரதி॒க்²யேன॑ ஸ꞉ । வி॒ஶ்வ॒ரூ॒பாணி॑ வாஸா॒க்³ம்॒ʼஸி । ஆ॒தி³॒த்யானாம்᳚ʼ நி॒போ³த⁴॑த । ஸம்ʼவத்ஸரீணம்॑ʼ கர்ம॒ப²லம் । வர்ஷாபி⁴ர்த³॑த³தா॒க்³ம்॒ʼ ஸஹ । அது³꞉கோ²॑ து³꞉க²ச॑க்ஷுரி॒வ । தத்³மா॑ பீத இவ॒ த்³ருʼஶ்ய॑தே । ஶீதேனா᳚வ்யத²॑யன்னி॒வ । ரு॒ருத³॑க்ஷ இவ॒ த்³ருʼஶ்ய॑தே । ஹ்லாத³யதே᳚ ஜ்வல॑தஶ்சை॒வ । ஶா॒ம்யத॑ஶ்சாஸ்ய॒ சக்ஷு॑ஷீ । யா வை ப்ரஜா ப்⁴ர॑க்³க்³ஶ்ய॒ந்தே । ஸம்ʼவத்ஸராத்தா ப்⁴ர॑க்³க்³ஶ்ய॒ந்தே । யா॒: ப்ரதி॑திஷ்ட²॒ந்தி । ஸம்ʼவத்ஸரே தா꞉ ப்ரதி॑திஷ்ட²॒ந்தி । வ॒ர்ஷாப்⁴ய॑ இத்ய॒ர்த²꞉ ॥ 11 ॥ 1-3-4 அக்ஷி॑து³॒:கோ²த்தி²॑தஸ்யை॒வ । வி॒ப்ரஸ॑ன்னே க॒னீனி॑கே । ஆங்க்தே சாத்³க³॑ணம்ʼ நா॒ஸ்தி । ரு॒ʼபூ⁴ணாம்᳚ʼ தன்னி॒போ³த⁴॑த । க॒ன॒கா॒பா⁴னி॑ வாஸா॒க்³ம்॒ʼஸி । அ॒ஹதா॑னி நி॒போ⁴த³॑த । அந்நமஶ்னீத॑ ம்ருʼஜ்மீ॒த । அ॒ஹம்ʼ வோ॑ ஜீவ॒னப்ர॑த³꞉ । ஏ॒தா வா॒ச꞉ ப்ர॑யுஜ்ய॒ந்தே । ஶ॒ரத்³ய॑த்ரோப॒த்³ருʼஶ்ய॑தே ॥ 12 ॥ 1-4-1 அபி⁴தூ⁴ன்வந்தோ(அ)பி⁴க்⁴ன॑ந்த இ॒வ । வா॒தவ॑ந்தோ ம॒ருத்³க³॑ணா꞉ । அமுதோ ஜேதுமிஷுமு॑க²மி॒வ । ஸன்னத்³தா⁴ஸ்ஸஹ த³॑த்³ருʼஶே॒ ஹ । அபத்⁴வஸ்தைர்வஸ்திவ॑ர்ணைரி॒வ । வி॒ஶி॒கா²ஸ॑: கப॒ர்தி³ன꞉ । அக்ருத்³த⁴ஸ்ய யோத்ஸ்ய॑மான॒ஸ்ய । க்ரு॒த்³த⁴ஸ்யே॑வ॒ லோஹி॑னீ । ஹேமதஶ்சக்ஷு॑ஷீ வி॒த்³யாத் । அ॒க்ஷ்ணயோ᳚: க்ஷிப॒ணோரி॑வ ॥ 13 ॥ 1-4-2 து³ர்பி⁴க்ஷம்ʼ தே³வ॑லோகே॒ஷு । ம॒னூனா॑முத³॒கம்ʼ க்³ரு॑ʼஹே । ஏ॒தா வா॒ச꞉ ப்ர॑வத³॒ந்தீ꞉ । வை॒த்³யுதோ॑ யாந்தி॒ ஶைஶி॑ரீ꞉ । தா அ॒க்³னி꞉ பவ॑மானா॒ அன்வை᳚க்ஷத । இ॒ஹ ஜீ॑வி॒காமப॑ரிபஶ்யன் । தஸ்யை॒ஷா ப⁴வ॑தி । இ॒ஹேஹவ॑ஸ்ஸ்வத॒பஸ꞉ । மரு॑த॒ஸ்ஸூர்ய॑த்வச꞉ । ஶர்ம॑ ஸ॒ப்ரதா²॒ ஆவ்ரு॑ʼணே ॥ 14 ॥ 1-4-3 அதி॑தா॒ம்ராணி॑ வாஸா॒க்³ம்॒ʼஸி । அ॒ஷ்டிவ॑ஜ்ரிஶ॒தக்⁴னி॑ ச । விஶ்வே தே³வா விப்ர॑ஹர॒ந்தி । அ॒க்³நிஜி॑ஹ்வா அ॒ஸஶ்ச॑த । நைவ தே³வோ॑ ந ம॒ர்த்ய꞉ । ந ராஜா வ॑ருணோ॒ விபு⁴꞉ । நாக்³நிர்னேந்த்³ரோ ந ப॑வமா॒ன꞉ । மா॒த்ருʼக்க॑ச்சன॒ வித்³ய॑தே । தி³॒வ்யஸ்யைகா॒ த⁴னு॑ரார்த்னி꞉ । ப்ரு॒ʼதி²॒வ்யாமப॑ரா ஶ்ரி॒தா ॥ 15 ॥ 1-5-1 தஸ்யேந்த்³ரோ வம்ரி॑ரூபே॒ண । த⁴॒னுர்ஜ்யா॑மச்சி²॒னத்²ஸ்வ॑யம் । ததி³॑ந்த்³ர॒த⁴னு॑ரித்ய॒ஜ்யம் । அ॒ப்⁴ரவ॑ர்ணேஷு॒ சக்ஷ॑தே । ஏததே³வ ஶம்யோர்பா³ர்ஹ॑ஸ்பத்ய॒ஸ்ய । ஏ॒தத்³ரு॑த்³ரஸ்ய॒ த⁴னு꞉ । ரு॒த்³ரஸ்ய॑ த்வேவ॒ த⁴னு॑ரார்த்னி꞉ । ஶிர॒ உத்பி॑பேஷ । ஸ ப்ர॑வ॒ர்க்³யோ॑(அ)ப⁴வத் । தஸ்மா॒த்³யஸ்ஸப்ர॑வ॒ர்க்³யேண॑ ய॒ஜ்ஞேன॒ யஜ॑தே । ரு॒த்³ரஸ்ய॒ ஸ ஶிர॒: ப்ரதி॑த³தா⁴தி । நைனக்³ம்॑ʼ ரு॒த்³ர ஆரு॑கோ ப⁴வதி । ய ஏ॒வம்ʼ வேத³॑ ॥ 16 ॥ 1-5-2 அ॒த்யூ॒ர்த்⁴வா॒க்ஷோ(அ)தி॑ரஶ்சாத் । ஶிஶி॑ர꞉ ப்ர॒த்³ருʼஶ்ய॑தே । நைவ ரூபம்ʼ ந॑ வாஸா॒க்³ம்॒ʼஸி । ந சக்ஷு॑: ப்ரதி॒த்³ருʼஶ்ய॑தே । அ॒ன்யோன்யம்॒ʼ து ந॑ ஹிக்³க்³ ஸ்ரா॒த꞉ । ஸ॒தஸ்த॑த்³தே³வ॒லக்ஷ॑ணம் । லோஹிதோ(அ)க்ஷ்ணி ஶா॑ரஶீ॒ர்ஷ்ணி꞉ । ஸூ॒ர்யஸ்யோ॑த³ய॒னம்ʼ ப்ர॑தி । த்வம்ʼ கரோஷி॑ன்யஞ்ஜ॒லிகாம் । த்வம்॒ʼ கரோ॑ஷி நி॒ஜானு॑காம் ॥ 17 ॥ 1-6-1 நிஜானுகா மே᳚ன்யஞ்ஜ॒லிகா । அமீ வாசமுபாஸ॑தாமி॒தி । தஸ்மை ஸர்வ ருʼதவோ॑ நம॒ந்தே । மர்யாதா³கரத்வாத்ப்ர॑புரோ॒தா⁴ம் । ப்³ராஹ்மண॑ ஆப்னோ॒தி । ய ஏ॑வம்ʼ வே॒த³ । ஸ க²லு ஸம்ʼவத்ஸர ஏதைஸ்ஸேனானீ॑பி⁴ஸ்ஸ॒ஹ । இந்த்³ராய ஸர்வான்காமான॑பி⁴வ॒ஹதி । ஸ த்³ர॒ப்ஸ꞉ । தஸ்யை॒ஷா ப⁴வ॑தி ॥ 18 ॥ 1-6-2 அவ॑த்³ர॒ப்ஸோ அக்³ம்॑ʼஶு॒மதீ॑மதிஷ்ட²த் । இ॒யா॒ன꞉ க்ரு॒ʼஷ்ணோ த³॒ஶபி⁴॑: ஸ॒ஹஸ்ரை᳚: । ஆவ॒ர்தமிந்த்³ர॒: ஶச்யா॒ த⁴ம॑ந்தம் । உபஸ்னுஹி தம்ʼ ந்ருʼமணாமத²॑த்³ராமி॒தி । ஏதயைவேந்த்³ர꞉ ஸலாவ்ரு॑ʼக்யா ஸ॒ஹ । அஸுரான்ப॑ரிவ்ரு॒ʼஶ்சதி । ப்ருʼதி²॑வ்ய॒க்³ம்॒ʼஶும॑தீ । தாம॒ன்வவ॑ஸ்தி²த꞉ ஸம்ʼவத்ஸ॒ரோ தி³॒வம்ʼ ச॑ । நைவம்ʼ விது³ஷா(ஆ)சார்யா᳚ந்தேவா॒ஸினௌ । அன்யோன்யஸ்மை᳚ த்³ருஹ்யா॒தாம் । யோ த்³ரு॒ஹ்யதி । ப்⁴ரஶ்யதே ஸ்வ॑ர்கா³ல்லோ॒காத் । இத்ய்ருʼதும॑ண்ட³லா॒னி । ஸூர்யமண்ட³லா᳚ன்யாக்²யா॒யிகா꞉ । அத ஊர்த்⁴வக்³ம்ʼ ஸ॑நிர்வ॒சனா꞉ ॥ 19 ॥ 1-6-3 ஆரோகோ³ ப்⁴ராஜ꞉ படர॑: பத॒ங்க³꞉ । ஸ்வர்ணரோ ஜ்யோதிஷீமான்॑ விபா⁴॒ஸ꞉ । தே அஸ்மை ஸர்வே தி³வமா॑தப॒ந்தி । ஊர்ஜம்ʼ து³ஹானா அனபஸ்பு²ர॑ந்த இ॒தி । கஶ்ய॑போ(அ)ஷ்ட॒ம꞉ । ஸ மஹாமேரும்ʼ ந॑ ஜஹா॒தி । தஸ்யை॒ஷா ப⁴வ॑தி । யத்தே॒ ஶில்பம்॑ʼ கஶ்யப ரோச॒னாவ॑த் । இ॒ந்த்³ரி॒யாவ॑த்புஷ்க॒லம்ʼ சி॒த்ரபா⁴॑னு । யஸ்மி॒ந்த்ஸூர்யா॒ அர்பி॑தாஸ்ஸ॒ப்த ஸா॒கம் ॥ 20 ॥ 1-7-1 தஸ்மின்ராஜானமதி⁴விஶ்ரயே॑மமி॒தி । தே அஸ்மை ஸர்வே கஶ்யபாஜ்ஜ்யோதி॑ர்லப⁴॒ந்தே । தான்ஸோம꞉ கஶ்யபாத³தி⁴॑நிர்த்³த⁴॒மதி । ப்⁴ரஸ்தாகர்மக்ரு॑ʼதி³வை॒வம் । ப்ராணோ ஜீவானீந்த்³ரிய॑ஜீவா॒னி । ஸப்த ஶீர்ஷ॑ண்யா꞉ ப்ரா॒ணா꞉ । ஸூர்யா இ॑த்யாசா॒ர்யா꞉ । அபஶ்யமஹமேதாந்த்ஸப்த ஸூ᳚ர்யானி॒தி । பஞ்சகர்ணோ॑ வாத்ஸ்யா॒யன꞉ । ஸப்தகர்ண॑ஶ்ச ப்லா॒க்ஷி꞉ ॥ 21 ॥ 1-7-2 [16*33] ஆனுஶ்ரவிக ஏவ நௌ கஶ்ய॑ப இ॒தி । உபௌ⁴॑ வேத³॒யிதே । ந ஹி ஶேகுமிவ மஹாமே॑ரும்ʼ க³॒ந்தும் । அபஶ்யமஹமேதத்ஸூர்யமண்ட³லம்ʼ பரிவ॑ர்தமா॒னம் । கா³॒ர்க்³ய꞉ ப்ரா॑ணத்ரா॒த꞉ । க³ச்ச²ந்த ம॑ஹாமே॒ரும் । ஏகம்॑ʼ சாஜ॒ஹதம் । ப்⁴ராஜபடரபத॑ங்கா³ நி॒ஹனே । திஷ்ட²ன்னா॑தப॒ந்தி । தஸ்மா॑தி³॒ஹ தப்த்ரி॑தபா꞉ ॥ 22 ॥ 1-7-3 அ॒முத்ரே॒தரே । தஸ்மா॑தி³॒ஹாதப்த்ரி॑தபா꞉ । தேஷா॑மேஷா॒ ப⁴வ॑தி । ஸ॒ப்த ஸூர்யா॒ தி³வ॒மனு॒ப்ரவி॑ஷ்டா꞉ । தான॒ன்வேதி॑ ப॒தி²பி⁴॑ர்த³க்ஷி॒ணாவான்॑ । தே அஸ்மை ஸர்வே க்⁴ருʼதமா॑தப॒ந்தி । ஊர்ஜம்ʼ து³ஹானா அனபஸ்பு²ர॑ந்த இ॒தி । ஸப்தர்த்விஜஸ்ஸூர்யா இ॑த்யாசா॒ர்யா꞉ । தேஷா॑மேஷா॒ ப⁴வ॑தி । ஸ॒ப்த தி³ஶோ॒ நானா॑ஸூர்யா꞉ ॥ 23 ॥ 1-7-4 ஸ॒ப்த ஹோதா॑ர ரு॒ʼத்விஜ॑: । தே³வா ஆதி³த்யா॑ யே ஸ॒ப்த । தேபி⁴ஸ்ஸோமாபீ⁴ரக்ஷ॑ண இ॒தி । தத³॑ப்யாம்னா॒ய꞉ । தி³க்³ப்⁴ராஜ꞉ ருʼதூ᳚ன் கரோ॒தி । ஏத॑யைவா॒வ்ருʼதா ஸஹஸ்ரஸூர்யதாயா இதி வை॑ஶம்பா॒யன꞉ । தஸ்யை॒ஷா ப⁴வ॑தி । யத்³த்³யாவ॑ இந்த்³ர தே ஶ॒தக்³ம்ʼஶ॒தம்ʼ பூ⁴மீ᳚: । உ॒த ஸ்யு꞉ । நத்வா॑ வஜ்ரின்ஸ॒ஹஸ்ர॒க்³ம்॒ʼ ஸூர்யா᳚: ॥ 24 ॥ 1-7-5 அனுனஜாதமஷ்ட ரோத³॑ஸீ இ॒தி । நானாலிங்க³த்வாத்³ருʼதூனாம்ʼ நானா॑ஸூர்ய॒த்வம் । அஷ்டௌ து வ்யவஸி॑தா இ॒தி । ஸூர்யமண்ட³லான்யஷ்டா॑த ஊ॒ர்த்⁴வம் । தேஷா॑மேஷா॒ ப⁴வ॑தி । சி॒த்ரம்ʼ தே³॒வானா॒முத³॑கா³॒த³னீ॑கம் । சக்ஷு॑ர்மி॒த்ரஸ்ய॒ வரு॑ணஸ்யா॒க்³னே꞉ । ஆப்ரா॒ த்³யாவா॑ப்ருʼதி²॒வீ அ॒ந்தரி॑க்ஷம் । ஸூர்ய ஆத்மா ஜக³தஸ்தஸ்து²॑ஷஶ்சே॒தி ॥ 25 ॥ 1-7-6 க்வேத³மப்⁴ர॑ன்னிவி॒ஶதே । க்வாயக்³ம்॑ʼ ஸம்ʼவத்ஸ॒ரோ மி॑த²꞉ । க்வாஹ꞉ க்வேயந்தே³॑வ ரா॒த்ரீ । க்வ மாஸா ரு॑ʼதவ॒: ஶ்ரிதா꞉ । அர்த⁴மாஸா॑ முஹூ॒ர்தா꞉ । நிமேஷாஸ்து॑டிபி⁴॒ஸ்ஸஹ । க்வேமா ஆபோ நி॑விஶ॒ந்தே । ய॒தீ³தோ॑ யாந்தி॒ ஸம்ப்ர॑தி । காலா அப்ஸு நி॑விஶ॒ந்தே । ஆ॒பஸ்ஸூர்யே॑ ஸ॒மாஹி॑தா꞉ ॥ 26 ॥ 1-8-1 அப்⁴ரா᳚ண்ய॒ப꞉ ப்ர॑பத்³ய॒ந்தே । வி॒த்³யுத்ஸூர்யே॑ ஸ॒மாஹி॑தா । அனவர்ணே இ॑மே பூ⁴॒மீ । இ॒யம்ʼ சா॑ஸௌ ச॒ ரோத³॑ஸீ । கிக்³க்³ஸ்வித³த்ராந்த॑ரா பூ⁴॒தம் । யே॒னேமே வி॑த்⁴ருʼதே॒ உபே⁴ । வி॒ஷ்ணுனா॑ வித்⁴ரு॑ʼதே பூ⁴॒மீ । இ॒தி வ॑த்ஸஸ்ய॒ வேத³॑னா । இரா॑வதீ தே⁴னு॒மதீ॒ ஹி பூ⁴॒தம் । ஸூ॒ய॒வ॒ஸினீ॒ மனு॑ஷே த³ஶ॒ஸ்யே᳚ ॥ 27 ॥ 1-8-2 வ்ய॑ஷ்டப்⁴னா॒த்³ரோத³॑ஸீ॒ விஷ்ண॑வே॒தே । தா³॒த⁴ர்த²॑ ப்ருʼதி²॒வீம॒பி⁴தோ॑ ம॒யூகை²᳚: । கிம்ʼ தத்³விஷ்ணோர்ப³॑லமா॒ஹு꞉ । கா॒ தீ³ப்தி॑: கிம்ʼ ப॒ராய॑ணம் । ஏகோ॑ ய॒த்³தா⁴ர॑யத்³தே³॒வ꞉ । ரே॒ஜதீ॑ ரோத³॒ஸீ உ॑பே⁴ । வாதாத்³விஷ்ணோர்ப³॑லமா॒ஹு꞉ । அ॒க்ஷரா᳚த்³தீ³ப்தி॒ருச்ய॑தே । த்ரி॒பதா³॒த்³தா⁴ர॑யத்³தே³॒வ꞉ । யத்³விஷ்ணோ॑ரேக॒முத்த॑மம் ॥ 28 ॥ 1-8-3 அ॒க்³னயோ॑ வாய॑வஶ்சை॒வ । ஏ॒தத³॑ஸ்ய ப॒ராய॑ணம் । ப்ருʼச்சா²மி த்வா ப॑ரம்ʼ ம்ரு॒ʼத்யும் । அ॒வமம்॑ʼ மத்⁴ய॒மஞ்ச॑தும் । லோ॒கஞ்ச॒ புண்ய॑பாபா॒நாம் । ஏ॒தத்ப்ரு॑ʼச்சா²மி॒ ஸம்ப்ர॑தி । அ॒முமா॑ஹு꞉ ப॑ரம்ʼ ம்ரு॒ʼத்யும் । ப॒வமா॑னம்ʼ து॒ மத்⁴ய॑மம் । அ॒க்³நிரே॒வாவ॑மோ ம்ரு॒ʼத்யு꞉ । ச॒ந்த்³ரமா᳚ஶ்சது॒ருச்ய॑தே ॥ 29 ॥ 1-8-4 அ॒னா॒போ⁴॒கா³꞉ ப॑ரம்ʼ ம்ரு॒ʼத்யும் । பா॒பாஸ்ஸ॑ம்யந்தி॒ ஸர்வ॑தா³ । ஆபோ⁴கா³ஸ்த்வேவ॑ ஸம்ய॒ந்தி । ய॒த்ர பு॑ண்யக்ரு॒ʼதோ ஜ॑னா꞉ । ததோ॑ ம॒த்⁴யம॑மாய॒ந்தி । ச॒தும॑க்³னிம்ʼ ச॒ ஸம்ப்ர॑தி । ப்ருʼச்சா²மி த்வா॑ பாப॒க்ருʼத꞉ । ய॒த்ர யா॑தய॒தே ய॑ம꞉ । த்வம்ʼ நஸ்தத்³ப்³ரஹ்ம॑ன் ப்ரபூ³॒ஹி । ய॒தி³ வே᳚த்தா²(அ)ஸ॒தோ க்³ரு॑ʼஹான் ॥ 30 ॥ 1-8-5 க॒ஶ்யபா॑து³தி³॑தாஸ்ஸூ॒ர்யா꞉ । பா॒பான்னி॑ர்க்⁴னந்தி॒ ஸர்வ॑தா³ । ரோத³ஸ்யோரந்த॑ர்தே³ஶே॒ஷு । தத்ர ந்யஸ்யந்தே॑ வாஸ॒வை꞉ । தே(அ)ஶரீரா꞉ ப்ர॑பத்³ய॒ந்தே । ய॒தா²(அ)பு॑ண்யஸ்ய॒ கர்ம॑ண꞉ । அபா᳚ண்ய॒பாத³॑கேஶா॒ஸ꞉ । த॒த்ர தே॑(அ)யோனி॒ஜா ஜ॑னா꞉ । ம்ருʼத்வா புனர்ம்ருʼத்யுமா॑பத்³ய॒ந்தே । அ॒த்³யமா॑னாஸ்ஸ்வ॒கர்ம॑பி⁴꞉ ॥ 31 ॥ 1-8-6 ஆஶாதிகா꞉ க்ரிம॑ய இ॒வ । தத꞉ பூயந்தே॑ வாஸ॒வை꞉ । அபை॑தம்ʼ ம்ரு॒ʼத்யும்ʼ ஜ॑யதி । ய ஏ॒வம்ʼ வேத³॑ । ஸ க²ல்வைவம்॑ʼ வித்³ப்³ரா॒ஹ்மண꞉ । தீ³॒ர்க⁴ஶ்ரு॑த்தமோ॒ ப⁴வ॑தி । கஶ்ய॑ப॒ஸ்யாதி॑தி²॒ஸ்ஸித்³த⁴க³॑மன॒ஸ்ஸித்³தா⁴க³॑மன꞉ । தஸ்யை॒ஷா ப⁴வ॑தி । ஆ யஸ்மி᳚ந்த்²ஸ॒ப்த வா॑ஸ॒வா꞉ । ரோஹ॑ந்தி பூ॒ர்வ்யா॑ ருஹ॑: ॥ 32 ॥ 1-8-7 ருʼஷி॑ர்ஹ தீ³ர்க⁴॒ஶ்ருத்த॑ம꞉ । இந்த்³ரஸ்ய க⁴ர்மோ அதி॑தி²ரி॒தி । கஶ்யப꞉ பஶ்ய॑கோ ப⁴॒வதி । யத்ஸர்வம்ʼ பரிபஶ்யதீ॑தி ஸௌ॒க்ஷ்ம்யாத் । அதா²க்³னே॑ரஷ்டபு॑ருஷ॒ஸ்ய । தஸ்யை॒ஷா ப⁴வ॑தி । அக்³னே॒ நய॑ ஸு॒பதா²॑ ரா॒யே அ॒ஸ்மான் । விஶ்வா॑னி தே³வ வ॒யுனா॑னி வி॒த்³வான் । யு॒யோ॒த்⁴ய॑ஸ்மஜ்ஜு॑ஹுரா॒ணமேன॑: । பூ⁴யிஷ்டா²ந்தே நம உக்திம்ʼ வி॑தே⁴மே॒தி ॥ 33 ॥ 1-8-8 அக்³நிஶ்ச ஜாத॑வேதா³॒ஶ்ச । ஸஹோஜா அ॑ஜிரா॒ப்ரபு⁴꞉ । வைஶ்வானரோ ந॑ர்யாபா॒ஶ்ச । ப॒ங்க்திரா॑தா⁴ஶ்ச॒ ஸப்த॑ம꞉ விஸர்பேவா(அ)ஷ்ட॑மோ(அ)க்³னீ॒நாம் । ஏதே(அ)ஷ்டௌ வஸவ꞉ க்ஷி॑தா இ॒தி । யத²ர்த்வேவாக்³னேரர்சிர்வர்ண॑விஶே॒ஷா꞉ । நீலார்சிஶ்ச பீதகா᳚ர்சிஶ்சே॒தி । அத² வாயோரேகாத³ஶபுருஷஸ்யைகாத³ஶ॑ஸ்த்ரீக॒ஸ்ய । ப்ரப்⁴ராஜமானா வ்ய॑வதா³॒தா꞉ ॥ 34 ॥ 1-9-1 யாஶ்ச வாஸு॑கிவை॒த்³யுதா꞉ । ரஜதா꞉ பரு॑ஷா꞉ ஶ்யா॒மா꞉ । கபிலா அ॑திலோ॒ஹிதா꞉ । ஊர்த்⁴வா அவப॑தந்தா॒ஶ்ச । வைத்³யுத இ॑த்யேகா॒த³ஶ । நைனம்ʼ வைத்³யுதோ॑ ஹின॒ஸ்தி । ய ஏ॑வம்ʼ வே॒த³ । ஸ ஹோவாச வ்யாஸ꞉ பா॑ராஶ॒ர்ய꞉ । வித்³யுத்³வத⁴மேவாஹம்ʼ ம்ருʼத்யுமை᳚ச்ச²மி॒தி । ந த்வகா॑மக்³ம்ʼ ஹ॒ந்தி ॥ 35 ॥ 1-9-2 ய ஏ॑வம்ʼ வே॒த³ । அத² க³॑ந்த⁴ர்வ॒க³ணா꞉ । ஸ்வான॒ப்⁴ராட் । அங்கா⁴॑ரி॒ர்ப³ம்பா⁴॑ரி꞉ । ஹஸ்த॒ஸ்ஸுஹ॑ஸ்த꞉ । க்ருʼஶா॑னுர்வி॒ஶ்வாவ॑ஸு꞉ । மூர்த⁴ன்வாந்த்²ஸூ᳚ர்யவ॒ர்சா꞉ । க்ருʼதிரித்யேகாத³ஶ க³॑ந்த⁴ர்வ॒க³ணா꞉ । தே³வாஶ்ச ம॑ஹாதே³॒வா꞉ । ரஶ்மயஶ்ச தே³வா॑ க³ர॒கி³ர꞉ ॥ 36 ॥ 1-9-3 நைனம்ʼ க³ரோ॑ ஹின॒ஸ்தி । ய ஏ॑வம்ʼ வே॒த³ । கௌ³॒ரீமி॑மாய ஸலி॒லானி॒ தக்ஷ॑தீ । ஏக॑பதீ³ த்³வி॒பதீ³॒ ஸா சது॑ஷ்பதீ³ । அ॒ஷ்டாபதீ³॒ நவ॑பதீ³ ப³பூ⁴॒வுஷீ᳚ । ஸஹஸ்ராக்ஷரா பரமே வ்யோ॑மன்னி॒தி । வாசோ॑ விஶே॒ஷணம் । அத² நிக³த³॑வ்யாக்²யா॒தா꞉ । தானனுக்ர॑மிஷ்யா॒ம꞉ । வ॒ராஹவ॑ஸ்ஸவத॒பஸ꞉ ॥ 37 ॥ 1-9-4 வி॒த்³யுன்ம॑ஹஸோ॒ தூ⁴ப॑ய꞉ । ஶ்வாபயோ க்³ருʼஹமேதா⁴᳚ஶ்சேத்யே॒தே । யே॒ சேமே(அ)ஶி॑மிவி॒த்³விஷ꞉ । பர்ஜந்யாஸ்ஸப்த ப்ருʼதி²வீமபி⁴வ॑ர்ஷ॒ந்தி । வ்ருʼஷ்டி॑பி⁴ரி॒தி । ஏதயைவ விப⁴க்திவி॑பரீ॒தா꞉ । ஸ॒ப்தபி⁴॒ர்வாதை॑ருதீ³॒ரிதா꞉ । அமூம்ˮல்லோகானபி⁴வ॑ர்ஷ॒ந்தி । தேஷா॑மேஷா॒ ப⁴வ॑தி । ஸ॒மா॒னமே॒தது³த³॑கம் ॥ 38 ॥ 1-9-5 உ॒ச்சைத்ய॑வ॒சாஹ॑பி⁴꞉ । பூ⁴மிம்॑ʼ ப॒ர்ஜன்யா॒ ஜின்வ॑ந்தி । தி³வம்ʼ ஜின்வந்த்யக்³ன॑ய இ॒தி । யத³க்ஷ॑ரம்ʼ பூ⁴॒தக்ரு॑ʼதம் । விஶ்வே॑ தே³வா உ॒பாஸ॑தே । ம॒ஹர்ஷி॑மஸ்ய கோ³॒ப்தாரம்᳚ । ஜ॒மத³॑க்³னி॒மகு॑ர்வத । ஜ॒மத³॑க்³னி॒ராப்யா॑யதே । ச²ந்தோ³॑பி⁴ஶ்சதுருத்த॒ரை꞉ । ராஜ்ஞ॒ஸ்ஸோம॑ஸ்ய த்ரு॒ʼப்தாஸ॑: ॥ 39 ॥ 1-9-6 ப்³ரஹ்ம॑ணா வீ॒ர்யா॑வதா । ஶி॒வா ந॑: ப்ர॒தி³ஶோ॒ தி³ஶ॑: । தச்ச²॒ம்யோராவ்ரு॑ʼணீமஹே । கா³॒தும்ʼ ய॒ஜ்ஞாய॑ । கா³॒தும்ʼ ய॒ஜ்ஞப॑தயே । தை³வீ᳚ஸ்வ॒ஸ்திர॑ஸ்து ந꞉ । ஸ்வ॒ஸ்திர்மானு॑ஷேப்⁴ய꞉ । ஊ॒ர்த்⁴வம்ʼ ஜி॑கா³து பே⁴ஷ॒ஜம் । ஶன்னோ॑ அஸ்து த்³வி॒பதே³᳚ । ஶம் சது॑ஷ்பதே³ । ஸோமபா 3 அஸோமபா 3 இதி நிக³த³॑வ்யாக்²யா॒தா꞉ ॥ 40 ॥ 1-9-7 ஸ॒ஹ॒ஸ்ர॒வ்ருʼதி³॑யம்ʼ பூ⁴॒மி꞉ । ப॒ரம்ʼ வ்யோ॑ம ஸ॒ஹஸ்ர॑வ்ருʼத் । அ॒ஶ்வினா॑ பு⁴ஜ்யூ॑ நாஸ॒த்யா । வி॒ஶ்வஸ்ய॑ ஜக³॒தஸ்ப॑தீ । ஜாயா பூ⁴மி꞉ ப॑திர்வ்யோ॒ம । மி॒து²ன॑ந்தா அ॒துர்ய॑து²꞉ । புத்ரோ ப்³ருʼஹஸ்ப॑தீ ரு॒த்³ர꞉ । ஸ॒ரமா॑ இதி॑ ஸ்த்ரீபு॒மம் । ஶு॒க்ரம்ʼ வா॑ம॒ன்யத்³ய॑ஜ॒தம்ʼ வா॑ம॒ன்யத் । விஷு॑ரூபே॒ அஹ॑னீ॒ த்³யௌரி॑வ ஸ்த²꞉ ॥ 41 ॥ 1-10-1 விஶ்வா॒ ஹி மா॒யா அவ॑த²꞉ ஸ்வதா⁴வந்தௌ । ப⁴॒த்³ரா வாம்᳚ʼ பூஷணாவி॒ஹ ரா॒திர॑ஸ்து । வாஸா᳚த்யௌ சி॒த்ரௌ ஜக³॑தோ நி॒தா⁴னௌ᳚ । த்³யாவா॑பூ⁴மீ ச॒ரத²॑: ஸ॒க்³ம்॒ʼ ஸகா²॑யௌ । தாவ॒ஶ்வினா॑ ரா॒ஸபா⁴᳚ஶ்வா॒ ஹவம்॑ʼ மே । ஶு॒ப⁴॒ஸ்ப॒தீ॒ ஆ॒க³தக்³ம்॑ʼ ஸூ॒ர்யயா॑ ஸ॒ஹ । த்யுக்³ரோ॑ஹ பு⁴॒ஜ்யும॑ஶ்வினோத³மே॒கே⁴ । ர॒யின்ன கஶ்சி॑ன்மம்ரு॒ʼவாம்ʼ 2 அவா॑ஹா꞉ । தமூ॑ஹது²ர்னௌ॒பி⁴ரா᳚த்ம॒ன்வதீ॑பி⁴꞉ । அ॒ந்த॒ரி॒க்ஷ॒ப்ருட்³பி⁴॒ரபோ॑த³காபி⁴꞉ ॥ 42 ॥ 1-10-2 தி॒ஸ்ர꞉ க்ஷப॒ஸ்த்ரிரஹா॑(அ)தி॒வ்ரஜ॑த்³பி⁴꞉ । நாஸ॑த்யா பு⁴॒ஜ்யுமூ॑ஹது²꞉ பத॒ங்கை³꞉ । ஸ॒மு॒த்³ரஸ்ய॒ த⁴ன்வ॑ன்னா॒ர்த்³ரஸ்ய॑ பா॒ரே । த்ரி॒பீ⁴ரதை²᳚ஶ்ஶ॒தப॑த்³பி⁴॒: ஷட³॑ஶ்வை॒: । ஸ॒வி॒தாரம்॒ʼ வித॑ன்வந்தம் । அனு॑ப³த்⁴னாதி ஶாம்ப³॒ர꞉ । ஆபபூருஷம்ப³॑ரஶ்சை॒வ । ஸ॒விதா॑(அ)ரேப॒ஸோ॑ ப⁴வத் । த்யக்³ம்ʼ ஸுத்ருʼப்தம்ʼ வி॑தி³த்வை॒வ । ப³॒ஹுஸோ॑ம கி³॒ரம்ʼ வ॑ஶீ ॥ 43 ॥ 1-10-3 அன்வேதி துக்³ரோ வ॑க்ரியா॒ந்தம் । ஆயஸூயாந்த்ஸோம॑த்ருʼப்ஸு॒ஷு । ஸ ஸங்க்³ராமஸ்தமோ᳚த்³யோ(அ)த்யோ॒த꞉ । வாசோ கா³꞉ பி॑பாதி॒ தத் । ஸ தத்³கோ³பி⁴ஸ்ஸ்த்வா᳚(அ)த்யேத்ய॒ன்யே । ர॒க்ஷஸா॑(அ)னன்வி॒தாஶ்ச॑ யே । அ॒ன்வேதி॒ பரி॑வ்ருʼத்யா॒(அ)ஸ்த꞉ । ஏ॒வமே॒தௌ ஸ்தோ²॑ அஶ்வினா । தே ஏ॒தே த்³யு॑:ப்ருʼதி²॒வ்யோ꞉ । அஹ॑ரஹ॒ர்க³ர்ப⁴॑ந்த³தா⁴தே² ॥ 44 ॥ 1-10-4 தயோ॑ரே॒தௌ வ॒த்ஸாவ॑ஹோரா॒த்ரே । ப்ரு॒ʼதி²॒வ்யா அஹ॑: । தி³॒வோ ராத்ரி॑: । தா அவி॑ஸ்ருʼஷ்டௌ² । த³ம்ப॑தீ ஏ॒வ ப⁴॑வத꞉ । தயோ॑ரே॒தௌ வ॒த்ஸௌ । அ॒க்³நிஶ்சா॑தி³த்ய॒ஶ்ச॑ । ரா॒த்ரேர்வ॒த்ஸ꞉ । ஶ்வே॒த ஆ॑தி³॒த்ய꞉ । அஹ்னோ॒(அ)க்³னி꞉ ॥ 45 ॥ 1-10-5 தா॒ம்ரோ அ॑ரு॒ண꞉ । தா அவி॑ஸ்ருʼஷ்டௌ । த³ம்ப॑தீ ஏ॒வ ப⁴॑வத꞉ । தயோ॑ரே॒தௌ வ॒த்ஸௌ । வ்ரு॒ʼத்ரஶ்ச॑ வைத்³யு॒தஶ்ச॑ । அ॒க்³னேர்வ்ரு॒ʼத்ர꞉ । வை॒த்³யுத॑ ஆதி³॒த்யஸ்ய॑ । தா அவி॑ஸ்ருʼஷ்டௌ । த³ம்ப॑தீ ஏ॒வ ப⁴॑வத꞉ । தயோ॑ரே॒தௌ வ॒த்ஸௌ ॥ 46 ॥ 1-10-6 உ॒ஷ்மா ச॑ நீஹா॒ரஶ்ச॑ । வ்ரு॒ʼத்ரஸ்யோ॒ஷ்மா । வை॒த்³யு॒தஸ்ய॑ நீஹா॒ர꞉ । தௌ தாவே॒வ ப்ரதி॑பத்³யேதே । ஸேயக்³ம்ʼ ராத்ரீ॑ க³॒ர்பி⁴ணீ॑ பு॒த்ரேண॒ ஸம்ʼவ॑ஸதி । தஸ்யா॒ வா ஏ॒தது³॒ல்ப³ணம்᳚ । யத்³ராத்ரௌ॑ ர॒ஶ்மய॑: । யதா²॒ கோ³ர்க³॒ர்பி⁴ண்யா॑ உ॒ல்ப³ணம்᳚ । ஏ॒வமே॒தஸ்யா॑ உ॒ல்ப³ணம்᳚ । ப்ரஜயிஷ்ணு꞉ ப்ரஜயா ச பஶுபி⁴॑ஶ்ச ப⁴॒வதி । ய ஏ॑வம்ʼ வே॒த³ । ஏதமுத்³யந்தமபிய॑ந்தம்ʼ சே॒தி । ஆதி³த்ய꞉ புண்ய॑ஸ்ய வ॒த்ஸ꞉ । அத² பவி॑த்ராங்கி³॒ரஸ꞉ ॥ 47 ॥ 1-10-7 ப॒வித்ர॑வந்த॒: பரி॒வாஜ॒மாஸ॑தே । பி॒தைஷாம்᳚ʼ ப்ர॒த்னோ அ॒பி⁴ர॑க்ஷதி வ்ர॒தம் । ம॒ஹஸ்ஸ॑முத்³ரம்ʼ வரு॑ணஸ்தி॒ரோத³॑தே⁴ । தீ⁴ரா॑ இச்சே²கு॒ர்த⁴ரு॑ணேஷ்வா॒ரப⁴ம்᳚ । ப॒வி॑த்ரம்ʼ தே॒ வித॑தம்॒ʼ ப்³ரஹ்ம॑ண॒ஸ்பதே᳚ । ப்ரபு⁴॒ர்கா³த்ரா॑ணி॒ பர்யே॑ஷி வி॒ஶ்வத॑: । அத॑ப்ததனூ॒ர்ன ததா³॒மோ அ॑ஶ்னுதே । ஶ்ரு॒ʼதாஸ॒ இத்³வஹ॑ந்த॒ஸ்தத்ஸமா॑ஶத । ப்³ர॒ஹ்மா தே³॒வானா᳚ம் । அஸ॑தஸ்ஸ॒த்³யே தத॑க்ஷு꞉ ॥ 48 ॥ 1-11-1 ருʼஷ॑யஸ்ஸ॒ப்தாத்ரி॑ஶ்ச॒ யத் । ஸர்வே(அ)த்ரயோ அ॑க³ஸ்த்ய॒ஶ்ச । நக்ஷ॑த்ரை॒ஶ்ஶங்க்ரு॑ʼதோ(அ)வஸன் । அத²॑ ஸவிது॒: ஶ்யாவாஶ்வ॒ஸ்யா(அ)வர்தி॑காமஸ்ய । அ॒மீ ய ருʼக்ஷா॒ நிஹி॑தாஸ உ॒ச்சா । நக்தம்॒ʼ த³த்³ரு॑ʼஶ்ரே॒ குஹா॑சி॒த்³தி³வே॑யு꞉ । அத³॑ப்³தா⁴னி॒ வரு॑ணஸ்ய வ்ர॒தானி॑ । வி॒சா॒கஶ॑ச்ச॒ந்த்³ரமா॒ நக்ஷ॑த்ரமேதி । தத்ஸ॑வி॒துர்வரே᳚ண்யம் । ப⁴ர்கோ³॑ தே³॒வஸ்ய॑ தீ⁴மஹி ॥ 49 ॥ 1-11-2 தி⁴யோ॒ யோ ந॑: ப்ரசோ॒த³யா᳚த் । தத்ஸ॑வி॒துர்வ்ரு॑ʼணீமஹே । வ॒யந்தே³॒வஸ்ய॒ போ⁴ஜ॑னம் । ஶ்ரேஷ்ட²க்³ம்॑ʼஸர்வ॒தா⁴த॑மம் । துரம்॒ʼ ப⁴க³॑ஸ்ய தீ⁴மஹி । அபா॑கூ³ஹத ஸவிதா॒ த்ருʼபீ⁴ன்॑ । ஸர்வா᳚ந்தி³॒வோ அந்த⁴॑ஸ꞉ । நக்த॒ன்யான்ய॑ப⁴வந்த்³ரு॒ʼஶே । அஸ்த்²ய॒ஸ்த்²னா ஸம்ப⁴॑விஷ்யாம꞉ । நாம॒ நாமை॒வ நா॒ம மே᳚ ॥ 50 ॥ 1-11-3 நபுக்³ம்ʼஸ॑கம்॒ʼ புமா॒க்³॒ம்ʼஸ்த்ர்ய॑ஸ்மி । ஸ்தா²வ॑ரோ(அ)ஸ்ம்யத²॒ ஜங்க³॑ம꞉ । ய॒ஜே(அ)யக்ஷி॒ யஷ்டா॒ஹே ச॑ । மயா॑ பூ⁴॒தான்ய॑யக்ஷத । ப॒ஶவோ॑ மம॑ பூ⁴தா॒னி । அனூப³ந்த்⁴யோ(அ)ஸ்ம்ய॑ஹம்ʼ வி॒பு⁴꞉ । ஸ்த்ரிய॑ஸ்ஸ॒தீ꞉ । தா உ॑ மே பு॒க்³॒ம்ʼஸ ஆ॑ஹு꞉ । பஶ்ய॑த³க்ஷ॒ண்வான்னவிசே॑தத³॒ந்த⁴꞉ । க॒விர்ய꞉ பு॒த்ரஸ்ஸ இ॒மா சி॑கேத ॥ 51 ॥ 1-11-4 யஸ்தா வி॑ஜா॒நாத்²ஸ॑வி॒து꞉ பி॒தா ஸ॑த் । அ॒ந்தோ⁴ மணிம॑விந்த³த் । தம॑னங்கு³லி॒ராவ॑யத் । அ॒க்³ரீ॒வ꞉ ப்ரத்ய॑முஞ்சத் । தமஜி॑ஹ்வா அ॒ஸஶ்ச॑த । ஊர்த்⁴வமூலம॑வாக்சா²॒க²ம் । வ்ரு॒ʼக்ஷம்ʼ யோ॑ வேத³॒ ஸம்ப்ர॑தி । ந ஸ ஜாது ஜன॑: ஶ்ரத்³த³॒த்⁴யாத் । ம்ரு॒ʼத்யுர்மா॑ மார॒யாதி³॑தி꞉ । ஹஸிதக்³ம்ʼ ருதி³॑தங்கீ³॒தம் ॥ 52 ॥ 1-11-5 வீணா॑பணவ॒லாஸி॑தம் । ம்ரு॒ʼதஞ்ஜீ॒வம்ʼ ச॑ யத்கி॒ஞ்சித் । அ॒ங்கா³னி॑ ஸ்னேவ॒ வித்³தி⁴॑ தத் । அத்ரு॑ʼஷ்ய॒க்³க்³॒ஸ்த்ருʼஷ்ய॑ த்⁴யாயத் । அ॒ஸ்மாஜ்ஜா॒தா மே॑ மிதூ²॒ சரன்॑ । புத்ரோ நிர்ருʼத்யா॑ வைதே³॒ஹ꞉ । அ॒சேதா॑ யஶ்ச॒ சேத॑ன꞉ । ஸ॒ தம்ʼ மணிம॑விந்த³த் । ஸோ॑(அ)னங்கு³லி॒ராவ॑யத் । ஸோ॒(அ)க்³ரீ॒வ꞉ ப்ரத்ய॑முஞ்சத் ॥ 53 ॥ 1-11-6 ஸோ(அ)ஜி॑ஹ்வோ அ॒ஸஶ்ச॑த । நைதம்ருʼஷிம்ʼ விதி³த்வா நக³॑ரம்ʼ ப்ர॒விஶேத் । ய॑தி³ ப்ர॒விஶேத் । மி॒தௌ² சரி॑த்வா ப்ர॒விஶேத் । தத்²ஸம்ப⁴வ॑ஸ்ய வ்ர॒தம் । ஆ॒தம॑க்³னே ர॒த²ந்தி॑ஷ்ட² । ஏகா᳚ஶ்வமேக॒யோஜ॑னம் । ஏகசக்ர॑மேக॒து⁴ரம் । வா॒தத்⁴ரா॑ஜிக³॒திம்ʼ வி॑போ⁴ । ந॒ ரி॒ஷ்யதி॑ ந வ்ய॒த²தே ॥ 54 ॥ 1-11-7 நா॒ஸ்யாக்ஷோ॑ யாது॒ ஸஜ்ஜ॑தி । யச்ச்²வேதா᳚ன்ரோஹி॑தாக்³ம்ʼஶ்சா॒க்³னே꞉ । ர॒தே² யு॑க்த்வா(அ)தி⁴॒திஷ்ட²॑தி । ஏகயா ச த³ஶபி⁴ஶ்ச॑ ஸ்வபூ⁴॒தே । த்³வாப்⁴யாமிஷ்டயே விக்³॑ம்ʼஶத்யா॒ ச । திஸ்ருʼபி⁴ஶ்ச வஹஸே த்ரிக்³॑ம்ʼஶதா॒ ச । நியுத்³பி⁴ர்வாயவிஹிதா॑ விமு॒ஞ்ச ॥ 55 ॥ 1-11-8 ஆத॑னுஷ்வ॒ ப்ரத॑னுஷ்வ । உ॒த்³த⁴மா(ஆ)த⁴॑ம॒ ஸந்த⁴॑ம । ஆதி³த்யே சந்த்³ர॑வர்ணா॒நாம் । க³ர்ப⁴॒மாதே⁴॑ஹி॒ ய꞉ புமான்॑ । இ॒தஸ்ஸி॒க்தக்³ம்ʼ ஸூர்ய॑க³தம் । ச॒ந்த்³ரம॑ஸே॒ ரஸ॑ங்க்ருʼதி⁴ । வாராத³ஞ்ஜன॑யாக்³ரே॒(அ)க்³னிம் । ய ஏகோ॑ ருத்³ர॒ உச்ய॑தே । அ॒ஸ॒ங்க்²யா॒தாஸ்ஸ॑ஹஸ்ரா॒ணி । ஸ்ம॒ர்யதே॑ ந ச॒ த்³ருʼஶ்ய॑தே ॥ 56 ॥ 1-12-1 ஏ॒வமே॒தன்னி॑போ³த⁴த । ஆம॒ந்த்³ரைரி॑ந்த்³ர॒ ஹரி॑பி⁴꞉ । யா॒ஹி ம॒யூர॑ரோமபி⁴꞉ । மா த்வா கேசின்னியேமுரி॑ன்ன பா॒ஶின꞉ । த³॒த⁴॒ன்வேவ॒ தா இ॑ஹி । மா ம॒ந்த்³ரைரி॑ந்த்³ர॒ ஹரி॑பி⁴꞉ । யா॒மி ம॒யூர॑ரோமபி⁴꞉ । மா மா கேசின்ன்யேமுரி॑ன்ன பா॒ஶின꞉ । நி॒த⁴॒ன்வேவ॒ தாம்ʼ 2 இ॑மி । அணுபி⁴ஶ்ச ம॑ஹத்³பி⁴॒ஶ்ச ॥ 57 ॥ 1-12-2 நி॒க்⁴ருʼஷ்வை॑ரஸ॒மாயு॑தை꞉ । காலைர்ஹரித்வ॑மாப॒ன்னை꞉ । இந்த்³ராயா॑ஹி ஸ॒ஹஸ்ர॑யுக் । அ॒க்³நிர்வி॒ப்⁴ராஷ்டி॑வஸன꞉ । வா॒யுஶ்ஶ்வேத॑ஸிகத்³ரு॒க꞉ । ஸம்॒ʼவ॒த்²ஸ॒ரோ வி॑ஷூ॒வர்ணை॑: । நித்யா॒ஸ்தே(அ)னுச॑ராஸ்த॒வ । ஸுப்³ரஹ்மண்யோக்³ம்ʼ ஸுப்³ரஹ்மண்யோக்³ம்ʼ ஸு॑ப்³ரஹ்ம॒ண்யோம் । இந்த்³ராக³ச்ச² ஹரிவ ஆக³ச்ச² மே॑தா⁴தி॒தே²꞉ । மேஷ வ்ருʼஷணஶ்வ॑ஸ்ய மே॒னே ॥ 58 ॥ 1-12-3 கௌ³ராவஸ்கந்தி³ன்னஹல்யா॑யை ஜா॒ர । கௌஶிகப்³ராஹ்மண கௌ³தம॑ப்³ருவா॒ண । அ॒ரு॒ணாஶ்வா॑ இ॒ஹாக³॑தா꞉ । வஸ॑வ꞉ ப்ருʼதி²வி॒க்ஷித॑: । அ॒ஷ்டௌ தி³॒க்³வாஸ॑ஸோ॒(அ)க்³னய॑: । அக்³நிஶ்ச ஜாதவேதா³᳚ஶ்சேத்யே॒தே । தாம்ராஶ்வா᳚ஸ்தாம்ர॒ரதா²꞉ । தாம்ரவர்ணா᳚ஸ்ததா²॒(அ)ஸிதா꞉ । த³ண்ட³ஹஸ்தா᳚: கா²த³॒க்³த³த꞉ । இதோ ருத்³ரா᳚: பரா॒ங்க³தா꞉ ॥ 59 ॥ 1-12-4 உக்தக்³க்³ ஸ்தா²னம்ʼ ப்ரமாணஞ்ச॑ புர॒ இத । ப்³ருʼஹ॒ஸ்பதி॑ஶ்ச ஸவி॒தா ச॑ । வி॒ஶ்வரூ॑பைரி॒ஹாக³॑தாம் । ரதே²॑னோத³க॒வர்த்ம॑னா । அ॒ப்ஸுஷா॑ இதி॒ தத்³த்³வ॑யோ꞉ । உக்தோ வேஷோ॑ வாஸா॒க்³॒ம்ʼஸி ச । காலாவயவாநாமித॑: ப்ரதீ॒ச்யா । வாஸாத்யா॑ இத்ய॒ஶ்வினோ꞉ । கோ(அ)ந்தரிக்ஷே ஶப்³த³ங்க॑ரோதீ॒தி । வாஸிஷ்டௌ² ரௌஹிணோ மீமாக்³॑ம்ʼஸாஞ்ச॒க்ரே । தஸ்யை॒ஷா ப⁴வ॑தி । வா॒ஶ்ரேவ॑ வி॒த்³யுதி³தி॑ । ப்³ரஹ்ம॑ண உ॒த³ர॑ணமஸி । ப்³ரஹ்ம॑ண உதீ³॒ரண॑மஸி । ப்³ரஹ்ம॑ண ஆ॒ஸ்தர॑ணமஸி । ப்³ரஹ்ம॑ண உப॒ஸ்தர॑ணமஸி ॥ 60 ॥ 1-12-5 அ॒ஷ்டயோ॑னீம॒ஷ்டபு॑த்ராம் । அ॒ஷ்டப॑த்னீமி॒மாம்ʼ மஹீ᳚ம் । அ॒ஹம்ʼ வேத³॒ ந மே॑ ம்ருʼத்யு꞉ । நசாம்ரு॑ʼத்யுர॒கா⁴(அ)ஹ॑ரத் । அ॒ஷ்டயோ᳚ன்ய॒ஷ்டபு॑த்ரம் । அ॒ஷ்டப॑தி³॒த³ம॒ந்தரி॑க்ஷம் । அ॒ஹம்ʼ வேத³॒ ந மே॑ ம்ருʼத்யு꞉ । நசாம்ரு॑ʼத்யுர॒கா⁴(அ)ஹ॑ரத் । அ॒ஷ்டயோ॑னீம॒ஷ்டபு॑த்ராம் । அ॒ஷ்டப॑த்னீம॒மூந்தி³வம்᳚ ॥ 61 ॥ 1-13-1 அ॒ஹம்ʼ வேத³॒ ந மே॑ ம்ருʼத்யு꞉ । நசாம்ரு॑ʼத்யுர॒கா⁴(ஆ)ஹ॑ரத் । ஸு॒த்ராமா॑ணம்ʼ ம॒ஹீமூ॒ஷு । அதி³॑தி॒ர்த்³யௌரதி³॑திர॒ந்தரி॑க்ஷம் । அதி³॑திர்மா॒தா ஸ பி॒தா ஸ பு॒த்ர꞉ । விஶ்வே॑ தே³॒வா அதி³॑தி॒: பஞ்ச॒ஜனா᳚: । அதி³॑திர்ஜா॒தமதி³॑தி॒ர்ஜனி॑த்வம் । அ॒ஷ்டௌ பு॒த்ராஸோ॒ அதி³॑தே꞉ । யே ஜா॒தாஸ்த॒ன்வ॑: பரி॑ । தே³॒வாம்ʼ 2 உப॑ப்ரைத்ஸ॒ப்தபி⁴॑: ॥ 62 ॥ 1-13-2 ப॒ரா॒ மா॒ர்தா॒ண்ட³மாஸ்ய॑த் । ஸ॒ப்தபி⁴॑: பு॒த்ரைரதி³॑தி꞉ । உப॒ப்ரைத்பூ॒ர்வ்யம்॑ʼ யுக³ம்᳚ । ப்ர॒ஜாயை॑ ம்ரு॒ʼத்யவே த॑த் । ப॒ரா॒ மா॒ர்தா॒ண்ட³மாப⁴॑ர॒தி³தி॑ । தானனுக்ர॑மிஷ்யா॒ம꞉ । மி॒த்ரஶ்ச॒ வரு॑ணஶ்ச । தா⁴॒தா சா᳚ர்யா॒மா ச॑ । அக்³ம்ʼஶ॑ஶ்ச॒ ப⁴க³॑ஶ்ச । இந்த்³ரஶ்ச விவஸ்வாக்³॑ம்ʼஶ்சேத்யே॒தே । ஹி॒ர॒ண்ய॒க³॒ர்போ⁴ ஹ॒க்³॒ம்ʼஸஶ்ஶு॑சி॒ஷத் । ப்³ரஹ்ம॑ஜஜ்ஞா॒னம் ததி³த்ப॒த³மிதி॑ । க³॒ர்ப⁴꞉ ப்ரா॑ஜாப॒த்ய꞉ । அத²॒ புரு॑ஷ꞉ ஸ॒ப்தபுரு॑ஷ꞉ ॥ 63 ॥ 1-13-3 யோ(அ)ஸௌ॑ த॒பன்னு॒தே³தி॑ । ஸ ஸர்வே॑ஷாம்ʼ பூ⁴॒தானாம்᳚ʼ ப்ரா॒ணானா॒தா³யோ॒தே³தி॑ । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணானா॒தா³யோத³॑கா³꞉ । அ॒ஸௌ யோ᳚(அ)ஸ்த॒மேதி॑ । ஸ ஸர்வே॑ஷாம்ʼ பூ⁴॒தானாம்᳚ʼ ப்ரா॒ணானா॒தா³யா॒ஸ்தமேதி॑ । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணானா॒தா³யா(அ)ஸ்த॑ங்கா³꞉ । அ॒ஸௌ ய ஆ॒பூர்ய॑தி । ஸ ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரா॒பூர்ய॑தி ॥ 64 ॥ 1-14-1 மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரா॒பூரி॑ஷ்டா²꞉ । அ॒ஸௌ யோ॑(அ)ப॒க்ஷீய॑தி । ஸ ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑க்ஷீயதி । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑க்ஷேஷ்டா²꞉ । அ॒மூனி॒ நக்ஷ॑த்ராணி । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பந்தி॒ சோத்²ஸ॑ர்பந்தி ச । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼபத॒ மோத்²ஸ்ரு॑ʼபத ॥ 65 ॥ 1-14-2 இ॒மே மாஸா᳚ஶ்சார்த⁴மா॒ஸாஶ்ச॑ । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பந்தி॒ சோத்²ஸ॑ர்பந்தி ச । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼபத॒ மோத்²ஸ்ரு॑ʼபத । இ॒ம ரு॒ʼதவ॑: । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பந்தி॒ சோத்²ஸ॑ர்பந்தி ச । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼபத॒ மோத்²ஸ்ரு॑ʼபத । அ॒யக்³ம்ʼ ஸம்॑ʼவத்²ஸ॒ர꞉ । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பதி॒ சோத்²ஸ॑ர்பதி ச ॥ 66 ॥ 1-14-3 மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼப॒ மோத்²ஸ்ரு॑ʼப । இ॒த³மஹ॑: । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பதி॒ சோத்²ஸ॑ர்பதி ச । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼப॒ மோத்²ஸ்ரு॑ʼப । இ॒யக்³ம்ʼராத்ரி॑: । ஸர்வே॑ஷாம்ʼ பூ⁴॒தானாம்᳚ʼ ப்ரா॒ணைரப॑ப்ரஸர்பதி॒ சோத்²ஸ॑ர்பதி ச । மா மே᳚ ப்ர॒ஜயா॒ மா ப॑ஶூ॒நாம் । மா மம॑ ப்ரா॒ணைரப॑ப்ரஸ்ருʼப॒ மோத்²ஸ்ரு॑ʼப । ஓம்ʼ பூ⁴ர்பு⁴வ॒ஸ்ஸ்வ॑: । ஏதத்³வோ மிது²னம்ʼ மானோ மிது²॑னக்³ம்ʼ ரீ॒ட்⁴வம் ॥ 67 ॥ 1-14-4 அதா²தி³த்யஸ்யாஷ்டபு॑ருஷ॒ஸ்ய । வஸூநாமாதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । ருத்³ராணாமாதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । ஆதி³த்யாநாமாதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । ஸதாக்³॑ம்ʼஸத்யா॒நாம் । ஆதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । அபி⁴தூ⁴ன்வதா॑மபி⁴॒க்⁴னதாம் । வாதவ॑தாம்ʼ ம॒ருதாம் । ஆதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । ருʼபூ⁴ணாமாதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । விஶ்வேஷா᳚ந்தே³வா॒நாம் । ஆதி³த்யாநாக்³ ஸ்தா²னே ஸ்வதேஜ॑ஸா பா⁴॒னி । ஸம்ʼவத்²ஸர॑ஸ்ய ஸ॒விது꞉ । ஆதி³த்யஸ்ய ஸ்தா²னே ஸ்வதேஜ॑ஸா பா⁴॒னி । ஓம்ʼ பூ⁴ர்பு⁴வ॒ஸ்ஸ்வ॑: । ரஶ்மயோ வோ மிது²னம்ʼ மா நோ மிது²॑னக்³ம்ʼ ரீ॒ட்⁴வம் ॥ 68 ॥ 1-15-1 ஆரோக³ஸ்ய ஸ்தா²னே ஸ்வதேஜ॑ஸா பா⁴॒னி । ப்⁴ராஜஸ்ய ஸ்தா²னே ஸ்வதேஜ॑ஸா பா⁴॒னி । படரஸ்ய ஸ்தா²னே ஸ்வதேஜ॑ஸா பா⁴॒னி । பதங்க³ஸ்ய ஸ்தா²னே ஸ்வதேஜ॑ஸா பா⁴॒னி । ஸ்வர்ணரஸ்ய ஸ்தா²னே ஸ்வதேஜ॑ஸா பா⁴॒னி । ஜ்யோதிஷீமதஸ்ய ஸ்தா²னே ஸ்வதேஜ॑ஸா பா⁴॒னி । விபா⁴ஸஸ்ய ஸ்தா²னே ஸ்வதேஜ॑ஸா பா⁴॒னி । கஶ்யபஸ்ய ஸ்தா²னே ஸ்வதேஜ॑ஸா பா⁴॒னி । ஓம்ʼ பூ⁴ர்பு⁴வ॒ஸ்ஸ்வ॑: । ஆபோ வோ மிது²னம்ʼ மா நோ மிது²॑னக்³ம்ʼ ரீ॒ட்⁴வம் ॥ 69 ॥ 1-16-1 அத² வாயோரேகாத³ஶபுருஷஸ்யைகாத³ஶ॑ஸ்த்ரீக॒ஸ்ய । ப்ரப்⁴ராஜமானாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । வ்யவதா³தாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । வாஸுகிவைத்³யுதாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । ரஜதாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । பருஷாணாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । ஶ்யாமாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । கபிலாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । அதிலோஹிதாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । ஊர்த்⁴வாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி ॥ 70 ॥ 1-17-1 அவபதந்தாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । வைத்³யுதாநாக்³ம்ʼ ருத்³ராணாக்³ ஸ்தா²னே ஸ்வதேஜ॑ஸா பா⁴॒னி । ப்ரப்⁴ராஜமானீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । வ்யவதா³தீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । வாஸுகிவைத்³யுதீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । ரஜதாநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । பருஷாணாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । ஶ்யாமாநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । கபிலாநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । அதிலோஹிதீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । ஊர்த்⁴வாநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । அவபதந்தீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । வைத்³யுதீநாக்³ம்ʼ ருத்³ராணீநாக்³ ஸ்தா²னே ஸ்வதேஜ॑ஸா பா⁴॒னி । ஓம்ʼ பூ⁴ர்பு⁴வ॒ஸ்ஸ்வ॑: । ரூபாணி வோ மிது²னம்ʼ மா நோ மிது²॑னக்³ம்ʼ ரீ॒ட்⁴வம் ॥ 71 ॥ 1-17-2 அதா²க்³னே॑ரஷ்டபு॑ருஷ॒ஸ்ய । அக்³னே꞉ பூர்வதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । ஜாதவேத³ஸ உபதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । ஸஹோஜஸோ த³க்ஷிணதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । அஜிராப்ரப⁴வ உபதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । வைஶ்வானரஸ்யாபரதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । நர்யாபஸ உபதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । பங்க்திராத⁴ஸ உத³க்³தி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । விஸர்பிண உபதி³ஶ்யஸ்ய ஸ்தா²னே ஸ்வதேஜ॑ஸா பா⁴॒னி । ஓம்ʼ பூ⁴ர்பு⁴வ॒ஸ்ஸ்வ॑: । தி³ஶோ வோ மிது²னம்ʼ மா நோ மிது²॑னக்³ம்ʼ ரீ॒ட்⁴வம் ॥ 72 ॥ 1-18-1 த³க்ஷிணபூர்வஸ்யாந்தி³ஶி விஸ॑ர்பீ ந॒ரக꞉ । தஸ்மான்ன꞉ ப॑ரிபா॒ஹி । த³க்ஷிணாஸ்யாந்தி³ஶ்யவிஸ॑ர்பீ ந॒ரக꞉ । தஸ்மான்ன꞉ ப॑ரிபா॒ஹி । உத்தரபூர்வஸ்யாந்தி³ஶி விஷா॑தீ³ ந॒ரக꞉ । தஸ்மான்ன꞉ ப॑ரிபா॒ஹி । உத்தராபரஸ்யாந்தி³ஶ்யவிஷா॑தீ³ ந॒ரக꞉ । தஸ்மான்ன꞉ ப॑ரிபா॒ஹி । ஆயஸ்மிந்த்²ஸப்த வாஸவா இந்த்³ரியாணி ஶதக்ரத॑வித்யே॒தே ॥ 73 ॥ 1-19-1 இ॒ந்த்³ர॒கோ⁴॒ஷா வோ॒ வஸு॑பி⁴꞉ பு॒ரஸ்தா॒து³ப॑த³த⁴தாம் । மனோ॑ஜவஸோ வ꞉ பி॒த்ருʼபி⁴॑ர்த³க்ஷிண॒த உப॑த³த⁴தாம் । ப்ரசே॑தா வோ ரு॒த்³ரை꞉ ப॒ஶ்சாது³ப॑த³த⁴தாம் । வி॒ஶ்வக॑ர்மா வ ஆதி³॒த்யைரு॑த்தர॒த உப॑த³த⁴தாம் । த்வஷ்டா॑ வோ ரூ॒பைரு॒பரி॑ஷ்டா॒து³ப॑த³த⁴தாம் । ஸஞ்ஜ்ஞானம்ʼ வ꞉ ப॑ஶ்சாதி³॒தி । ஆ॒தி³॒த்யஸ்ஸர்வோ॒(அ)க்³னி꞉ ப்ரு॑ʼதி²॒வ்யாம் । வா॒யுர॒ந்தரி॑க்ஷே । ஸூர்யோ॑ தி³॒வி । ச॒ந்த்³ரமா॑ தி³॒க்ஷு । நக்ஷ॑த்ராணி॒ ஸ்வலோ॒கே । ஏ॒வா ஹ்யே॑வ । ஏ॒வா ஹ்ய॑க்³னே । ஏ॒வா ஹி வா॑யோ । ஏ॒வா ஹீ᳚ந்த்³ர । ஏ॒வா ஹி பூ॑ஷன் । ஏ॒வா ஹி தே³॑வா꞉ ॥ 74 ॥ 1-20-1 ஆப॑மாபாம॒ப꞉ ஸர்வா᳚: । அ॒ஸ்மாத³॒ஸ்மாதி³॒தோ(அ)முத॑: । அ॒க்³நிர்வா॒யுஶ்ச॒ ஸூர்ய॑ஶ்ச । ஸ॒ஹ ஸ॑ஞ்சஸ்க॒ரர்த்³தி⁴॑யா । வா॒ய்வஶ்வா॑ ரஶ்மி॒பத॑ய꞉ । மரீ᳚ச்யாத்மானோ॒ அத்³ரு॑ஹ꞉ । தே³॒வீர்பு⁴॑வன॒ஸூவ॑ரீ꞉ । பு॒த்ர॒வ॒த்த்வாய॑ மே ஸுத । மஹானாம்நீர்ம॑ஹாமா॒னா꞉ । ம॒ஹ॒ஸோ ம॑ஹஸ॒ஸ்ஸ்வ॑: ॥ 75 ॥ 1-21-1 தே³॒வீ꞉ ப॑ர்ஜன்ய॒ஸூவ॑ரீ꞉ । பு॒த்ர॒வ॒த்த்வாய॑ மே ஸுத । அ॒பா(அ)ஶ்ன்யு॑ஷ்ணிம॒பாரக்ஷ॑: । அ॒பா(அ)ஶ்ன்யு॑ஷ்ணிம॒பாரக⁴ம்᳚ । அபா᳚க்⁴ரா॒மப॑சா॒(அ)வர்திம்᳚ । அப॑தே³॒வீரி॒தோ ஹி॑த । வஜ்ர॑ந்தே³॒வீரஜீ॑தாக்³ம்ʼஶ்ச । பு⁴வ॑னந்தே³வ॒ஸூவ॑ரீ꞉ । ஆ॒தி³॒த்யானதி³॑திந்தே³॒வீம் । யோனி॑னோர்த்⁴வமு॒தீ³ஷ॑த ॥ 76 ॥ 1-21-2 ப⁴॒த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ । ப⁴॒த்³ரம்ʼ ப॑ஶ்யேமா॒க்ஷபி⁴॒ர்யஜ॑த்ரா꞉ । ஸ்தி²॒ரைரங்கை³᳚ஸ்துஷ்டு॒வாக்³ம்ʼ ஸ॑ஸ்த॒னூபி⁴॑: । வ்யஶே॑ம தே³॒வஹி॑தம்॒ʼ யதா³யு॑: । ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ । ஸ்வ॒ஸ்தி ந॑: பூ॒ஷா வி॒ஶ்வவே॑தா³꞉ । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ । ஸ்வ॒ஸ்தி நோ॒ ப்³ருʼஹ॒ஸ்பதி॑ர்த³தா⁴து ॥ கே॒தவோ॒ அரு॑ணாஸஶ்ச । ரு॒ʼஷ॒யோ வாத॑ரஶ॒னா꞉ । ப்ர॒தி॒ஷ்டா²க்³ம்ʼ ஶ॒ததா⁴॑ ஹி । ஸ॒மாஹி॑தாஸோ ஸஹஸ்ர॒தா⁴ய॑ஸம் । ஶி॒வா ந॒ஶ்ஶந்த॑மா ப⁴வந்து । தி³॒வ்யா ஆப॒ ஓஷ॑த⁴ய꞉ । ஸு॒ம்ரு॒ʼடீ³॒கா ஸர॑ஸ்வதி । மா தே॒ வ்யோ॑ம ஸ॒ந்த்³ருʼஶி॑ ॥ 77 ॥ 1-21-3 யோ॑(அ)பாம்ʼ புஷ்பம்॒ʼ வேத³॑ । புஷ்ப॑வான் ப்ர॒ஜாவா᳚ன் பஶு॒மான் ப⁴॑வதி । ச॒ந்த்³ரமா॒ வா அ॒பாம்ʼ புஷ்பம்᳚ । புஷ்ப॑வான் ப்ர॒ஜாவா᳚ன் பஶு॒மான் ப⁴॑வதி । ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । அ॒க்³நிர்வா அ॒பாமா॒யத॑னம் । ஆ॒யத॑னவான் ப⁴வதி । யோ᳚(அ)க்³னேரா॒யத॑னம்॒ʼ வேத³॑ ॥ 78 ॥ 1-22-1 ஆ॒யத॑னவான் ப⁴வதி । ஆபோ॒ வா அ॒க்³னேரா॒யத॑னம் । ஆ॒யத॑னவான் ப⁴வதி । ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । வா॒யுர்வா அ॒பாமா॒யத॑னம் । ஆ॒யத॑னவான் ப⁴வதி । யோ வா॒யோரா॒யத॑னம்॒ʼ வேத³॑ । ஆ॒யத॑னவான் ப⁴வதி ॥ 79 ॥ 1-22-2 ஆபோ॒ வை வா॒யோரா॒யத॑னம் । ஆ॒யத॑னவான் ப⁴வதி । ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । அ॒ஸௌ வை தப॑ன்ன॒பாமா॒யத॑னம் । ஆ॒யத॑னவான் ப⁴வதி । யோ॑(அ)முஷ்ய॒ தப॑த ஆ॒யத॑னம்॒ʼ வேத³॑ । ஆ॒யத॑னவான் ப⁴வதி । ஆபோ॒ வா அ॒முஷ்ய॒ தப॑த ஆ॒யத॑னம் ॥ 80 ॥ 1-22-3 ஆ॒யத॑னவான் ப⁴வதி । ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । ச॒ந்த்³ரமா॒ வா அ॒பாமா॒யத॑னம் । ஆ॒யத॑னவான் ப⁴வதி । யஶ்ச॒ந்த்³ரம॑ஸ ஆ॒யத॑னம்॒ʼ வேத³॑ । ஆ॒யத॑னவான் ப⁴வதி । ஆபோ॒ வை ச॒ந்த்³ரம॑ஸ ஆ॒யத॑னம்। ஆ॒யத॑னவான் ப⁴வதி ॥ 81 ॥ 1-22-4 ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । நக்ஷ॑த்ராணி॒ வா அ॒பாமா॒யத॑னம் । ஆ॒யத॑னவான் ப⁴வதி । யோ நக்ஷ॑த்ராணாமா॒யத॑னம்॒ʼ வேத³॑ । ஆ॒யத॑னவான் ப⁴வதி । ஆபோ॒ வை நக்ஷ॑த்ராணாமா॒யத॑னம் । ஆ॒யத॑னவான் ப⁴வதி । ய ஏ॒வம்ʼ வேத³॑ ॥ 82 ॥ 1-22-5 யோ॑(அ)பாமா॒யத॑னம்॒ʼ வேத³॑ । ஆ॒யத॑னவான் ப⁴வதி । ப॒ர்ஜன்யோ॒ வா அ॒பாமா॒யத॑னம் । ஆ॒யத॑னவான் ப⁴வதி । ய꞉ ப॒ர்ஜன்ய॑ஸ்யா॒யத॑னம்॒ʼ வேத³॑ । ஆ॒யத॑னவான் ப⁴வதி । ஆபோ॒ வை ப॒ர்ஜன்ய॑ஸ்யா॒(ஆ)யத॑னம் । ஆ॒யத॑னவான் ப⁴வதி । ய ஏ॒வம்ʼ வேத³॑ । யோ॑(அ)பாமா॒யத॑னம்॒ʼ வேத³॑ ॥ 83 ॥ 1-22-6 ஆ॒யத॑னவான் ப⁴வதி । ஸம்॒ʼவ॒த்²ஸ॒ரோ வா அ॒பாமா॒யத॑னம் । ஆ॒யத॑னவான் ப⁴வதி । யஸ்ஸம்॑ʼவத்²ஸ॒ரஸ்யா॒யத॑னம்॒ʼ வேத³॑ । ஆ॒யத॑னவான் ப⁴வதி । ஆபோ॒ வை ஸம்॑ʼவத்²ஸ॒ரஸ்யா॒(ஆ)யத॑னம் । ஆ॒யத॑னவான் ப⁴வதி । ய ஏ॒வம்ʼ வேத³॑ । யோ᳚(அ)ப்ஸு நாவம்॒ʼ ப்ரதி॑ஷ்டி²தாம்॒ʼ வேத³॑ । ப்ரத்யே॒வ தி॑ஷ்ட²தி ॥ 84 ॥ 1-22-7 இ॒மே வை லோ॒கா அ॒ப்ஸு ப்ரதி॑ஷ்டி²தா꞉ । ததே³॒ஷா(அ)ப்⁴யனூ᳚க்தா । அ॒பாக்³ம்ʼ ரஸ॒முத³॑யக்³ம்ʼ ஸன் । ஸூர்யே॑ ஶு॒க்ரக்³ம்ʼ ஸ॒மாப்⁴ரு॑ʼதம் । அ॒பாக்³ம்ʼ ரஸ॑ஸ்ய॒ யோ ரஸ॑: । தம்ʼ வோ॑ க்³ருʼஹ்ணாம்யுத்த॒மமிதி॑ । இ॒மே வை லோ॒கா அ॒பாக்³ம்ʼ ரஸ॑: । தே॑(அ)முஷ்மி॑ந்நாதி³॒த்யே ஸ॒மாப்⁴ரு॑ʼதா꞉ । ஜா॒னு॒த³॒க்⁴னீமு॑த்தரவே॒தீ³ங்கா²॒த்வா । அ॒பாம்ʼ பூ॑ரயி॒த்வா கு³॑ல்ப²த³॒க்⁴னம் ॥ 85 ॥ 1-22-8 புஷ்கரபர்ணை꞉ புஷ்கரத³ண்டை³꞉ புஷ்கரைஶ்ச॑ ஸக்³க்³ஸ்தீ॒ர்ய । தஸ்மி॑ன்விஹா॒யஸே । அ॒க்³னிம்ʼ ப்ர॒ணீயோ॑பஸமா॒தா⁴ய॑ । ப்³ர॒ஹ்ம॒வா॒தி³னோ॑ வத³ந்தி । கஸ்மா᳚த்ப்ரணீ॒தே(அ)யம॒க்³நிஶ்சீ॒யதே᳚ । ஸாப்ர॑ணீ॒தே(அ)யம॒ப்ஸு ஹ்யய॑ஞ்சீ॒யதே᳚ । அ॒ஸௌ பு⁴வ॑னே॒(அ)ப்யனா॑ஹிதாக்³நிரே॒தா꞉ । தம॒பி⁴த॑ ஏ॒தா அ॒பீ³ஷ்ட॑கா॒ உப॑த³தா⁴தி । அ॒க்³னி॒ஹோ॒த்ரே த³॑ர்ஶபூர்ணமா॒ஸயோ᳚: । ப॒ஶு॒ப³॒ந்தே⁴ சா॑துர்மா॒ஸ்யேஷு॑ ॥ 86 ॥ 1-22-9 அதோ²॑ ஆஹு꞉ । ஸர்வே॑ஷு யஜ்ஞக்ர॒துஷ்விதி॑ । ஏ॒தத்³த⁴॑ ஸ்ம॒ வா ஆ॑ஹுஶ்ஶண்டி³॒லா꞉ । கம॒க்³னிஞ்சி॑னுதே । ஸ॒த்ரி॒யம॒க்³னிஞ்சி॑ன்வா॒ன꞉ । ஸம்॒ʼவ॒த்²ஸ॒ரம்ʼ ப்ர॒த்யக்ஷே॑ண । கம॒க்³னிஞ்சி॑னுதே । ஸா॒வி॒த்ரம॒க்³னிஞ்சி॑ன்வா॒ன꞉ । அ॒முமா॑தி³॒த்யம்ʼ ப்ர॒த்யக்ஷே॑ண । கம॒க்³னிஞ்சி॑னுதே ॥ 87 ॥ 1-22-10 நா॒சி॒கே॒தம॒க்³னிஞ்சி॑ன்வா॒ன꞉ । ப்ரா॒ணான்ப்ர॒த்யக்ஷே॑ண । கம॒க்³னிஞ்சி॑னுதே । சா॒து॒ர்ஹோ॒த்ரி॒யம॒க்³னிஞ்சி॑ன்வா॒ன꞉ । ப்³ரஹ்ம॑ ப்ர॒த்யக்ஷே॑ண । கம॒க்³னிஞ்சி॑னுதே । வை॒ஶ்வ॒ஸ்ரு॒ʼஜம॒க்³னிஞ்சி॑ன்வா॒ன꞉ । ஶரீ॑ரம்ʼ ப்ர॒த்யக்ஷே॑ண । கம॒க்³னிஞ்சி॑னுதே । உ॒பா॒னு॒வா॒க்ய॑மா॒ஶும॒க்³னிஞ்சி॑ன்வா॒ன꞉ ॥ 88 ॥ 1-22-11 இ॒மாம்ˮல்லோ॒கான்ப்ர॒த்யக்ஷே॑ண । கம॒க்³னிஞ்சி॑னுதே । இ॒மமா॑ருணகேதுகம॒க்³னிஞ்சி॑ன்வா॒ன꞉ இதி॑ । ய ஏ॒வாஸௌ । இ॒தஶ்சா॒முத॑ஶ்சா(அ)வ்யதீபா॒தீ । தமிதி॑ । யோ᳚(அ)க்³னேர்மி॑தூ²॒யா வேத³॑ । மி॒து²॒ன॒வான்ப⁴॑வதி । ஆபோ॒ வா அ॒க்³னேர்மி॑தூ²॒யா꞉ । மி॒து²॒ன॒வான்ப⁴॑வதி । ய ஏ॒வம்ʼ வேத³॑ ॥ 89 ॥ 1-22-12 ஆபோ॒ வா இ॒த³மா॑ஸந்த்²ஸலி॒லமே॒வ । ஸ ப்ர॒ஜாப॑தி॒ரேக॑: புஷ்கரப॒ர்ணே ஸம॑ப⁴வத் । தஸ்யாந்த॒ர்மன॑ஸி காம॒ஸ்ஸம॑வர்தத । இ॒த³க்³ம்ʼ ஸ்ரு॑ʼஜேய॒மிதி॑ । தஸ்மா॒த்³யத்புரு॑ஷோ॒ மன॑ஸா(அ)பி⁴॒க³ச்ச²॑தி । தத்³வா॒சா வ॑த³தி । தத்கர்ம॑ணா கரோதி । ததே³॒ஷா(அ)ப்⁴யனூ᳚க்தா । காம॒ஸ்தத³க்³ரே॒ ஸம॑வர்த॒தாதி⁴॑ । மன॑ஸோ॒ ரேத॑: ப்ரத²॒மம்ʼ யதா³ஸீ᳚த் ॥ 90 ॥ 1-23-1 ஸ॒தோ ப³ந்து⁴॒மஸ॑தி॒ நி॑ரவிந்த³ன் । ஹ்ரு॒ʼதி³ ப்ர॒தீஷ்யா॑ க॒வயோ॑ மனீ॒ஷேதி॑ । உபை॑ன॒ந்தது³ப॑னமதி । யத்கா॑மோ॒ ப⁴வ॑தி । ய ஏ॒வம்ʼ வேத³॑ । ஸ தபோ॑(அ)தப்யத । ஸ தப॑ஸ்த॒ப்த்வா । ஶரீ॑ரமதூ⁴னுத । தஸ்ய॒ யன்மா॒க்³॒ம்ʼஸமாஸீ᳚த் । ததோ॑(அ)ரு॒ணா꞉ கே॒தவோ॒ வாத॑ரஶ॒னா ருʼஷ॑ய॒ உத³॑திஷ்ட²ன் ॥ 91 ॥ 1-23-2 யே நகா²᳚: । தே வை॑கா²ன॒ஸா꞉ । யே வாலா᳚: । தே வா॑லகி²॒ல்யா꞉ । யோ ரஸ॑: । ஸோ॑(அ)பாம் । அ॒ந்த॒ர॒த꞉ கூ॒ர்மம்ʼ பூ⁴॒தக்³ம்ʼ ஸர்ப॑ந்தம் । தம॑ப்³ரவீத் । மம॒ வைத்வங்மா॒க்³॒ம்ʼஸா । ஸம॑பூ⁴த் ॥ 92 ॥ 1-23-3 நேத்ய॑ப்³ரவீத் । பூர்வ॑மே॒வாஹமி॒ஹாஸ॒மிதி॑ । தத்புரு॑ஷஸ்ய புருஷ॒த்வம் । ஸ ஸ॒ஹஸ்ர॑ஶீர்ஷா॒ புரு॑ஷ꞉ । ஸ॒ஹ॒ஸ்ரா॒க்ஷஸ்ஸ॒ஹஸ்ர॑பாத் । பூ⁴॒த்வோத³॑திஷ்ட²த் । தம॑ப்³ரவீத் । த்வம்ʼ வை பூர்வக்³॑ம்ʼ ஸம॑பூ⁴꞉ । த்வமி॒த³ம்ʼ பூர்வ॑: குரு॒ஷ்வேதி॑ । ஸ இ॒த ஆ॒தா³யாப॑: ॥ 93 ॥ 1-23-4 அ॒ஞ்ஜ॒லினா॑ பு॒ரஸ்தா॑து³॒பாத³॑தா⁴த் । ஏ॒வாஹ்யே॒வேதி॑ । தத॑ ஆதி³॒த்ய உத³॑திஷ்ட²த் । ஸா ப்ராசீ॒ தி³க் । அதா²॑ரு॒ண꞉ கே॒துர்த³॑க்ஷிண॒த உ॒பாத³॑தா⁴த் । ஏ॒வாஹ்யக்³ன॒ இதி॑ । ததோ॒ வா அ॒க்³நிருத³॑திஷ்ட²த் । ஸா த³॑க்ஷி॒ணா தி³க் । அதா²॑ரு॒ண꞉ கே॒து꞉ ப॒ஶ்சாது³॒பாத³॑தா⁴த் । ஏ॒வாஹி வாயோ॒ இதி॑ ॥ 94 ॥ 1-23-5 ததோ॑ வா॒யுருத³॑திஷ்ட²த் । ஸா ப்ர॒தீசீ॒ தி³க் । அதா²॑ரு॒ண꞉ கே॒துரு॑த்தர॒த உ॒பாத³॑தா⁴த் । ஏ॒வாஹீந்த்³ரேதி॑ । ததோ॒ வா இந்த்³ர॒ உத³॑திஷ்ட²த் । ஸோதீ³॑சீ॒ தி³க் । அதா²॑ரு॒ண꞉ கே॒துர்மத்⁴ய॑ உ॒பாத³॑தா⁴த் । ஏ॒வாஹி பூஷ॒ன்னிதி॑ । ததோ॒ வை பூ॒ஷோத³॑திஷ்ட²த் । ஸேயந்தி³க் ॥ 95 ॥ 1-23-6 அதா²॑ரு॒ண꞉ கே॒துரு॒பரி॑ஷ்டாது³॒பாத³॑தா⁴த் । ஏ॒வாஹி தே³॒வா இதி॑ । ததோ॑ தே³வமனு॒ஷ்யா꞉ பி॒தர॑: । க³॒ந்த⁴॒ர்வா॒ப்ஸ॒ரஸ॒ஶ்சோத³॑திஷ்ட²ன் । ஸோர்த்⁴வா தி³க் । யா வி॒ப்ருஷோ॑ வி॒பரா॑பதன் । தாப்⁴யோ(அ)ஸு॑ரா॒ ரக்ஷாக்³॑ம்ʼஸி பிஶா॒சாஶ்சோத³॑திஷ்ட²ன் । தஸ்மா॒த்தே பரா॑ப⁴வன் । வி॒ப்ருட்³ப்⁴யோ॒ ஹி தே ஸம॑ப⁴வன் । ததே³॒ஷா(அ)ப்⁴யனூ᳚க்தா ॥ 96 ॥ 1-23-7 ஆபோ॑ ஹ॒ யத்³ப்³ரு॑ʼஹ॒தீர்க³ர்பா⁴॒மாயன்॑ । த³க்ஷ॒ந்த³தா⁴॑னா ஜ॒னய॑ந்தீஸ்ஸ்வய॒ம்பு⁴ம் । தத॑ இ॒மே(அ)த்³த்⁴யஸ்ரு॑ʼஜ்யந்த॒ ஸர்கா³᳚: । அத்³ப்⁴யோ॒ வா இ॒த³க்³ம்ʼ ஸம॑பூ⁴த் । தஸ்மா॑தி³॒த³க்³ம்ʼ ஸர்வம்॒ʼ ப்³ரஹ்ம॑ ஸ்வய॒ம்ப்⁴விதி॑ । தஸ்மா॑தி³॒த³க்³ம்ʼ ஸர்வ॒க்³॒ம்ʼ ஶிதி²॑லமி॒வாத்³த்⁴ருவ॑மிவாப⁴வத் । ப்ர॒ஜாப॑தி॒ர்வாவ தத் । ஆ॒த்மனா॒த்மானம்॑ʼ வி॒தா⁴ய॑ । ததே³॒வானு॒ப்ராவி॑ஶத் । ததே³॒ஷா(அ)ப்⁴யனூ᳚க்தா ॥ 97 ॥ 1-23-8 வி॒தா⁴ய॑ லோ॒கான்வி॒தா⁴ய॑ பூ⁴॒தானி॑ । வி॒தா⁴ய॒ ஸர்வா᳚: ப்ர॒தி³ஶோ॒ தி³ஶ॑ஶ்ச । ப்ர॒ஜாப॑தி꞉ ப்ரத²ம॒ஜா ரு॒ʼதஸ்ய॑ । ஆ॒த்மனா॒த்மான॑ம॒பி⁴ஸம்ʼவி॑வே॒ஶேதி॑ । ஸர்வ॑மே॒வேத³மா॒ப்த்வா । ஸர்வ॑மவ॒ருத்³த்⁴ய॑ । ததே³॒வானு॒ப்ரவி॑ஶதி । ய ஏ॒வம்ʼ வேத³॑ ॥ 98 ॥ 1-23-9 சது॑ஷ்டய்ய॒ ஆபோ॑ க்³ருʼஹ்ணாதி । ச॒த்வாரி॒ வா அ॒பாக்³ம்ʼ ரூ॒பாணி॑ । மேகோ⁴॑ வி॒த்³யுத் । ஸ்த॒ன॒யி॒த்னுர்வ்ரு॒ʼஷ்டி꞉ । தான்யே॒வாவ॑ருந்தே⁴ । ஆ॒தப॑தி॒ வர்ஷ்யா॑ க்³ருʼஹ்ணாதி । தா꞉ பு॒ரஸ்தா॒து³ப॑த³தா⁴தி । ஏ॒தா வை ப்³ர॑ஹ்மவர்ச॒ஸ்யா ஆப॑: । மு॒க²॒த ஏ॒வ ப்³ர॑ஹ்மவர்ச॒ஸமவ॑ருந்தே⁴ । தஸ்மா᳚ன்முக²॒தோ ப்³ர॑ஹ்மவர்ச॒ஸித॑ர꞉ ॥ 99 ॥ 1-24-1 கூப்யா॑ க்³ருʼஹ்ணாதி । தா த³॑க்ஷிண॒த உப॑த³தா⁴தி । ஏ॒தா வை தே॑ஜ॒ஸ்வினீ॒ராப॑: । தேஜ॑ ஏ॒வாஸ்ய॑ த³க்ஷிண॒தோ த³॑தா⁴தி । தஸ்மா॒த்³த³க்ஷி॒ணோ(அ)ர்த⁴॑ஸ்தேஜ॒ஸ்வித॑ர꞉ । ஸ்தா²॒வ॒ரா க்³ரு॑ʼஹ்ணாதி । தா꞉ ப॒ஶ்சாது³ப॑த³தா⁴தி । ப்ரதி॑ஷ்டி²தா॒ வை ஸ்தா²॑வ॒ரா꞉ । ப॒ஶ்சாதே³॒வ ப்ரதி॑திஷ்ட²தி । வஹ॑ந்தீர்க்³ருʼஹ்ணாதி ॥ 100 ॥ 1-24-2 தா உ॑த்தர॒த உப॑த³தா⁴தி । ஓஜ॑ஸா॒ வா ஏ॒தா வஹ॑ந்தீரி॒வோத்³க³॑தீரி॒வ ஆகூஜ॑தீரி॒வ தா⁴வ॑ந்தீ꞉ । ஓஜ॑ ஏ॒வாஸ்யோ᳚த்தர॒தோ த³॑தா⁴தி । தஸ்மா॒து³த்த॒ரோ(அ)ர்த⁴॑ ஓஜ॒ஸ்வித॑ர꞉ । ஸ॒ம்பா⁴॒ர்யா க்³ரு॑ʼஹ்ணாதி । தா மத்⁴ய॒ உப॑த³தா⁴தி । இ॒யம்ʼ வை ஸ॑ம்பா⁴॒ர்யா꞉ । அ॒ஸ்யாமே॒வ ப்ரதி॑திஷ்ட²தி । ப॒ல்வ॒ல்யா க்³ரு॑ʼஹ்ணாதி । தா உ॒பரி॑ஷ்டாது³॒பாத³॑தா⁴தி ॥ 101 ॥ 1-24-3 அ॒ஸௌ வை ப॑ல்வ॒ல்யா꞉ । அ॒முஷ்யா॑மே॒வ ப்ரதி॑திஷ்ட²தி । தி³॒க்ஷூப॑த³தா⁴தி । தி³॒க்ஷு வா ஆப॑: । அன்னம்॒ʼ வா ஆப॑: । அ॒த்³ப்⁴யோ வா அன்ன॑ஞ்ஜாயதே । யதே³॒வாத்³ப்⁴யோ(அ)ன்ன॒ஞ்ஜாய॑தே । தத³வ॑ருந்தே⁴ । தம்ʼ வா ஏ॒தம॑ரு॒ணா꞉ கே॒தவோ॒ வாத॑ரஶ॒னா ருʼஷ॑யோ(அ)சின்வன் । தஸ்மா॑தா³ருணகே॒துக॑: ॥ 102 ॥ 1-24-4 ததே³॒ஷா(அ)ப்⁴யனூ᳚க்தா । கே॒தவோ॒ அரு॑ணாஸஶ்ச । ரு॒ʼஷ॒யோ வாத॑ரஶ॒னா꞉ । ப்ர॒தி॒ஷ்டா²க்³ம்ʼ ஶ॒ததா⁴॑ஹி । ஸ॒மாஹி॑தாஸோ ஸஹஸ்ர॒தா⁴ய॑ஸ॒மிதி॑ । ஶ॒தஶ॑ஶ்சை॒வ ஸ॒ஹஸ்ர॑ஶஶ்ச॒ ப்ரதி॑திஷ்ட²தி । ய ஏ॒தம॒க்³னிஞ்சி॑னுதே । ய உ॑சைனமே॒வம்ʼ வேத³॑ ॥ 103 ॥ 1-24-5 ஜா॒னு॒த³॒க்⁴னீமு॑த்தரவே॒தீ³ங்கா²॒த்வா । அ॒பாம்ʼ பூ॑ரயதி । அ॒பாக்³ம்ʼ ஸ॑ர்வ॒த்வாய॑ । பு॒ஷ்க॒ர॒ப॒ர்ணக்³ம்ʼ ரு॒க்மம்ʼ புரு॑ஷ॒மித்யுப॑த³தா⁴தி । தபோ॒ வை பு॑ஷ்கரப॒ர்ணம் । ஸ॒த்யக்³ம்ʼ ரு॒க்ம꞉ । அ॒ம்ருʼதம்॒ʼ புரு॑ஷ꞉ । ஏ॒தாவ॒த்³வாவா᳚ஸ்தி । யாவ॑தே³॒தத் । யாவ॑தே³॒வாஸ்தி॑ ॥ 104 ॥ 1-25-1 தத³வ॑ருந்தே⁴ । கூ॒ர்மமுப॑த³தா⁴தி । அ॒பாமே॒வ மேத⁴॒மவ॑ருந்தே⁴ । அதோ²᳚ ஸ்வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை । ஆப॑மாபாம॒பஸ்ஸர்வா᳚: । அ॒ஸ்மாத³॒ஸ்மாதி³॒தோ(அ)முத॑: । அ॒க்³நிர்வா॒யுஶ்ச॒ ஸூர்ய॑ஶ்ச । ஸ॒ஹஸ॑ஞ்சஸ்க॒ரர்த்³தி⁴॑யா॒ இதி॑ । வா॒ய்வஶ்வா॑ ரஶ்மி॒பத॑ய꞉ । லோ॒கம்ʼ ப்ரு॑ʼணச்சி²॒த்³ரம்ʼ ப்ரு॑ʼண ॥ 105 ॥ 1-25-2 யாஸ்தி॒ஸ்ர꞉ ப॑ரம॒ஜா꞉ । இ॒ந்த்³ர॒கோ⁴॒ஷா வோ॒ வஸு॑பி⁴ரே॒வாஹ்யே॒வேதி॑ । பஞ்ச॒சித॑ய॒ உபத³॑தா⁴தி । பாங்க்தோ॒(அ)க்³னி꞉ । யாவ॑னே॒வாக்³னி꞉ । தஞ்சி॑னுதே । லோ॒கம்ப்ரு॑ʼணயா த்³வி॒தீயா॒முப॑த³தா⁴தி । பஞ்ச॑பதா³॒ வை வி॒ராட் । தஸ்யா॒ வா இ॒யம்ʼ பாத³॑: । அ॒ந்தரி॑க்ஷம்॒ʼ பாத³॑: । த்³யௌ꞉ பாத³॑: । தி³ஶ॒: பாத³॑: । ப॒ரோர॑ஜா॒: பாத³॑: । வி॒ராஜ்யே॒வ ப்ரதி॑திஷ்ட²தி । ய ஏ॒தம॒க்³னிஞ்சி॑னு॒தே । ய உ॑சைனமே॒வம்ʼ வேத³॑ ॥ 106 ॥ 1-25-3 அ॒க்³னிம்ʼ ப்ர॒ணீயோ॑பஸமா॒தா⁴ய॑ । தம॒பி⁴த॑ ஏ॒தா அ॒பீ³ஷ்ட॑கா॒ உப॑த³தா⁴தி । அ॒க்³னி॒ஹோ॒த்ரே த³॑ர்ஶபூர்ணமா॒ஸயோ᳚: । ப॒ஶு॒ப³॒ந்தே⁴ சா॑துர்மா॒ஸ்யேஷு॑ । அதோ²॑ ஆஹு꞉ । ஸர்வே॑ஷு யஜ்ஞக்ர॒துஷ்விதி॑ । அத²॑ ஹஸ்மாஹாரு॒ணஸ்ஸ்வா॑ய॒ம்பு⁴வ॑: । ஸா॒வி॒த்ர꞉ ஸர்வோ॒(அ)க்³நிரித்யன॑னுஷங்க³ம்ʼ மன்யாமஹே । நானா॒ வா ஏ॒தேஷாம்᳚ʼ வீ॒ர்யா॑ணி । கம॒க்³னிஞ்சி॑னுதே ॥ 107 ॥ 1-26-1 ஸ॒த்ரி॒யம॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே । ஸா॒வி॒த்ரம॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே । நா॒சி॒கே॒தம॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே । சா॒து॒ர்ஹோ॒த்ரி॒யம॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே । வை॒ஶ்வ॒ஸ்ரு॒ʼஜம॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே ॥ 108 ॥ 1-26-2 உ॒பா॒னு॒வா॒க்ய॑மா॒ஶும॒க்³னிஞ்சி॑ன்வா॒ன꞉ । கம॒க்³னிஞ்சி॑னுதே । இ॒மமா॑ருணகேதுகம॒க்³னிஞ்சி॑ன்வா॒ன இதி॑ । வ்ருʼஷா॒ வா அ॒க்³னி꞉ । வ்ருʼஷா॑ணோ॒ ஸக்³க்³ஸ்பா²॑லயேத் । ஹ॒ன்யேதா᳚ஸ்ய ய॒ஜ்ஞ꞉ । தஸ்மா॒ன்னானு॒ஷஜ்ய॑: । ஸோத்த॑ரவே॒தி³ஷு॑ க்ர॒துஷு॑ சின்வீத । உ॒த்த॒ர॒வே॒த்³யாக்³ம்ʼ ஹ்ய॑க்³நிஶ்சீ॒யதே᳚ । ப்ர॒ஜாகா॑மஶ்சின்வீத ॥ 109 ॥ 1-26-3 ப்ரா॒ஜா॒ப॒த்யோ வா ஏ॒ஷோ᳚(அ)க்³னி꞉ । ப்ரா॒ஜா॒ப॒த்யா꞉ ப்ர॒ஜா꞉ । ப்ர॒ஜாவா᳚ன்ப⁴வதி । ய ஏ॒வம்ʼ வேத³॑ । ப॒ஶுகா॑மஶ்சின்வீத । ஸ॒ஞ்ஜ்ஞானம்॒ʼ வா ஏ॒தத்ப॑ஶூ॒நாம் । யதா³ப॑: । ப॒ஶூ॒நாமே॒வ ஸ॒ஞ்ஜ்ஞானே॒(அ)க்³னிஞ்சி॑னுதே । ப॒ஶு॒மான்ப⁴॑வதி । ய ஏ॒வம்ʼ வேத³॑ ॥ 110 ॥ 1-26-4 வ்ருʼஷ்டி॑காமஶ்சின்வீத । ஆபோ॒ வை வ்ருʼஷ்டி॑: । ப॒ர்ஜன்யோ॒ வர்ஷு॑கோ ப⁴வதி । ய ஏ॒வம்ʼ வேத³॑ । ஆ॒ம॒யா॒வீ சி॑ன்வீத । ஆபோ॒ வை பே⁴॑ஷ॒ஜம் । பே⁴॒ஷ॒ஜமே॒வாஸ்மை॑ கரோதி । ஸர்வ॒மாயு॑ரேதி । அ॒பி⁴॒சரக்³க்³॑ஶ்சின்வீத । வஜ்ரோ॒ வா ஆப॑: ॥ 111 ॥ 1-26-5 வஜ்ர॑மே॒வ ப்⁴ராத்ரு॑ʼவ்யேப்⁴ய॒: ப்ரஹ॑ரதி । ஸ்த்ரு॒ʼணு॒த ஏ॑னம் । தேஜ॑ஸ்காமோ॒ யஶ॑ஸ்காம꞉ । ப்³ர॒ஹ்ம॒வ॒ர்ச॒ஸகா॑மஸ்ஸ்வ॒ர்க³கா॑மஶ்சின்வீத । ஏ॒தாவ॒த்³வா வா᳚ஸ்தி । யாவ॑தே³॒தத் । யாவ॑தே³॒வாஸ்தி॑ । தத³வ॑ருந்தே⁴ । தஸ்யை॒தத்³வ்ர॒தம் । வர்ஷ॑தி॒ ந தா⁴॑வேத் ॥ 112 ॥ 1-26-6 அ॒ம்ருʼதம்॒ʼ வா ஆப॑: । அ॒ம்ருʼத॒ஸ்யான॑ந்தரித்யை । நாப்ஸு மூத்ர॑புரீ॒ஷங்கு॑ர்யாத் । ந நிஷ்டீ²॑வேத் । ந வி॒வஸ॑னஸ்ஸ்னாயாத் । கு³ஹ்யோ॒ வா ஏ॒ஷோ᳚(அ)க்³னி꞉ । ஏ॒தஸ்யா॒க்³னேரன॑திதா³ஹாய । ந பு॑ஷ்கரப॒ர்ணானி॒ ஹிர॑ண்யம்॒ʼ வா(அ)தி⁴॒திஷ்டே²᳚த் । ஏ॒தஸ்யா॒க்³னேரன॑ப்⁴யாரோஹாய । ந கூர்ம॒ஸ்யாஶ்னீ॑யாத் । நோத³॒கஸ்யா॒கா⁴து॑கா॒ன்யேன॑மோத³॒கானி॑ ப⁴வந்தி । அ॒கா⁴து॑கா॒ ஆப॑: । ய ஏ॒தம॒க்³னிஞ்சி॑னு॒தே । ய உ॑சைனமே॒வம்ʼ வேத³॑ ॥ 113 ॥ 1-26-7 இ॒மானு॑கம்॒ʼ பு⁴வ॑னா ஸீஷதே⁴ம । இந்த்³ர॑ஶ்ச॒ விஶ்வே॑ ச தே³॒வா꞉ । ய॒ஜ்ஞஞ்ச॑ நஸ்த॒ன்வஞ்ச॑ ப்ர॒ஜாஞ்ச॑ । ஆ॒தி³॒த்யைரிந்த்³ர॑ஸ்ஸ॒ஹ ஸீ॑ஷதா⁴து । ஆ॒தி³॒த்யைரிந்த்³ர॒ஸ்ஸக³॑ணோ ம॒ருத்³பி⁴॑: । அ॒ஸ்மாகம்॑ʼ பூ⁴த்வவி॒தா த॒னூனா᳚ம் । ஆப்ல॑வஸ்வ॒ ப்ரப்ல॑வஸ்வ । ஆ॒ண்டீ³ ப⁴॑வ ஜ॒ மா மு॒ஹு꞉ । ஸுகா²தீ³ந்து³॑:க²னி॒த⁴னாம் । ப்ரதி॑முஞ்சஸ்வ॒ ஸ்வாம்ʼ பு॒ரம் ॥ 114 ॥ 1-27-1 மரீ॑சயஸ்ஸ்வாயம்பு⁴॒வா꞉ । யே ஶ॑ரீ॒ராண்ய॑கல்பயன் । தே தே॑ தே³॒ஹங்க॑ல்பயந்து । மா ச॑ தே॒ க்²யா ஸ்ம॑ தீரிஷத் । உத்தி॑ஷ்ட²த॒ மா ஸ்வ॑ப்த । அ॒க்³னிமி॑ச்ச²த்⁴வம்॒ʼ பா⁴ர॑தா꞉ । ராஜ்ஞ॒ஸ்ஸோம॑ஸ்ய த்ரு॒ʼப்தாஸ॑: । ஸூர்யே॑ண ஸ॒யுஜோ॑ஷஸ꞉ । யுவா॑ ஸு॒வாஸா᳚: । அ॒ஷ்டாச॑க்ரா॒ நவ॑த்³வாரா ॥ 115 ॥ 1-27-2 தே³॒வானாம்॒ʼ பூர॑யோ॒த்⁴யா । தஸ்யாக்³॑ம்ʼ ஹிரண்ம॑ய꞉ கோ॒ஶ꞉ । ஸ்வ॒ர்கோ³ லோ॒கோ ஜ்யோதி॒ஷா(ஆ)வ்ரு॑ʼத꞉ । யோ வை தாம்᳚ʼ ப்³ரஹ்ம॑ணோ வே॒த³ । அ॒ம்ருʼதே॑னா(ஆ)வ்ரு॒ʼதாம்ʼ பு॑ரீம் । தஸ்மை᳚ ப்³ரஹ்ம ச॑ ப்³ரஹ்மா॒ ச । ஆ॒யு꞉ கீர்திம்॑ʼ ப்ர॒ஜாந்த³॑து³꞉ । வி॒ப்⁴ராஜ॑மானா॒க்³॒ம்ʼ ஹரி॑ணீம் । ய॒ஶஸா॑ ஸம்ப॒ரீவ்ரு॑ʼதாம் । புரக்³॑ம்ʼ ஹிரண்ம॑யீம்ʼ ப்³ர॒ஹ்மா ॥ 116 ॥ 1-27-3 வி॒வேஶா॑(அ)ப॒ராஜி॑தா । பராஙேத்ய॑ஜ்யாம॒யீ । பராஙேத்ய॑நாஶ॒கீ । இ॒ஹ சா॑முத்ர॑ சான்வே॒தி । வி॒த்³வாந்தே³॑வாஸு॒ரானு॑ப⁴॒யான் । யத்கு॑மா॒ரீ ம॒ந்த்³ரய॑தே । ய॒த்³யோ॒ஷத்³யத்ப॑தி॒வ்ரதா᳚ । அரி॑ஷ்டம்॒ʼ யத்கிஞ்ச॑ க்ரி॒யதே᳚ । அ॒க்³நிஸ்தத³னு॑வேத⁴தி । அ॒ஶ்ருʼதா॑ஸஶ்ஶ்ரு॑ʼதாஸ॒ஶ்ச ॥ 117 ॥ 1-27-4 ய॒ஜ்வானோ॒ யே(அ)ப்ய॑ய॒ஜ்வன॑: । ஸ்வ॑ர்யந்தோ॒ நாபே᳚க்ஷந்தே । இந்த்³ர॑ம॒க்³னிஞ்ச॑ யே வி॒து³꞉ । ஸிக॑தா இவ ஸ॒ம்யந்தி॑ । ர॒ஶ்மிபி⁴॑ஸ்ஸமு॒தீ³ரி॑தா꞉ । அ॒ஸ்மால்லோ॒காத³॑முஷ்மா॒ச்ச । ரு॒ʼஷிபி⁴॑ரதா³த்ப்ரு॒ʼஶ்னிபி⁴॑ । அபே॑த॒ வீத॒ வி ச॑ ஸர்ப॒தாத॑: । யே(அ)த்ர॒ ஸ்த² பு॑ரா॒ணா யே ச॒ நூத॑னா꞉ । அஹோ॑பி⁴ர॒த்³பி⁴ர॒க்துபி⁴॒ர்வ்ய॑க்தம் ॥ 118 ॥ 1-27-5 ய॒மோ த³॑தா³த்வவ॒ஸான॑மஸ்மை । ந்ருʼ மு॑ணந்து ந்ருʼ பா॒த்வர்ய॑: । அ॒க்ரு॒ʼஷ்டா யே ச॒ க்ருʼஷ்ட॑ஜா꞉ । கு॒மாரீ॑ஷு க॒னீனீ॑ஷு । ஜா॒ரிணீ॑ஷு ச॒ யே ஹி॒தா꞉ । ரேத॑: பீதா॒ ஆண்ட³॑பீதா꞉ । அங்கா³॑ரேஷு ச॒ யே ஹு॒தா꞉ । உ॒ப⁴யா᳚ன் புத்ர॑பௌத்ர॒கான் । யு॒வே॒(அ)ஹம்ʼ ய॒மராஜ॑கா³ன் । ஶ॒தமின்னு ஶ॒ரத³॑: ॥ 119 ॥ 1-27-6 அதோ³॒ யத்³ப்³ரஹ்ம॑ வில॒ப³ம் । பி॒த்ரு॒ʼணாஞ்ச॑ ய॒மஸ்ய॑ ச । வரு॑ண॒ஸ்யாஶ்வி॑னோர॒க்³னே꞉ । ம॒ருதா᳚ஞ்ச வி॒ஹாய॑ஸாம் । கா॒ம॒ப்ர॒யவ॑ணம்ʼ மே அஸ்து । ஸ ஹ்யே॑வாஸ்மி॑ ஸ॒னாத॑ன꞉ । இதி நாகோ ப்³ரஹ்மிஶ்ரவோ॑ ராயோ॒ த⁴னம் । பு॒த்ரானாபோ॑ தே³॒வீரி॒ஹாஹி॑தா ॥ 120 ॥ 1-27-7 விஶீ᳚ர்ஷ்ணீம்॒ʼ க்³ருʼத்⁴ர॑ஶீர்ஷ்ணீஞ்ச । அபேதோ॑ நிர்ரு॒ʼதிக்³ம்ʼ ஹ॑த²꞉ । பரிபா³த⁴க்³க்³ ஶ்வே॑தகு॒க்ஷம் । நி॒ஜங்க⁴க்³॑ம்ʼ ஶப³॒லோத³॑ரம் । ஸ॒ தான்வா॒ச்யாய॑யா ஸ॒ஹ । அக்³னே॒ நாஶ॑ய ஸ॒ந்த்³ருʼஶ॑: । ஈ॒ர்ஷ்யா॒ஸூ॒யே பு³॑பு⁴॒க்ஷாம் । ம॒ன்யும்ʼ க்ரு॒ʼத்யாஞ்ச॑ தீ³தி⁴ரே । ரதே²॑ன கிக்³ம்ʼஶு॒காவ॑தா । அக்³னே॒ நாஶ॑ய ஸ॒ந்த்³ருʼஶ॑: ॥ 121 ॥ 1-28-1 ப॒ர்ஜன்யா॑ய॒ ப்ரகா³॑யத । தி³॒வஸ்பு॒த்ராய॑ மீ॒டு⁴ஷே᳚ । ஸ நோ॑ ய॒வஸ॑மிச்ச²து । இ॒த³ம்ʼ வச॑: ப॒ர்ஜன்யா॑ய ஸ்வ॒ராஜே᳚ । ஹ்ரு॒ʼதோ³ அ॒ஸ்த்வந்த॑ர॒ந்தத்³யு॑யோத । ம॒யோ॒பூ⁴ர்வாதோ॑ வி॒ஶ்வக்ரு॑ʼஷ்டயஸ்ஸந்த்வ॒ஸ்மே । ஸு॒பி॒ப்ப॒லா ஓஷ॑தீ⁴ர்தே³॒வகோ³॑பா꞉ । யோ க³ர்ப⁴॒மோஷ॑தீ⁴னாம் । க³வா᳚ங்க்ரு॒ʼணோத்யர்வ॑தாம் । ப॒ர்ஜன்ய॑: புரு॒ஷீணா᳚ம் ॥ 122 ॥ 1-29-1 புன॑ர்மாமைத்த்விந்த்³ரி॒யம் । புன॒ராயு॒: புன॒ர்ப⁴க³॑: । புன॒ர்ப்³ராஹ்ம॑ணமைது மா । புன॒ர்த்³ரவி॑ணமைது மா । யன்மே॒(அ)த்³ய ரேத॑: ப்ருʼதி²॒வீமஸ்கான்॑ । யதோ³ஷ॑தீ⁴ர॒ப்யஸ॑ர॒த்³யதா³ப॑: । இ॒த³ந்தத்புன॒ராத³॑தே³ । தீ³॒ர்கா⁴॒யு॒த்த்வாய॒ வர்ச॑ஸே । யன்மே॒ ரேத॒: ப்ரஸி॑ச்யதே । யன்ம॒ ஆஜா॑யதே॒ புன॑: । தேன॑ மாம॒ம்ருʼத॑ங்குரு । தேன॑ ஸுப்ர॒ஜஸ॑ங்குரு ॥ 123 ॥ 1-30-1 அ॒த்³ப்⁴யஸ்திரோ॒தா⁴(அ)ஜா॑யத । தவ॑ வைஶ்ரவ॒ணஸ்ஸ॑தா³ । திரோ॑தே⁴ஹி ஸப॒த்னான்ன॑: । யே அபோ॒(அ)ஶ்னந்தி॑ கேச॒ன । த்வா॒ஷ்ட்ரீம்ʼ மா॒யாம்ʼ வை᳚ஶ்ரவ॒ண꞉ । ரத²க்³॑ம்ʼ ஸஹஸ்ர॒வந்து⁴॑ரம் । பு॒ரு॒ஶ்ச॒க்ரக்³ம்ʼ ஸஹ॑ஸ்ராஶ்வம் । ஆஸ்தா²॒யாயா॑ஹி நோ ப³॒லிம் । யஸ்மை॑ பூ⁴॒தானி॑ ப³॒லிமாவ॑ஹந்தி । த⁴ன॒ங்கா³வோ॒ ஹஸ்தி॒ஹிர॑ண்ய॒மஶ்வான்॑ ॥ 124 ॥ 1-31-1 அஸா॑ம ஸும॒தௌ ய॒ஜ்ஞிய॑ஸ்ய । ஶ்ரியம்॒ʼ பி³ப்⁴ர॒தோ(அ)ன்ன॑முகீ²ம்ʼ வி॒ராஜ᳚ம் । ஸு॒த³॒ர்ஶ॒னே ச॑ க்ரோ॒ஞ்சே ச॑ । மை॒னா॒கே³ ச॑ ம॒ஹாகி³॑ரௌ । ஸ॒தத்³வா॒ட்டார॑க³ம॒ந்தா । ஸ॒க்³॒ம்ʼஹார்ய॒ன்னக³॑ரம்॒ʼ தவ॑ । இதி மந்த்ரா᳚: । கல்போ॑(அ)த ஊ॒ர்த்⁴வம் । யதி³॒ ப³லி॒க்³॒ம்ʼ ஹரே᳚த் । ஹி॒ர॒ண்ய॒னா॒ப⁴யே॑ விது॒த³யே॑ கௌபே³॒ராயா॒யம்ʼ ப³॑லி꞉ ॥ 125 ॥ 1-31-2 ஸர்வபூ⁴ததி⁴பதயே ந॑ம இ॒தி । அத² ப³லிக்³ம்ʼ ஹ்ருʼத்வோப॑திஷ்டே²॒த । க்ஷ॒த்த்ரம்ʼ க்ஷ॒த்த்ரம்ʼ வை᳚ஶ்ரவ॒ண꞉ । ப்³ராஹ்மணா॑ வய॒க்³க்³॒ஸ்ம꞉ । நம॑ஸ்தே அஸ்து॒ மா மா॑ ஹிக்³ம்ʼஸீ꞉ । அஸ்மாத்ப்ரவிஶ்யான்ன॑மத்³தீ⁴॒தி । அத² தமக்³னிமா॑த³தீ⁴॒த । யஸ்மின்னேதத்கர்ம ப்ர॑யுஞ்ஜீ॒த । தி॒ரோதா⁴॒ பூ⁴꞉ । தி॒ரோதா⁴॒ பு⁴வ॑: ॥ 126 ॥ 1-31-3 தி॒ரோதா⁴॒ஸ்ஸ்வ॑: । தி॒ரோதா⁴॒ பூ⁴ர்பு⁴வ॒ஸ்ஸ்வ॑: । ஸர்வேஷாம்ʼ லோகாநாமாதி⁴பத்யே॑ ஸீதே³॒தி । அத² தமக்³னி॑மிந்தீ⁴॒த । யஸ்மின்னேதத்கர்ம ப்ர॑யுஞ்ஜீ॒த । தி॒ரோதா⁴॒ பூ⁴ஸ்ஸ்வாஹா᳚ । தி॒ரோதா⁴॒ பு⁴வ॒ஸ்ஸ்வாஹா᳚ । தி॒ரோதா⁴॒ ஸ்வ॑ஸ்ஸ்வாஹா᳚ । தி॒ரோதா⁴॒ பூ⁴ர்பு⁴வ॒ஸ்ஸ்வ॑ஸ்ஸ்வாஹா᳚ । யஸ்மின்னஸ்ய காலே ஸர்வா ஆஹுதீர்ஹுதா॑ ப⁴வே॒யு꞉ ॥ 127 ॥ 1-31-4 அபி ப்³ராஹ்மண॑முகீ²॒னா꞉ । தஸ்மின்னஹ்ன꞉ காலே ப்ர॑யுஞ்ஜீ॒த । பர॑ஸ்ஸு॒ப்தஜ॑நாத்³வே॒பி । மாஸ்ம ப்ரமாத்³யந்த॑மாத்⁴யா॒பயேத் । ஸர்வார்தா²᳚: ஸித்³த்⁴ய॒ந்தே । ய ஏ॑வம்ʼ வே॒த³ । க்ஷுத்⁴யன்னித³॑மஜா॒னதாம் । ஸர்வார்தா² ந॑ ஸித்³த்⁴ய॒ந்தே । யஸ்தே॑ வி॒கா⁴து॑கோ ப்⁴ரா॒தா । மமாந்தர்ஹ்ரு॑ʼத³யே॒ ஶ்ரித꞉ ॥ 128 ॥ 1-31-5 தஸ்மா॑ இ॒மமக்³ர॒பிண்ட³॑ஞ்ஜுஹோமி । ஸ மே᳚(அ)ர்தா²॒ன்மா விவ॑தீ⁴த் । மயி॒ ஸ்வாஹா᳚ । ரா॒ஜா॒தி⁴॒ரா॒ஜாய॑ ப்ரஸஹ்யஸா॒ஹினே᳚ । நமோ॑ வ॒யம்ʼ வை᳚ஶ்ரவ॒ணாய॑ குர்மஹே । ஸ மே॒ காமா॒ன்காம॒காமா॑ய॒ மஹ்யம்᳚ । கா॒மே॒ஶ்வ॒ரோ வை᳚ஶ்ரவ॒ணோ த³॑தா³து । கு॒பே³॒ராய॑ வைஶ்ரவ॒ணாய॑ । ம॒ஹா॒ரா॒ஜாய॒ நம॑: । கே॒தவோ॒ அரு॑ணாஸஶ்ச । ரு॒ʼஷ॒யோ வாத॑ரஶ॒னா꞉ । ப்ர॒தி॒ஷ்டா²க்³ம்ʼ ஶ॒ததா⁴॑ ஹி । ஸ॒மாஹி॑தாஸோ ஸஹஸ்ர॒தா⁴ய॑ஸம் । ஶி॒வா ந॒ஶ்ஶந்த॑மா ப⁴வந்து । தி³॒வ்யா ஆப॒ ஓஷ॑த⁴ய꞉ । ஸு॒ம்ரு॒ʼடீ³॒கா ஸர॑ஸ்வதி । மா தே॒ வ்யோ॑ம ஸ॒ந்த்³ருʼஶி॑ ॥ 129 ॥ 1-31-6 ஸம்ʼவத்ஸரமேத॑த்³வ்ரத॒ஞ்சரேத் । த்³வௌ॑ வா மா॒ஸௌ । நியமஸ்ஸ॑மாஸே॒ன । தஸ்மிந்நியம॑விஶே॒ஷா꞉ । த்ரிஷவணமுத³கோ॑பஸ்ப॒ர்ஶீ । சதுர்த²காலபான॑ப⁴க்த॒ஸ்ஸ்யாத் । அஹரஹர்வா பை⁴க்ஷ॑மஶ்னீ॒யாத் । ஔது³ம்ப³ரீபி⁴꞉ ஸமித்³பி⁴ரக்³னிம்॑ʼ பரி॒சரேத் । புனர்மா மைத்த்விந்த்³ரியமித்யேதேனா(அ)னு॑வாகே॒ன । உத்³த்⁴ருʼதபரிபூதாபி⁴ரத்³பி⁴꞉ கார்ய॑ங்குர்வீ॒த ॥ 130 ॥ 1-32-1 அ॑ஸஞ்ச॒யவான் । அக்³னயே வாயவே॑ ஸூர்யா॒ய । ப்³ரஹ்மணே ப்ர॑ஜாப॒தயே । சந்த்³ரமஸே ந॑க்ஷத்ரே॒ப்⁴ய꞉ । ருʼதுப்⁴யஸ்ஸம்ʼவ॑த்²ஸரா॒ய । வருணாயாருணாயேதி வ்ர॑தஹோ॒மா꞉ । ப்ர॒வ॒ர்க்³யவ॑தா³தே³॒ஶ꞉ । அருணா꞉ கா᳚ண்ட³ரு॒ʼஷய꞉ । அரண்யே॑(அ)தீ⁴யீ॒ரன் । ப⁴த்³ரம்ʼ கர்ணேபி⁴ரிதி த்³வே॑ ஜபி॒த்வா ॥ 131 ॥ 1-32-2 மஹாநாம்னீபி⁴ருத³கக்³ம்ʼ ஸ॑க்³க்³ஸ்ப॒ர்ஶ்ய । தமாசா᳚ர்யோ த³॒த்³யாத் । ஶிவா நஶ்ஶந்தமேத்யோஶதீ⁴॑ரால॒ப⁴தே । ஸும்ருʼடீ³கே॑தி பூ⁴॒மிம் । ஏவம॑பவ॒ர்கே³ । தே⁴॑னுர்த³॒க்ஷிணா । கக்³ம்ʼஸம்ʼ வாஸ॑ஶ்ச க்ஷௌ॒மம் । அன்ய॑த்³வாஶு॒க்லம் । ய॑தா²ஶ॒க்தி வா । ஏவக்³க்³ ஸ்வாத்⁴யாய॑த⁴ர்மே॒ண । அரண்யே॑(அ)தீ⁴யீ॒த । தபஸ்வீ புண்யோ ப⁴வதி தபஸ்வீ பு॑ண்யோ ப⁴॒வதி ॥ 132 ॥ 1-32-3 ப⁴॒த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ । ப⁴॒த்³ரம்ʼ ப॑ஶ்யேமா॒க்ஷபி⁴॒ர்யஜ॑த்ரா꞉ । ஸ்தி²॒ரைரங்கை³᳚ஸ்துஷ்டு॒வாக்³ம்ʼஸ॑ஸ்த॒னூபி⁴॑: । வ்யஶே॑ம தே³॒வஹி॑தம்॒ʼ யதா³யு॑: । ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ । ஸ்வ॒ஸ்தி ந॑: பூ॒ஷா வி॒ஶ்வவே॑தா³꞉ । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ । ஸ்வ॒ஸ்தி நோ॒ ப்³ருʼஹ॒ஸ்பதி॑ர்த³தா⁴து ॥ ஓம்ʼ ஶாந்தி॒: ஶாந்தி॒: ஶாந்தி॑: ॥