हैंహైHaindavamஹிહિં
📍
Font Size:
അരുണ പ്രശ്നഃ
(തൈ।ആ।1।0।0)
ഓം ഭ॒ദ്രം കർണേ॑ഭിഃ ശൃണു॒യാമ॑ ദേവാഃ ।
ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ ।
സ്ഥി॒രൈരംഗൈ᳚സ്തുഷ്ടു॒വാഗ്ംസ॑സ്ത॒നൂഭി॑: ।
വ്യശേ॑മ ദേ॒വഹി॑തം॒ യദായു॑: ।
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।
സ്വ॒സ്തി ന॑: പൂ॒ഷാ വി॒ശ്വവേ॑ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ ।
സ്വ॒സ്തി നോ॒ ബൃഹ॒സ്പതി॑ർദധാതു ॥
ഓം ശാന്തി॒: ശാന്തി॒: ശാന്തി॑: ॥ 1-0-0
ഓം ഭ॒ദ്രം കർണേ॑ഭിഃ ശൃണു॒യാമ॑ ദേവാഃ ।
ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ ।
സ്ഥി॒രൈരംഗൈ᳚സ്തുഷ്ടു॒വാഗ്ംസ॑സ്ത॒നൂഭി॑: ।
വ്യശേ॑മ ദേ॒വഹി॑തം॒ യദായു॑: ।
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।
സ്വ॒സ്തി ന॑: പൂ॒ഷാ വി॒ശ്വവേ॑ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ ।
സ്വ॒സ്തി നോ॒ ബൃഹ॒സ്പതി॑ർദധാതു ।
ആപ॑മാപാമ॒പഃ സർവാ᳚: ।
അ॒സ്മാദ॒സ്മാദി॒തോഽമുത॑: ॥ 1 ॥ 1-1-1
അ॒ഗ്നിർവാ॒യുശ്ച॒ സൂര്യ॑ശ്ച ।
സ॒ഹ സ॑ഞ്ചരസ്ക॒രർദ്ധി॑യാ ।
വാ॒യ്വശ്വാ॑ രശ്മി॒പത॑യഃ ।
മരീ᳚ച്യാത്മാനോ॒ അദ്രു॑ഹഃ ।
ദേ॒വീർഭു॑വന॒സൂവ॑രീഃ ।
പു॒ത്ര॒വ॒ത്വായ॑ മേ സുത ।
മഹാനാമ്നീർമ॑ഹാമാ॒നാഃ ।
മ॒ഹ॒സോ മ॑ഹസ॒സ്സ്വ॑: ।
ദേ॒വീഃ പ॑ർജന്യ॒സൂവ॑രീഃ ।
പു॒ത്ര॒വ॒ത്വായ॑ മേ സുത ॥ 2 ॥ 1-1-2
അ॒പാശ്ന്യു॑ഷ്ണിമ॒പാ രക്ഷ॑: ।
അ॒പാശ്ന്യു॑ഷ്ണിമ॒പാരഘം᳚ ।
അപാ᳚ഘ്രാ॒മപ॑ ചാ॒വർതിം᳚ ।
അപ॑ദേ॒വീരി॒തോ ഹി॑ത ।
വജ്രം॑ ദേ॒വീരജീ॑താഗ്ശ്ച ।
ഭുവ॑നം ദേവ॒സൂവ॑രീഃ ।
ആ॒ദി॒ത്യാനദി॑തിം ദേ॒വീം ।
യോനി॑നോർധ്വമു॒ദീഷ॑ത ।
ശി॒വാന॒ശ്ശന്ത॑മാ ഭവന്തു ।
ദി॒വ്യാ ആപ॒ ഓഷ॑ധയഃ ।
സു॒മൃ॒ഡീ॒കാ സര॑സ്വതി ।
മാ തേ॒ വ്യോ॑മ സ॒ന്ദൃശി॑ ॥ 3 ॥ 1-1-3
സ്മൃതി॑: പ്ര॒ത്യക്ഷ॑മൈതി॒ഹ്യം᳚ ।
അനു॑മാനശ്ചതുഷ്ട॒യം ।
ഏ॒തൈരാദി॑ത്യമണ്ഡലം ।
സർവൈ॑രേവ॒ വിധാ᳚സ്യതേ ।
സൂര്യോ॒ മരീ॑ചി॒മാദ॑ത്തേ ।
സർവസ്മാ᳚ദ്ഭുവ॑നാദ॒ധി ।
തസ്യാഃ പാകവി॑ശേഷേ॒ണ ।
സ്മൃ॒തം കാ॑ലവി॒ശേഷ॑ണം ।
ന॒ദീവ॒ പ്രഭ॑വാത്കാ॒ചിത് ।
അ॒ക്ഷയ്യാ᳚ത്സ്യന്ദ॒തേ യ॑ഥാ ॥ 4 ॥ 1-2-1
താന്നദ്യോഽഭിസ॑മായ॒ന്തി ।
സോ॒രുസ്സതീ॑ ന നി॒വർത॑തേ ।
ഏ॒വന്നാ॒നാസ॑മുത്ഥാ॒നാഃ ।
കാ॒ലാസ്സം॑വത്സ॒രഗ്ഗ് ശ്രി॑താഃ ।
അണുശശ്ച മ॑ഹശ॒ശ്ച ।
സർവേ॑ സമവ॒യന്ത്രി॑തം ।
സതൈ᳚സ്സ॒ർവൈസ്സ॑മാവി॒ഷ്ടഃ ।
ഊ॒രുസ്സ॑ന്ന നി॒വർത॑തേ ।
അധിസംവത്സ॑രം വി॒ദ്യാത് ।
തദേവ॑ ലക്ഷ॒ണേ ॥ 5 ॥ 1-2-2
അണുഭിശ്ച മ॑ഹദ്ഭി॒ശ്ച ।
സ॒മാരൂ॑ഢഃ പ്ര॒ദൃശ്യ॑തേ ।
സംവത്സരഃ പ്ര॑ത്യക്ഷേ॒ണ ।
നാ॒ധിസ॑ത്വഃ പ്ര॒ദൃശ്യ॑തേ ।
പ॒ടരോ॑ വിക്ലി॑ധഃ പിം॒ഗഃ ।
ഏ॒തദ്വ॑രുണ॒ലക്ഷ॑ണം ।
യത്രൈത॑ദുപ॒ദൃശ്യ॑തേ ।
സ॒ഹസ്രം॑ തത്ര॒ നീയ॑തേ ।
ഏകഗ്ംഹി ശിരോ നാ॑നാ മു॒ഖേ ।
കൃ॒ത്സ്നം ത॑ദൃതു॒ലക്ഷ॑ണം ॥ 6 ॥ 1-2-3
ഉഭയതസ്സപ്തേ᳚ന്ദ്രിയാ॒ണി ।
ജ॒ല്പിതം॑ ത്വേവ॒ ദിഹ്യ॑തേ ।
ശുക്ലകൃഷ്ണേ സംവ॑ത്സര॒സ്യ ।
ദക്ഷിണവാമ॑യോഃ പാ॒ർശ്വയോഃ ।
തസ്യൈ॒ഷാ ഭവ॑തി ।
ശു॒ക്രം തേ॑ അ॒ന്യദ്യ॑ജ॒തം തേ॑ അ॒ന്യത് ।
വിഷു॑രൂപേ॒ അഹ॑നീ॒ ദ്യൗരി॑വാസി ।
വിശ്വാ॒ ഹി മാ॒യാ അവ॑സി സ്വധാവഃ ।
ഭ॒ദ്രാ തേ॑ പൂഷന്നി॒ഹ രാ॒തിര॒സ്ത്വിതി॑ ।
നാത്ര॒ ഭുവ॑നം ।
ന പൂ॒ഷാ । ന പ॒ശവ॑: ।
നാദിത്യസ്സംവത്സര ഏവ പ്രത്യക്ഷേണ പ്രിയത॑മം വി॒ദ്യാത് ।
ഏതദ്വൈ സംവത്സരസ്യ പ്രിയത॑മഗ്ം രൂ॒പം ।
യോഽസ്യ മഹാനർഥ ഉത്പത്സ്യമാ॑നോ ഭ॒വതി ।
ഇദം പുണ്യം കു॑രുഷ്വേ॒തി ।
തമാഹര॑ണം ദ॒ദ്യാത് ॥ 7 ॥ 1-2-4
സാ॒ക॒ഞ്ജാനാഗ്ം॑ സ॒പ്തഥ॑മാഹുരേക॒ജം ।
ഷഡു॑ദ്യ॒മാ ഋഷ॑യോ ദേവ॒ജാ ഇതി॑ ।
തേഷാ॑മി॒ഷ്ടാനി॒ വിഹി॑താനി ധാമ॒ശഃ ।
സ്ഥാ॒ത്രേ രേ॑ജന്തേ॒ വികൃ॑താനി രൂപ॒ശഃ ।
കോ നു॑ മര്യാ॒ അമി॑ഥിതഃ ।
സഖാ॒ സഖാ॑യമബ്രവീത് ।
ജഹാ॑കോ അ॒സ്മദീ॑ഷതേ ।
യസ്തി॒ത്യാജ॑ സഖി॒വിദ॒ഗ്ം॒ സഖാ॑യം ।
ന തസ്യ॑ വാ॒ച്യപി॑ ഭാ॒ഗോ അ॑സ്തി ।
യദീഗ്ം॑ ശൃ॒ണോത്യ॒ലകഗ്ം॑ ശൃണോതി ॥ 8 ॥ 1-3-1
ന ഹി പ്ര॒വേദ॑ സുകൃ॒തസ്യ॒ പന്ഥാ॒മിതി॑ ।
ഋ॒തുരൃ॑തുനാ നു॒ദ്യമാ॑നഃ ।
വിന॑നാദാ॒ഭിധാ॑വഃ ।
ഷഷ്ടിശ്ച ത്രിഗ്ംശ॑കാ വ॒ൽഗാഃ ।
ശു॒ക്ലകൃ॑ഷ്ണൗ ച॒ ഷാഷ്ടി॑കൗ ।
സാ॒രാ॒ഗ॒വ॒സ്ത്രൈർജ॒രദ॑ക്ഷഃ ।
വ॒സ॒ന്തോ വസു॑ഭിസ്സ॒ഹ ।
സം॒വ॒ത്സ॒രസ്യ॑ സവി॒തുഃ ।
പ്രൈ॒ഷ॒കൃത്പ്ര॑ഥ॒മഃ സ്മൃ॑തഃ ।
അ॒മൂനാ॒ദയ॑തേത്യ॒ന്യാൻ ॥ 9 ॥ 1-3-2
അ॒മൂഗ്ശ്ച॑ പരി॒രക്ഷ॑തഃ ।
ഏ॒താ വാ॒ചഃ പ്ര॑യുജ്യ॒ന്തേ ।
യത്രൈത॑ദുപ॒ദൃശ്യ॑തേ ।
ഏ॒തദേ॒വ വി॑ജാനീ॒യാത് ।
പ്ര॒മാണം॑ കാല॒പര്യ॑യേ ।
വി॒ശേ॒ഷ॒ണം തു॑ വക്ഷ്യാ॒മഃ ।
ഋ॒തൂനാം᳚ തന്നി॒ബോധ॑ത ।
ശുക്ലവാസാ॑ രുദ്ര॒ഗണഃ ।
ഗ്രീ॒ഷ്മേണാ॑ഽഽവർത॒തേ സ॑ഹ ।
നി॒ജഹ॑ൻപൃഥി॑വീഗ്ം സ॒ർവാം ॥ 10 ॥ 1-3-3
ജ്യോ॒തിഷാ᳚ഽപ്രതി॒ഖ്യേന॑ സഃ ।
വി॒ശ്വ॒രൂ॒പാണി॑ വാസാ॒ഗ്ം॒സി ।
ആ॒ദി॒ത്യാനാം᳚ നി॒ബോധ॑ത ।
സംവത്സരീണം॑ കർമ॒ഫലം ।
വർഷാഭിർദ॑ദതാ॒ഗ്ം॒ സഹ ।
അദുഃഖോ॑ ദുഃഖച॑ക്ഷുരി॒വ ।
തദ്മാ॑ പീത ഇവ॒ ദൃശ്യ॑തേ ।
ശീതേനാ᳚വ്യഥ॑യന്നി॒വ ।
രു॒രുദ॑ക്ഷ ഇവ॒ ദൃശ്യ॑തേ ।
ഹ്ലാദയതേ᳚ ജ്വല॑തശ്ചൈ॒വ ।
ശാ॒മ്യത॑ശ്ചാസ്യ॒ ചക്ഷു॑ഷീ ।
യാ വൈ പ്രജാ ഭ്ര॑ഗ്ഗ്ശ്യ॒ന്തേ ।
സംവത്സരാത്താ ഭ്ര॑ഗ്ഗ്ശ്യ॒ന്തേ ।
യാ॒: പ്രതി॑തിഷ്ഠ॒ന്തി ।
സംവത്സരേ താഃ പ്രതി॑തിഷ്ഠ॒ന്തി ।
വ॒ർഷാഭ്യ॑ ഇത്യ॒ർഥഃ ॥ 11 ॥ 1-3-4
അക്ഷി॑ദു॒:ഖോത്ഥി॑തസ്യൈ॒വ ।
വി॒പ്രസ॑ന്നേ ക॒നീനി॑കേ ।
ആങ്ക്തേ ചാദ്ഗ॑ണം നാ॒സ്തി ।
ഋ॒ഭൂണാം᳚ തന്നി॒ബോധ॑ത ।
ക॒ന॒കാ॒ഭാനി॑ വാസാ॒ഗ്ം॒സി ।
അ॒ഹതാ॑നി നി॒ഭോദ॑ത ।
അന്നമശ്നീത॑ മൃജ്മീ॒ത ।
അ॒ഹം വോ॑ ജീവ॒നപ്ര॑ദഃ ।
ഏ॒താ വാ॒ചഃ പ്ര॑യുജ്യ॒ന്തേ ।
ശ॒രദ്യ॑ത്രോപ॒ദൃശ്യ॑തേ ॥ 12 ॥ 1-4-1
അഭിധൂന്വന്തോഽഭിഘ്ന॑ന്ത ഇ॒വ ।
വാ॒തവ॑ന്തോ മ॒രുദ്ഗ॑ണാഃ ।
അമുതോ ജേതുമിഷുമു॑ഖമി॒വ ।
സന്നദ്ധാസ്സഹ ദ॑ദൃശേ॒ ഹ ।
അപധ്വസ്തൈർവസ്തിവ॑ർണൈരി॒വ ।
വി॒ശി॒ഖാസ॑: കപ॒ർദിനഃ ।
അക്രുദ്ധസ്യ യോത്സ്യ॑മാന॒സ്യ ।
ക്രു॒ദ്ധസ്യേ॑വ॒ ലോഹി॑നീ ।
ഹേമതശ്ചക്ഷു॑ഷീ വി॒ദ്യാത് ।
അ॒ക്ഷ്ണയോ᳚: ക്ഷിപ॒ണോരി॑വ ॥ 13 ॥ 1-4-2
ദുർഭിക്ഷം ദേവ॑ലോകേ॒ഷു ।
മ॒നൂനാ॑മുദ॒കം ഗൃ॑ഹേ ।
ഏ॒താ വാ॒ചഃ പ്ര॑വദ॒ന്തീഃ ।
വൈ॒ദ്യുതോ॑ യാന്തി॒ ശൈശി॑രീഃ ।
താ അ॒ഗ്നിഃ പവ॑മാനാ॒ അന്വൈ᳚ക്ഷത ।
ഇ॒ഹ ജീ॑വി॒കാമപ॑രിപശ്യൻ ।
തസ്യൈ॒ഷാ ഭവ॑തി ।
ഇ॒ഹേഹവ॑സ്സ്വത॒പസഃ ।
മരു॑ത॒സ്സൂര്യ॑ത്വചഃ ।
ശർമ॑ സ॒പ്രഥാ॒ ആവൃ॑ണേ ॥ 14 ॥ 1-4-3
അതി॑താ॒മ്രാണി॑ വാസാ॒ഗ്ം॒സി ।
അ॒ഷ്ടിവ॑ജ്രിശ॒തഘ്നി॑ ച ।
വിശ്വേ ദേവാ വിപ്ര॑ഹര॒ന്തി ।
അ॒ഗ്നിജി॑ഹ്വാ അ॒സശ്ച॑ത ।
നൈവ ദേവോ॑ ന മ॒ർത്യഃ ।
ന രാജാ വ॑രുണോ॒ വിഭുഃ ।
നാഗ്നിർനേന്ദ്രോ ന പ॑വമാ॒നഃ ।
മാ॒തൃക്ക॑ച്ചന॒ വിദ്യ॑തേ ।
ദി॒വ്യസ്യൈകാ॒ ധനു॑രാർത്നിഃ ।
പൃ॒ഥി॒വ്യാമപ॑രാ ശ്രി॒താ ॥ 15 ॥ 1-5-1
തസ്യേന്ദ്രോ വമ്രി॑രൂപേ॒ണ ।
ധ॒നുർജ്യാ॑മച്ഛി॒നഥ്സ്വ॑യം ।
തദി॑ന്ദ്ര॒ധനു॑രിത്യ॒ജ്യം ।
അ॒ഭ്രവ॑ർണേഷു॒ ചക്ഷ॑തേ ।
ഏതദേവ ശമ്യോർബാർഹ॑സ്പത്യ॒സ്യ ।
ഏ॒തദ്രു॑ദ്രസ്യ॒ ധനുഃ ।
രു॒ദ്രസ്യ॑ ത്വേവ॒ ധനു॑രാർത്നിഃ ।
ശിര॒ ഉത്പി॑പേഷ ।
സ പ്ര॑വ॒ർഗ്യോ॑ഽഭവത് ।
തസ്മാ॒ദ്യസ്സപ്ര॑വ॒ർഗ്യേണ॑ യ॒ജ്ഞേന॒ യജ॑തേ ।
രു॒ദ്രസ്യ॒ സ ശിര॒: പ്രതി॑ദധാതി ।
നൈനഗ്ം॑ രു॒ദ്ര ആരു॑കോ ഭവതി ।
യ ഏ॒വം വേദ॑ ॥ 16 ॥ 1-5-2
അ॒ത്യൂ॒ർധ്വാ॒ക്ഷോഽതി॑രശ്ചാത് ।
ശിശി॑രഃ പ്ര॒ദൃശ്യ॑തേ ।
നൈവ രൂപം ന॑ വാസാ॒ഗ്ം॒സി ।
ന ചക്ഷു॑: പ്രതി॒ദൃശ്യ॑തേ ।
അ॒ന്യോന്യം॒ തു ന॑ ഹിഗ്ഗ് സ്രാ॒തഃ ।
സ॒തസ്ത॑ദ്ദേവ॒ലക്ഷ॑ണം ।
ലോഹിതോഽക്ഷ്ണി ശാ॑രശീ॒ർഷ്ണിഃ ।
സൂ॒ര്യസ്യോ॑ദയ॒നം പ്ര॑തി ।
ത്വം കരോഷി॑ന്യഞ്ജ॒ലികാം ।
ത്വം॒ കരോ॑ഷി നി॒ജാനു॑കാം ॥ 17 ॥ 1-6-1
നിജാനുകാ മേ᳚ന്യഞ്ജ॒ലികാ ।
അമീ വാചമുപാസ॑താമി॒തി ।
തസ്മൈ സർവ ഋതവോ॑ നമ॒ന്തേ ।
മര്യാദാകരത്വാത്പ്ര॑പുരോ॒ധാം ।
ബ്രാഹ്മണ॑ ആപ്നോ॒തി ।
യ ഏ॑വം വേ॒ദ ।
സ ഖലു സംവത്സര ഏതൈസ്സേനാനീ॑ഭിസ്സ॒ഹ ।
ഇന്ദ്രായ സർവാൻകാമാന॑ഭിവ॒ഹതി ।
സ ദ്ര॒പ്സഃ ।
തസ്യൈ॒ഷാ ഭവ॑തി ॥ 18 ॥ 1-6-2
അവ॑ദ്ര॒പ്സോ അഗ്ം॑ശു॒മതീ॑മതിഷ്ഠത് ।
ഇ॒യാ॒നഃ കൃ॒ഷ്ണോ ദ॒ശഭി॑: സ॒ഹസ്രൈ᳚: ।
ആവ॒ർതമിന്ദ്ര॒: ശച്യാ॒ ധമ॑ന്തം ।
ഉപസ്നുഹി തം നൃമണാമഥ॑ദ്രാമി॒തി ।
ഏതയൈവേന്ദ്രഃ സലാവൃ॑ക്യാ സ॒ഹ ।
അസുരാൻപ॑രിവൃ॒ശ്ചതി ।
പൃഥി॑വ്യ॒ഗ്ം॒ശുമ॑തീ ।
താമ॒ന്വവ॑സ്ഥിതഃ സംവത്സ॒രോ ദി॒വം ച॑ ।
നൈവം വിദുഷാഽഽചാര്യാ᳚ന്തേവാ॒സിനൗ ।
അന്യോന്യസ്മൈ᳚ ദ്രുഹ്യാ॒താം ।
യോ ദ്രു॒ഹ്യതി ।
ഭ്രശ്യതേ സ്വ॑ർഗാല്ലോ॒കാത് ।
ഇത്യൃതുമ॑ണ്ഡലാ॒നി ।
സൂര്യമണ്ഡലാ᳚ന്യാഖ്യാ॒യികാഃ ।
അത ഊർധ്വഗ്ം സ॑നിർവ॒ചനാഃ ॥ 19 ॥ 1-6-3
ആരോഗോ ഭ്രാജഃ പടര॑: പതം॒ഗഃ ।
സ്വർണരോ ജ്യോതിഷീമാൻ॑ വിഭാ॒സഃ ।
തേ അസ്മൈ സർവേ ദിവമാ॑തപ॒ന്തി ।
ഊർജം ദുഹാനാ അനപസ്ഫുര॑ന്ത ഇ॒തി ।
കശ്യ॑പോഽഷ്ട॒മഃ ।
സ മഹാമേരും ന॑ ജഹാ॒തി ।
തസ്യൈ॒ഷാ ഭവ॑തി ।
യത്തേ॒ ശില്പം॑ കശ്യപ രോച॒നാവ॑ത് ।
ഇ॒ന്ദ്രി॒യാവ॑ത്പുഷ്ക॒ലം ചി॒ത്രഭാ॑നു ।
യസ്മി॒ന്ത്സൂര്യാ॒ അർപി॑താസ്സ॒പ്ത സാ॒കം ॥ 20 ॥ 1-7-1
തസ്മിന്രാജാനമധിവിശ്രയേ॑മമി॒തി ।
തേ അസ്മൈ സർവേ കശ്യപാജ്ജ്യോതി॑ർലഭ॒ന്തേ ।
താൻസോമഃ കശ്യപാദധി॑നിർദ്ധ॒മതി ।
ഭ്രസ്താകർമകൃ॑ദിവൈ॒വം ।
പ്രാണോ ജീവാനീന്ദ്രിയ॑ജീവാ॒നി ।
സപ്ത ശീർഷ॑ണ്യാഃ പ്രാ॒ണാഃ ।
സൂര്യാ ഇ॑ത്യാചാ॒ര്യാഃ ।
അപശ്യമഹമേതാന്ത്സപ്ത സൂ᳚ര്യാനി॒തി ।
പഞ്ചകർണോ॑ വാത്സ്യാ॒യനഃ ।
സപ്തകർണ॑ശ്ച പ്ലാ॒ക്ഷിഃ ॥ 21 ॥ 1-7-2 [16*33]
ആനുശ്രവിക ഏവ നൗ കശ്യ॑പ ഇ॒തി ।
ഉഭൗ॑ വേദ॒യിതേ ।
ന ഹി ശേകുമിവ മഹാമേ॑രും ഗ॒ന്തും ।
അപശ്യമഹമേതത്സൂര്യമണ്ഡലം പരിവ॑ർതമാ॒നം ।
ഗാ॒ർഗ്യഃ പ്രാ॑ണത്രാ॒തഃ ।
ഗച്ഛന്ത മ॑ഹാമേ॒രും ।
ഏകം॑ ചാജ॒ഹതം ।
ഭ്രാജപടരപതം॑ഗാ നി॒ഹനേ ।
തിഷ്ഠന്നാ॑തപ॒ന്തി ।
തസ്മാ॑ദി॒ഹ തപ്ത്രി॑തപാഃ ॥ 22 ॥ 1-7-3
അ॒മുത്രേ॒തരേ ।
തസ്മാ॑ദി॒ഹാതപ്ത്രി॑തപാഃ ।
തേഷാ॑മേഷാ॒ ഭവ॑തി ।
സ॒പ്ത സൂര്യാ॒ ദിവ॒മനു॒പ്രവി॑ഷ്ടാഃ ।
താന॒ന്വേതി॑ പ॒ഥിഭി॑ർദക്ഷി॒ണാവാൻ॑ ।
തേ അസ്മൈ സർവേ ഘൃതമാ॑തപ॒ന്തി ।
ഊർജം ദുഹാനാ അനപസ്ഫുര॑ന്ത ഇ॒തി ।
സപ്തർത്വിജസ്സൂര്യാ ഇ॑ത്യാചാ॒ര്യാഃ ।
തേഷാ॑മേഷാ॒ ഭവ॑തി ।
സ॒പ്ത ദിശോ॒ നാനാ॑സൂര്യാഃ ॥ 23 ॥ 1-7-4
സ॒പ്ത ഹോതാ॑ര ഋ॒ത്വിജ॑: ।
ദേവാ ആദിത്യാ॑ യേ സ॒പ്ത ।
തേഭിസ്സോമാഭീരക്ഷ॑ണ ഇ॒തി ।
തദ॑പ്യാമ്നാ॒യഃ ।
ദിഗ്ഭ്രാജഃ ഋതൂ᳚ൻ കരോ॒തി ।
ഏത॑യൈവാ॒വൃതാ സഹസ്രസൂര്യതായാ ഇതി വൈ॑ശമ്പാ॒യനഃ ।
തസ്യൈ॒ഷാ ഭവ॑തി ।
യദ്ദ്യാവ॑ ഇന്ദ്ര തേ ശ॒തഗ്ംശ॒തം ഭൂമീ᳚: ।
ഉ॒ത സ്യുഃ ।
നത്വാ॑ വജ്രിൻസ॒ഹസ്ര॒ഗ്ം॒ സൂര്യാ᳚: ॥ 24 ॥ 1-7-5
അനുനജാതമഷ്ട രോദ॑സീ ഇ॒തി ।
നാനാലിംഗത്വാദൃതൂനാം നാനാ॑സൂര്യ॒ത്വം ।
അഷ്ടൗ തു വ്യവസി॑താ ഇ॒തി ।
സൂര്യമണ്ഡലാന്യഷ്ടാ॑ത ഊ॒ർധ്വം ।
തേഷാ॑മേഷാ॒ ഭവ॑തി ।
ചി॒ത്രം ദേ॒വാനാ॒മുദ॑ഗാ॒ദനീ॑കം ।
ചക്ഷു॑ർമി॒ത്രസ്യ॒ വരു॑ണസ്യാ॒ഗ്നേഃ ।
ആപ്രാ॒ ദ്യാവാ॑പൃഥി॒വീ അ॒ന്തരി॑ക്ഷം ।
സൂര്യ ആത്മാ ജഗതസ്തസ്ഥു॑ഷശ്ചേ॒തി ॥ 25 ॥ 1-7-6
ക്വേദമഭ്ര॑ന്നിവി॒ശതേ ।
ക്വായഗ്ം॑ സംവത്സ॒രോ മി॑ഥഃ ।
ക്വാഹഃ ക്വേയന്ദേ॑വ രാ॒ത്രീ ।
ക്വ മാസാ ഋ॑തവ॒: ശ്രിതാഃ ।
അർധമാസാ॑ മുഹൂ॒ർതാഃ ।
നിമേഷാസ്തു॑ടിഭി॒സ്സഹ ।
ക്വേമാ ആപോ നി॑വിശ॒ന്തേ ।
യ॒ദീതോ॑ യാന്തി॒ സമ്പ്ര॑തി ।
കാലാ അപ്സു നി॑വിശ॒ന്തേ ।
ആ॒പസ്സൂര്യേ॑ സ॒മാഹി॑താഃ ॥ 26 ॥ 1-8-1
അഭ്രാ᳚ണ്യ॒പഃ പ്ര॑പദ്യ॒ന്തേ ।
വി॒ദ്യുത്സൂര്യേ॑ സ॒മാഹി॑താ ।
അനവർണേ ഇ॑മേ ഭൂ॒മീ ।
ഇ॒യം ചാ॑സൗ ച॒ രോദ॑സീ ।
കിഗ്ഗ്സ്വിദത്രാന്ത॑രാ ഭൂ॒തം ।
യേ॒നേമേ വി॑ധൃതേ॒ ഉഭേ ।
വി॒ഷ്ണുനാ॑ വിധൃ॑തേ ഭൂ॒മീ ।
ഇ॒തി വ॑ത്സസ്യ॒ വേദ॑നാ ।
ഇരാ॑വതീ ധേനു॒മതീ॒ ഹി ഭൂ॒തം ।
സൂ॒യ॒വ॒സിനീ॒ മനു॑ഷേ ദശ॒സ്യേ᳚ ॥ 27 ॥ 1-8-2
വ്യ॑ഷ്ടഭ്നാ॒ദ്രോദ॑സീ॒ വിഷ്ണ॑വേ॒തേ ।
ദാ॒ധർഥ॑ പൃഥി॒വീമ॒ഭിതോ॑ മ॒യൂഖൈ᳚: ।
കിം തദ്വിഷ്ണോർബ॑ലമാ॒ഹുഃ ।
കാ॒ ദീപ്തി॑: കിം പ॒രായ॑ണം ।
ഏകോ॑ യ॒ദ്ധാര॑യദ്ദേ॒വഃ ।
രേ॒ജതീ॑ രോദ॒സീ ഉ॑ഭേ ।
വാതാദ്വിഷ്ണോർബ॑ലമാ॒ഹുഃ ।
അ॒ക്ഷരാ᳚ദ്ദീപ്തി॒രുച്യ॑തേ ।
ത്രി॒പദാ॒ദ്ധാര॑യദ്ദേ॒വഃ ।
യദ്വിഷ്ണോ॑രേക॒മുത്ത॑മം ॥ 28 ॥ 1-8-3
അ॒ഗ്നയോ॑ വായ॑വശ്ചൈ॒വ ।
ഏ॒തദ॑സ്യ പ॒രായ॑ണം ।
പൃച്ഛാമി ത്വാ പ॑രം മൃ॒ത്യും ।
അ॒വമം॑ മധ്യ॒മഞ്ച॑തും ।
ലോ॒കഞ്ച॒ പുണ്യ॑പാപാ॒നാം ।
ഏ॒തത്പൃ॑ച്ഛാമി॒ സമ്പ്ര॑തി ।
അ॒മുമാ॑ഹുഃ പ॑രം മൃ॒ത്യും ।
പ॒വമാ॑നം തു॒ മധ്യ॑മം ।
അ॒ഗ്നിരേ॒വാവ॑മോ മൃ॒ത്യുഃ ।
ച॒ന്ദ്രമാ᳚ശ്ചതു॒രുച്യ॑തേ ॥ 29 ॥ 1-8-4
അ॒നാ॒ഭോ॒ഗാഃ പ॑രം മൃ॒ത്യും ।
പാ॒പാസ്സ॑മ്യന്തി॒ സർവ॑ദാ ।
ആഭോഗാസ്ത്വേവ॑ സമ്യ॒ന്തി ।
യ॒ത്ര പു॑ണ്യകൃ॒തോ ജ॑നാഃ ।
തതോ॑ മ॒ധ്യമ॑മായ॒ന്തി ।
ച॒തുമ॑ഗ്നിം ച॒ സമ്പ്ര॑തി ।
പൃച്ഛാമി ത്വാ॑ പാപ॒കൃതഃ ।
യ॒ത്ര യാ॑തയ॒തേ യ॑മഃ ।
ത്വം നസ്തദ്ബ്രഹ്മ॑ൻ പ്രബൂ॒ഹി ।
യ॒ദി വേ᳚ത്ഥാഽസ॒തോ ഗൃ॑ഹാൻ ॥ 30 ॥ 1-8-5
ക॒ശ്യപാ॑ദുദി॑താസ്സൂ॒ര്യാഃ ।
പാ॒പാന്നി॑ർഘ്നന്തി॒ സർവ॑ദാ ।
രോദസ്യോരന്ത॑ർദേശേ॒ഷു ।
തത്ര ന്യസ്യന്തേ॑ വാസ॒വൈഃ ।
തേഽശരീരാഃ പ്ര॑പദ്യ॒ന്തേ ।
യ॒ഥാഽപു॑ണ്യസ്യ॒ കർമ॑ണഃ ।
അപാ᳚ണ്യ॒പാദ॑കേശാ॒സഃ ।
ത॒ത്ര തേ॑ഽയോനി॒ജാ ജ॑നാഃ ।
മൃത്വാ പുനർമൃത്യുമാ॑പദ്യ॒ന്തേ ।
അ॒ദ്യമാ॑നാസ്സ്വ॒കർമ॑ഭിഃ ॥ 31 ॥ 1-8-6
ആശാതികാഃ ക്രിമ॑യ ഇ॒വ ।
തതഃ പൂയന്തേ॑ വാസ॒വൈഃ ।
അപൈ॑തം മൃ॒ത്യും ജ॑യതി ।
യ ഏ॒വം വേദ॑ ।
സ ഖല്വൈവം॑ വിദ്ബ്രാ॒ഹ്മണഃ ।
ദീ॒ർഘശ്രു॑ത്തമോ॒ ഭവ॑തി ।
കശ്യ॑പ॒സ്യാതി॑ഥി॒സ്സിദ്ധഗ॑മന॒സ്സിദ്ധാഗ॑മനഃ ।
തസ്യൈ॒ഷാ ഭവ॑തി ।
ആ യസ്മി᳚ന്ഥ്സ॒പ്ത വാ॑സ॒വാഃ ।
രോഹ॑ന്തി പൂ॒ർവ്യാ॑ രുഹ॑: ॥ 32 ॥ 1-8-7
ഋഷി॑ർഹ ദീർഘ॒ശ്രുത്ത॑മഃ ।
ഇന്ദ്രസ്യ ഘർമോ അതി॑ഥിരി॒തി ।
കശ്യപഃ പശ്യ॑കോ ഭ॒വതി ।
യത്സർവം പരിപശ്യതീ॑തി സൗ॒ക്ഷ്മ്യാത് ।
അഥാഗ്നേ॑രഷ്ടപു॑രുഷ॒സ്യ ।
തസ്യൈ॒ഷാ ഭവ॑തി ।
അഗ്നേ॒ നയ॑ സു॒പഥാ॑ രാ॒യേ അ॒സ്മാൻ ।
വിശ്വാ॑നി ദേവ വ॒യുനാ॑നി വി॒ദ്വാൻ ।
യു॒യോ॒ധ്യ॑സ്മജ്ജു॑ഹുരാ॒ണമേന॑: ।
ഭൂയിഷ്ഠാന്തേ നമ ഉക്തിം വി॑ധേമേ॒തി ॥ 33 ॥ 1-8-8
അഗ്നിശ്ച ജാത॑വേദാ॒ശ്ച ।
സഹോജാ അ॑ജിരാ॒പ്രഭുഃ ।
വൈശ്വാനരോ ന॑ര്യാപാ॒ശ്ച ।
പ॒ങ്ക്തിരാ॑ധാശ്ച॒ സപ്ത॑മഃ
വിസർപേവാഽഷ്ട॑മോഽഗ്നീ॒നാം ।
ഏതേഽഷ്ടൗ വസവഃ ക്ഷി॑താ ഇ॒തി ।
യഥർത്വേവാഗ്നേരർചിർവർണ॑വിശേ॒ഷാഃ ।
നീലാർചിശ്ച പീതകാ᳚ർചിശ്ചേ॒തി ।
അഥ വായോരേകാദശപുരുഷസ്യൈകാദശ॑സ്ത്രീക॒സ്യ ।
പ്രഭ്രാജമാനാ വ്യ॑വദാ॒താഃ ॥ 34 ॥ 1-9-1
യാശ്ച വാസു॑കിവൈ॒ദ്യുതാഃ ।
രജതാഃ പരു॑ഷാഃ ശ്യാ॒മാഃ ।
കപിലാ അ॑തിലോ॒ഹിതാഃ ।
ഊർധ്വാ അവപ॑തന്താ॒ശ്ച ।
വൈദ്യുത ഇ॑ത്യേകാ॒ദശ ।
നൈനം വൈദ്യുതോ॑ ഹിന॒സ്തി ।
യ ഏ॑വം വേ॒ദ ।
സ ഹോവാച വ്യാസഃ പാ॑രാശ॒ര്യഃ ।
വിദ്യുദ്വധമേവാഹം മൃത്യുമൈ᳚ച്ഛമി॒തി ।
ന ത്വകാ॑മഗ്ം ഹ॒ന്തി ॥ 35 ॥ 1-9-2
യ ഏ॑വം വേ॒ദ ।
അഥ ഗ॑ന്ധർവ॒ഗണാഃ ।
സ്വാന॒ഭ്രാട് ।
അംഘാ॑രി॒ർബംഭാ॑രിഃ ।
ഹസ്ത॒സ്സുഹ॑സ്തഃ ।
കൃശാ॑നുർവി॒ശ്വാവ॑സുഃ ।
മൂർധന്വാന്ഥ്സൂ᳚ര്യവ॒ർചാഃ ।
കൃതിരിത്യേകാദശ ഗ॑ന്ധർവ॒ഗണാഃ ।
ദേവാശ്ച മ॑ഹാദേ॒വാഃ ।
രശ്മയശ്ച ദേവാ॑ ഗര॒ഗിരഃ ॥ 36 ॥ 1-9-3
നൈനം ഗരോ॑ ഹിന॒സ്തി ।
യ ഏ॑വം വേ॒ദ ।
ഗൗ॒രീമി॑മായ സലി॒ലാനി॒ തക്ഷ॑തീ ।
ഏക॑പദീ ദ്വി॒പദീ॒ സാ ചതു॑ഷ്പദീ ।
അ॒ഷ്ടാപദീ॒ നവ॑പദീ ബഭൂ॒വുഷീ᳚ ।
സഹസ്രാക്ഷരാ പരമേ വ്യോ॑മന്നി॒തി ।
വാചോ॑ വിശേ॒ഷണം ।
അഥ നിഗദ॑വ്യാഖ്യാ॒താഃ ।
താനനുക്ര॑മിഷ്യാ॒മഃ ।
വ॒രാഹവ॑സ്സവത॒പസഃ ॥ 37 ॥ 1-9-4
വി॒ദ്യുന്മ॑ഹസോ॒ ധൂപ॑യഃ ।
ശ്വാപയോ ഗൃഹമേധാ᳚ശ്ചേത്യേ॒തേ ।
യേ॒ ചേമേഽശി॑മിവി॒ദ്വിഷഃ ।
പർജന്യാസ്സപ്ത പൃഥിവീമഭിവ॑ർഷ॒ന്തി ।
വൃഷ്ടി॑ഭിരി॒തി ।
ഏതയൈവ വിഭക്തിവി॑പരീ॒താഃ ।
സ॒പ്തഭി॒ർവാതൈ॑രുദീ॒രിതാഃ ।
അമൂഁല്ലോകാനഭിവ॑ർഷ॒ന്തി ।
തേഷാ॑മേഷാ॒ ഭവ॑തി ।
സ॒മാ॒നമേ॒തദുദ॑കം ॥ 38 ॥ 1-9-5
ഉ॒ച്ചൈത്യ॑വ॒ചാഹ॑ഭിഃ ।
ഭൂമിം॑ പ॒ർജന്യാ॒ ജിന്വ॑ന്തി ।
ദിവം ജിന്വന്ത്യഗ്ന॑യ ഇ॒തി ।
യദക്ഷ॑രം ഭൂ॒തകൃ॑തം ।
വിശ്വേ॑ ദേവാ ഉ॒പാസ॑തേ ।
മ॒ഹർഷി॑മസ്യ ഗോ॒പ്താരം᳚ ।
ജ॒മദ॑ഗ്നി॒മകു॑ർവത ।
ജ॒മദ॑ഗ്നി॒രാപ്യാ॑യതേ ।
ഛന്ദോ॑ഭിശ്ചതുരുത്ത॒രൈഃ ।
രാജ്ഞ॒സ്സോമ॑സ്യ തൃ॒പ്താസ॑: ॥ 39 ॥ 1-9-6
ബ്രഹ്മ॑ണാ വീ॒ര്യാ॑വതാ ।
ശി॒വാ ന॑: പ്ര॒ദിശോ॒ ദിശ॑: ।
തച്ഛ॒മ്യോരാവൃ॑ണീമഹേ ।
ഗാ॒തും യ॒ജ്ഞായ॑ ।
ഗാ॒തും യ॒ജ്ഞപ॑തയേ ।
ദൈവീ᳚സ്വ॒സ്തിര॑സ്തു നഃ ।
സ്വ॒സ്തിർമാനു॑ഷേഭ്യഃ ।
ഊ॒ർധ്വം ജി॑ഗാതു ഭേഷ॒ജം ।
ശന്നോ॑ അസ്തു ദ്വി॒പദേ᳚ ।
ശം ചതു॑ഷ്പദേ ।
സോമപാ 3 അസോമപാ 3 ഇതി നിഗദ॑വ്യാഖ്യാ॒താഃ ॥ 40 ॥ 1-9-7
സ॒ഹ॒സ്ര॒വൃദി॑യം ഭൂ॒മിഃ ।
പ॒രം വ്യോ॑മ സ॒ഹസ്ര॑വൃത് ।
അ॒ശ്വിനാ॑ ഭുജ്യൂ॑ നാസ॒ത്യാ ।
വി॒ശ്വസ്യ॑ ജഗ॒തസ്പ॑തീ ।
ജായാ ഭൂമിഃ പ॑തിർവ്യോ॒മ ।
മി॒ഥുന॑ന്താ അ॒തുര്യ॑ഥുഃ ।
പുത്രോ ബൃഹസ്പ॑തീ രു॒ദ്രഃ ।
സ॒രമാ॑ ഇതി॑ സ്ത്രീപു॒മം ।
ശു॒ക്രം വാ॑മ॒ന്യദ്യ॑ജ॒തം വാ॑മ॒ന്യത് ।
വിഷു॑രൂപേ॒ അഹ॑നീ॒ ദ്യൗരി॑വ സ്ഥഃ ॥ 41 ॥ 1-10-1
വിശ്വാ॒ ഹി മാ॒യാ അവ॑ഥഃ സ്വധാവന്തൗ ।
ഭ॒ദ്രാ വാം᳚ പൂഷണാവി॒ഹ രാ॒തിര॑സ്തു ।
വാസാ᳚ത്യൗ ചി॒ത്രൗ ജഗ॑തോ നി॒ധാനൗ᳚ ।
ദ്യാവാ॑ഭൂമീ ച॒രഥ॑: സ॒ഗ്ം॒ സഖാ॑യൗ ।
താവ॒ശ്വിനാ॑ രാ॒സഭാ᳚ശ്വാ॒ ഹവം॑ മേ ।
ശു॒ഭ॒സ്പ॒തീ॒ ആ॒ഗതഗ്ം॑ സൂ॒ര്യയാ॑ സ॒ഹ ।
ത്യുഗ്രോ॑ഹ ഭു॒ജ്യുമ॑ശ്വിനോദമേ॒ഘേ ।
ര॒യിന്ന കശ്ചി॑ന്മമൃ॒വാം 2 അവാ॑ഹാഃ ।
തമൂ॑ഹഥുർനൗ॒ഭിരാ᳚ത്മ॒ന്വതീ॑ഭിഃ ।
അ॒ന്ത॒രി॒ക്ഷ॒പ്രുഡ്ഭി॒രപോ॑ദകാഭിഃ ॥ 42 ॥ 1-10-2
തി॒സ്രഃ ക്ഷപ॒സ്ത്രിരഹാ॑ഽതി॒വ്രജ॑ദ്ഭിഃ ।
നാസ॑ത്യാ ഭു॒ജ്യുമൂ॑ഹഥുഃ പതം॒ഗൈഃ ।
സ॒മു॒ദ്രസ്യ॒ ധന്വ॑ന്നാ॒ർദ്രസ്യ॑ പാ॒രേ ।
ത്രി॒ഭീരഥൈ᳚ശ്ശ॒തപ॑ദ്ഭി॒: ഷഡ॑ശ്വൈ॒: ।
സ॒വി॒താരം॒ വിത॑ന്വന്തം ।
അനു॑ബധ്നാതി ശാംബ॒രഃ ।
ആപപൂരുഷംബ॑രശ്ചൈ॒വ ।
സ॒വിതാ॑ഽരേപ॒സോ॑ ഭവത് ।
ത്യഗ്ം സുതൃപ്തം വി॑ദിത്വൈ॒വ ।
ബ॒ഹുസോ॑മ ഗി॒രം വ॑ശീ ॥ 43 ॥ 1-10-3
അന്വേതി തുഗ്രോ വ॑ക്രിയാ॒ന്തം ।
ആയസൂയാന്ത്സോമ॑തൃപ്സു॒ഷു ।
സ സംഗ്രാമസ്തമോ᳚ദ്യോഽത്യോ॒തഃ ।
വാചോ ഗാഃ പി॑പാതി॒ തത് ।
സ തദ്ഗോഭിസ്സ്ത്വാ᳚ഽത്യേത്യ॒ന്യേ ।
ര॒ക്ഷസാ॑ഽനന്വി॒താശ്ച॑ യേ ।
അ॒ന്വേതി॒ പരി॑വൃത്യാ॒ഽസ്തഃ ।
ഏ॒വമേ॒തൗ സ്ഥോ॑ അശ്വിനാ ।
തേ ഏ॒തേ ദ്യു॑:പൃഥി॒വ്യോഃ ।
അഹ॑രഹ॒ർഗർഭ॑ന്ദധാഥേ ॥ 44 ॥ 1-10-4
തയോ॑രേ॒തൗ വ॒ത്സാവ॑ഹോരാ॒ത്രേ ।
പൃ॒ഥി॒വ്യാ അഹ॑: ।
ദി॒വോ രാത്രി॑: ।
താ അവി॑സൃഷ്ഠൗ ।
ദമ്പ॑തീ ഏ॒വ ഭ॑വതഃ ।
തയോ॑രേ॒തൗ വ॒ത്സൗ ।
അ॒ഗ്നിശ്ചാ॑ദിത്യ॒ശ്ച॑ ।
രാ॒ത്രേർവ॒ത്സഃ ।
ശ്വേ॒ത ആ॑ദി॒ത്യഃ ।
അഹ്നോ॒ഽഗ്നിഃ ॥ 45 ॥ 1-10-5
താ॒മ്രോ അ॑രു॒ണഃ ।
താ അവി॑സൃഷ്ടൗ ।
ദമ്പ॑തീ ഏ॒വ ഭ॑വതഃ ।
തയോ॑രേ॒തൗ വ॒ത്സൗ ।
വൃ॒ത്രശ്ച॑ വൈദ്യു॒തശ്ച॑ ।
അ॒ഗ്നേർവൃ॒ത്രഃ ।
വൈ॒ദ്യുത॑ ആദി॒ത്യസ്യ॑ ।
താ അവി॑സൃഷ്ടൗ ।
ദമ്പ॑തീ ഏ॒വ ഭ॑വതഃ ।
തയോ॑രേ॒തൗ വ॒ത്സൗ ॥ 46 ॥ 1-10-6
ഉ॒ഷ്മാ ച॑ നീഹാ॒രശ്ച॑ ।
വൃ॒ത്രസ്യോ॒ഷ്മാ ।
വൈ॒ദ്യു॒തസ്യ॑ നീഹാ॒രഃ ।
തൗ താവേ॒വ പ്രതി॑പദ്യേതേ ।
സേയഗ്ം രാത്രീ॑ ഗ॒ർഭിണീ॑ പു॒ത്രേണ॒ സംവ॑സതി ।
തസ്യാ॒ വാ ഏ॒തദു॒ൽബണം᳚ ।
യദ്രാത്രൗ॑ ര॒ശ്മയ॑: ।
യഥാ॒ ഗോർഗ॒ർഭിണ്യാ॑ ഉ॒ൽബണം᳚ ।
ഏ॒വമേ॒തസ്യാ॑ ഉ॒ൽബണം᳚ ।
പ്രജയിഷ്ണുഃ പ്രജയാ ച പശുഭി॑ശ്ച ഭ॒വതി ।
യ ഏ॑വം വേ॒ദ ।
ഏതമുദ്യന്തമപിയ॑ന്തം ചേ॒തി ।
ആദിത്യഃ പുണ്യ॑സ്യ വ॒ത്സഃ ।
അഥ പവി॑ത്രാംഗി॒രസഃ ॥ 47 ॥ 1-10-7
പ॒വിത്ര॑വന്ത॒: പരി॒വാജ॒മാസ॑തേ ।
പി॒തൈഷാം᳚ പ്ര॒ത്നോ അ॒ഭിര॑ക്ഷതി വ്ര॒തം ।
മ॒ഹസ്സ॑മുദ്രം വരു॑ണസ്തി॒രോദ॑ധേ ।
ധീരാ॑ ഇച്ഛേകു॒ർധരു॑ണേഷ്വാ॒രഭം᳚ ।
പ॒വി॑ത്രം തേ॒ വിത॑തം॒ ബ്രഹ്മ॑ണ॒സ്പതേ᳚ ।
പ്രഭു॒ർഗാത്രാ॑ണി॒ പര്യേ॑ഷി വി॒ശ്വത॑: ।
അത॑പ്തതനൂ॒ർന തദാ॒മോ അ॑ശ്നുതേ ।
ശൃ॒താസ॒ ഇദ്വഹ॑ന്ത॒സ്തത്സമാ॑ശത ।
ബ്ര॒ഹ്മാ ദേ॒വാനാം᳚ ।
അസ॑തസ്സ॒ദ്യേ തത॑ക്ഷുഃ ॥ 48 ॥ 1-11-1
ഋഷ॑യസ്സ॒പ്താത്രി॑ശ്ച॒ യത് ।
സർവേഽത്രയോ അ॑ഗസ്ത്യ॒ശ്ച ।
നക്ഷ॑ത്രൈ॒ശ്ശങ്കൃ॑തോഽവസൻ ।
അഥ॑ സവിതു॒: ശ്യാവാശ്വ॒സ്യാഽവർതി॑കാമസ്യ ।
അ॒മീ യ ഋക്ഷാ॒ നിഹി॑താസ ഉ॒ച്ചാ ।
നക്തം॒ ദദൃ॑ശ്രേ॒ കുഹാ॑ചി॒ദ്ദിവേ॑യുഃ ।
അദ॑ബ്ധാനി॒ വരു॑ണസ്യ വ്ര॒താനി॑ ।
വി॒ചാ॒കശ॑ച്ച॒ന്ദ്രമാ॒ നക്ഷ॑ത്രമേതി ।
തത്സ॑വി॒തുർവരേ᳚ണ്യം ।
ഭർഗോ॑ ദേ॒വസ്യ॑ ധീമഹി ॥ 49 ॥ 1-11-2
ധിയോ॒ യോ ന॑: പ്രചോ॒ദയാ᳚ത് ।
തത്സ॑വി॒തുർവൃ॑ണീമഹേ ।
വ॒യന്ദേ॒വസ്യ॒ ഭോജ॑നം ।
ശ്രേഷ്ഠഗ്ം॑സർവ॒ധാത॑മം ।
തുരം॒ ഭഗ॑സ്യ ധീമഹി ।
അപാ॑ഗൂഹത സവിതാ॒ തൃഭീൻ॑ ।
സർവാ᳚ന്ദി॒വോ അന്ധ॑സഃ ।
നക്ത॒ന്യാന്യ॑ഭവന്ദൃ॒ശേ ।
അസ്ഥ്യ॒സ്ഥ്നാ സംഭ॑വിഷ്യാമഃ ।
നാമ॒ നാമൈ॒വ നാ॒മ മേ᳚ ॥ 50 ॥ 1-11-3
നപുഗ്ംസ॑കം॒ പുമാ॒ഗ്ം॒സ്ത്ര്യ॑സ്മി ।
സ്ഥാവ॑രോഽസ്മ്യഥ॒ ജംഗ॑മഃ ।
യ॒ജേഽയക്ഷി॒ യഷ്ടാ॒ഹേ ച॑ ।
മയാ॑ ഭൂ॒താന്യ॑യക്ഷത ।
പ॒ശവോ॑ മമ॑ ഭൂതാ॒നി ।
അനൂബന്ധ്യോഽസ്മ്യ॑ഹം വി॒ഭുഃ ।
സ്ത്രിയ॑സ്സ॒തീഃ ।
താ ഉ॑ മേ പു॒ഗ്ം॒സ ആ॑ഹുഃ ।
പശ്യ॑ദക്ഷ॒ണ്വാന്നവിചേ॑തദ॒ന്ധഃ ।
ക॒വിര്യഃ പു॒ത്രസ്സ ഇ॒മാ ചി॑കേത ॥ 51 ॥ 1-11-4
യസ്താ വി॑ജാ॒നാഥ്സ॑വി॒തുഃ പി॒താ സ॑ത് ।
അ॒ന്ധോ മണിമ॑വിന്ദത് ।
തമ॑നംഗുലി॒രാവ॑യത് ।
അ॒ഗ്രീ॒വഃ പ്രത്യ॑മുഞ്ചത് ।
തമജി॑ഹ്വാ അ॒സശ്ച॑ത ।
ഊർധ്വമൂലമ॑വാക്ഛാ॒ഖം ।
വൃ॒ക്ഷം യോ॑ വേദ॒ സമ്പ്ര॑തി ।
ന സ ജാതു ജന॑: ശ്രദ്ദ॒ധ്യാത് ।
മൃ॒ത്യുർമാ॑ മാര॒യാദി॑തിഃ ।
ഹസിതഗ്ം രുദി॑തംഗീ॒തം ॥ 52 ॥ 1-11-5
വീണാ॑പണവ॒ലാസി॑തം ।
മൃ॒തഞ്ജീ॒വം ച॑ യത്കി॒ഞ്ചിത് ।
അം॒ഗാനി॑ സ്നേവ॒ വിദ്ധി॑ തത് ।
അതൃ॑ഷ്യ॒ഗ്ഗ്॒സ്തൃഷ്യ॑ ധ്യായത് ।
അ॒സ്മാജ്ജാ॒താ മേ॑ മിഥൂ॒ ചരൻ॑ ।
പുത്രോ നിരൃത്യാ॑ വൈദേ॒ഹഃ ।
അ॒ചേതാ॑ യശ്ച॒ ചേത॑നഃ ।
സ॒ തം മണിമ॑വിന്ദത് ।
സോ॑ഽനംഗുലി॒രാവ॑യത് ।
സോ॒ഽഗ്രീ॒വഃ പ്രത്യ॑മുഞ്ചത് ॥ 53 ॥ 1-11-6
സോഽജി॑ഹ്വോ അ॒സശ്ച॑ത ।
നൈതമൃഷിം വിദിത്വാ നഗ॑രം പ്ര॒വിശേത് ।
യ॑ദി പ്ര॒വിശേത് ।
മി॒ഥൗ ചരി॑ത്വാ പ്ര॒വിശേത് ।
തഥ്സംഭവ॑സ്യ വ്ര॒തം ।
ആ॒തമ॑ഗ്നേ ര॒ഥന്തി॑ഷ്ഠ ।
ഏകാ᳚ശ്വമേക॒യോജ॑നം ।
ഏകചക്ര॑മേക॒ധുരം ।
വാ॒തധ്രാ॑ജിഗ॒തിം വി॑ഭോ ।
ന॒ രി॒ഷ്യതി॑ ന വ്യ॒ഥതേ ॥ 54 ॥ 1-11-7
നാ॒സ്യാക്ഷോ॑ യാതു॒ സജ്ജ॑തി ।
യച്ഛ്വേതാ᳚ന്രോഹി॑താഗ്ംശ്ചാ॒ഗ്നേഃ ।
ര॒ഥേ യു॑ക്ത്വാഽധി॒തിഷ്ഠ॑തി ।
ഏകയാ ച ദശഭിശ്ച॑ സ്വഭൂ॒തേ ।
ദ്വാഭ്യാമിഷ്ടയേ വിഗ്ം॑ശത്യാ॒ ച ।
തിസൃഭിശ്ച വഹസേ ത്രിഗ്ം॑ശതാ॒ ച ।
നിയുദ്ഭിർവായവിഹിതാ॑ വിമു॒ഞ്ച ॥ 55 ॥ 1-11-8
ആത॑നുഷ്വ॒ പ്രത॑നുഷ്വ ।
ഉ॒ദ്ധമാഽഽധ॑മ॒ സന്ധ॑മ ।
ആദിത്യേ ചന്ദ്ര॑വർണാ॒നാം ।
ഗർഭ॒മാധേ॑ഹി॒ യഃ പുമാൻ॑ ।
ഇ॒തസ്സി॒ക്തഗ്ം സൂര്യ॑ഗതം ।
ച॒ന്ദ്രമ॑സേ॒ രസ॑ങ്കൃധി ।
വാരാദഞ്ജന॑യാഗ്രേ॒ഽഗ്നിം ।
യ ഏകോ॑ രുദ്ര॒ ഉച്യ॑തേ ।
അ॒സം॒ഖ്യാ॒താസ്സ॑ഹസ്രാ॒ണി ।
സ്മ॒ര്യതേ॑ ന ച॒ ദൃശ്യ॑തേ ॥ 56 ॥ 1-12-1
ഏ॒വമേ॒തന്നി॑ബോധത ।
ആമ॒ന്ദ്രൈരി॑ന്ദ്ര॒ ഹരി॑ഭിഃ ।
യാ॒ഹി മ॒യൂര॑രോമഭിഃ ।
മാ ത്വാ കേചിന്നിയേമുരി॑ന്ന പാ॒ശിനഃ ।
ദ॒ധ॒ന്വേവ॒ താ ഇ॑ഹി ।
മാ മ॒ന്ദ്രൈരി॑ന്ദ്ര॒ ഹരി॑ഭിഃ ।
യാ॒മി മ॒യൂര॑രോമഭിഃ ।
മാ മാ കേചിന്ന്യേമുരി॑ന്ന പാ॒ശിനഃ ।
നി॒ധ॒ന്വേവ॒ താം 2 ഇ॑മി ।
അണുഭിശ്ച മ॑ഹദ്ഭി॒ശ്ച ॥ 57 ॥ 1-12-2
നി॒ഘൃഷ്വൈ॑രസ॒മായു॑തൈഃ ।
കാലൈർഹരിത്വ॑മാപ॒ന്നൈഃ ।
ഇന്ദ്രായാ॑ഹി സ॒ഹസ്ര॑യുക് ।
അ॒ഗ്നിർവി॒ഭ്രാഷ്ടി॑വസനഃ ।
വാ॒യുശ്ശ്വേത॑സികദ്രു॒കഃ ।
സം॒വ॒ഥ്സ॒രോ വി॑ഷൂ॒വർണൈ॑: ।
നിത്യാ॒സ്തേഽനുച॑രാസ്ത॒വ ।
സുബ്രഹ്മണ്യോഗ്ം സുബ്രഹ്മണ്യോഗ്ം സു॑ബ്രഹ്മ॒ണ്യോം ।
ഇന്ദ്രാഗച്ഛ ഹരിവ ആഗച്ഛ മേ॑ധാതി॒ഥേഃ ।
മേഷ വൃഷണശ്വ॑സ്യ മേ॒നേ ॥ 58 ॥ 1-12-3
ഗൗരാവസ്കന്ദിന്നഹല്യാ॑യൈ ജാ॒ര ।
കൗശികബ്രാഹ്മണ ഗൗതമ॑ബ്രുവാ॒ണ ।
അ॒രു॒ണാശ്വാ॑ ഇ॒ഹാഗ॑താഃ ।
വസ॑വഃ പൃഥിവി॒ക്ഷിത॑: ।
അ॒ഷ്ടൗ ദി॒ഗ്വാസ॑സോ॒ഽഗ്നയ॑: ।
അഗ്നിശ്ച ജാതവേദാ᳚ശ്ചേത്യേ॒തേ ।
താമ്രാശ്വാ᳚സ്താമ്ര॒രഥാഃ ।
താമ്രവർണാ᳚സ്തഥാ॒ഽസിതാഃ ।
ദണ്ഡഹസ്താ᳚: ഖാദ॒ഗ്ദതഃ ।
ഇതോ രുദ്രാ᳚: പരാം॒ഗതാഃ ॥ 59 ॥ 1-12-4
ഉക്തഗ്ഗ് സ്ഥാനം പ്രമാണഞ്ച॑ പുര॒ ഇത ।
ബൃഹ॒സ്പതി॑ശ്ച സവി॒താ ച॑ ।
വി॒ശ്വരൂ॑പൈരി॒ഹാഗ॑താം ।
രഥേ॑നോദക॒വർത്മ॑നാ ।
അ॒പ്സുഷാ॑ ഇതി॒ തദ്ദ്വ॑യോഃ ।
ഉക്തോ വേഷോ॑ വാസാ॒ഗ്ം॒സി ച ।
കാലാവയവാനാമിത॑: പ്രതീ॒ച്യാ ।
വാസാത്യാ॑ ഇത്യ॒ശ്വിനോഃ ।
കോഽന്തരിക്ഷേ ശബ്ദങ്ക॑രോതീ॒തി ।
വാസിഷ്ഠൗ രൗഹിണോ മീമാഗ്ം॑സാഞ്ച॒ക്രേ ।
തസ്യൈ॒ഷാ ഭവ॑തി ।
വാ॒ശ്രേവ॑ വി॒ദ്യുദിതി॑ ।
ബ്രഹ്മ॑ണ ഉ॒ദര॑ണമസി ।
ബ്രഹ്മ॑ണ ഉദീ॒രണ॑മസി ।
ബ്രഹ്മ॑ണ ആ॒സ്തര॑ണമസി ।
ബ്രഹ്മ॑ണ ഉപ॒സ്തര॑ണമസി ॥ 60 ॥ 1-12-5
അ॒ഷ്ടയോ॑നീമ॒ഷ്ടപു॑ത്രാം ।
അ॒ഷ്ടപ॑ത്നീമി॒മാം മഹീം᳚ ।
അ॒ഹം വേദ॒ ന മേ॑ മൃത്യുഃ ।
നചാമൃ॑ത്യുര॒ഘാഽഹ॑രത് ।
അ॒ഷ്ടയോ᳚ന്യ॒ഷ്ടപു॑ത്രം ।
അ॒ഷ്ടപ॑ദി॒ദമ॒ന്തരി॑ക്ഷം ।
അ॒ഹം വേദ॒ ന മേ॑ മൃത്യുഃ ।
നചാമൃ॑ത്യുര॒ഘാഽഹ॑രത് ।
അ॒ഷ്ടയോ॑നീമ॒ഷ്ടപു॑ത്രാം ।
അ॒ഷ്ടപ॑ത്നീമ॒മൂന്ദിവം᳚ ॥ 61 ॥ 1-13-1
അ॒ഹം വേദ॒ ന മേ॑ മൃത്യുഃ ।
നചാമൃ॑ത്യുര॒ഘാഽഽഹ॑രത് ।
സു॒ത്രാമാ॑ണം മ॒ഹീമൂ॒ഷു ।
അദി॑തി॒ർദ്യൗരദി॑തിര॒ന്തരി॑ക്ഷം ।
അദി॑തിർമാ॒താ സ പി॒താ സ പു॒ത്രഃ ।
വിശ്വേ॑ ദേ॒വാ അദി॑തി॒: പഞ്ച॒ജനാ᳚: ।
അദി॑തിർജാ॒തമദി॑തി॒ർജനി॑ത്വം ।
അ॒ഷ്ടൗ പു॒ത്രാസോ॒ അദി॑തേഃ ।
യേ ജാ॒താസ്ത॒ന്വ॑: പരി॑ ।
ദേ॒വാം 2 ഉപ॑പ്രൈത്സ॒പ്തഭി॑: ॥ 62 ॥ 1-13-2
പ॒രാ॒ മാ॒ർതാ॒ണ്ഡമാസ്യ॑ത് ।
സ॒പ്തഭി॑: പു॒ത്രൈരദി॑തിഃ ।
ഉപ॒പ്രൈത്പൂ॒ർവ്യം॑ യുഗം᳚ ।
പ്ര॒ജായൈ॑ മൃ॒ത്യവേ ത॑ത് ।
പ॒രാ॒ മാ॒ർതാ॒ണ്ഡമാഭ॑ര॒ദിതി॑ ।
താനനുക്ര॑മിഷ്യാ॒മഃ ।
മി॒ത്രശ്ച॒ വരു॑ണശ്ച ।
ധാ॒താ ചാ᳚ര്യാ॒മാ ച॑ ।
അഗ്ംശ॑ശ്ച॒ ഭഗ॑ശ്ച ।
ഇന്ദ്രശ്ച വിവസ്വാഗ്ം॑ശ്ചേത്യേ॒തേ ।
ഹി॒ര॒ണ്യ॒ഗ॒ർഭോ ഹ॒ഗ്ം॒സശ്ശു॑ചി॒ഷത് ।
ബ്രഹ്മ॑ജജ്ഞാ॒നം തദിത്പ॒ദമിതി॑ ।
ഗ॒ർഭഃ പ്രാ॑ജാപ॒ത്യഃ ।
അഥ॒ പുരു॑ഷഃ സ॒പ്തപുരു॑ഷഃ ॥ 63 ॥ 1-13-3
യോഽസൗ॑ ത॒പന്നു॒ദേതി॑ ।
സ സർവേ॑ഷാം ഭൂ॒താനാം᳚ പ്രാ॒ണാനാ॒ദായോ॒ദേതി॑ ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണാനാ॒ദായോദ॑ഗാഃ ।
അ॒സൗ യോ᳚ഽസ്ത॒മേതി॑ ।
സ സർവേ॑ഷാം ഭൂ॒താനാം᳚ പ്രാ॒ണാനാ॒ദായാ॒സ്തമേതി॑ ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണാനാ॒ദായാഽസ്തം॑ഗാഃ ।
അ॒സൗ യ ആ॒പൂര്യ॑തി ।
സ സർവേ॑ഷാം ഭൂ॒താനാം᳚ പ്രാ॒ണൈരാ॒പൂര്യ॑തി ॥ 64 ॥ 1-14-1
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരാ॒പൂരി॑ഷ്ഠാഃ ।
അ॒സൗ യോ॑ഽപ॒ക്ഷീയ॑തി ।
സ സർവേ॑ഷാം ഭൂ॒താനാം᳚ പ്രാ॒ണൈരപ॑ക്ഷീയതി ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑ക്ഷേഷ്ഠാഃ ।
അ॒മൂനി॒ നക്ഷ॑ത്രാണി ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപന്തി॒ ചോഥ്സ॑ർപന്തി ച ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപത॒ മോഥ്സൃ॑പത ॥ 65 ॥ 1-14-2
ഇ॒മേ മാസാ᳚ശ്ചാർധമാ॒സാശ്ച॑ ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപന്തി॒ ചോഥ്സ॑ർപന്തി ച ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപത॒ മോഥ്സൃ॑പത ।
ഇ॒മ ഋ॒തവ॑: ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപന്തി॒ ചോഥ്സ॑ർപന്തി ച ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപത॒ മോഥ്സൃ॑പത ।
അ॒യഗ്ം സം॑വഥ്സ॒രഃ ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപതി॒ ചോഥ്സ॑ർപതി ച ॥ 66 ॥ 1-14-3
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപ॒ മോഥ്സൃ॑പ ।
ഇ॒ദമഹ॑: ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപതി॒ ചോഥ്സ॑ർപതി ച ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപ॒ മോഥ്സൃ॑പ ।
ഇ॒യഗ്ംരാത്രി॑: ।
സർവേ॑ഷാം ഭൂ॒താനാം᳚ പ്രാ॒ണൈരപ॑പ്രസർപതി॒ ചോഥ്സ॑ർപതി ച ।
മാ മേ᳚ പ്ര॒ജയാ॒ മാ പ॑ശൂ॒നാം ।
മാ മമ॑ പ്രാ॒ണൈരപ॑പ്രസൃപ॒ മോഥ്സൃ॑പ ।
ഓം ഭൂർഭുവ॒സ്സ്വ॑: ।
ഏതദ്വോ മിഥുനം മാനോ മിഥു॑നഗ്ം രീ॒ഢ്വം ॥ 67 ॥ 1-14-4
അഥാദിത്യസ്യാഷ്ടപു॑രുഷ॒സ്യ ।
വസൂനാമാദിത്യാനാഗ് സ്ഥാനേ സ്വതേജ॑സാ ഭാ॒നി ।
രുദ്രാണാമാദിത്യാനാഗ് സ്ഥാനേ സ്വതേജ॑സാ ഭാ॒നി ।
ആദിത്യാനാമാദിത്യാനാഗ് സ്ഥാനേ സ്വതേജ॑സാ ഭാ॒നി ।
സതാഗ്ം॑സത്യാ॒നാം ।
ആദിത്യാനാഗ് സ്ഥാനേ സ്വതേജ॑സാ ഭാ॒നി ।
അഭിധൂന്വതാ॑മഭി॒ഘ്നതാം ।
വാതവ॑താം മ॒രുതാം ।
ആദിത്യാനാഗ് സ്ഥാനേ സ്വതേജ॑സാ ഭാ॒നി ।
ഋഭൂണാമാദിത്യാനാഗ് സ്ഥാനേ സ്വതേജ॑സാ ഭാ॒നി ।
വിശ്വേഷാ᳚ന്ദേവാ॒നാം ।
ആദിത്യാനാഗ് സ്ഥാനേ സ്വതേജ॑സാ ഭാ॒നി ।
സംവഥ്സര॑സ്യ സ॒വിതുഃ ।
ആദിത്യസ്യ സ്ഥാനേ സ്വതേജ॑സാ ഭാ॒നി ।
ഓം ഭൂർഭുവ॒സ്സ്വ॑: ।
രശ്മയോ വോ മിഥുനം മാ നോ മിഥു॑നഗ്ം രീ॒ഢ്വം ॥ 68 ॥ 1-15-1
ആരോഗസ്യ സ്ഥാനേ സ്വതേജ॑സാ ഭാ॒നി ।
ഭ്രാജസ്യ സ്ഥാനേ സ്വതേജ॑സാ ഭാ॒നി ।
പടരസ്യ സ്ഥാനേ സ്വതേജ॑സാ ഭാ॒നി ।
പതംഗസ്യ സ്ഥാനേ സ്വതേജ॑സാ ഭാ॒നി ।
സ്വർണരസ്യ സ്ഥാനേ സ്വതേജ॑സാ ഭാ॒നി ।
ജ്യോതിഷീമതസ്യ സ്ഥാനേ സ്വതേജ॑സാ ഭാ॒നി ।
വിഭാസസ്യ സ്ഥാനേ സ്വതേജ॑സാ ഭാ॒നി ।
കശ്യപസ്യ സ്ഥാനേ സ്വതേജ॑സാ ഭാ॒നി ।
ഓം ഭൂർഭുവ॒സ്സ്വ॑: ।
ആപോ വോ മിഥുനം മാ നോ മിഥു॑നഗ്ം രീ॒ഢ്വം ॥ 69 ॥ 1-16-1
അഥ വായോരേകാദശപുരുഷസ്യൈകാദശ॑സ്ത്രീക॒സ്യ ।
പ്രഭ്രാജമാനാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
വ്യവദാതാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
വാസുകിവൈദ്യുതാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
രജതാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
പരുഷാണാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
ശ്യാമാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
കപിലാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
അതിലോഹിതാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
ഊർധ്വാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ॥ 70 ॥ 1-17-1
അവപതന്താനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
വൈദ്യുതാനാഗ്ം രുദ്രാണാഗ് സ്ഥാനേ സ്വതേജ॑സാ ഭാ॒നി ।
പ്രഭ്രാജമാനീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
വ്യവദാതീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
വാസുകിവൈദ്യുതീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
രജതാനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
പരുഷാണാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
ശ്യാമാനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
കപിലാനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
അതിലോഹിതീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
ഊർധ്വാനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
അവപതന്തീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
വൈദ്യുതീനാഗ്ം രുദ്രാണീനാഗ് സ്ഥാനേ സ്വതേജ॑സാ ഭാ॒നി ।
ഓം ഭൂർഭുവ॒സ്സ്വ॑: ।
രൂപാണി വോ മിഥുനം മാ നോ മിഥു॑നഗ്ം രീ॒ഢ്വം ॥ 71 ॥ 1-17-2
അഥാഗ്നേ॑രഷ്ടപു॑രുഷ॒സ്യ ।
അഗ്നേഃ പൂർവദിശ്യസ്യ സ്ഥാനേ സ്വതേജ॑സാ ഭാ॒നി ।
ജാതവേദസ ഉപദിശ്യസ്യ സ്ഥാനേ സ്വതേജ॑സാ ഭാ॒നി ।
സഹോജസോ ദക്ഷിണദിശ്യസ്യ സ്ഥാനേ സ്വതേജ॑സാ ഭാ॒നി ।
അജിരാപ്രഭവ ഉപദിശ്യസ്യ സ്ഥാനേ സ്വതേജ॑സാ ഭാ॒നി ।
വൈശ്വാനരസ്യാപരദിശ്യസ്യ സ്ഥാനേ സ്വതേജ॑സാ ഭാ॒നി ।
നര്യാപസ ഉപദിശ്യസ്യ സ്ഥാനേ സ്വതേജ॑സാ ഭാ॒നി ।
പങ്ക്തിരാധസ ഉദഗ്ദിശ്യസ്യ സ്ഥാനേ സ്വതേജ॑സാ ഭാ॒നി ।
വിസർപിണ ഉപദിശ്യസ്യ സ്ഥാനേ സ്വതേജ॑സാ ഭാ॒നി ।
ഓം ഭൂർഭുവ॒സ്സ്വ॑: ।
ദിശോ വോ മിഥുനം മാ നോ മിഥു॑നഗ്ം രീ॒ഢ്വം ॥ 72 ॥ 1-18-1
ദക്ഷിണപൂർവസ്യാന്ദിശി വിസ॑ർപീ ന॒രകഃ ।
തസ്മാന്നഃ പ॑രിപാ॒ഹി ।
ദക്ഷിണാസ്യാന്ദിശ്യവിസ॑ർപീ ന॒രകഃ ।
തസ്മാന്നഃ പ॑രിപാ॒ഹി ।
ഉത്തരപൂർവസ്യാന്ദിശി വിഷാ॑ദീ ന॒രകഃ ।
തസ്മാന്നഃ പ॑രിപാ॒ഹി ।
ഉത്തരാപരസ്യാന്ദിശ്യവിഷാ॑ദീ ന॒രകഃ ।
തസ്മാന്നഃ പ॑രിപാ॒ഹി ।
ആയസ്മിന്ഥ്സപ്ത വാസവാ ഇന്ദ്രിയാണി ശതക്രത॑വിത്യേ॒തേ ॥ 73 ॥ 1-19-1
ഇ॒ന്ദ്ര॒ഘോ॒ഷാ വോ॒ വസു॑ഭിഃ പു॒രസ്താ॒ദുപ॑ദധതാം ।
മനോ॑ജവസോ വഃ പി॒തൃഭി॑ർദക്ഷിണ॒ത ഉപ॑ദധതാം ।
പ്രചേ॑താ വോ രു॒ദ്രൈഃ പ॒ശ്ചാദുപ॑ദധതാം ।
വി॒ശ്വക॑ർമാ വ ആദി॒ത്യൈരു॑ത്തര॒ത ഉപ॑ദധതാം ।
ത്വഷ്ടാ॑ വോ രൂ॒പൈരു॒പരി॑ഷ്ടാ॒ദുപ॑ദധതാം ।
സഞ്ജ്ഞാനം വഃ പ॑ശ്ചാദി॒തി ।
ആ॒ദി॒ത്യസ്സർവോ॒ഽഗ്നിഃ പൃ॑ഥി॒വ്യാം ।
വാ॒യുര॒ന്തരി॑ക്ഷേ ।
സൂര്യോ॑ ദി॒വി ।
ച॒ന്ദ്രമാ॑ ദി॒ക്ഷു ।
നക്ഷ॑ത്രാണി॒ സ്വലോ॒കേ ।
ഏ॒വാ ഹ്യേ॑വ ।
ഏ॒വാ ഹ്യ॑ഗ്നേ ।
ഏ॒വാ ഹി വാ॑യോ ।
ഏ॒വാ ഹീ᳚ന്ദ്ര ।
ഏ॒വാ ഹി പൂ॑ഷൻ ।
ഏ॒വാ ഹി ദേ॑വാഃ ॥ 74 ॥ 1-20-1
ആപ॑മാപാമ॒പഃ സർവാ᳚: ।
അ॒സ്മാദ॒സ്മാദി॒തോഽമുത॑: ।
അ॒ഗ്നിർവാ॒യുശ്ച॒ സൂര്യ॑ശ്ച ।
സ॒ഹ സ॑ഞ്ചസ്ക॒രർദ്ധി॑യാ ।
വാ॒യ്വശ്വാ॑ രശ്മി॒പത॑യഃ ।
മരീ᳚ച്യാത്മാനോ॒ അദ്രു॑ഹഃ ।
ദേ॒വീർഭു॑വന॒സൂവ॑രീഃ ।
പു॒ത്ര॒വ॒ത്ത്വായ॑ മേ സുത ।
മഹാനാമ്നീർമ॑ഹാമാ॒നാഃ ।
മ॒ഹ॒സോ മ॑ഹസ॒സ്സ്വ॑: ॥ 75 ॥ 1-21-1
ദേ॒വീഃ പ॑ർജന്യ॒സൂവ॑രീഃ ।
പു॒ത്ര॒വ॒ത്ത്വായ॑ മേ സുത ।
അ॒പാഽശ്ന്യു॑ഷ്ണിമ॒പാരക്ഷ॑: ।
അ॒പാഽശ്ന്യു॑ഷ്ണിമ॒പാരഘം᳚ ।
അപാ᳚ഘ്രാ॒മപ॑ചാ॒ഽവർതിം᳚ ।
അപ॑ദേ॒വീരി॒തോ ഹി॑ത ।
വജ്ര॑ന്ദേ॒വീരജീ॑താഗ്ംശ്ച ।
ഭുവ॑നന്ദേവ॒സൂവ॑രീഃ ।
ആ॒ദി॒ത്യാനദി॑തിന്ദേ॒വീം ।
യോനി॑നോർധ്വമു॒ദീഷ॑ത ॥ 76 ॥ 1-21-2
ഭ॒ദ്രം കർണേ॑ഭിഃ ശൃണു॒യാമ॑ ദേവാഃ ।
ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ ।
സ്ഥി॒രൈരംഗൈ᳚സ്തുഷ്ടു॒വാഗ്ം സ॑സ്ത॒നൂഭി॑: ।
വ്യശേ॑മ ദേ॒വഹി॑തം॒ യദായു॑: ।
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।
സ്വ॒സ്തി ന॑: പൂ॒ഷാ വി॒ശ്വവേ॑ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ ।
സ്വ॒സ്തി നോ॒ ബൃഹ॒സ്പതി॑ർദധാതു ॥
കേ॒തവോ॒ അരു॑ണാസശ്ച ।
ഋ॒ഷ॒യോ വാത॑രശ॒നാഃ ।
പ്ര॒തി॒ഷ്ഠാഗ്ം ശ॒തധാ॑ ഹി ।
സ॒മാഹി॑താസോ സഹസ്ര॒ധായ॑സം ।
ശി॒വാ ന॒ശ്ശന്ത॑മാ ഭവന്തു ।
ദി॒വ്യാ ആപ॒ ഓഷ॑ധയഃ ।
സു॒മൃ॒ഡീ॒കാ സര॑സ്വതി ।
മാ തേ॒ വ്യോ॑മ സ॒ന്ദൃശി॑ ॥ 77 ॥ 1-21-3
യോ॑ഽപാം പുഷ്പം॒ വേദ॑ ।
പുഷ്പ॑വാൻ പ്ര॒ജാവാ᳚ൻ പശു॒മാൻ ഭ॑വതി ।
ച॒ന്ദ്രമാ॒ വാ അ॒പാം പുഷ്പം᳚ ।
പുഷ്പ॑വാൻ പ്ര॒ജാവാ᳚ൻ പശു॒മാൻ ഭ॑വതി ।
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
അ॒ഗ്നിർവാ അ॒പാമാ॒യത॑നം ।
ആ॒യത॑നവാൻ ഭവതി ।
യോ᳚ഽഗ്നേരാ॒യത॑നം॒ വേദ॑ ॥ 78 ॥ 1-22-1
ആ॒യത॑നവാൻ ഭവതി ।
ആപോ॒ വാ അ॒ഗ്നേരാ॒യത॑നം ।
ആ॒യത॑നവാൻ ഭവതി ।
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
വാ॒യുർവാ അ॒പാമാ॒യത॑നം ।
ആ॒യത॑നവാൻ ഭവതി ।
യോ വാ॒യോരാ॒യത॑നം॒ വേദ॑ ।
ആ॒യത॑നവാൻ ഭവതി ॥ 79 ॥ 1-22-2
ആപോ॒ വൈ വാ॒യോരാ॒യത॑നം ।
ആ॒യത॑നവാൻ ഭവതി ।
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
അ॒സൗ വൈ തപ॑ന്ന॒പാമാ॒യത॑നം ।
ആ॒യത॑നവാൻ ഭവതി ।
യോ॑ഽമുഷ്യ॒ തപ॑ത ആ॒യത॑നം॒ വേദ॑ ।
ആ॒യത॑നവാൻ ഭവതി ।
ആപോ॒ വാ അ॒മുഷ്യ॒ തപ॑ത ആ॒യത॑നം ॥ 80 ॥ 1-22-3
ആ॒യത॑നവാൻ ഭവതി ।
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
ച॒ന്ദ്രമാ॒ വാ അ॒പാമാ॒യത॑നം ।
ആ॒യത॑നവാൻ ഭവതി ।
യശ്ച॒ന്ദ്രമ॑സ ആ॒യത॑നം॒ വേദ॑ ।
ആ॒യത॑നവാൻ ഭവതി ।
ആപോ॒ വൈ ച॒ന്ദ്രമ॑സ ആ॒യത॑നം।
ആ॒യത॑നവാൻ ഭവതി ॥ 81 ॥ 1-22-4
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
നക്ഷ॑ത്രാണി॒ വാ അ॒പാമാ॒യത॑നം ।
ആ॒യത॑നവാൻ ഭവതി ।
യോ നക്ഷ॑ത്രാണാമാ॒യത॑നം॒ വേദ॑ ।
ആ॒യത॑നവാൻ ഭവതി ।
ആപോ॒ വൈ നക്ഷ॑ത്രാണാമാ॒യത॑നം ।
ആ॒യത॑നവാൻ ഭവതി ।
യ ഏ॒വം വേദ॑ ॥ 82 ॥ 1-22-5
യോ॑ഽപാമാ॒യത॑നം॒ വേദ॑ ।
ആ॒യത॑നവാൻ ഭവതി ।
പ॒ർജന്യോ॒ വാ അ॒പാമാ॒യത॑നം ।
ആ॒യത॑നവാൻ ഭവതി ।
യഃ പ॒ർജന്യ॑സ്യാ॒യത॑നം॒ വേദ॑ ।
ആ॒യത॑നവാൻ ഭവതി ।
ആപോ॒ വൈ പ॒ർജന്യ॑സ്യാ॒ഽഽയത॑നം ।
ആ॒യത॑നവാൻ ഭവതി ।
യ ഏ॒വം വേദ॑ ।
യോ॑ഽപാമാ॒യത॑നം॒ വേദ॑ ॥ 83 ॥ 1-22-6
ആ॒യത॑നവാൻ ഭവതി ।
സം॒വ॒ഥ്സ॒രോ വാ അ॒പാമാ॒യത॑നം ।
ആ॒യത॑നവാൻ ഭവതി ।
യസ്സം॑വഥ്സ॒രസ്യാ॒യത॑നം॒ വേദ॑ ।
ആ॒യത॑നവാൻ ഭവതി ।
ആപോ॒ വൈ സം॑വഥ്സ॒രസ്യാ॒ഽഽയത॑നം ।
ആ॒യത॑നവാൻ ഭവതി ।
യ ഏ॒വം വേദ॑ ।
യോ᳚ഽപ്സു നാവം॒ പ്രതി॑ഷ്ഠിതാം॒ വേദ॑ ।
പ്രത്യേ॒വ തി॑ഷ്ഠതി ॥ 84 ॥ 1-22-7
ഇ॒മേ വൈ ലോ॒കാ അ॒പ്സു പ്രതി॑ഷ്ഠിതാഃ ।
തദേ॒ഷാഽഭ്യനൂ᳚ക്താ ।
അ॒പാഗ്ം രസ॒മുദ॑യഗ്ം സൻ ।
സൂര്യേ॑ ശു॒ക്രഗ്ം സ॒മാഭൃ॑തം ।
അ॒പാഗ്ം രസ॑സ്യ॒ യോ രസ॑: ।
തം വോ॑ ഗൃഹ്ണാമ്യുത്ത॒മമിതി॑ ।
ഇ॒മേ വൈ ലോ॒കാ അ॒പാഗ്ം രസ॑: ।
തേ॑ഽമുഷ്മി॑ന്നാദി॒ത്യേ സ॒മാഭൃ॑താഃ ।
ജാ॒നു॒ദ॒ഘ്നീമു॑ത്തരവേ॒ദീംഖാ॒ത്വാ ।
അ॒പാം പൂ॑രയി॒ത്വാ ഗു॑ൽഫദ॒ഘ്നം ॥ 85 ॥ 1-22-8
പുഷ്കരപർണൈഃ പുഷ്കരദണ്ഡൈഃ പുഷ്കരൈശ്ച॑ സഗ്ഗ്സ്തീ॒ര്യ ।
തസ്മി॑ന്വിഹാ॒യസേ ।
അ॒ഗ്നിം പ്ര॒ണീയോ॑പസമാ॒ധായ॑ ।
ബ്ര॒ഹ്മ॒വാ॒ദിനോ॑ വദന്തി ।
കസ്മാ᳚ത്പ്രണീ॒തേഽയമ॒ഗ്നിശ്ചീ॒യതേ᳚ ।
സാപ്ര॑ണീ॒തേഽയമ॒പ്സു ഹ്യയ॑ഞ്ചീ॒യതേ᳚ ।
അ॒സൗ ഭുവ॑നേ॒ഽപ്യനാ॑ഹിതാഗ്നിരേ॒താഃ ।
തമ॒ഭിത॑ ഏ॒താ അ॒ബീഷ്ട॑കാ॒ ഉപ॑ദധാതി ।
അ॒ഗ്നി॒ഹോ॒ത്രേ ദ॑ർശപൂർണമാ॒സയോ᳚: ।
പ॒ശു॒ബ॒ന്ധേ ചാ॑തുർമാ॒സ്യേഷു॑ ॥ 86 ॥ 1-22-9
അഥോ॑ ആഹുഃ ।
സർവേ॑ഷു യജ്ഞക്ര॒തുഷ്വിതി॑ ।
ഏ॒തദ്ധ॑ സ്മ॒ വാ ആ॑ഹുശ്ശണ്ഡി॒ലാഃ ।
കമ॒ഗ്നിഞ്ചി॑നുതേ ।
സ॒ത്രി॒യമ॒ഗ്നിഞ്ചി॑ന്വാ॒നഃ ।
സം॒വ॒ഥ്സ॒രം പ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ।
സാ॒വി॒ത്രമ॒ഗ്നിഞ്ചി॑ന്വാ॒നഃ ।
അ॒മുമാ॑ദി॒ത്യം പ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ॥ 87 ॥ 1-22-10
നാ॒ചി॒കേ॒തമ॒ഗ്നിഞ്ചി॑ന്വാ॒നഃ ।
പ്രാ॒ണാൻപ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ।
ചാ॒തു॒ർഹോ॒ത്രി॒യമ॒ഗ്നിഞ്ചി॑ന്വാ॒നഃ ।
ബ്രഹ്മ॑ പ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ।
വൈ॒ശ്വ॒സൃ॒ജമ॒ഗ്നിഞ്ചി॑ന്വാ॒നഃ ।
ശരീ॑രം പ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ।
ഉ॒പാ॒നു॒വാ॒ക്യ॑മാ॒ശുമ॒ഗ്നിഞ്ചി॑ന്വാ॒നഃ ॥ 88 ॥ 1-22-11
ഇ॒മാഁല്ലോ॒കാൻപ്ര॒ത്യക്ഷേ॑ണ ।
കമ॒ഗ്നിഞ്ചി॑നുതേ ।
ഇ॒മമാ॑രുണകേതുകമ॒ഗ്നിഞ്ചി॑ന്വാ॒നഃ ഇതി॑ ।
യ ഏ॒വാസൗ ।
ഇ॒തശ്ചാ॒മുത॑ശ്ചാഽവ്യതീപാ॒തീ ।
തമിതി॑ ।
യോ᳚ഽഗ്നേർമി॑ഥൂ॒യാ വേദ॑ ।
മി॒ഥു॒ന॒വാൻഭ॑വതി ।
ആപോ॒ വാ അ॒ഗ്നേർമി॑ഥൂ॒യാഃ ।
മി॒ഥു॒ന॒വാൻഭ॑വതി ।
യ ഏ॒വം വേദ॑ ॥ 89 ॥ 1-22-12
ആപോ॒ വാ ഇ॒ദമാ॑സന്ഥ്സലി॒ലമേ॒വ ।
സ പ്ര॒ജാപ॑തി॒രേക॑: പുഷ്കരപ॒ർണേ സമ॑ഭവത് ।
തസ്യാന്ത॒ർമന॑സി കാമ॒സ്സമ॑വർതത ।
ഇ॒ദഗ്ം സൃ॑ജേയ॒മിതി॑ ।
തസ്മാ॒ദ്യത്പുരു॑ഷോ॒ മന॑സാഽഭി॒ഗച്ഛ॑തി ।
തദ്വാ॒ചാ വ॑ദതി ।
തത്കർമ॑ണാ കരോതി ।
തദേ॒ഷാഽഭ്യനൂ᳚ക്താ ।
കാമ॒സ്തദഗ്രേ॒ സമ॑വർത॒താധി॑ ।
മന॑സോ॒ രേത॑: പ്രഥ॒മം യദാസീ᳚ത് ॥ 90 ॥ 1-23-1
സ॒തോ ബന്ധു॒മസ॑തി॒ നി॑രവിന്ദൻ ।
ഹൃ॒ദി പ്ര॒തീഷ്യാ॑ ക॒വയോ॑ മനീ॒ഷേതി॑ ।
ഉപൈ॑ന॒ന്തദുപ॑നമതി ।
യത്കാ॑മോ॒ ഭവ॑തി ।
യ ഏ॒വം വേദ॑ ।
സ തപോ॑ഽതപ്യത ।
സ തപ॑സ്ത॒പ്ത്വാ ।
ശരീ॑രമധൂനുത ।
തസ്യ॒ യന്മാ॒ഗ്ം॒സമാസീ᳚ത് ।
തതോ॑ഽരു॒ണാഃ കേ॒തവോ॒ വാത॑രശ॒നാ ഋഷ॑യ॒ ഉദ॑തിഷ്ഠൻ ॥ 91 ॥ 1-23-2
യേ നഖാ᳚: ।
തേ വൈ॑ഖാന॒സാഃ ।
യേ വാലാ᳚: ।
തേ വാ॑ലഖി॒ല്യാഃ ।
യോ രസ॑: ।
സോ॑ഽപാം ।
അ॒ന്ത॒ര॒തഃ കൂ॒ർമം ഭൂ॒തഗ്ം സർപ॑ന്തം ।
തമ॑ബ്രവീത് ।
മമ॒ വൈത്വങ്മാ॒ഗ്ം॒സാ ।
സമ॑ഭൂത് ॥ 92 ॥ 1-23-3
നേത്യ॑ബ്രവീത് ।
പൂർവ॑മേ॒വാഹമി॒ഹാസ॒മിതി॑ ।
തത്പുരു॑ഷസ്യ പുരുഷ॒ത്വം ।
സ സ॒ഹസ്ര॑ശീർഷാ॒ പുരു॑ഷഃ ।
സ॒ഹ॒സ്രാ॒ക്ഷസ്സ॒ഹസ്ര॑പാത് ।
ഭൂ॒ത്വോദ॑തിഷ്ഠത് ।
തമ॑ബ്രവീത് ।
ത്വം വൈ പൂർവഗ്ം॑ സമ॑ഭൂഃ ।
ത്വമി॒ദം പൂർവ॑: കുരു॒ഷ്വേതി॑ ।
സ ഇ॒ത ആ॒ദായാപ॑: ॥ 93 ॥ 1-23-4
അ॒ഞ്ജ॒ലിനാ॑ പു॒രസ്താ॑ദു॒പാദ॑ധാത് ।
ഏ॒വാഹ്യേ॒വേതി॑ ।
തത॑ ആദി॒ത്യ ഉദ॑തിഷ്ഠത് ।
സാ പ്രാചീ॒ ദിക് ।
അഥാ॑രു॒ണഃ കേ॒തുർദ॑ക്ഷിണ॒ത ഉ॒പാദ॑ധാത് ।
ഏ॒വാഹ്യഗ്ന॒ ഇതി॑ ।
തതോ॒ വാ അ॒ഗ്നിരുദ॑തിഷ്ഠത് ।
സാ ദ॑ക്ഷി॒ണാ ദിക് ।
അഥാ॑രു॒ണഃ കേ॒തുഃ പ॒ശ്ചാദു॒പാദ॑ധാത് ।
ഏ॒വാഹി വായോ॒ ഇതി॑ ॥ 94 ॥ 1-23-5
തതോ॑ വാ॒യുരുദ॑തിഷ്ഠത് ।
സാ പ്ര॒തീചീ॒ ദിക് ।
അഥാ॑രു॒ണഃ കേ॒തുരു॑ത്തര॒ത ഉ॒പാദ॑ധാത് ।
ഏ॒വാഹീന്ദ്രേതി॑ ।
തതോ॒ വാ ഇന്ദ്ര॒ ഉദ॑തിഷ്ഠത് ।
സോദീ॑ചീ॒ ദിക് ।
അഥാ॑രു॒ണഃ കേ॒തുർമധ്യ॑ ഉ॒പാദ॑ധാത് ।
ഏ॒വാഹി പൂഷ॒ന്നിതി॑ ।
തതോ॒ വൈ പൂ॒ഷോദ॑തിഷ്ഠത് ।
സേയന്ദിക് ॥ 95 ॥ 1-23-6
അഥാ॑രു॒ണഃ കേ॒തുരു॒പരി॑ഷ്ടാദു॒പാദ॑ധാത് ।
ഏ॒വാഹി ദേ॒വാ ഇതി॑ ।
തതോ॑ ദേവമനു॒ഷ്യാഃ പി॒തര॑: ।
ഗ॒ന്ധ॒ർവാ॒പ്സ॒രസ॒ശ്ചോദ॑തിഷ്ഠൻ ।
സോർധ്വാ ദിക് ।
യാ വി॒പ്രുഷോ॑ വി॒പരാ॑പതൻ ।
താഭ്യോഽസു॑രാ॒ രക്ഷാഗ്ം॑സി പിശാ॒ചാശ്ചോദ॑തിഷ്ഠൻ ।
തസ്മാ॒ത്തേ പരാ॑ഭവൻ ।
വി॒പ്രുഡ്ഭ്യോ॒ ഹി തേ സമ॑ഭവൻ ।
തദേ॒ഷാഽഭ്യനൂ᳚ക്താ ॥ 96 ॥ 1-23-7
ആപോ॑ ഹ॒ യദ്ബൃ॑ഹ॒തീർഗർഭാ॒മായൻ॑ ।
ദക്ഷ॒ന്ദധാ॑നാ ജ॒നയ॑ന്തീസ്സ്വയം॒ഭും ।
തത॑ ഇ॒മേഽദ്ധ്യസൃ॑ജ്യന്ത॒ സർഗാ᳚: ।
അദ്ഭ്യോ॒ വാ ഇ॒ദഗ്ം സമ॑ഭൂത് ।
തസ്മാ॑ദി॒ദഗ്ം സർവം॒ ബ്രഹ്മ॑ സ്വയം॒ഭ്വിതി॑ ।
തസ്മാ॑ദി॒ദഗ്ം സർവ॒ഗ്ം॒ ശിഥി॑ലമി॒വാദ്ധ്രുവ॑മിവാഭവത് ।
പ്ര॒ജാപ॑തി॒ർവാവ തത് ।
ആ॒ത്മനാ॒ത്മാനം॑ വി॒ധായ॑ ।
തദേ॒വാനു॒പ്രാവി॑ശത് ।
തദേ॒ഷാഽഭ്യനൂ᳚ക്താ ॥ 97 ॥ 1-23-8
വി॒ധായ॑ ലോ॒കാന്വി॒ധായ॑ ഭൂ॒താനി॑ ।
വി॒ധായ॒ സർവാ᳚: പ്ര॒ദിശോ॒ ദിശ॑ശ്ച ।
പ്ര॒ജാപ॑തിഃ പ്രഥമ॒ജാ ഋ॒തസ്യ॑ ।
ആ॒ത്മനാ॒ത്മാന॑മ॒ഭിസംവി॑വേ॒ശേതി॑ ।
സർവ॑മേ॒വേദമാ॒പ്ത്വാ ।
സർവ॑മവ॒രുദ്ധ്യ॑ ।
തദേ॒വാനു॒പ്രവി॑ശതി ।
യ ഏ॒വം വേദ॑ ॥ 98 ॥ 1-23-9
ചതു॑ഷ്ടയ്യ॒ ആപോ॑ ഗൃഹ്ണാതി ।
ച॒ത്വാരി॒ വാ അ॒പാഗ്ം രൂ॒പാണി॑ ।
മേഘോ॑ വി॒ദ്യുത് ।
സ്ത॒ന॒യി॒ത്നുർവൃ॒ഷ്ടിഃ ।
താന്യേ॒വാവ॑രുന്ധേ ।
ആ॒തപ॑തി॒ വർഷ്യാ॑ ഗൃഹ്ണാതി ।
താഃ പു॒രസ്താ॒ദുപ॑ദധാതി ।
ഏ॒താ വൈ ബ്ര॑ഹ്മവർച॒സ്യാ ആപ॑: ।
മു॒ഖ॒ത ഏ॒വ ബ്ര॑ഹ്മവർച॒സമവ॑രുന്ധേ ।
തസ്മാ᳚ന്മുഖ॒തോ ബ്ര॑ഹ്മവർച॒സിത॑രഃ ॥ 99 ॥ 1-24-1
കൂപ്യാ॑ ഗൃഹ്ണാതി ।
താ ദ॑ക്ഷിണ॒ത ഉപ॑ദധാതി ।
ഏ॒താ വൈ തേ॑ജ॒സ്വിനീ॒രാപ॑: ।
തേജ॑ ഏ॒വാസ്യ॑ ദക്ഷിണ॒തോ ദ॑ധാതി ।
തസ്മാ॒ദ്ദക്ഷി॒ണോഽർധ॑സ്തേജ॒സ്വിത॑രഃ ।
സ്ഥാ॒വ॒രാ ഗൃ॑ഹ്ണാതി ।
താഃ പ॒ശ്ചാദുപ॑ദധാതി ।
പ്രതി॑ഷ്ഠിതാ॒ വൈ സ്ഥാ॑വ॒രാഃ ।
പ॒ശ്ചാദേ॒വ പ്രതി॑തിഷ്ഠതി ।
വഹ॑ന്തീർഗൃഹ്ണാതി ॥ 100 ॥ 1-24-2
താ ഉ॑ത്തര॒ത ഉപ॑ദധാതി ।
ഓജ॑സാ॒ വാ ഏ॒താ വഹ॑ന്തീരി॒വോദ്ഗ॑തീരി॒വ ആകൂജ॑തീരി॒വ ധാവ॑ന്തീഃ ।
ഓജ॑ ഏ॒വാസ്യോ᳚ത്തര॒തോ ദ॑ധാതി ।
തസ്മാ॒ദുത്ത॒രോഽർധ॑ ഓജ॒സ്വിത॑രഃ ।
സം॒ഭാ॒ര്യാ ഗൃ॑ഹ്ണാതി ।
താ മധ്യ॒ ഉപ॑ദധാതി ।
ഇ॒യം വൈ സം॑ഭാ॒ര്യാഃ ।
അ॒സ്യാമേ॒വ പ്രതി॑തിഷ്ഠതി ।
പ॒ല്വ॒ല്യാ ഗൃ॑ഹ്ണാതി ।
താ ഉ॒പരി॑ഷ്ടാദു॒പാദ॑ധാതി ॥ 101 ॥ 1-24-3
അ॒സൗ വൈ പ॑ല്വ॒ല്യാഃ ।
അ॒മുഷ്യാ॑മേ॒വ പ്രതി॑തിഷ്ഠതി ।
ദി॒ക്ഷൂപ॑ദധാതി ।
ദി॒ക്ഷു വാ ആപ॑: ।
അന്നം॒ വാ ആപ॑: ।
അ॒ദ്ഭ്യോ വാ അന്ന॑ഞ്ജായതേ ।
യദേ॒വാദ്ഭ്യോഽന്ന॒ഞ്ജായ॑തേ ।
തദവ॑രുന്ധേ ।
തം വാ ഏ॒തമ॑രു॒ണാഃ കേ॒തവോ॒ വാത॑രശ॒നാ ഋഷ॑യോഽചിന്വൻ ।
തസ്മാ॑ദാരുണകേ॒തുക॑: ॥ 102 ॥ 1-24-4
തദേ॒ഷാഽഭ്യനൂ᳚ക്താ ।
കേ॒തവോ॒ അരു॑ണാസശ്ച ।
ഋ॒ഷ॒യോ വാത॑രശ॒നാഃ ।
പ്ര॒തി॒ഷ്ഠാഗ്ം ശ॒തധാ॑ഹി ।
സ॒മാഹി॑താസോ സഹസ്ര॒ധായ॑സ॒മിതി॑ ।
ശ॒തശ॑ശ്ചൈ॒വ സ॒ഹസ്ര॑ശശ്ച॒ പ്രതി॑തിഷ്ഠതി ।
യ ഏ॒തമ॒ഗ്നിഞ്ചി॑നുതേ ।
യ ഉ॑ചൈനമേ॒വം വേദ॑ ॥ 103 ॥ 1-24-5
ജാ॒നു॒ദ॒ഘ്നീമു॑ത്തരവേ॒ദീംഖാ॒ത്വാ ।
അ॒പാം പൂ॑രയതി ।
അ॒പാഗ്ം സ॑ർവ॒ത്വായ॑ ।
പു॒ഷ്ക॒ര॒പ॒ർണഗ്ം രു॒ക്മം പുരു॑ഷ॒മിത്യുപ॑ദധാതി ।
തപോ॒ വൈ പു॑ഷ്കരപ॒ർണം ।
സ॒ത്യഗ്ം രു॒ക്മഃ ।
അ॒മൃതം॒ പുരു॑ഷഃ ।
ഏ॒താവ॒ദ്വാവാ᳚സ്തി ।
യാവ॑ദേ॒തത് ।
യാവ॑ദേ॒വാസ്തി॑ ॥ 104 ॥ 1-25-1
തദവ॑രുന്ധേ ।
കൂ॒ർമമുപ॑ദധാതി ।
അ॒പാമേ॒വ മേധ॒മവ॑രുന്ധേ ।
അഥോ᳚ സ്വ॒ർഗസ്യ॑ ലോ॒കസ്യ॒ സമ॑ഷ്ട്യൈ ।
ആപ॑മാപാമ॒പസ്സർവാ᳚: ।
അ॒സ്മാദ॒സ്മാദി॒തോഽമുത॑: ।
അ॒ഗ്നിർവാ॒യുശ്ച॒ സൂര്യ॑ശ്ച ।
സ॒ഹസ॑ഞ്ചസ്ക॒രർദ്ധി॑യാ॒ ഇതി॑ ।
വാ॒യ്വശ്വാ॑ രശ്മി॒പത॑യഃ ।
ലോ॒കം പൃ॑ണച്ഛി॒ദ്രം പൃ॑ണ ॥ 105 ॥ 1-25-2
യാസ്തി॒സ്രഃ പ॑രമ॒ജാഃ ।
ഇ॒ന്ദ്ര॒ഘോ॒ഷാ വോ॒ വസു॑ഭിരേ॒വാഹ്യേ॒വേതി॑ ।
പഞ്ച॒ചിത॑യ॒ ഉപദ॑ധാതി ।
പാങ്ക്തോ॒ഽഗ്നിഃ ।
യാവ॑നേ॒വാഗ്നിഃ ।
തഞ്ചി॑നുതേ ।
ലോ॒കമ്പൃ॑ണയാ ദ്വി॒തീയാ॒മുപ॑ദധാതി ।
പഞ്ച॑പദാ॒ വൈ വി॒രാട് ।
തസ്യാ॒ വാ ഇ॒യം പാദ॑: ।
അ॒ന്തരി॑ക്ഷം॒ പാദ॑: ।
ദ്യൗഃ പാദ॑: ।
ദിശ॒: പാദ॑: ।
പ॒രോര॑ജാ॒: പാദ॑: ।
വി॒രാജ്യേ॒വ പ്രതി॑തിഷ്ഠതി ।
യ ഏ॒തമ॒ഗ്നിഞ്ചി॑നു॒തേ ।
യ ഉ॑ചൈനമേ॒വം വേദ॑ ॥ 106 ॥ 1-25-3
അ॒ഗ്നിം പ്ര॒ണീയോ॑പസമാ॒ധായ॑ ।
തമ॒ഭിത॑ ഏ॒താ അ॒ബീഷ്ട॑കാ॒ ഉപ॑ദധാതി ।
അ॒ഗ്നി॒ഹോ॒ത്രേ ദ॑ർശപൂർണമാ॒സയോ᳚: ।
പ॒ശു॒ബ॒ന്ധേ ചാ॑തുർമാ॒സ്യേഷു॑ ।
അഥോ॑ ആഹുഃ ।
സർവേ॑ഷു യജ്ഞക്ര॒തുഷ്വിതി॑ ।
അഥ॑ ഹസ്മാഹാരു॒ണസ്സ്വാ॑യം॒ഭുവ॑: ।
സാ॒വി॒ത്രഃ സർവോ॒ഽഗ്നിരിത്യന॑നുഷംഗം മന്യാമഹേ ।
നാനാ॒ വാ ഏ॒തേഷാം᳚ വീ॒ര്യാ॑ണി ।
കമ॒ഗ്നിഞ്ചി॑നുതേ ॥ 107 ॥ 1-26-1
സ॒ത്രി॒യമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ।
സാ॒വി॒ത്രമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ।
നാ॒ചി॒കേ॒തമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ।
ചാ॒തു॒ർഹോ॒ത്രി॒യമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ।
വൈ॒ശ്വ॒സൃ॒ജമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ॥ 108 ॥ 1-26-2
ഉ॒പാ॒നു॒വാ॒ക്യ॑മാ॒ശുമ॒ഗ്നിഞ്ചി॑ന്വാ॒നഃ ।
കമ॒ഗ്നിഞ്ചി॑നുതേ ।
ഇ॒മമാ॑രുണകേതുകമ॒ഗ്നിഞ്ചി॑ന്വാ॒ന ഇതി॑ ।
വൃഷാ॒ വാ അ॒ഗ്നിഃ ।
വൃഷാ॑ണോ॒ സഗ്ഗ്സ്ഫാ॑ലയേത് ।
ഹ॒ന്യേതാ᳚സ്യ യ॒ജ്ഞഃ ।
തസ്മാ॒ന്നാനു॒ഷജ്യ॑: ।
സോത്ത॑രവേ॒ദിഷു॑ ക്ര॒തുഷു॑ ചിന്വീത ।
ഉ॒ത്ത॒ര॒വേ॒ദ്യാഗ്ം ഹ്യ॑ഗ്നിശ്ചീ॒യതേ᳚ ।
പ്ര॒ജാകാ॑മശ്ചിന്വീത ॥ 109 ॥ 1-26-3
പ്രാ॒ജാ॒പ॒ത്യോ വാ ഏ॒ഷോ᳚ഽഗ്നിഃ ।
പ്രാ॒ജാ॒പ॒ത്യാഃ പ്ര॒ജാഃ ।
പ്ര॒ജാവാ᳚ൻഭവതി ।
യ ഏ॒വം വേദ॑ ।
പ॒ശുകാ॑മശ്ചിന്വീത ।
സ॒ഞ്ജ്ഞാനം॒ വാ ഏ॒തത്പ॑ശൂ॒നാം ।
യദാപ॑: ।
പ॒ശൂ॒നാമേ॒വ സ॒ഞ്ജ്ഞാനേ॒ഽഗ്നിഞ്ചി॑നുതേ ।
പ॒ശു॒മാൻഭ॑വതി ।
യ ഏ॒വം വേദ॑ ॥ 110 ॥ 1-26-4
വൃഷ്ടി॑കാമശ്ചിന്വീത ।
ആപോ॒ വൈ വൃഷ്ടി॑: ।
പ॒ർജന്യോ॒ വർഷു॑കോ ഭവതി ।
യ ഏ॒വം വേദ॑ ।
ആ॒മ॒യാ॒വീ ചി॑ന്വീത ।
ആപോ॒ വൈ ഭേ॑ഷ॒ജം ।
ഭേ॒ഷ॒ജമേ॒വാസ്മൈ॑ കരോതി ।
സർവ॒മായു॑രേതി ।
അ॒ഭി॒ചരഗ്ഗ്॑ശ്ചിന്വീത ।
വജ്രോ॒ വാ ആപ॑: ॥ 111 ॥ 1-26-5
വജ്ര॑മേ॒വ ഭ്രാതൃ॑വ്യേഭ്യ॒: പ്രഹ॑രതി ।
സ്തൃ॒ണു॒ത ഏ॑നം ।
തേജ॑സ്കാമോ॒ യശ॑സ്കാമഃ ।
ബ്ര॒ഹ്മ॒വ॒ർച॒സകാ॑മസ്സ്വ॒ർഗകാ॑മശ്ചിന്വീത ।
ഏ॒താവ॒ദ്വാ വാ᳚സ്തി ।
യാവ॑ദേ॒തത് ।
യാവ॑ദേ॒വാസ്തി॑ ।
തദവ॑രുന്ധേ ।
തസ്യൈ॒തദ്വ്ര॒തം ।
വർഷ॑തി॒ ന ധാ॑വേത് ॥ 112 ॥ 1-26-6
അ॒മൃതം॒ വാ ആപ॑: ।
അ॒മൃത॒സ്യാന॑ന്തരിത്യൈ ।
നാപ്സു മൂത്ര॑പുരീ॒ഷങ്കു॑ര്യാത് ।
ന നിഷ്ഠീ॑വേത് ।
ന വി॒വസ॑നസ്സ്നായാത് ।
ഗുഹ്യോ॒ വാ ഏ॒ഷോ᳚ഽഗ്നിഃ ।
ഏ॒തസ്യാ॒ഗ്നേരന॑തിദാഹായ ।
ന പു॑ഷ്കരപ॒ർണാനി॒ ഹിര॑ണ്യം॒ വാഽധി॒തിഷ്ഠേ᳚ത് ।
ഏ॒തസ്യാ॒ഗ്നേരന॑ഭ്യാരോഹായ ।
ന കൂർമ॒സ്യാശ്നീ॑യാത് ।
നോദ॒കസ്യാ॒ഘാതു॑കാ॒ന്യേന॑മോദ॒കാനി॑ ഭവന്തി ।
അ॒ഘാതു॑കാ॒ ആപ॑: ।
യ ഏ॒തമ॒ഗ്നിഞ്ചി॑നു॒തേ ।
യ ഉ॑ചൈനമേ॒വം വേദ॑ ॥ 113 ॥ 1-26-7
ഇ॒മാനു॑കം॒ ഭുവ॑നാ സീഷധേമ ।
ഇന്ദ്ര॑ശ്ച॒ വിശ്വേ॑ ച ദേ॒വാഃ ।
യ॒ജ്ഞഞ്ച॑ നസ്ത॒ന്വഞ്ച॑ പ്ര॒ജാഞ്ച॑ ।
ആ॒ദി॒ത്യൈരിന്ദ്ര॑സ്സ॒ഹ സീ॑ഷധാതു ।
ആ॒ദി॒ത്യൈരിന്ദ്ര॒സ്സഗ॑ണോ മ॒രുദ്ഭി॑: ।
അ॒സ്മാകം॑ ഭൂത്വവി॒താ ത॒നൂനാം᳚ ।
ആപ്ല॑വസ്വ॒ പ്രപ്ല॑വസ്വ ।
ആ॒ണ്ഡീ ഭ॑വ ജ॒ മാ മു॒ഹുഃ ।
സുഖാദീന്ദു॑:ഖനി॒ധനാം ।
പ്രതി॑മുഞ്ചസ്വ॒ സ്വാം പു॒രം ॥ 114 ॥ 1-27-1
മരീ॑ചയസ്സ്വായംഭു॒വാഃ ।
യേ ശ॑രീ॒രാണ്യ॑കല്പയൻ ।
തേ തേ॑ ദേ॒ഹങ്ക॑ല്പയന്തു ।
മാ ച॑ തേ॒ ഖ്യാ സ്മ॑ തീരിഷത് ।
ഉത്തി॑ഷ്ഠത॒ മാ സ്വ॑പ്ത ।
അ॒ഗ്നിമി॑ച്ഛധ്വം॒ ഭാര॑താഃ ।
രാജ്ഞ॒സ്സോമ॑സ്യ തൃ॒പ്താസ॑: ।
സൂര്യേ॑ണ സ॒യുജോ॑ഷസഃ ।
യുവാ॑ സു॒വാസാ᳚: ।
അ॒ഷ്ടാച॑ക്രാ॒ നവ॑ദ്വാരാ ॥ 115 ॥ 1-27-2
ദേ॒വാനാം॒ പൂര॑യോ॒ധ്യാ ।
തസ്യാഗ്ം॑ ഹിരണ്മ॑യഃ കോ॒ശഃ ।
സ്വ॒ർഗോ ലോ॒കോ ജ്യോതി॒ഷാഽഽവൃ॑തഃ ।
യോ വൈ താം᳚ ബ്രഹ്മ॑ണോ വേ॒ദ ।
അ॒മൃതേ॑നാഽഽവൃ॒താം പു॑രീം ।
തസ്മൈ᳚ ബ്രഹ്മ ച॑ ബ്രഹ്മാ॒ ച ।
ആ॒യുഃ കീർതിം॑ പ്ര॒ജാന്ദ॑ദുഃ ।
വി॒ഭ്രാജ॑മാനാ॒ഗ്ം॒ ഹരി॑ണീം ।
യ॒ശസാ॑ സമ്പ॒രീവൃ॑താം ।
പുരഗ്ം॑ ഹിരണ്മ॑യീം ബ്ര॒ഹ്മാ ॥ 116 ॥ 1-27-3
വി॒വേശാ॑ഽപ॒രാജി॑താ ।
പരാങേത്യ॑ജ്യാമ॒യീ ।
പരാങേത്യ॑നാശ॒കീ ।
ഇ॒ഹ ചാ॑മുത്ര॑ ചാന്വേ॒തി ।
വി॒ദ്വാന്ദേ॑വാസു॒രാനു॑ഭ॒യാൻ ।
യത്കു॑മാ॒രീ മ॒ന്ദ്രയ॑തേ ।
യ॒ദ്യോ॒ഷദ്യത്പ॑തി॒വ്രതാ᳚ ।
അരി॑ഷ്ടം॒ യത്കിഞ്ച॑ ക്രി॒യതേ᳚ ।
അ॒ഗ്നിസ്തദനു॑വേധതി ।
അ॒ശൃതാ॑സശ്ശൃ॑താസ॒ശ്ച ॥ 117 ॥ 1-27-4
യ॒ജ്വാനോ॒ യേഽപ്യ॑യ॒ജ്വന॑: ।
സ്വ॑ര്യന്തോ॒ നാപേ᳚ക്ഷന്തേ ।
ഇന്ദ്ര॑മ॒ഗ്നിഞ്ച॑ യേ വി॒ദുഃ ।
സിക॑താ ഇവ സ॒മ്യന്തി॑ ।
ര॒ശ്മിഭി॑സ്സമു॒ദീരി॑താഃ ।
അ॒സ്മാല്ലോ॒കാദ॑മുഷ്മാ॒ച്ച ।
ഋ॒ഷിഭി॑രദാത്പൃ॒ശ്നിഭി॑ ।
അപേ॑ത॒ വീത॒ വി ച॑ സർപ॒താത॑: ।
യേഽത്ര॒ സ്ഥ പു॑രാ॒ണാ യേ ച॒ നൂത॑നാഃ ।
അഹോ॑ഭിര॒ദ്ഭിര॒ക്തുഭി॒ർവ്യ॑ക്തം ॥ 118 ॥ 1-27-5
യ॒മോ ദ॑ദാത്വവ॒സാന॑മസ്മൈ ।
നൃ മു॑ണന്തു നൃ പാ॒ത്വര്യ॑: ।
അ॒കൃ॒ഷ്ടാ യേ ച॒ കൃഷ്ട॑ജാഃ ।
കു॒മാരീ॑ഷു ക॒നീനീ॑ഷു ।
ജാ॒രിണീ॑ഷു ച॒ യേ ഹി॒താഃ ।
രേത॑: പീതാ॒ ആണ്ഡ॑പീതാഃ ।
അംഗാ॑രേഷു ച॒ യേ ഹു॒താഃ ।
ഉ॒ഭയാ᳚ൻ പുത്ര॑പൗത്ര॒കാൻ ।
യു॒വേ॒ഽഹം യ॒മരാജ॑ഗാൻ ।
ശ॒തമിന്നു ശ॒രദ॑: ॥ 119 ॥ 1-27-6
അദോ॒ യദ്ബ്രഹ്മ॑ വില॒ബം ।
പി॒തൃ॒ണാഞ്ച॑ യ॒മസ്യ॑ ച ।
വരു॑ണ॒സ്യാശ്വി॑നോര॒ഗ്നേഃ ।
മ॒രുതാ᳚ഞ്ച വി॒ഹായ॑സാം ।
കാ॒മ॒പ്ര॒യവ॑ണം മേ അസ്തു ।
സ ഹ്യേ॑വാസ്മി॑ സ॒നാത॑നഃ ।
ഇതി നാകോ ബ്രഹ്മിശ്രവോ॑ രായോ॒ ധനം ।
പു॒ത്രാനാപോ॑ ദേ॒വീരി॒ഹാഹി॑താ ॥ 120 ॥ 1-27-7
വിശീ᳚ർഷ്ണീം॒ ഗൃധ്ര॑ശീർഷ്ണീഞ്ച ।
അപേതോ॑ നിരൃ॒തിഗ്ം ഹ॑ഥഃ ।
പരിബാധഗ്ഗ് ശ്വേ॑തകു॒ക്ഷം ।
നി॒ജംഘഗ്ം॑ ശബ॒ലോദ॑രം ।
സ॒ താന്വാ॒ച്യായ॑യാ സ॒ഹ ।
അഗ്നേ॒ നാശ॑യ സ॒ന്ദൃശ॑: ।
ഈ॒ർഷ്യാ॒സൂ॒യേ ബു॑ഭു॒ക്ഷാം ।
മ॒ന്യും കൃ॒ത്യാഞ്ച॑ ദീധിരേ ।
രഥേ॑ന കിഗ്ംശു॒കാവ॑താ ।
അഗ്നേ॒ നാശ॑യ സ॒ന്ദൃശ॑: ॥ 121 ॥ 1-28-1
പ॒ർജന്യാ॑യ॒ പ്രഗാ॑യത ।
ദി॒വസ്പു॒ത്രായ॑ മീ॒ഢുഷേ᳚ ।
സ നോ॑ യ॒വസ॑മിച്ഛതു ।
ഇ॒ദം വച॑: പ॒ർജന്യാ॑യ സ്വ॒രാജേ᳚ ।
ഹൃ॒ദോ അ॒സ്ത്വന്ത॑ര॒ന്തദ്യു॑യോത ।
മ॒യോ॒ഭൂർവാതോ॑ വി॒ശ്വകൃ॑ഷ്ടയസ്സന്ത്വ॒സ്മേ ।
സു॒പി॒പ്പ॒ലാ ഓഷ॑ധീർദേ॒വഗോ॑പാഃ ।
യോ ഗർഭ॒മോഷ॑ധീനാം ।
ഗവാ᳚ങ്കൃ॒ണോത്യർവ॑താം ।
പ॒ർജന്യ॑: പുരു॒ഷീണാം᳚ ॥ 122 ॥ 1-29-1
പുന॑ർമാമൈത്ത്വിന്ദ്രി॒യം ।
പുന॒രായു॒: പുന॒ർഭഗ॑: ।
പുന॒ർബ്രാഹ്മ॑ണമൈതു മാ ।
പുന॒ർദ്രവി॑ണമൈതു മാ ।
യന്മേ॒ഽദ്യ രേത॑: പൃഥി॒വീമസ്കാൻ॑ ।
യദോഷ॑ധീര॒പ്യസ॑ര॒ദ്യദാപ॑: ।
ഇ॒ദന്തത്പുന॒രാദ॑ദേ ।
ദീ॒ർഘാ॒യു॒ത്ത്വായ॒ വർച॑സേ ।
യന്മേ॒ രേത॒: പ്രസി॑ച്യതേ ।
യന്മ॒ ആജാ॑യതേ॒ പുന॑: ।
തേന॑ മാമ॒മൃത॑ങ്കുരു ।
തേന॑ സുപ്ര॒ജസ॑ങ്കുരു ॥ 123 ॥ 1-30-1
അ॒ദ്ഭ്യസ്തിരോ॒ധാഽജാ॑യത ।
തവ॑ വൈശ്രവ॒ണസ്സ॑ദാ ।
തിരോ॑ധേഹി സപ॒ത്നാന്ന॑: ।
യേ അപോ॒ഽശ്നന്തി॑ കേച॒ന ।
ത്വാ॒ഷ്ട്രീം മാ॒യാം വൈ᳚ശ്രവ॒ണഃ ।
രഥഗ്ം॑ സഹസ്ര॒വന്ധു॑രം ।
പു॒രു॒ശ്ച॒ക്രഗ്ം സഹ॑സ്രാശ്വം ।
ആസ്ഥാ॒യായാ॑ഹി നോ ബ॒ലിം ।
യസ്മൈ॑ ഭൂ॒താനി॑ ബ॒ലിമാവ॑ഹന്തി ।
ധനം॒ഗാവോ॒ ഹസ്തി॒ഹിര॑ണ്യ॒മശ്വാൻ॑ ॥ 124 ॥ 1-31-1
അസാ॑മ സുമ॒തൗ യ॒ജ്ഞിയ॑സ്യ ।
ശ്രിയം॒ ബിഭ്ര॒തോഽന്ന॑മുഖീം വി॒രാജം᳚ ।
സു॒ദ॒ർശ॒നേ ച॑ ക്രോ॒ഞ്ചേ ച॑ ।
മൈ॒നാ॒ഗേ ച॑ മ॒ഹാഗി॑രൗ ।
സ॒തദ്വാ॒ട്ടാര॑ഗമ॒ന്താ ।
സ॒ഗ്ം॒ഹാര്യ॒ന്നഗ॑രം॒ തവ॑ ।
ഇതി മന്ത്രാ᳚: ।
കല്പോ॑ഽത ഊ॒ർധ്വം ।
യദി॒ ബലി॒ഗ്ം॒ ഹരേ᳚ത് ।
ഹി॒ര॒ണ്യ॒നാ॒ഭയേ॑ വിതു॒ദയേ॑ കൗബേ॒രായാ॒യം ബ॑ലിഃ ॥ 125 ॥ 1-31-2
സർവഭൂതധിപതയേ ന॑മ ഇ॒തി ।
അഥ ബലിഗ്ം ഹൃത്വോപ॑തിഷ്ഠേ॒ത ।
ക്ഷ॒ത്ത്രം ക്ഷ॒ത്ത്രം വൈ᳚ശ്രവ॒ണഃ ।
ബ്രാഹ്മണാ॑ വയ॒ഗ്ഗ്॒സ്മഃ ।
നമ॑സ്തേ അസ്തു॒ മാ മാ॑ ഹിഗ്ംസീഃ ।
അസ്മാത്പ്രവിശ്യാന്ന॑മദ്ധീ॒തി ।
അഥ തമഗ്നിമാ॑ദധീ॒ത ।
യസ്മിന്നേതത്കർമ പ്ര॑യുഞ്ജീ॒ത ।
തി॒രോധാ॒ ഭൂഃ ।
തി॒രോധാ॒ ഭുവ॑: ॥ 126 ॥ 1-31-3
തി॒രോധാ॒സ്സ്വ॑: ।
തി॒രോധാ॒ ഭൂർഭുവ॒സ്സ്വ॑: ।
സർവേഷാം ലോകാനാമാധിപത്യേ॑ സീദേ॒തി ।
അഥ തമഗ്നി॑മിന്ധീ॒ത ।
യസ്മിന്നേതത്കർമ പ്ര॑യുഞ്ജീ॒ത ।
തി॒രോധാ॒ ഭൂസ്സ്വാഹാ᳚ ।
തി॒രോധാ॒ ഭുവ॒സ്സ്വാഹാ᳚ ।
തി॒രോധാ॒ സ്വ॑സ്സ്വാഹാ᳚ ।
തി॒രോധാ॒ ഭൂർഭുവ॒സ്സ്വ॑സ്സ്വാഹാ᳚ ।
യസ്മിന്നസ്യ കാലേ സർവാ ആഹുതീർഹുതാ॑ ഭവേ॒യുഃ ॥ 127 ॥ 1-31-4
അപി ബ്രാഹ്മണ॑മുഖീ॒നാഃ ।
തസ്മിന്നഹ്നഃ കാലേ പ്ര॑യുഞ്ജീ॒ത ।
പര॑സ്സു॒പ്തജ॑നാദ്വേ॒പി ।
മാസ്മ പ്രമാദ്യന്ത॑മാധ്യാ॒പയേത് ।
സർവാർഥാ᳚: സിദ്ധ്യ॒ന്തേ ।
യ ഏ॑വം വേ॒ദ ।
ക്ഷുധ്യന്നിദ॑മജാ॒നതാം ।
സർവാർഥാ ന॑ സിദ്ധ്യ॒ന്തേ ।
യസ്തേ॑ വി॒ഘാതു॑കോ ഭ്രാ॒താ ।
മമാന്തർഹൃ॑ദയേ॒ ശ്രിതഃ ॥ 128 ॥ 1-31-5
തസ്മാ॑ ഇ॒മമഗ്ര॒പിണ്ഡ॑ഞ്ജുഹോമി ।
സ മേ᳚ഽർഥാ॒ന്മാ വിവ॑ധീത് ।
മയി॒ സ്വാഹാ᳚ ।
രാ॒ജാ॒ധി॒രാ॒ജായ॑ പ്രസഹ്യസാ॒ഹിനേ᳚ ।
നമോ॑ വ॒യം വൈ᳚ശ്രവ॒ണായ॑ കുർമഹേ ।
സ മേ॒ കാമാ॒ൻകാമ॒കാമാ॑യ॒ മഹ്യം᳚ ।
കാ॒മേ॒ശ്വ॒രോ വൈ᳚ശ്രവ॒ണോ ദ॑ദാതു ।
കു॒ബേ॒രായ॑ വൈശ്രവ॒ണായ॑ ।
മ॒ഹാ॒രാ॒ജായ॒ നമ॑: ।
കേ॒തവോ॒ അരു॑ണാസശ്ച ।
ഋ॒ഷ॒യോ വാത॑രശ॒നാഃ ।
പ്ര॒തി॒ഷ്ഠാഗ്ം ശ॒തധാ॑ ഹി ।
സ॒മാഹി॑താസോ സഹസ്ര॒ധായ॑സം ।
ശി॒വാ ന॒ശ്ശന്ത॑മാ ഭവന്തു ।
ദി॒വ്യാ ആപ॒ ഓഷ॑ധയഃ ।
സു॒മൃ॒ഡീ॒കാ സര॑സ്വതി ।
മാ തേ॒ വ്യോ॑മ സ॒ന്ദൃശി॑ ॥ 129 ॥ 1-31-6
സംവത്സരമേത॑ദ്വ്രത॒ഞ്ചരേത് ।
ദ്വൗ॑ വാ മാ॒സൗ ।
നിയമസ്സ॑മാസേ॒ന ।
തസ്മിന്നിയമ॑വിശേ॒ഷാഃ ।
ത്രിഷവണമുദകോ॑പസ്പ॒ർശീ ।
ചതുർഥകാലപാന॑ഭക്ത॒സ്സ്യാത് ।
അഹരഹർവാ ഭൈക്ഷ॑മശ്നീ॒യാത് ।
ഔദുംബരീഭിഃ സമിദ്ഭിരഗ്നിം॑ പരി॒ചരേത് ।
പുനർമാ മൈത്ത്വിന്ദ്രിയമിത്യേതേനാഽനു॑വാകേ॒ന ।
ഉദ്ധൃതപരിപൂതാഭിരദ്ഭിഃ കാര്യ॑ങ്കുർവീ॒ത ॥ 130 ॥ 1-32-1
അ॑സഞ്ച॒യവാൻ ।
അഗ്നയേ വായവേ॑ സൂര്യാ॒യ ।
ബ്രഹ്മണേ പ്ര॑ജാപ॒തയേ ।
ചന്ദ്രമസേ ന॑ക്ഷത്രേ॒ഭ്യഃ ।
ഋതുഭ്യസ്സംവ॑ഥ്സരാ॒യ ।
വരുണായാരുണായേതി വ്ര॑തഹോ॒മാഃ ।
പ്ര॒വ॒ർഗ്യവ॑ദാദേ॒ശഃ ।
അരുണാഃ കാ᳚ണ്ഡഋ॒ഷയഃ ।
അരണ്യേ॑ഽധീയീ॒രൻ ।
ഭദ്രം കർണേഭിരിതി ദ്വേ॑ ജപി॒ത്വാ ॥ 131 ॥ 1-32-2
മഹാനാമ്നീഭിരുദകഗ്ം സ॑ഗ്ഗ്സ്പ॒ർശ്യ ।
തമാചാ᳚ര്യോ ദ॒ദ്യാത് ।
ശിവാ നശ്ശന്തമേത്യോശധീ॑രാല॒ഭതേ ।
സുമൃഡീകേ॑തി ഭൂ॒മിം ।
ഏവമ॑പവ॒ർഗേ ।
ധേ॑നുർദ॒ക്ഷിണാ ।
കഗ്ംസം വാസ॑ശ്ച ക്ഷൗ॒മം ।
അന്യ॑ദ്വാശു॒ക്ലം ।
യ॑ഥാശ॒ക്തി വാ ।
ഏവഗ്ഗ് സ്വാധ്യായ॑ധർമേ॒ണ ।
അരണ്യേ॑ഽധീയീ॒ത ।
തപസ്വീ പുണ്യോ ഭവതി തപസ്വീ പു॑ണ്യോ ഭ॒വതി ॥ 132 ॥ 1-32-3
ഭ॒ദ്രം കർണേ॑ഭിഃ ശൃണു॒യാമ॑ ദേവാഃ ।
ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ ।
സ്ഥി॒രൈരംഗൈ᳚സ്തുഷ്ടു॒വാഗ്ംസ॑സ്ത॒നൂഭി॑: ।
വ്യശേ॑മ ദേ॒വഹി॑തം॒ യദായു॑: ।
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।
സ്വ॒സ്തി ന॑: പൂ॒ഷാ വി॒ശ്വവേ॑ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ ।
സ്വ॒സ്തി നോ॒ ബൃഹ॒സ്പതി॑ർദധാതു ॥
ഓം ശാന്തി॒: ശാന്തി॒: ശാന്തി॑: ॥
Recite with devotion and pure heart
Regular practice brings spiritual benefits