(ತೈ।ಆ।1।0।0) ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್ಂಸ॑ಸ್ತ॒ನೂಭಿ॑: । ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯು॑: । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನ॑: ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಓಂ ಶಾಂತಿ॒: ಶಾಂತಿ॒: ಶಾಂತಿ॑: ॥ 1-0-0 ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್ಂಸ॑ಸ್ತ॒ನೂಭಿ॑: । ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯು॑: । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನ॑: ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು । ಆಪ॑ಮಾಪಾಮ॒ಪಃ ಸರ್ವಾ᳚: । ಅ॒ಸ್ಮಾದ॒ಸ್ಮಾದಿ॒ತೋಽಮುತ॑: ॥ 1 ॥ 1-1-1 ಅ॒ಗ್ನಿರ್ವಾ॒ಯುಶ್ಚ॒ ಸೂರ್ಯ॑ಶ್ಚ । ಸ॒ಹ ಸಂ॑ಚರಸ್ಕ॒ರರ್ದ್ಧಿ॑ಯಾ । ವಾ॒ಯ್ವಶ್ವಾ॑ ರಶ್ಮಿ॒ಪತ॑ಯಃ । ಮರೀ᳚ಚ್ಯಾತ್ಮಾನೋ॒ ಅದ್ರು॑ಹಃ । ದೇ॒ವೀರ್ಭು॑ವನ॒ಸೂವ॑ರೀಃ । ಪು॒ತ್ರ॒ವ॒ತ್ವಾಯ॑ ಮೇ ಸುತ । ಮಹಾನಾಮ್ನೀರ್ಮ॑ಹಾಮಾ॒ನಾಃ । ಮ॒ಹ॒ಸೋ ಮ॑ಹಸ॒ಸ್ಸ್ವ॑: । ದೇ॒ವೀಃ ಪ॑ರ್ಜನ್ಯ॒ಸೂವ॑ರೀಃ । ಪು॒ತ್ರ॒ವ॒ತ್ವಾಯ॑ ಮೇ ಸುತ ॥ 2 ॥ 1-1-2 ಅ॒ಪಾಶ್ನ್ಯು॑ಷ್ಣಿಮ॒ಪಾ ರಕ್ಷ॑: । ಅ॒ಪಾಶ್ನ್ಯು॑ಷ್ಣಿಮ॒ಪಾರಘಂ᳚ । ಅಪಾ᳚ಘ್ರಾ॒ಮಪ॑ ಚಾ॒ವರ್ತಿಂ᳚ । ಅಪ॑ದೇ॒ವೀರಿ॒ತೋ ಹಿ॑ತ । ವಜ್ರಂ॑ ದೇ॒ವೀರಜೀ॑ತಾಗ್ಶ್ಚ । ಭುವ॑ನಂ ದೇವ॒ಸೂವ॑ರೀಃ । ಆ॒ದಿ॒ತ್ಯಾನದಿ॑ತಿಂ ದೇ॒ವೀಂ । ಯೋನಿ॑ನೋರ್ಧ್ವಮು॒ದೀಷ॑ತ । ಶಿ॒ವಾನ॒ಶ್ಶಂತ॑ಮಾ ಭವಂತು । ದಿ॒ವ್ಯಾ ಆಪ॒ ಓಷ॑ಧಯಃ । ಸು॒ಮೃ॒ಡೀ॒ಕಾ ಸರ॑ಸ್ವತಿ । ಮಾ ತೇ॒ ವ್ಯೋ॑ಮ ಸಂ॒ದೃಶಿ॑ ॥ 3 ॥ 1-1-3 ಸ್ಮೃತಿ॑: ಪ್ರ॒ತ್ಯಕ್ಷ॑ಮೈತಿ॒ಹ್ಯಂ᳚ । ಅನು॑ಮಾನಶ್ಚತುಷ್ಟ॒ಯಂ । ಏ॒ತೈರಾದಿ॑ತ್ಯಮಂಡಲಂ । ಸರ್ವೈ॑ರೇವ॒ ವಿಧಾ᳚ಸ್ಯತೇ । ಸೂರ್ಯೋ॒ ಮರೀ॑ಚಿ॒ಮಾದ॑ತ್ತೇ । ಸರ್ವಸ್ಮಾ᳚ದ್ಭುವ॑ನಾದ॒ಧಿ । ತಸ್ಯಾಃ ಪಾಕವಿ॑ಶೇಷೇ॒ಣ । ಸ್ಮೃ॒ತಂ ಕಾ॑ಲವಿ॒ಶೇಷ॑ಣಂ । ನ॒ದೀವ॒ ಪ್ರಭ॑ವಾತ್ಕಾ॒ಚಿತ್ । ಅ॒ಕ್ಷಯ್ಯಾ᳚ತ್ಸ್ಯಂದ॒ತೇ ಯ॑ಥಾ ॥ 4 ॥ 1-2-1 ತಾನ್ನದ್ಯೋಽಭಿಸ॑ಮಾಯಂ॒ತಿ । ಸೋ॒ರುಸ್ಸತೀ॑ ನ ನಿ॒ವರ್ತ॑ತೇ । ಏ॒ವನ್ನಾ॒ನಾಸ॑ಮುತ್ಥಾ॒ನಾಃ । ಕಾ॒ಲಾಸ್ಸಂ॑ವತ್ಸ॒ರಗ್ಗ್ ಶ್ರಿ॑ತಾಃ । ಅಣುಶಶ್ಚ ಮ॑ಹಶ॒ಶ್ಚ । ಸರ್ವೇ॑ ಸಮವ॒ಯಂತ್ರಿ॑ತಂ । ಸತೈ᳚ಸ್ಸ॒ರ್ವೈಸ್ಸ॑ಮಾವಿ॒ಷ್ಟಃ । ಊ॒ರುಸ್ಸ॑ನ್ನ ನಿ॒ವರ್ತ॑ತೇ । ಅಧಿಸಂವತ್ಸ॑ರಂ ವಿ॒ದ್ಯಾತ್ । ತದೇವ॑ ಲಕ್ಷ॒ಣೇ ॥ 5 ॥ 1-2-2 ಅಣುಭಿಶ್ಚ ಮ॑ಹದ್ಭಿ॒ಶ್ಚ । ಸ॒ಮಾರೂ॑ಢಃ ಪ್ರ॒ದೃಶ್ಯ॑ತೇ । ಸಂವತ್ಸರಃ ಪ್ರ॑ತ್ಯಕ್ಷೇ॒ಣ । ನಾ॒ಧಿಸ॑ತ್ವಃ ಪ್ರ॒ದೃಶ್ಯ॑ತೇ । ಪ॒ಟರೋ॑ ವಿಕ್ಲಿ॑ಧಃ ಪಿಂ॒ಗಃ । ಏ॒ತದ್ವ॑ರುಣ॒ಲಕ್ಷ॑ಣಂ । ಯತ್ರೈತ॑ದುಪ॒ದೃಶ್ಯ॑ತೇ । ಸ॒ಹಸ್ರಂ॑ ತತ್ರ॒ ನೀಯ॑ತೇ । ಏಕಗ್ಂಹಿ ಶಿರೋ ನಾ॑ನಾ ಮು॒ಖೇ । ಕೃ॒ತ್ಸ್ನಂ ತ॑ದೃತು॒ಲಕ್ಷ॑ಣಂ ॥ 6 ॥ 1-2-3 ಉಭಯತಸ್ಸಪ್ತೇಂ᳚ದ್ರಿಯಾ॒ಣಿ । ಜ॒ಲ್ಪಿತಂ॑ ತ್ವೇವ॒ ದಿಹ್ಯ॑ತೇ । ಶುಕ್ಲಕೃಷ್ಣೇ ಸಂವ॑ತ್ಸರ॒ಸ್ಯ । ದಕ್ಷಿಣವಾಮ॑ಯೋಃ ಪಾ॒ರ್ಶ್ವಯೋಃ । ತಸ್ಯೈ॒ಷಾ ಭವ॑ತಿ । ಶು॒ಕ್ರಂ ತೇ॑ ಅ॒ನ್ಯದ್ಯ॑ಜ॒ತಂ ತೇ॑ ಅ॒ನ್ಯತ್ । ವಿಷು॑ರೂಪೇ॒ ಅಹ॑ನೀ॒ ದ್ಯೌರಿ॑ವಾಸಿ । ವಿಶ್ವಾ॒ ಹಿ ಮಾ॒ಯಾ ಅವ॑ಸಿ ಸ್ವಧಾವಃ । ಭ॒ದ್ರಾ ತೇ॑ ಪೂಷನ್ನಿ॒ಹ ರಾ॒ತಿರ॒ಸ್ತ್ವಿತಿ॑ । ನಾತ್ರ॒ ಭುವ॑ನಂ । ನ ಪೂ॒ಷಾ । ನ ಪ॒ಶವ॑: । ನಾದಿತ್ಯಸ್ಸಂವತ್ಸರ ಏವ ಪ್ರತ್ಯಕ್ಷೇಣ ಪ್ರಿಯತ॑ಮಂ ವಿ॒ದ್ಯಾತ್ । ಏತದ್ವೈ ಸಂವತ್ಸರಸ್ಯ ಪ್ರಿಯತ॑ಮಗ್ಂ ರೂ॒ಪಂ । ಯೋಽಸ್ಯ ಮಹಾನರ್ಥ ಉತ್ಪತ್ಸ್ಯಮಾ॑ನೋ ಭ॒ವತಿ । ಇದಂ ಪುಣ್ಯಂ ಕು॑ರುಷ್ವೇ॒ತಿ । ತಮಾಹರ॑ಣಂ ದ॒ದ್ಯಾತ್ ॥ 7 ॥ 1-2-4 ಸಾ॒ಕಂ॒ಜಾನಾಗ್ಂ॑ ಸ॒ಪ್ತಥ॑ಮಾಹುರೇಕ॒ಜಂ । ಷಡು॑ದ್ಯ॒ಮಾ ಋಷ॑ಯೋ ದೇವ॒ಜಾ ಇತಿ॑ । ತೇಷಾ॑ಮಿ॒ಷ್ಟಾನಿ॒ ವಿಹಿ॑ತಾನಿ ಧಾಮ॒ಶಃ । ಸ್ಥಾ॒ತ್ರೇ ರೇ॑ಜಂತೇ॒ ವಿಕೃ॑ತಾನಿ ರೂಪ॒ಶಃ । ಕೋ ನು॑ ಮರ್ಯಾ॒ ಅಮಿ॑ಥಿತಃ । ಸಖಾ॒ ಸಖಾ॑ಯಮಬ್ರವೀತ್ । ಜಹಾ॑ಕೋ ಅ॒ಸ್ಮದೀ॑ಷತೇ । ಯಸ್ತಿ॒ತ್ಯಾಜ॑ ಸಖಿ॒ವಿದ॒ಗ್ಂ॒ ಸಖಾ॑ಯಂ । ನ ತಸ್ಯ॑ ವಾ॒ಚ್ಯಪಿ॑ ಭಾ॒ಗೋ ಅ॑ಸ್ತಿ । ಯದೀಗ್ಂ॑ ಶೃ॒ಣೋತ್ಯ॒ಲಕಗ್ಂ॑ ಶೃಣೋತಿ ॥ 8 ॥ 1-3-1 ನ ಹಿ ಪ್ರ॒ವೇದ॑ ಸುಕೃ॒ತಸ್ಯ॒ ಪಂಥಾ॒ಮಿತಿ॑ । ಋ॒ತುರೃ॑ತುನಾ ನು॒ದ್ಯಮಾ॑ನಃ । ವಿನ॑ನಾದಾ॒ಭಿಧಾ॑ವಃ । ಷಷ್ಟಿಶ್ಚ ತ್ರಿಗ್ಂಶ॑ಕಾ ವ॒ಲ್ಗಾಃ । ಶು॒ಕ್ಲಕೃ॑ಷ್ಣೌ ಚ॒ ಷಾಷ್ಟಿ॑ಕೌ । ಸಾ॒ರಾ॒ಗ॒ವ॒ಸ್ತ್ರೈರ್ಜ॒ರದ॑ಕ್ಷಃ । ವ॒ಸಂ॒ತೋ ವಸು॑ಭಿಸ್ಸ॒ಹ । ಸಂ॒ವ॒ತ್ಸ॒ರಸ್ಯ॑ ಸವಿ॒ತುಃ । ಪ್ರೈ॒ಷ॒ಕೃತ್ಪ್ರ॑ಥ॒ಮಃ ಸ್ಮೃ॑ತಃ । ಅ॒ಮೂನಾ॒ದಯ॑ತೇತ್ಯ॒ನ್ಯಾನ್ ॥ 9 ॥ 1-3-2 ಅ॒ಮೂಗ್ಶ್ಚ॑ ಪರಿ॒ರಕ್ಷ॑ತಃ । ಏ॒ತಾ ವಾ॒ಚಃ ಪ್ರ॑ಯುಜ್ಯಂ॒ತೇ । ಯತ್ರೈತ॑ದುಪ॒ದೃಶ್ಯ॑ತೇ । ಏ॒ತದೇ॒ವ ವಿ॑ಜಾನೀ॒ಯಾತ್ । ಪ್ರ॒ಮಾಣಂ॑ ಕಾಲ॒ಪರ್ಯ॑ಯೇ । ವಿ॒ಶೇ॒ಷ॒ಣಂ ತು॑ ವಕ್ಷ್ಯಾ॒ಮಃ । ಋ॒ತೂನಾಂ᳚ ತನ್ನಿ॒ಬೋಧ॑ತ । ಶುಕ್ಲವಾಸಾ॑ ರುದ್ರ॒ಗಣಃ । ಗ್ರೀ॒ಷ್ಮೇಣಾ॑ಽಽವರ್ತ॒ತೇ ಸ॑ಹ । ನಿ॒ಜಹ॑ನ್ಪೃಥಿ॑ವೀಗ್ಂ ಸ॒ರ್ವಾಂ ॥ 10 ॥ 1-3-3 ಜ್ಯೋ॒ತಿಷಾ᳚ಽಪ್ರತಿ॒ಖ್ಯೇನ॑ ಸಃ । ವಿ॒ಶ್ವ॒ರೂ॒ಪಾಣಿ॑ ವಾಸಾ॒ಗ್ಂ॒ಸಿ । ಆ॒ದಿ॒ತ್ಯಾನಾಂ᳚ ನಿ॒ಬೋಧ॑ತ । ಸಂವತ್ಸರೀಣಂ॑ ಕರ್ಮ॒ಫಲಂ । ವರ್ಷಾಭಿರ್ದ॑ದತಾ॒ಗ್ಂ॒ ಸಹ । ಅದುಃಖೋ॑ ದುಃಖಚ॑ಕ್ಷುರಿ॒ವ । ತದ್ಮಾ॑ ಪೀತ ಇವ॒ ದೃಶ್ಯ॑ತೇ । ಶೀತೇನಾ᳚ವ್ಯಥ॑ಯನ್ನಿ॒ವ । ರು॒ರುದ॑ಕ್ಷ ಇವ॒ ದೃಶ್ಯ॑ತೇ । ಹ್ಲಾದಯತೇ᳚ ಜ್ವಲ॑ತಶ್ಚೈ॒ವ । ಶಾ॒ಮ್ಯತ॑ಶ್ಚಾಸ್ಯ॒ ಚಕ್ಷು॑ಷೀ । ಯಾ ವೈ ಪ್ರಜಾ ಭ್ರ॑ಗ್ಗ್ಶ್ಯಂ॒ತೇ । ಸಂವತ್ಸರಾತ್ತಾ ಭ್ರ॑ಗ್ಗ್ಶ್ಯಂ॒ತೇ । ಯಾ॒: ಪ್ರತಿ॑ತಿಷ್ಠಂ॒ತಿ । ಸಂವತ್ಸರೇ ತಾಃ ಪ್ರತಿ॑ತಿಷ್ಠಂ॒ತಿ । ವ॒ರ್ಷಾಭ್ಯ॑ ಇತ್ಯ॒ರ್ಥಃ ॥ 11 ॥ 1-3-4 ಅಕ್ಷಿ॑ದು॒:ಖೋತ್ಥಿ॑ತಸ್ಯೈ॒ವ । ವಿ॒ಪ್ರಸ॑ನ್ನೇ ಕ॒ನೀನಿ॑ಕೇ । ಆಂಕ್ತೇ ಚಾದ್ಗ॑ಣಂ ನಾ॒ಸ್ತಿ । ಋ॒ಭೂಣಾಂ᳚ ತನ್ನಿ॒ಬೋಧ॑ತ । ಕ॒ನ॒ಕಾ॒ಭಾನಿ॑ ವಾಸಾ॒ಗ್ಂ॒ಸಿ । ಅ॒ಹತಾ॑ನಿ ನಿ॒ಭೋದ॑ತ । ಅನ್ನಮಶ್ನೀತ॑ ಮೃಜ್ಮೀ॒ತ । ಅ॒ಹಂ ವೋ॑ ಜೀವ॒ನಪ್ರ॑ದಃ । ಏ॒ತಾ ವಾ॒ಚಃ ಪ್ರ॑ಯುಜ್ಯಂ॒ತೇ । ಶ॒ರದ್ಯ॑ತ್ರೋಪ॒ದೃಶ್ಯ॑ತೇ ॥ 12 ॥ 1-4-1 ಅಭಿಧೂನ್ವಂತೋಽಭಿಘ್ನಂ॑ತ ಇ॒ವ । ವಾ॒ತವಂ॑ತೋ ಮ॒ರುದ್ಗ॑ಣಾಃ । ಅಮುತೋ ಜೇತುಮಿಷುಮು॑ಖಮಿ॒ವ । ಸನ್ನದ್ಧಾಸ್ಸಹ ದ॑ದೃಶೇ॒ ಹ । ಅಪಧ್ವಸ್ತೈರ್ವಸ್ತಿವ॑ರ್ಣೈರಿ॒ವ । ವಿ॒ಶಿ॒ಖಾಸ॑: ಕಪ॒ರ್ದಿನಃ । ಅಕ್ರುದ್ಧಸ್ಯ ಯೋತ್ಸ್ಯ॑ಮಾನ॒ಸ್ಯ । ಕ್ರು॒ದ್ಧಸ್ಯೇ॑ವ॒ ಲೋಹಿ॑ನೀ । ಹೇಮತಶ್ಚಕ್ಷು॑ಷೀ ವಿ॒ದ್ಯಾತ್ । ಅ॒ಕ್ಷ್ಣಯೋ᳚: ಕ್ಷಿಪ॒ಣೋರಿ॑ವ ॥ 13 ॥ 1-4-2 ದುರ್ಭಿಕ್ಷಂ ದೇವ॑ಲೋಕೇ॒ಷು । ಮ॒ನೂನಾ॑ಮುದ॒ಕಂ ಗೃ॑ಹೇ । ಏ॒ತಾ ವಾ॒ಚಃ ಪ್ರ॑ವದಂ॒ತೀಃ । ವೈ॒ದ್ಯುತೋ॑ ಯಾಂತಿ॒ ಶೈಶಿ॑ರೀಃ । ತಾ ಅ॒ಗ್ನಿಃ ಪವ॑ಮಾನಾ॒ ಅನ್ವೈ᳚ಕ್ಷತ । ಇ॒ಹ ಜೀ॑ವಿ॒ಕಾಮಪ॑ರಿಪಶ್ಯನ್ । ತಸ್ಯೈ॒ಷಾ ಭವ॑ತಿ । ಇ॒ಹೇಹವ॑ಸ್ಸ್ವತ॒ಪಸಃ । ಮರು॑ತ॒ಸ್ಸೂರ್ಯ॑ತ್ವಚಃ । ಶರ್ಮ॑ ಸ॒ಪ್ರಥಾ॒ ಆವೃ॑ಣೇ ॥ 14 ॥ 1-4-3 ಅತಿ॑ತಾ॒ಮ್ರಾಣಿ॑ ವಾಸಾ॒ಗ್ಂ॒ಸಿ । ಅ॒ಷ್ಟಿವ॑ಜ್ರಿಶ॒ತಘ್ನಿ॑ ಚ । ವಿಶ್ವೇ ದೇವಾ ವಿಪ್ರ॑ಹರಂ॒ತಿ । ಅ॒ಗ್ನಿಜಿ॑ಹ್ವಾ ಅ॒ಸಶ್ಚ॑ತ । ನೈವ ದೇವೋ॑ ನ ಮ॒ರ್ತ್ಯಃ । ನ ರಾಜಾ ವ॑ರುಣೋ॒ ವಿಭುಃ । ನಾಗ್ನಿರ್ನೇಂದ್ರೋ ನ ಪ॑ವಮಾ॒ನಃ । ಮಾ॒ತೃಕ್ಕ॑ಚ್ಚನ॒ ವಿದ್ಯ॑ತೇ । ದಿ॒ವ್ಯಸ್ಯೈಕಾ॒ ಧನು॑ರಾರ್ತ್ನಿಃ । ಪೃ॒ಥಿ॒ವ್ಯಾಮಪ॑ರಾ ಶ್ರಿ॒ತಾ ॥ 15 ॥ 1-5-1 ತಸ್ಯೇಂದ್ರೋ ವಮ್ರಿ॑ರೂಪೇ॒ಣ । ಧ॒ನುರ್ಜ್ಯಾ॑ಮಚ್ಛಿ॒ನಥ್ಸ್ವ॑ಯಂ । ತದಿಂ॑ದ್ರ॒ಧನು॑ರಿತ್ಯ॒ಜ್ಯಂ । ಅ॒ಭ್ರವ॑ರ್ಣೇಷು॒ ಚಕ್ಷ॑ತೇ । ಏತದೇವ ಶಮ್ಯೋರ್ಬಾರ್ಹ॑ಸ್ಪತ್ಯ॒ಸ್ಯ । ಏ॒ತದ್ರು॑ದ್ರಸ್ಯ॒ ಧನುಃ । ರು॒ದ್ರಸ್ಯ॑ ತ್ವೇವ॒ ಧನು॑ರಾರ್ತ್ನಿಃ । ಶಿರ॒ ಉತ್ಪಿ॑ಪೇಷ । ಸ ಪ್ರ॑ವ॒ರ್ಗ್ಯೋ॑ಽಭವತ್ । ತಸ್ಮಾ॒ದ್ಯಸ್ಸಪ್ರ॑ವ॒ರ್ಗ್ಯೇಣ॑ ಯ॒ಜ್ಞೇನ॒ ಯಜ॑ತೇ । ರು॒ದ್ರಸ್ಯ॒ ಸ ಶಿರ॒: ಪ್ರತಿ॑ದಧಾತಿ । ನೈನಗ್ಂ॑ ರು॒ದ್ರ ಆರು॑ಕೋ ಭವತಿ । ಯ ಏ॒ವಂ ವೇದ॑ ॥ 16 ॥ 1-5-2 ಅ॒ತ್ಯೂ॒ರ್ಧ್ವಾ॒ಕ್ಷೋಽತಿ॑ರಶ್ಚಾತ್ । ಶಿಶಿ॑ರಃ ಪ್ರ॒ದೃಶ್ಯ॑ತೇ । ನೈವ ರೂಪಂ ನ॑ ವಾಸಾ॒ಗ್ಂ॒ಸಿ । ನ ಚಕ್ಷು॑: ಪ್ರತಿ॒ದೃಶ್ಯ॑ತೇ । ಅ॒ನ್ಯೋನ್ಯಂ॒ ತು ನ॑ ಹಿಗ್ಗ್ ಸ್ರಾ॒ತಃ । ಸ॒ತಸ್ತ॑ದ್ದೇವ॒ಲಕ್ಷ॑ಣಂ । ಲೋಹಿತೋಽಕ್ಷ್ಣಿ ಶಾ॑ರಶೀ॒ರ್ಷ್ಣಿಃ । ಸೂ॒ರ್ಯಸ್ಯೋ॑ದಯ॒ನಂ ಪ್ರ॑ತಿ । ತ್ವಂ ಕರೋಷಿ॑ನ್ಯಂಜ॒ಲಿಕಾಂ । ತ್ವಂ॒ ಕರೋ॑ಷಿ ನಿ॒ಜಾನು॑ಕಾಂ ॥ 17 ॥ 1-6-1 ನಿಜಾನುಕಾ ಮೇ᳚ನ್ಯಂಜ॒ಲಿಕಾ । ಅಮೀ ವಾಚಮುಪಾಸ॑ತಾಮಿ॒ತಿ । ತಸ್ಮೈ ಸರ್ವ ಋತವೋ॑ ನಮಂ॒ತೇ । ಮರ್ಯಾದಾಕರತ್ವಾತ್ಪ್ರ॑ಪುರೋ॒ಧಾಂ । ಬ್ರಾಹ್ಮಣ॑ ಆಪ್ನೋ॒ತಿ । ಯ ಏ॑ವಂ ವೇ॒ದ । ಸ ಖಲು ಸಂವತ್ಸರ ಏತೈಸ್ಸೇನಾನೀ॑ಭಿಸ್ಸ॒ಹ । ಇಂದ್ರಾಯ ಸರ್ವಾನ್ಕಾಮಾನ॑ಭಿವ॒ಹತಿ । ಸ ದ್ರ॒ಪ್ಸಃ । ತಸ್ಯೈ॒ಷಾ ಭವ॑ತಿ ॥ 18 ॥ 1-6-2 ಅವ॑ದ್ರ॒ಪ್ಸೋ ಅಗ್ಂ॑ಶು॒ಮತೀ॑ಮತಿಷ್ಠತ್ । ಇ॒ಯಾ॒ನಃ ಕೃ॒ಷ್ಣೋ ದ॒ಶಭಿ॑: ಸ॒ಹಸ್ರೈ᳚: । ಆವ॒ರ್ತಮಿಂದ್ರ॒: ಶಚ್ಯಾ॒ ಧಮಂ॑ತಂ । ಉಪಸ್ನುಹಿ ತಂ ನೃಮಣಾಮಥ॑ದ್ರಾಮಿ॒ತಿ । ಏತಯೈವೇಂದ್ರಃ ಸಲಾವೃ॑ಕ್ಯಾ ಸ॒ಹ । ಅಸುರಾನ್ಪ॑ರಿವೃ॒ಶ್ಚತಿ । ಪೃಥಿ॑ವ್ಯ॒ಗ್ಂ॒ಶುಮ॑ತೀ । ತಾಮ॒ನ್ವವ॑ಸ್ಥಿತಃ ಸಂವತ್ಸ॒ರೋ ದಿ॒ವಂ ಚ॑ । ನೈವಂ ವಿದುಷಾಽಽಚಾರ್ಯಾಂ᳚ತೇವಾ॒ಸಿನೌ । ಅನ್ಯೋನ್ಯಸ್ಮೈ᳚ ದ್ರುಹ್ಯಾ॒ತಾಂ । ಯೋ ದ್ರು॒ಹ್ಯತಿ । ಭ್ರಶ್ಯತೇ ಸ್ವ॑ರ್ಗಾಲ್ಲೋ॒ಕಾತ್ । ಇತ್ಯೃತುಮಂ॑ಡಲಾ॒ನಿ । ಸೂರ್ಯಮಂಡಲಾ᳚ನ್ಯಾಖ್ಯಾ॒ಯಿಕಾಃ । ಅತ ಊರ್ಧ್ವಗ್ಂ ಸ॑ನಿರ್ವ॒ಚನಾಃ ॥ 19 ॥ 1-6-3 ಆರೋಗೋ ಭ್ರಾಜಃ ಪಟರ॑: ಪತಂ॒ಗಃ । ಸ್ವರ್ಣರೋ ಜ್ಯೋತಿಷೀಮಾನ್॑ ವಿಭಾ॒ಸಃ । ತೇ ಅಸ್ಮೈ ಸರ್ವೇ ದಿವಮಾ॑ತಪಂ॒ತಿ । ಊರ್ಜಂ ದುಹಾನಾ ಅನಪಸ್ಫುರಂ॑ತ ಇ॒ತಿ । ಕಶ್ಯ॑ಪೋಽಷ್ಟ॒ಮಃ । ಸ ಮಹಾಮೇರುಂ ನ॑ ಜಹಾ॒ತಿ । ತಸ್ಯೈ॒ಷಾ ಭವ॑ತಿ । ಯತ್ತೇ॒ ಶಿಲ್ಪಂ॑ ಕಶ್ಯಪ ರೋಚ॒ನಾವ॑ತ್ । ಇಂ॒ದ್ರಿ॒ಯಾವ॑ತ್ಪುಷ್ಕ॒ಲಂ ಚಿ॒ತ್ರಭಾ॑ನು । ಯಸ್ಮಿಂ॒ತ್ಸೂರ್ಯಾ॒ ಅರ್ಪಿ॑ತಾಸ್ಸ॒ಪ್ತ ಸಾ॒ಕಂ ॥ 20 ॥ 1-7-1 ತಸ್ಮಿನ್ರಾಜಾನಮಧಿವಿಶ್ರಯೇ॑ಮಮಿ॒ತಿ । ತೇ ಅಸ್ಮೈ ಸರ್ವೇ ಕಶ್ಯಪಾಜ್ಜ್ಯೋತಿ॑ರ್ಲಭಂ॒ತೇ । ತಾನ್ಸೋಮಃ ಕಶ್ಯಪಾದಧಿ॑ನಿರ್ದ್ಧ॒ಮತಿ । ಭ್ರಸ್ತಾಕರ್ಮಕೃ॑ದಿವೈ॒ವಂ । ಪ್ರಾಣೋ ಜೀವಾನೀಂದ್ರಿಯ॑ಜೀವಾ॒ನಿ । ಸಪ್ತ ಶೀರ್ಷ॑ಣ್ಯಾಃ ಪ್ರಾ॒ಣಾಃ । ಸೂರ್ಯಾ ಇ॑ತ್ಯಾಚಾ॒ರ್ಯಾಃ । ಅಪಶ್ಯಮಹಮೇತಾಂತ್ಸಪ್ತ ಸೂ᳚ರ್ಯಾನಿ॒ತಿ । ಪಂಚಕರ್ಣೋ॑ ವಾತ್ಸ್ಯಾ॒ಯನಃ । ಸಪ್ತಕರ್ಣ॑ಶ್ಚ ಪ್ಲಾ॒ಕ್ಷಿಃ ॥ 21 ॥ 1-7-2 [16*33] ಆನುಶ್ರವಿಕ ಏವ ನೌ ಕಶ್ಯ॑ಪ ಇ॒ತಿ । ಉಭೌ॑ ವೇದ॒ಯಿತೇ । ನ ಹಿ ಶೇಕುಮಿವ ಮಹಾಮೇ॑ರುಂ ಗಂ॒ತುಂ । ಅಪಶ್ಯಮಹಮೇತತ್ಸೂರ್ಯಮಂಡಲಂ ಪರಿವ॑ರ್ತಮಾ॒ನಂ । ಗಾ॒ರ್ಗ್ಯಃ ಪ್ರಾ॑ಣತ್ರಾ॒ತಃ । ಗಚ್ಛಂತ ಮ॑ಹಾಮೇ॒ರುಂ । ಏಕಂ॑ ಚಾಜ॒ಹತಂ । ಭ್ರಾಜಪಟರಪತಂ॑ಗಾ ನಿ॒ಹನೇ । ತಿಷ್ಠನ್ನಾ॑ತಪಂ॒ತಿ । ತಸ್ಮಾ॑ದಿ॒ಹ ತಪ್ತ್ರಿ॑ತಪಾಃ ॥ 22 ॥ 1-7-3 ಅ॒ಮುತ್ರೇ॒ತರೇ । ತಸ್ಮಾ॑ದಿ॒ಹಾತಪ್ತ್ರಿ॑ತಪಾಃ । ತೇಷಾ॑ಮೇಷಾ॒ ಭವ॑ತಿ । ಸ॒ಪ್ತ ಸೂರ್ಯಾ॒ ದಿವ॒ಮನು॒ಪ್ರವಿ॑ಷ್ಟಾಃ । ತಾನ॒ನ್ವೇತಿ॑ ಪ॒ಥಿಭಿ॑ರ್ದಕ್ಷಿ॒ಣಾವಾನ್॑ । ತೇ ಅಸ್ಮೈ ಸರ್ವೇ ಘೃತಮಾ॑ತಪಂ॒ತಿ । ಊರ್ಜಂ ದುಹಾನಾ ಅನಪಸ್ಫುರಂ॑ತ ಇ॒ತಿ । ಸಪ್ತರ್ತ್ವಿಜಸ್ಸೂರ್ಯಾ ಇ॑ತ್ಯಾಚಾ॒ರ್ಯಾಃ । ತೇಷಾ॑ಮೇಷಾ॒ ಭವ॑ತಿ । ಸ॒ಪ್ತ ದಿಶೋ॒ ನಾನಾ॑ಸೂರ್ಯಾಃ ॥ 23 ॥ 1-7-4 ಸ॒ಪ್ತ ಹೋತಾ॑ರ ಋ॒ತ್ವಿಜ॑: । ದೇವಾ ಆದಿತ್ಯಾ॑ ಯೇ ಸ॒ಪ್ತ । ತೇಭಿಸ್ಸೋಮಾಭೀರಕ್ಷ॑ಣ ಇ॒ತಿ । ತದ॑ಪ್ಯಾಮ್ನಾ॒ಯಃ । ದಿಗ್ಭ್ರಾಜಃ ಋತೂ᳚ನ್ ಕರೋ॒ತಿ । ಏತ॑ಯೈವಾ॒ವೃತಾ ಸಹಸ್ರಸೂರ್ಯತಾಯಾ ಇತಿ ವೈ॑ಶಂಪಾ॒ಯನಃ । ತಸ್ಯೈ॒ಷಾ ಭವ॑ತಿ । ಯದ್ದ್ಯಾವ॑ ಇಂದ್ರ ತೇ ಶ॒ತಗ್ಂಶ॒ತಂ ಭೂಮೀ᳚: । ಉ॒ತ ಸ್ಯುಃ । ನತ್ವಾ॑ ವಜ್ರಿನ್ಸ॒ಹಸ್ರ॒ಗ್ಂ॒ ಸೂರ್ಯಾ᳚: ॥ 24 ॥ 1-7-5 ಅನುನಜಾತಮಷ್ಟ ರೋದ॑ಸೀ ಇ॒ತಿ । ನಾನಾಲಿಂಗತ್ವಾದೃತೂನಾಂ ನಾನಾ॑ಸೂರ್ಯ॒ತ್ವಂ । ಅಷ್ಟೌ ತು ವ್ಯವಸಿ॑ತಾ ಇ॒ತಿ । ಸೂರ್ಯಮಂಡಲಾನ್ಯಷ್ಟಾ॑ತ ಊ॒ರ್ಧ್ವಂ । ತೇಷಾ॑ಮೇಷಾ॒ ಭವ॑ತಿ । ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ॑ಕಂ । ಚಕ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ । ಆಪ್ರಾ॒ ದ್ಯಾವಾ॑ಪೃಥಿ॒ವೀ ಅಂ॒ತರಿ॑ಕ್ಷಂ । ಸೂರ್ಯ ಆತ್ಮಾ ಜಗತಸ್ತಸ್ಥು॑ಷಶ್ಚೇ॒ತಿ ॥ 25 ॥ 1-7-6 ಕ್ವೇದಮಭ್ರ॑ನ್ನಿವಿ॒ಶತೇ । ಕ್ವಾಯಗ್ಂ॑ ಸಂವತ್ಸ॒ರೋ ಮಿ॑ಥಃ । ಕ್ವಾಹಃ ಕ್ವೇಯಂದೇ॑ವ ರಾ॒ತ್ರೀ । ಕ್ವ ಮಾಸಾ ಋ॑ತವ॒: ಶ್ರಿತಾಃ । ಅರ್ಧಮಾಸಾ॑ ಮುಹೂ॒ರ್ತಾಃ । ನಿಮೇಷಾಸ್ತು॑ಟಿಭಿ॒ಸ್ಸಹ । ಕ್ವೇಮಾ ಆಪೋ ನಿ॑ವಿಶಂ॒ತೇ । ಯ॒ದೀತೋ॑ ಯಾಂತಿ॒ ಸಂಪ್ರ॑ತಿ । ಕಾಲಾ ಅಪ್ಸು ನಿ॑ವಿಶಂ॒ತೇ । ಆ॒ಪಸ್ಸೂರ್ಯೇ॑ ಸ॒ಮಾಹಿ॑ತಾಃ ॥ 26 ॥ 1-8-1 ಅಭ್ರಾ᳚ಣ್ಯ॒ಪಃ ಪ್ರ॑ಪದ್ಯಂ॒ತೇ । ವಿ॒ದ್ಯುತ್ಸೂರ್ಯೇ॑ ಸ॒ಮಾಹಿ॑ತಾ । ಅನವರ್ಣೇ ಇ॑ಮೇ ಭೂ॒ಮೀ । ಇ॒ಯಂ ಚಾ॑ಸೌ ಚ॒ ರೋದ॑ಸೀ । ಕಿಗ್ಗ್ಸ್ವಿದತ್ರಾಂತ॑ರಾ ಭೂ॒ತಂ । ಯೇ॒ನೇಮೇ ವಿ॑ಧೃತೇ॒ ಉಭೇ । ವಿ॒ಷ್ಣುನಾ॑ ವಿಧೃ॑ತೇ ಭೂ॒ಮೀ । ಇ॒ತಿ ವ॑ತ್ಸಸ್ಯ॒ ವೇದ॑ನಾ । ಇರಾ॑ವತೀ ಧೇನು॒ಮತೀ॒ ಹಿ ಭೂ॒ತಂ । ಸೂ॒ಯ॒ವ॒ಸಿನೀ॒ ಮನು॑ಷೇ ದಶ॒ಸ್ಯೇ᳚ ॥ 27 ॥ 1-8-2 ವ್ಯ॑ಷ್ಟಭ್ನಾ॒ದ್ರೋದ॑ಸೀ॒ ವಿಷ್ಣ॑ವೇ॒ತೇ । ದಾ॒ಧರ್ಥ॑ ಪೃಥಿ॒ವೀಮ॒ಭಿತೋ॑ ಮ॒ಯೂಖೈ᳚: । ಕಿಂ ತದ್ವಿಷ್ಣೋರ್ಬ॑ಲಮಾ॒ಹುಃ । ಕಾ॒ ದೀಪ್ತಿ॑: ಕಿಂ ಪ॒ರಾಯ॑ಣಂ । ಏಕೋ॑ ಯ॒ದ್ಧಾರ॑ಯದ್ದೇ॒ವಃ । ರೇ॒ಜತೀ॑ ರೋದ॒ಸೀ ಉ॑ಭೇ । ವಾತಾದ್ವಿಷ್ಣೋರ್ಬ॑ಲಮಾ॒ಹುಃ । ಅ॒ಕ್ಷರಾ᳚ದ್ದೀಪ್ತಿ॒ರುಚ್ಯ॑ತೇ । ತ್ರಿ॒ಪದಾ॒ದ್ಧಾರ॑ಯದ್ದೇ॒ವಃ । ಯದ್ವಿಷ್ಣೋ॑ರೇಕ॒ಮುತ್ತ॑ಮಂ ॥ 28 ॥ 1-8-3 ಅ॒ಗ್ನಯೋ॑ ವಾಯ॑ವಶ್ಚೈ॒ವ । ಏ॒ತದ॑ಸ್ಯ ಪ॒ರಾಯ॑ಣಂ । ಪೃಚ್ಛಾಮಿ ತ್ವಾ ಪ॑ರಂ ಮೃ॒ತ್ಯುಂ । ಅ॒ವಮಂ॑ ಮಧ್ಯ॒ಮಂಚ॑ತುಂ । ಲೋ॒ಕಂಚ॒ ಪುಣ್ಯ॑ಪಾಪಾ॒ನಾಂ । ಏ॒ತತ್ಪೃ॑ಚ್ಛಾಮಿ॒ ಸಂಪ್ರ॑ತಿ । ಅ॒ಮುಮಾ॑ಹುಃ ಪ॑ರಂ ಮೃ॒ತ್ಯುಂ । ಪ॒ವಮಾ॑ನಂ ತು॒ ಮಧ್ಯ॑ಮಂ । ಅ॒ಗ್ನಿರೇ॒ವಾವ॑ಮೋ ಮೃ॒ತ್ಯುಃ । ಚಂ॒ದ್ರಮಾ᳚ಶ್ಚತು॒ರುಚ್ಯ॑ತೇ ॥ 29 ॥ 1-8-4 ಅ॒ನಾ॒ಭೋ॒ಗಾಃ ಪ॑ರಂ ಮೃ॒ತ್ಯುಂ । ಪಾ॒ಪಾಸ್ಸ॑ಮ್ಯಂತಿ॒ ಸರ್ವ॑ದಾ । ಆಭೋಗಾಸ್ತ್ವೇವ॑ ಸಮ್ಯಂ॒ತಿ । ಯ॒ತ್ರ ಪು॑ಣ್ಯಕೃ॒ತೋ ಜ॑ನಾಃ । ತತೋ॑ ಮ॒ಧ್ಯಮ॑ಮಾಯಂ॒ತಿ । ಚ॒ತುಮ॑ಗ್ನಿಂ ಚ॒ ಸಂಪ್ರ॑ತಿ । ಪೃಚ್ಛಾಮಿ ತ್ವಾ॑ ಪಾಪ॒ಕೃತಃ । ಯ॒ತ್ರ ಯಾ॑ತಯ॒ತೇ ಯ॑ಮಃ । ತ್ವಂ ನಸ್ತದ್ಬ್ರಹ್ಮ॑ನ್ ಪ್ರಬೂ॒ಹಿ । ಯ॒ದಿ ವೇ᳚ತ್ಥಾಽಸ॒ತೋ ಗೃ॑ಹಾನ್ ॥ 30 ॥ 1-8-5 ಕ॒ಶ್ಯಪಾ॑ದುದಿ॑ತಾಸ್ಸೂ॒ರ್ಯಾಃ । ಪಾ॒ಪಾನ್ನಿ॑ರ್ಘ್ನಂತಿ॒ ಸರ್ವ॑ದಾ । ರೋದಸ್ಯೋರಂತ॑ರ್ದೇಶೇ॒ಷು । ತತ್ರ ನ್ಯಸ್ಯಂತೇ॑ ವಾಸ॒ವೈಃ । ತೇಽಶರೀರಾಃ ಪ್ರ॑ಪದ್ಯಂ॒ತೇ । ಯ॒ಥಾಽಪು॑ಣ್ಯಸ್ಯ॒ ಕರ್ಮ॑ಣಃ । ಅಪಾ᳚ಣ್ಯ॒ಪಾದ॑ಕೇಶಾ॒ಸಃ । ತ॒ತ್ರ ತೇ॑ಽಯೋನಿ॒ಜಾ ಜ॑ನಾಃ । ಮೃತ್ವಾ ಪುನರ್ಮೃತ್ಯುಮಾ॑ಪದ್ಯಂ॒ತೇ । ಅ॒ದ್ಯಮಾ॑ನಾಸ್ಸ್ವ॒ಕರ್ಮ॑ಭಿಃ ॥ 31 ॥ 1-8-6 ಆಶಾತಿಕಾಃ ಕ್ರಿಮ॑ಯ ಇ॒ವ । ತತಃ ಪೂಯಂತೇ॑ ವಾಸ॒ವೈಃ । ಅಪೈ॑ತಂ ಮೃ॒ತ್ಯುಂ ಜ॑ಯತಿ । ಯ ಏ॒ವಂ ವೇದ॑ । ಸ ಖಲ್ವೈವಂ॑ ವಿದ್ಬ್ರಾ॒ಹ್ಮಣಃ । ದೀ॒ರ್ಘಶ್ರು॑ತ್ತಮೋ॒ ಭವ॑ತಿ । ಕಶ್ಯ॑ಪ॒ಸ್ಯಾತಿ॑ಥಿ॒ಸ್ಸಿದ್ಧಗ॑ಮನ॒ಸ್ಸಿದ್ಧಾಗ॑ಮನಃ । ತಸ್ಯೈ॒ಷಾ ಭವ॑ತಿ । ಆ ಯಸ್ಮಿಂ᳚ಥ್ಸ॒ಪ್ತ ವಾ॑ಸ॒ವಾಃ । ರೋಹಂ॑ತಿ ಪೂ॒ರ್ವ್ಯಾ॑ ರುಹ॑: ॥ 32 ॥ 1-8-7 ಋಷಿ॑ರ್ಹ ದೀರ್ಘ॒ಶ್ರುತ್ತ॑ಮಃ । ಇಂದ್ರಸ್ಯ ಘರ್ಮೋ ಅತಿ॑ಥಿರಿ॒ತಿ । ಕಶ್ಯಪಃ ಪಶ್ಯ॑ಕೋ ಭ॒ವತಿ । ಯತ್ಸರ್ವಂ ಪರಿಪಶ್ಯತೀ॑ತಿ ಸೌ॒ಕ್ಷ್ಮ್ಯಾತ್ । ಅಥಾಗ್ನೇ॑ರಷ್ಟಪು॑ರುಷ॒ಸ್ಯ । ತಸ್ಯೈ॒ಷಾ ಭವ॑ತಿ । ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ । ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ । ಯು॒ಯೋ॒ಧ್ಯ॑ಸ್ಮಜ್ಜು॑ಹುರಾ॒ಣಮೇನ॑: । ಭೂಯಿಷ್ಠಾಂತೇ ನಮ ಉಕ್ತಿಂ ವಿ॑ಧೇಮೇ॒ತಿ ॥ 33 ॥ 1-8-8 ಅಗ್ನಿಶ್ಚ ಜಾತ॑ವೇದಾ॒ಶ್ಚ । ಸಹೋಜಾ ಅ॑ಜಿರಾ॒ಪ್ರಭುಃ । ವೈಶ್ವಾನರೋ ನ॑ರ್ಯಾಪಾ॒ಶ್ಚ । ಪಂ॒ಕ್ತಿರಾ॑ಧಾಶ್ಚ॒ ಸಪ್ತ॑ಮಃ ವಿಸರ್ಪೇವಾಽಷ್ಟ॑ಮೋಽಗ್ನೀ॒ನಾಂ । ಏತೇಽಷ್ಟೌ ವಸವಃ ಕ್ಷಿ॑ತಾ ಇ॒ತಿ । ಯಥರ್ತ್ವೇವಾಗ್ನೇರರ್ಚಿರ್ವರ್ಣ॑ವಿಶೇ॒ಷಾಃ । ನೀಲಾರ್ಚಿಶ್ಚ ಪೀತಕಾ᳚ರ್ಚಿಶ್ಚೇ॒ತಿ । ಅಥ ವಾಯೋರೇಕಾದಶಪುರುಷಸ್ಯೈಕಾದಶ॑ಸ್ತ್ರೀಕ॒ಸ್ಯ । ಪ್ರಭ್ರಾಜಮಾನಾ ವ್ಯ॑ವದಾ॒ತಾಃ ॥ 34 ॥ 1-9-1 ಯಾಶ್ಚ ವಾಸು॑ಕಿವೈ॒ದ್ಯುತಾಃ । ರಜತಾಃ ಪರು॑ಷಾಃ ಶ್ಯಾ॒ಮಾಃ । ಕಪಿಲಾ ಅ॑ತಿಲೋ॒ಹಿತಾಃ । ಊರ್ಧ್ವಾ ಅವಪ॑ತಂತಾ॒ಶ್ಚ । ವೈದ್ಯುತ ಇ॑ತ್ಯೇಕಾ॒ದಶ । ನೈನಂ ವೈದ್ಯುತೋ॑ ಹಿನ॒ಸ್ತಿ । ಯ ಏ॑ವಂ ವೇ॒ದ । ಸ ಹೋವಾಚ ವ್ಯಾಸಃ ಪಾ॑ರಾಶ॒ರ್ಯಃ । ವಿದ್ಯುದ್ವಧಮೇವಾಹಂ ಮೃತ್ಯುಮೈ᳚ಚ್ಛಮಿ॒ತಿ । ನ ತ್ವಕಾ॑ಮಗ್ಂ ಹಂ॒ತಿ ॥ 35 ॥ 1-9-2 ಯ ಏ॑ವಂ ವೇ॒ದ । ಅಥ ಗಂ॑ಧರ್ವ॒ಗಣಾಃ । ಸ್ವಾನ॒ಭ್ರಾಟ್ । ಅಂಘಾ॑ರಿ॒ರ್ಬಂಭಾ॑ರಿಃ । ಹಸ್ತ॒ಸ್ಸುಹ॑ಸ್ತಃ । ಕೃಶಾ॑ನುರ್ವಿ॒ಶ್ವಾವ॑ಸುಃ । ಮೂರ್ಧನ್ವಾಂಥ್ಸೂ᳚ರ್ಯವ॒ರ್ಚಾಃ । ಕೃತಿರಿತ್ಯೇಕಾದಶ ಗಂ॑ಧರ್ವ॒ಗಣಾಃ । ದೇವಾಶ್ಚ ಮ॑ಹಾದೇ॒ವಾಃ । ರಶ್ಮಯಶ್ಚ ದೇವಾ॑ ಗರ॒ಗಿರಃ ॥ 36 ॥ 1-9-3 ನೈನಂ ಗರೋ॑ ಹಿನ॒ಸ್ತಿ । ಯ ಏ॑ವಂ ವೇ॒ದ । ಗೌ॒ರೀಮಿ॑ಮಾಯ ಸಲಿ॒ಲಾನಿ॒ ತಕ್ಷ॑ತೀ । ಏಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ । ಅ॒ಷ್ಟಾಪದೀ॒ ನವ॑ಪದೀ ಬಭೂ॒ವುಷೀ᳚ । ಸಹಸ್ರಾಕ್ಷರಾ ಪರಮೇ ವ್ಯೋ॑ಮನ್ನಿ॒ತಿ । ವಾಚೋ॑ ವಿಶೇ॒ಷಣಂ । ಅಥ ನಿಗದ॑ವ್ಯಾಖ್ಯಾ॒ತಾಃ । ತಾನನುಕ್ರ॑ಮಿಷ್ಯಾ॒ಮಃ । ವ॒ರಾಹವ॑ಸ್ಸವತ॒ಪಸಃ ॥ 37 ॥ 1-9-4 ವಿ॒ದ್ಯುನ್ಮ॑ಹಸೋ॒ ಧೂಪ॑ಯಃ । ಶ್ವಾಪಯೋ ಗೃಹಮೇಧಾ᳚ಶ್ಚೇತ್ಯೇ॒ತೇ । ಯೇ॒ ಚೇಮೇಽಶಿ॑ಮಿವಿ॒ದ್ವಿಷಃ । ಪರ್ಜನ್ಯಾಸ್ಸಪ್ತ ಪೃಥಿವೀಮಭಿವ॑ರ್ಷಂ॒ತಿ । ವೃಷ್ಟಿ॑ಭಿರಿ॒ತಿ । ಏತಯೈವ ವಿಭಕ್ತಿವಿ॑ಪರೀ॒ತಾಃ । ಸ॒ಪ್ತಭಿ॒ರ್ವಾತೈ॑ರುದೀ॒ರಿತಾಃ । ಅಮೂಁಲ್ಲೋಕಾನಭಿವ॑ರ್ಷಂ॒ತಿ । ತೇಷಾ॑ಮೇಷಾ॒ ಭವ॑ತಿ । ಸ॒ಮಾ॒ನಮೇ॒ತದುದ॑ಕಂ ॥ 38 ॥ 1-9-5 ಉ॒ಚ್ಚೈತ್ಯ॑ವ॒ಚಾಹ॑ಭಿಃ । ಭೂಮಿಂ॑ ಪ॒ರ್ಜನ್ಯಾ॒ ಜಿನ್ವಂ॑ತಿ । ದಿವಂ ಜಿನ್ವಂತ್ಯಗ್ನ॑ಯ ಇ॒ತಿ । ಯದಕ್ಷ॑ರಂ ಭೂ॒ತಕೃ॑ತಂ । ವಿಶ್ವೇ॑ ದೇವಾ ಉ॒ಪಾಸ॑ತೇ । ಮ॒ಹರ್ಷಿ॑ಮಸ್ಯ ಗೋ॒ಪ್ತಾರಂ᳚ । ಜ॒ಮದ॑ಗ್ನಿ॒ಮಕು॑ರ್ವತ । ಜ॒ಮದ॑ಗ್ನಿ॒ರಾಪ್ಯಾ॑ಯತೇ । ಛಂದೋ॑ಭಿಶ್ಚತುರುತ್ತ॒ರೈಃ । ರಾಜ್ಞ॒ಸ್ಸೋಮ॑ಸ್ಯ ತೃ॒ಪ್ತಾಸ॑: ॥ 39 ॥ 1-9-6 ಬ್ರಹ್ಮ॑ಣಾ ವೀ॒ರ್ಯಾ॑ವತಾ । ಶಿ॒ವಾ ನ॑: ಪ್ರ॒ದಿಶೋ॒ ದಿಶ॑: । ತಚ್ಛ॒ಮ್ಯೋರಾವೃ॑ಣೀಮಹೇ । ಗಾ॒ತುಂ ಯ॒ಜ್ಞಾಯ॑ । ಗಾ॒ತುಂ ಯ॒ಜ್ಞಪ॑ತಯೇ । ದೈವೀ᳚ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವಂ ಜಿ॑ಗಾತು ಭೇಷ॒ಜಂ । ಶನ್ನೋ॑ ಅಸ್ತು ದ್ವಿ॒ಪದೇ᳚ । ಶಂ ಚತು॑ಷ್ಪದೇ । ಸೋಮಪಾ 3 ಅಸೋಮಪಾ 3 ಇತಿ ನಿಗದ॑ವ್ಯಾಖ್ಯಾ॒ತಾಃ ॥ 40 ॥ 1-9-7 ಸ॒ಹ॒ಸ್ರ॒ವೃದಿ॑ಯಂ ಭೂ॒ಮಿಃ । ಪ॒ರಂ ವ್ಯೋ॑ಮ ಸ॒ಹಸ್ರ॑ವೃತ್ । ಅ॒ಶ್ವಿನಾ॑ ಭುಜ್ಯೂ॑ ನಾಸ॒ತ್ಯಾ । ವಿ॒ಶ್ವಸ್ಯ॑ ಜಗ॒ತಸ್ಪ॑ತೀ । ಜಾಯಾ ಭೂಮಿಃ ಪ॑ತಿರ್ವ್ಯೋ॒ಮ । ಮಿ॒ಥುನಂ॑ತಾ ಅ॒ತುರ್ಯ॑ಥುಃ । ಪುತ್ರೋ ಬೃಹಸ್ಪ॑ತೀ ರು॒ದ್ರಃ । ಸ॒ರಮಾ॑ ಇತಿ॑ ಸ್ತ್ರೀಪು॒ಮಂ । ಶು॒ಕ್ರಂ ವಾ॑ಮ॒ನ್ಯದ್ಯ॑ಜ॒ತಂ ವಾ॑ಮ॒ನ್ಯತ್ । ವಿಷು॑ರೂಪೇ॒ ಅಹ॑ನೀ॒ ದ್ಯೌರಿ॑ವ ಸ್ಥಃ ॥ 41 ॥ 1-10-1 ವಿಶ್ವಾ॒ ಹಿ ಮಾ॒ಯಾ ಅವ॑ಥಃ ಸ್ವಧಾವಂತೌ । ಭ॒ದ್ರಾ ವಾಂ᳚ ಪೂಷಣಾವಿ॒ಹ ರಾ॒ತಿರ॑ಸ್ತು । ವಾಸಾ᳚ತ್ಯೌ ಚಿ॒ತ್ರೌ ಜಗ॑ತೋ ನಿ॒ಧಾನೌ᳚ । ದ್ಯಾವಾ॑ಭೂಮೀ ಚ॒ರಥ॑: ಸ॒ಗ್ಂ॒ ಸಖಾ॑ಯೌ । ತಾವ॒ಶ್ವಿನಾ॑ ರಾ॒ಸಭಾ᳚ಶ್ವಾ॒ ಹವಂ॑ ಮೇ । ಶು॒ಭ॒ಸ್ಪ॒ತೀ॒ ಆ॒ಗತಗ್ಂ॑ ಸೂ॒ರ್ಯಯಾ॑ ಸ॒ಹ । ತ್ಯುಗ್ರೋ॑ಹ ಭು॒ಜ್ಯುಮ॑ಶ್ವಿನೋದಮೇ॒ಘೇ । ರ॒ಯಿನ್ನ ಕಶ್ಚಿ॑ನ್ಮಮೃ॒ವಾಂ 2 ಅವಾ॑ಹಾಃ । ತಮೂ॑ಹಥುರ್ನೌ॒ಭಿರಾ᳚ತ್ಮ॒ನ್ವತೀ॑ಭಿಃ । ಅಂ॒ತ॒ರಿ॒ಕ್ಷ॒ಪ್ರುಡ್ಭಿ॒ರಪೋ॑ದಕಾಭಿಃ ॥ 42 ॥ 1-10-2 ತಿ॒ಸ್ರಃ ಕ್ಷಪ॒ಸ್ತ್ರಿರಹಾ॑ಽತಿ॒ವ್ರಜ॑ದ್ಭಿಃ । ನಾಸ॑ತ್ಯಾ ಭು॒ಜ್ಯುಮೂ॑ಹಥುಃ ಪತಂ॒ಗೈಃ । ಸ॒ಮು॒ದ್ರಸ್ಯ॒ ಧನ್ವ॑ನ್ನಾ॒ರ್ದ್ರಸ್ಯ॑ ಪಾ॒ರೇ । ತ್ರಿ॒ಭೀರಥೈ᳚ಶ್ಶ॒ತಪ॑ದ್ಭಿ॒: ಷಡ॑ಶ್ವೈ॒: । ಸ॒ವಿ॒ತಾರಂ॒ ವಿತ॑ನ್ವಂತಂ । ಅನು॑ಬಧ್ನಾತಿ ಶಾಂಬ॒ರಃ । ಆಪಪೂರುಷಂಬ॑ರಶ್ಚೈ॒ವ । ಸ॒ವಿತಾ॑ಽರೇಪ॒ಸೋ॑ ಭವತ್ । ತ್ಯಗ್ಂ ಸುತೃಪ್ತಂ ವಿ॑ದಿತ್ವೈ॒ವ । ಬ॒ಹುಸೋ॑ಮ ಗಿ॒ರಂ ವ॑ಶೀ ॥ 43 ॥ 1-10-3 ಅನ್ವೇತಿ ತುಗ್ರೋ ವ॑ಕ್ರಿಯಾಂ॒ತಂ । ಆಯಸೂಯಾಂತ್ಸೋಮ॑ತೃಪ್ಸು॒ಷು । ಸ ಸಂಗ್ರಾಮಸ್ತಮೋ᳚ದ್ಯೋಽತ್ಯೋ॒ತಃ । ವಾಚೋ ಗಾಃ ಪಿ॑ಪಾತಿ॒ ತತ್ । ಸ ತದ್ಗೋಭಿಸ್ಸ್ತ್ವಾ᳚ಽತ್ಯೇತ್ಯ॒ನ್ಯೇ । ರ॒ಕ್ಷಸಾ॑ಽನನ್ವಿ॒ತಾಶ್ಚ॑ ಯೇ । ಅ॒ನ್ವೇತಿ॒ ಪರಿ॑ವೃತ್ಯಾ॒ಽಸ್ತಃ । ಏ॒ವಮೇ॒ತೌ ಸ್ಥೋ॑ ಅಶ್ವಿನಾ । ತೇ ಏ॒ತೇ ದ್ಯು॑:ಪೃಥಿ॒ವ್ಯೋಃ । ಅಹ॑ರಹ॒ರ್ಗರ್ಭಂ॑ದಧಾಥೇ ॥ 44 ॥ 1-10-4 ತಯೋ॑ರೇ॒ತೌ ವ॒ತ್ಸಾವ॑ಹೋರಾ॒ತ್ರೇ । ಪೃ॒ಥಿ॒ವ್ಯಾ ಅಹ॑: । ದಿ॒ವೋ ರಾತ್ರಿ॑: । ತಾ ಅವಿ॑ಸೃಷ್ಠೌ । ದಂಪ॑ತೀ ಏ॒ವ ಭ॑ವತಃ । ತಯೋ॑ರೇ॒ತೌ ವ॒ತ್ಸೌ । ಅ॒ಗ್ನಿಶ್ಚಾ॑ದಿತ್ಯ॒ಶ್ಚ॑ । ರಾ॒ತ್ರೇರ್ವ॒ತ್ಸಃ । ಶ್ವೇ॒ತ ಆ॑ದಿ॒ತ್ಯಃ । ಅಹ್ನೋ॒ಽಗ್ನಿಃ ॥ 45 ॥ 1-10-5 ತಾ॒ಮ್ರೋ ಅ॑ರು॒ಣಃ । ತಾ ಅವಿ॑ಸೃಷ್ಟೌ । ದಂಪ॑ತೀ ಏ॒ವ ಭ॑ವತಃ । ತಯೋ॑ರೇ॒ತೌ ವ॒ತ್ಸೌ । ವೃ॒ತ್ರಶ್ಚ॑ ವೈದ್ಯು॒ತಶ್ಚ॑ । ಅ॒ಗ್ನೇರ್ವೃ॒ತ್ರಃ । ವೈ॒ದ್ಯುತ॑ ಆದಿ॒ತ್ಯಸ್ಯ॑ । ತಾ ಅವಿ॑ಸೃಷ್ಟೌ । ದಂಪ॑ತೀ ಏ॒ವ ಭ॑ವತಃ । ತಯೋ॑ರೇ॒ತೌ ವ॒ತ್ಸೌ ॥ 46 ॥ 1-10-6 ಉ॒ಷ್ಮಾ ಚ॑ ನೀಹಾ॒ರಶ್ಚ॑ । ವೃ॒ತ್ರಸ್ಯೋ॒ಷ್ಮಾ । ವೈ॒ದ್ಯು॒ತಸ್ಯ॑ ನೀಹಾ॒ರಃ । ತೌ ತಾವೇ॒ವ ಪ್ರತಿ॑ಪದ್ಯೇತೇ । ಸೇಯಗ್ಂ ರಾತ್ರೀ॑ ಗ॒ರ್ಭಿಣೀ॑ ಪು॒ತ್ರೇಣ॒ ಸಂವ॑ಸತಿ । ತಸ್ಯಾ॒ ವಾ ಏ॒ತದು॒ಲ್ಬಣಂ᳚ । ಯದ್ರಾತ್ರೌ॑ ರ॒ಶ್ಮಯ॑: । ಯಥಾ॒ ಗೋರ್ಗ॒ರ್ಭಿಣ್ಯಾ॑ ಉ॒ಲ್ಬಣಂ᳚ । ಏ॒ವಮೇ॒ತಸ್ಯಾ॑ ಉ॒ಲ್ಬಣಂ᳚ । ಪ್ರಜಯಿಷ್ಣುಃ ಪ್ರಜಯಾ ಚ ಪಶುಭಿ॑ಶ್ಚ ಭ॒ವತಿ । ಯ ಏ॑ವಂ ವೇ॒ದ । ಏತಮುದ್ಯಂತಮಪಿಯಂ॑ತಂ ಚೇ॒ತಿ । ಆದಿತ್ಯಃ ಪುಣ್ಯ॑ಸ್ಯ ವ॒ತ್ಸಃ । ಅಥ ಪವಿ॑ತ್ರಾಂಗಿ॒ರಸಃ ॥ 47 ॥ 1-10-7 ಪ॒ವಿತ್ರ॑ವಂತ॒: ಪರಿ॒ವಾಜ॒ಮಾಸ॑ತೇ । ಪಿ॒ತೈಷಾಂ᳚ ಪ್ರ॒ತ್ನೋ ಅ॒ಭಿರ॑ಕ್ಷತಿ ವ್ರ॒ತಂ । ಮ॒ಹಸ್ಸ॑ಮುದ್ರಂ ವರು॑ಣಸ್ತಿ॒ರೋದ॑ಧೇ । ಧೀರಾ॑ ಇಚ್ಛೇಕು॒ರ್ಧರು॑ಣೇಷ್ವಾ॒ರಭಂ᳚ । ಪ॒ವಿ॑ತ್ರಂ ತೇ॒ ವಿತ॑ತಂ॒ ಬ್ರಹ್ಮ॑ಣ॒ಸ್ಪತೇ᳚ । ಪ್ರಭು॒ರ್ಗಾತ್ರಾ॑ಣಿ॒ ಪರ್ಯೇ॑ಷಿ ವಿ॒ಶ್ವತ॑: । ಅತ॑ಪ್ತತನೂ॒ರ್ನ ತದಾ॒ಮೋ ಅ॑ಶ್ನುತೇ । ಶೃ॒ತಾಸ॒ ಇದ್ವಹಂ॑ತ॒ಸ್ತತ್ಸಮಾ॑ಶತ । ಬ್ರ॒ಹ್ಮಾ ದೇ॒ವಾನಾಂ᳚ । ಅಸ॑ತಸ್ಸ॒ದ್ಯೇ ತತ॑ಕ್ಷುಃ ॥ 48 ॥ 1-11-1 ಋಷ॑ಯಸ್ಸ॒ಪ್ತಾತ್ರಿ॑ಶ್ಚ॒ ಯತ್ । ಸರ್ವೇಽತ್ರಯೋ ಅ॑ಗಸ್ತ್ಯ॒ಶ್ಚ । ನಕ್ಷ॑ತ್ರೈ॒ಶ್ಶಂಕೃ॑ತೋಽವಸನ್ । ಅಥ॑ ಸವಿತು॒: ಶ್ಯಾವಾಶ್ವ॒ಸ್ಯಾಽವರ್ತಿ॑ಕಾಮಸ್ಯ । ಅ॒ಮೀ ಯ ಋಕ್ಷಾ॒ ನಿಹಿ॑ತಾಸ ಉ॒ಚ್ಚಾ । ನಕ್ತಂ॒ ದದೃ॑ಶ್ರೇ॒ ಕುಹಾ॑ಚಿ॒ದ್ದಿವೇ॑ಯುಃ । ಅದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ । ವಿ॒ಚಾ॒ಕಶ॑ಚ್ಚಂ॒ದ್ರಮಾ॒ ನಕ್ಷ॑ತ್ರಮೇತಿ । ತತ್ಸ॑ವಿ॒ತುರ್ವರೇ᳚ಣ್ಯಂ । ಭರ್ಗೋ॑ ದೇ॒ವಸ್ಯ॑ ಧೀಮಹಿ ॥ 49 ॥ 1-11-2 ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ । ತತ್ಸ॑ವಿ॒ತುರ್ವೃ॑ಣೀಮಹೇ । ವ॒ಯಂದೇ॒ವಸ್ಯ॒ ಭೋಜ॑ನಂ । ಶ್ರೇಷ್ಠಗ್ಂ॑ಸರ್ವ॒ಧಾತ॑ಮಂ । ತುರಂ॒ ಭಗ॑ಸ್ಯ ಧೀಮಹಿ । ಅಪಾ॑ಗೂಹತ ಸವಿತಾ॒ ತೃಭೀನ್॑ । ಸರ್ವಾಂ᳚ದಿ॒ವೋ ಅಂಧ॑ಸಃ । ನಕ್ತ॒ನ್ಯಾನ್ಯ॑ಭವಂದೃ॒ಶೇ । ಅಸ್ಥ್ಯ॒ಸ್ಥ್ನಾ ಸಂಭ॑ವಿಷ್ಯಾಮಃ । ನಾಮ॒ ನಾಮೈ॒ವ ನಾ॒ಮ ಮೇ᳚ ॥ 50 ॥ 1-11-3 ನಪುಗ್ಂಸ॑ಕಂ॒ ಪುಮಾ॒ಗ್ಂ॒ಸ್ತ್ರ್ಯ॑ಸ್ಮಿ । ಸ್ಥಾವ॑ರೋಽಸ್ಮ್ಯಥ॒ ಜಂಗ॑ಮಃ । ಯ॒ಜೇಽಯಕ್ಷಿ॒ ಯಷ್ಟಾ॒ಹೇ ಚ॑ । ಮಯಾ॑ ಭೂ॒ತಾನ್ಯ॑ಯಕ್ಷತ । ಪ॒ಶವೋ॑ ಮಮ॑ ಭೂತಾ॒ನಿ । ಅನೂಬಂಧ್ಯೋಽಸ್ಮ್ಯ॑ಹಂ ವಿ॒ಭುಃ । ಸ್ತ್ರಿಯ॑ಸ್ಸ॒ತೀಃ । ತಾ ಉ॑ ಮೇ ಪು॒ಗ್ಂ॒ಸ ಆ॑ಹುಃ । ಪಶ್ಯ॑ದಕ್ಷ॒ಣ್ವಾನ್ನವಿಚೇ॑ತದಂ॒ಧಃ । ಕ॒ವಿರ್ಯಃ ಪು॒ತ್ರಸ್ಸ ಇ॒ಮಾ ಚಿ॑ಕೇತ ॥ 51 ॥ 1-11-4 ಯಸ್ತಾ ವಿ॑ಜಾ॒ನಾಥ್ಸ॑ವಿ॒ತುಃ ಪಿ॒ತಾ ಸ॑ತ್ । ಅಂ॒ಧೋ ಮಣಿಮ॑ವಿಂದತ್ । ತಮ॑ನಂಗುಲಿ॒ರಾವ॑ಯತ್ । ಅ॒ಗ್ರೀ॒ವಃ ಪ್ರತ್ಯ॑ಮುಂಚತ್ । ತಮಜಿ॑ಹ್ವಾ ಅ॒ಸಶ್ಚ॑ತ । ಊರ್ಧ್ವಮೂಲಮ॑ವಾಕ್ಛಾ॒ಖಂ । ವೃ॒ಕ್ಷಂ ಯೋ॑ ವೇದ॒ ಸಂಪ್ರ॑ತಿ । ನ ಸ ಜಾತು ಜನ॑: ಶ್ರದ್ದ॒ಧ್ಯಾತ್ । ಮೃ॒ತ್ಯುರ್ಮಾ॑ ಮಾರ॒ಯಾದಿ॑ತಿಃ । ಹಸಿತಗ್ಂ ರುದಿ॑ತಂಗೀ॒ತಂ ॥ 52 ॥ 1-11-5 ವೀಣಾ॑ಪಣವ॒ಲಾಸಿ॑ತಂ । ಮೃ॒ತಂಜೀ॒ವಂ ಚ॑ ಯತ್ಕಿಂ॒ಚಿತ್ । ಅಂ॒ಗಾನಿ॑ ಸ್ನೇವ॒ ವಿದ್ಧಿ॑ ತತ್ । ಅತೃ॑ಷ್ಯ॒ಗ್ಗ್॒ಸ್ತೃಷ್ಯ॑ ಧ್ಯಾಯತ್ । ಅ॒ಸ್ಮಾಜ್ಜಾ॒ತಾ ಮೇ॑ ಮಿಥೂ॒ ಚರನ್॑ । ಪುತ್ರೋ ನಿರೃತ್ಯಾ॑ ವೈದೇ॒ಹಃ । ಅ॒ಚೇತಾ॑ ಯಶ್ಚ॒ ಚೇತ॑ನಃ । ಸ॒ ತಂ ಮಣಿಮ॑ವಿಂದತ್ । ಸೋ॑ಽನಂಗುಲಿ॒ರಾವ॑ಯತ್ । ಸೋ॒ಽಗ್ರೀ॒ವಃ ಪ್ರತ್ಯ॑ಮುಂಚತ್ ॥ 53 ॥ 1-11-6 ಸೋಽಜಿ॑ಹ್ವೋ ಅ॒ಸಶ್ಚ॑ತ । ನೈತಮೃಷಿಂ ವಿದಿತ್ವಾ ನಗ॑ರಂ ಪ್ರ॒ವಿಶೇತ್ । ಯ॑ದಿ ಪ್ರ॒ವಿಶೇತ್ । ಮಿ॒ಥೌ ಚರಿ॑ತ್ವಾ ಪ್ರ॒ವಿಶೇತ್ । ತಥ್ಸಂಭವ॑ಸ್ಯ ವ್ರ॒ತಂ । ಆ॒ತಮ॑ಗ್ನೇ ರ॒ಥಂತಿ॑ಷ್ಠ । ಏಕಾ᳚ಶ್ವಮೇಕ॒ಯೋಜ॑ನಂ । ಏಕಚಕ್ರ॑ಮೇಕ॒ಧುರಂ । ವಾ॒ತಧ್ರಾ॑ಜಿಗ॒ತಿಂ ವಿ॑ಭೋ । ನ॒ ರಿ॒ಷ್ಯತಿ॑ ನ ವ್ಯ॒ಥತೇ ॥ 54 ॥ 1-11-7 ನಾ॒ಸ್ಯಾಕ್ಷೋ॑ ಯಾತು॒ ಸಜ್ಜ॑ತಿ । ಯಚ್ಛ್ವೇತಾ᳚ನ್ರೋಹಿ॑ತಾಗ್ಂಶ್ಚಾ॒ಗ್ನೇಃ । ರ॒ಥೇ ಯು॑ಕ್ತ್ವಾಽಧಿ॒ತಿಷ್ಠ॑ತಿ । ಏಕಯಾ ಚ ದಶಭಿಶ್ಚ॑ ಸ್ವಭೂ॒ತೇ । ದ್ವಾಭ್ಯಾಮಿಷ್ಟಯೇ ವಿಗ್ಂ॑ಶತ್ಯಾ॒ ಚ । ತಿಸೃಭಿಶ್ಚ ವಹಸೇ ತ್ರಿಗ್ಂ॑ಶತಾ॒ ಚ । ನಿಯುದ್ಭಿರ್ವಾಯವಿಹಿತಾ॑ ವಿಮುಂ॒ಚ ॥ 55 ॥ 1-11-8 ಆತ॑ನುಷ್ವ॒ ಪ್ರತ॑ನುಷ್ವ । ಉ॒ದ್ಧಮಾಽಽಧ॑ಮ॒ ಸಂಧ॑ಮ । ಆದಿತ್ಯೇ ಚಂದ್ರ॑ವರ್ಣಾ॒ನಾಂ । ಗರ್ಭ॒ಮಾಧೇ॑ಹಿ॒ ಯಃ ಪುಮಾನ್॑ । ಇ॒ತಸ್ಸಿ॒ಕ್ತಗ್ಂ ಸೂರ್ಯ॑ಗತಂ । ಚಂ॒ದ್ರಮ॑ಸೇ॒ ರಸಂ॑ಕೃಧಿ । ವಾರಾದಂಜನ॑ಯಾಗ್ರೇ॒ಽಗ್ನಿಂ । ಯ ಏಕೋ॑ ರುದ್ರ॒ ಉಚ್ಯ॑ತೇ । ಅ॒ಸಂ॒ಖ್ಯಾ॒ತಾಸ್ಸ॑ಹಸ್ರಾ॒ಣಿ । ಸ್ಮ॒ರ್ಯತೇ॑ ನ ಚ॒ ದೃಶ್ಯ॑ತೇ ॥ 56 ॥ 1-12-1 ಏ॒ವಮೇ॒ತನ್ನಿ॑ಬೋಧತ । ಆಮಂ॒ದ್ರೈರಿಂ॑ದ್ರ॒ ಹರಿ॑ಭಿಃ । ಯಾ॒ಹಿ ಮ॒ಯೂರ॑ರೋಮಭಿಃ । ಮಾ ತ್ವಾ ಕೇಚಿನ್ನಿಯೇಮುರಿ॑ನ್ನ ಪಾ॒ಶಿನಃ । ದ॒ಧ॒ನ್ವೇವ॒ ತಾ ಇ॑ಹಿ । ಮಾ ಮಂ॒ದ್ರೈರಿಂ॑ದ್ರ॒ ಹರಿ॑ಭಿಃ । ಯಾ॒ಮಿ ಮ॒ಯೂರ॑ರೋಮಭಿಃ । ಮಾ ಮಾ ಕೇಚಿನ್ನ್ಯೇಮುರಿ॑ನ್ನ ಪಾ॒ಶಿನಃ । ನಿ॒ಧ॒ನ್ವೇವ॒ ತಾಂ 2 ಇ॑ಮಿ । ಅಣುಭಿಶ್ಚ ಮ॑ಹದ್ಭಿ॒ಶ್ಚ ॥ 57 ॥ 1-12-2 ನಿ॒ಘೃಷ್ವೈ॑ರಸ॒ಮಾಯು॑ತೈಃ । ಕಾಲೈರ್ಹರಿತ್ವ॑ಮಾಪ॒ನ್ನೈಃ । ಇಂದ್ರಾಯಾ॑ಹಿ ಸ॒ಹಸ್ರ॑ಯುಕ್ । ಅ॒ಗ್ನಿರ್ವಿ॒ಭ್ರಾಷ್ಟಿ॑ವಸನಃ । ವಾ॒ಯುಶ್ಶ್ವೇತ॑ಸಿಕದ್ರು॒ಕಃ । ಸಂ॒ವ॒ಥ್ಸ॒ರೋ ವಿ॑ಷೂ॒ವರ್ಣೈ॑: । ನಿತ್ಯಾ॒ಸ್ತೇಽನುಚ॑ರಾಸ್ತ॒ವ । ಸುಬ್ರಹ್ಮಣ್ಯೋಗ್ಂ ಸುಬ್ರಹ್ಮಣ್ಯೋಗ್ಂ ಸು॑ಬ್ರಹ್ಮ॒ಣ್ಯೋಂ । ಇಂದ್ರಾಗಚ್ಛ ಹರಿವ ಆಗಚ್ಛ ಮೇ॑ಧಾತಿ॒ಥೇಃ । ಮೇಷ ವೃಷಣಶ್ವ॑ಸ್ಯ ಮೇ॒ನೇ ॥ 58 ॥ 1-12-3 ಗೌರಾವಸ್ಕಂದಿನ್ನಹಲ್ಯಾ॑ಯೈ ಜಾ॒ರ । ಕೌಶಿಕಬ್ರಾಹ್ಮಣ ಗೌತಮ॑ಬ್ರುವಾ॒ಣ । ಅ॒ರು॒ಣಾಶ್ವಾ॑ ಇ॒ಹಾಗ॑ತಾಃ । ವಸ॑ವಃ ಪೃಥಿವಿ॒ಕ್ಷಿತ॑: । ಅ॒ಷ್ಟೌ ದಿ॒ಗ್ವಾಸ॑ಸೋ॒ಽಗ್ನಯ॑: । ಅಗ್ನಿಶ್ಚ ಜಾತವೇದಾ᳚ಶ್ಚೇತ್ಯೇ॒ತೇ । ತಾಮ್ರಾಶ್ವಾ᳚ಸ್ತಾಮ್ರ॒ರಥಾಃ । ತಾಮ್ರವರ್ಣಾ᳚ಸ್ತಥಾ॒ಽಸಿತಾಃ । ದಂಡಹಸ್ತಾ᳚: ಖಾದ॒ಗ್ದತಃ । ಇತೋ ರುದ್ರಾ᳚: ಪರಾಂ॒ಗತಾಃ ॥ 59 ॥ 1-12-4 ಉಕ್ತಗ್ಗ್ ಸ್ಥಾನಂ ಪ್ರಮಾಣಂಚ॑ ಪುರ॒ ಇತ । ಬೃಹ॒ಸ್ಪತಿ॑ಶ್ಚ ಸವಿ॒ತಾ ಚ॑ । ವಿ॒ಶ್ವರೂ॑ಪೈರಿ॒ಹಾಗ॑ತಾಂ । ರಥೇ॑ನೋದಕ॒ವರ್ತ್ಮ॑ನಾ । ಅ॒ಪ್ಸುಷಾ॑ ಇತಿ॒ ತದ್ದ್ವ॑ಯೋಃ । ಉಕ್ತೋ ವೇಷೋ॑ ವಾಸಾ॒ಗ್ಂ॒ಸಿ ಚ । ಕಾಲಾವಯವಾನಾಮಿತ॑: ಪ್ರತೀ॒ಚ್ಯಾ । ವಾಸಾತ್ಯಾ॑ ಇತ್ಯ॒ಶ್ವಿನೋಃ । ಕೋಽನ್ತರಿಕ್ಷೇ ಶಬ್ದಂಕ॑ರೋತೀ॒ತಿ । ವಾಸಿಷ್ಠೌ ರೌಹಿಣೋ ಮೀಮಾಗ್ಂ॑ಸಾಂಚ॒ಕ್ರೇ । ತಸ್ಯೈ॒ಷಾ ಭವ॑ತಿ । ವಾ॒ಶ್ರೇವ॑ ವಿ॒ದ್ಯುದಿತಿ॑ । ಬ್ರಹ್ಮ॑ಣ ಉ॒ದರ॑ಣಮಸಿ । ಬ್ರಹ್ಮ॑ಣ ಉದೀ॒ರಣ॑ಮಸಿ । ಬ್ರಹ್ಮ॑ಣ ಆ॒ಸ್ತರ॑ಣಮಸಿ । ಬ್ರಹ್ಮ॑ಣ ಉಪ॒ಸ್ತರ॑ಣಮಸಿ ॥ 60 ॥ 1-12-5 ಅ॒ಷ್ಟಯೋ॑ನೀಮ॒ಷ್ಟಪು॑ತ್ರಾಂ । ಅ॒ಷ್ಟಪ॑ತ್ನೀಮಿ॒ಮಾಂ ಮಹೀಂ᳚ । ಅ॒ಹಂ ವೇದ॒ ನ ಮೇ॑ ಮೃತ್ಯುಃ । ನಚಾಮೃ॑ತ್ಯುರ॒ಘಾಽಹ॑ರತ್ । ಅ॒ಷ್ಟಯೋ᳚ನ್ಯ॒ಷ್ಟಪು॑ತ್ರಂ । ಅ॒ಷ್ಟಪ॑ದಿ॒ದಮಂ॒ತರಿ॑ಕ್ಷಂ । ಅ॒ಹಂ ವೇದ॒ ನ ಮೇ॑ ಮೃತ್ಯುಃ । ನಚಾಮೃ॑ತ್ಯುರ॒ಘಾಽಹ॑ರತ್ । ಅ॒ಷ್ಟಯೋ॑ನೀಮ॒ಷ್ಟಪು॑ತ್ರಾಂ । ಅ॒ಷ್ಟಪ॑ತ್ನೀಮ॒ಮೂಂದಿವಂ᳚ ॥ 61 ॥ 1-13-1 ಅ॒ಹಂ ವೇದ॒ ನ ಮೇ॑ ಮೃತ್ಯುಃ । ನಚಾಮೃ॑ತ್ಯುರ॒ಘಾಽಽಹ॑ರತ್ । ಸು॒ತ್ರಾಮಾ॑ಣಂ ಮ॒ಹೀಮೂ॒ಷು । ಅದಿ॑ತಿ॒ರ್ದ್ಯೌರದಿ॑ತಿರಂ॒ತರಿ॑ಕ್ಷಂ । ಅದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ । ವಿಶ್ವೇ॑ ದೇ॒ವಾ ಅದಿ॑ತಿ॒: ಪಂಚ॒ಜನಾ᳚: । ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಂ । ಅ॒ಷ್ಟೌ ಪು॒ತ್ರಾಸೋ॒ ಅದಿ॑ತೇಃ । ಯೇ ಜಾ॒ತಾಸ್ತ॒ನ್ವ॑: ಪರಿ॑ । ದೇ॒ವಾಂ 2 ಉಪ॑ಪ್ರೈತ್ಸ॒ಪ್ತಭಿ॑: ॥ 62 ॥ 1-13-2 ಪ॒ರಾ॒ ಮಾ॒ರ್ತಾಂ॒ಡಮಾಸ್ಯ॑ತ್ । ಸ॒ಪ್ತಭಿ॑: ಪು॒ತ್ರೈರದಿ॑ತಿಃ । ಉಪ॒ಪ್ರೈತ್ಪೂ॒ರ್ವ್ಯಂ॑ ಯುಗಂ᳚ । ಪ್ರ॒ಜಾಯೈ॑ ಮೃ॒ತ್ಯವೇ ತ॑ತ್ । ಪ॒ರಾ॒ ಮಾ॒ರ್ತಾಂ॒ಡಮಾಭ॑ರ॒ದಿತಿ॑ । ತಾನನುಕ್ರ॑ಮಿಷ್ಯಾ॒ಮಃ । ಮಿ॒ತ್ರಶ್ಚ॒ ವರು॑ಣಶ್ಚ । ಧಾ॒ತಾ ಚಾ᳚ರ್ಯಾ॒ಮಾ ಚ॑ । ಅಗ್ಂಶ॑ಶ್ಚ॒ ಭಗ॑ಶ್ಚ । ಇಂದ್ರಶ್ಚ ವಿವಸ್ವಾಗ್ಂ॑ಶ್ಚೇತ್ಯೇ॒ತೇ । ಹಿ॒ರ॒ಣ್ಯ॒ಗ॒ರ್ಭೋ ಹ॒ಗ್ಂ॒ಸಶ್ಶು॑ಚಿ॒ಷತ್ । ಬ್ರಹ್ಮ॑ಜಜ್ಞಾ॒ನಂ ತದಿತ್ಪ॒ದಮಿತಿ॑ । ಗ॒ರ್ಭಃ ಪ್ರಾ॑ಜಾಪ॒ತ್ಯಃ । ಅಥ॒ ಪುರು॑ಷಃ ಸ॒ಪ್ತಪುರು॑ಷಃ ॥ 63 ॥ 1-13-3 ಯೋಽಸೌ॑ ತ॒ಪನ್ನು॒ದೇತಿ॑ । ಸ ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣಾನಾ॒ದಾಯೋ॒ದೇತಿ॑ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣಾನಾ॒ದಾಯೋದ॑ಗಾಃ । ಅ॒ಸೌ ಯೋ᳚ಽಸ್ತ॒ಮೇತಿ॑ । ಸ ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣಾನಾ॒ದಾಯಾ॒ಸ್ತಮೇತಿ॑ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣಾನಾ॒ದಾಯಾಽಸ್ತಂ॑ಗಾಃ । ಅ॒ಸೌ ಯ ಆ॒ಪೂರ್ಯ॑ತಿ । ಸ ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಾ॒ಪೂರ್ಯ॑ತಿ ॥ 64 ॥ 1-14-1 ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಾ॒ಪೂರಿ॑ಷ್ಠಾಃ । ಅ॒ಸೌ ಯೋ॑ಽಪ॒ಕ್ಷೀಯ॑ತಿ । ಸ ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಕ್ಷೀಯತಿ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಕ್ಷೇಷ್ಠಾಃ । ಅ॒ಮೂನಿ॒ ನಕ್ಷ॑ತ್ರಾಣಿ । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪಂತಿ॒ ಚೋಥ್ಸ॑ರ್ಪಂತಿ ಚ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪತ॒ ಮೋಥ್ಸೃ॑ಪತ ॥ 65 ॥ 1-14-2 ಇ॒ಮೇ ಮಾಸಾ᳚ಶ್ಚಾರ್ಧಮಾ॒ಸಾಶ್ಚ॑ । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪಂತಿ॒ ಚೋಥ್ಸ॑ರ್ಪಂತಿ ಚ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪತ॒ ಮೋಥ್ಸೃ॑ಪತ । ಇ॒ಮ ಋ॒ತವ॑: । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪಂತಿ॒ ಚೋಥ್ಸ॑ರ್ಪಂತಿ ಚ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪತ॒ ಮೋಥ್ಸೃ॑ಪತ । ಅ॒ಯಗ್ಂ ಸಂ॑ವಥ್ಸ॒ರಃ । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪತಿ॒ ಚೋಥ್ಸ॑ರ್ಪತಿ ಚ ॥ 66 ॥ 1-14-3 ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪ॒ ಮೋಥ್ಸೃ॑ಪ । ಇ॒ದಮಹ॑: । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪತಿ॒ ಚೋಥ್ಸ॑ರ್ಪತಿ ಚ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪ॒ ಮೋಥ್ಸೃ॑ಪ । ಇ॒ಯಗ್ಂರಾತ್ರಿ॑: । ಸರ್ವೇ॑ಷಾಂ ಭೂ॒ತಾನಾಂ᳚ ಪ್ರಾ॒ಣೈರಪ॑ಪ್ರಸರ್ಪತಿ॒ ಚೋಥ್ಸ॑ರ್ಪತಿ ಚ । ಮಾ ಮೇ᳚ ಪ್ರ॒ಜಯಾ॒ ಮಾ ಪ॑ಶೂ॒ನಾಂ । ಮಾ ಮಮ॑ ಪ್ರಾ॒ಣೈರಪ॑ಪ್ರಸೃಪ॒ ಮೋಥ್ಸೃ॑ಪ । ಓಂ ಭೂರ್ಭುವ॒ಸ್ಸ್ವ॑: । ಏತದ್ವೋ ಮಿಥುನಂ ಮಾನೋ ಮಿಥು॑ನಗ್ಂ ರೀ॒ಢ್ವಂ ॥ 67 ॥ 1-14-4 ಅಥಾದಿತ್ಯಸ್ಯಾಷ್ಟಪು॑ರುಷ॒ಸ್ಯ । ವಸೂನಾಮಾದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ರುದ್ರಾಣಾಮಾದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಆದಿತ್ಯಾನಾಮಾದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಸತಾಗ್ಂ॑ಸತ್ಯಾ॒ನಾಂ । ಆದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಅಭಿಧೂನ್ವತಾ॑ಮಭಿ॒ಘ್ನತಾಂ । ವಾತವ॑ತಾಂ ಮ॒ರುತಾಂ । ಆದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಋಭೂಣಾಮಾದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವಿಶ್ವೇಷಾಂ᳚ದೇವಾ॒ನಾಂ । ಆದಿತ್ಯಾನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಸಂವಥ್ಸರ॑ಸ್ಯ ಸ॒ವಿತುಃ । ಆದಿತ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಓಂ ಭೂರ್ಭುವ॒ಸ್ಸ್ವ॑: । ರಶ್ಮಯೋ ವೋ ಮಿಥುನಂ ಮಾ ನೋ ಮಿಥು॑ನಗ್ಂ ರೀ॒ಢ್ವಂ ॥ 68 ॥ 1-15-1 ಆರೋಗಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಭ್ರಾಜಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪಟರಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪತಂಗಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಸ್ವರ್ಣರಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಜ್ಯೋತಿಷೀಮತಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವಿಭಾಸಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಕಶ್ಯಪಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಓಂ ಭೂರ್ಭುವ॒ಸ್ಸ್ವ॑: । ಆಪೋ ವೋ ಮಿಥುನಂ ಮಾ ನೋ ಮಿಥು॑ನಗ್ಂ ರೀ॒ಢ್ವಂ ॥ 69 ॥ 1-16-1 ಅಥ ವಾಯೋರೇಕಾದಶಪುರುಷಸ್ಯೈಕಾದಶ॑ಸ್ತ್ರೀಕ॒ಸ್ಯ । ಪ್ರಭ್ರಾಜಮಾನಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವ್ಯವದಾತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವಾಸುಕಿವೈದ್ಯುತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ರಜತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪರುಷಾಣಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಶ್ಯಾಮಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಕಪಿಲಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಅತಿಲೋಹಿತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಊರ್ಧ್ವಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ ॥ 70 ॥ 1-17-1 ಅವಪತಂತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವೈದ್ಯುತಾನಾಗ್ಂ ರುದ್ರಾಣಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪ್ರಭ್ರಾಜಮಾನೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವ್ಯವದಾತೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವಾಸುಕಿವೈದ್ಯುತೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ರಜತಾನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪರುಷಾಣಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಶ್ಯಾಮಾನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಕಪಿಲಾನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಅತಿಲೋಹಿತೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಊರ್ಧ್ವಾನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಅವಪತಂತೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವೈದ್ಯುತೀನಾಗ್ಂ ರುದ್ರಾಣೀನಾಗ್ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಓಂ ಭೂರ್ಭುವ॒ಸ್ಸ್ವ॑: । ರೂಪಾಣಿ ವೋ ಮಿಥುನಂ ಮಾ ನೋ ಮಿಥು॑ನಗ್ಂ ರೀ॒ಢ್ವಂ ॥ 71 ॥ 1-17-2 ಅಥಾಗ್ನೇ॑ರಷ್ಟಪು॑ರುಷ॒ಸ್ಯ । ಅಗ್ನೇಃ ಪೂರ್ವದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಜಾತವೇದಸ ಉಪದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಸಹೋಜಸೋ ದಕ್ಷಿಣದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಅಜಿರಾಪ್ರಭವ ಉಪದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವೈಶ್ವಾನರಸ್ಯಾಪರದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ನರ್ಯಾಪಸ ಉಪದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಪಂಕ್ತಿರಾಧಸ ಉದಗ್ದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ವಿಸರ್ಪಿಣ ಉಪದಿಶ್ಯಸ್ಯ ಸ್ಥಾನೇ ಸ್ವತೇಜ॑ಸಾ ಭಾ॒ನಿ । ಓಂ ಭೂರ್ಭುವ॒ಸ್ಸ್ವ॑: । ದಿಶೋ ವೋ ಮಿಥುನಂ ಮಾ ನೋ ಮಿಥು॑ನಗ್ಂ ರೀ॒ಢ್ವಂ ॥ 72 ॥ 1-18-1 ದಕ್ಷಿಣಪೂರ್ವಸ್ಯಾಂದಿಶಿ ವಿಸ॑ರ್ಪೀ ನ॒ರಕಃ । ತಸ್ಮಾನ್ನಃ ಪ॑ರಿಪಾ॒ಹಿ । ದಕ್ಷಿಣಾಸ್ಯಾಂದಿಶ್ಯವಿಸ॑ರ್ಪೀ ನ॒ರಕಃ । ತಸ್ಮಾನ್ನಃ ಪ॑ರಿಪಾ॒ಹಿ । ಉತ್ತರಪೂರ್ವಸ್ಯಾಂದಿಶಿ ವಿಷಾ॑ದೀ ನ॒ರಕಃ । ತಸ್ಮಾನ್ನಃ ಪ॑ರಿಪಾ॒ಹಿ । ಉತ್ತರಾಪರಸ್ಯಾಂದಿಶ್ಯವಿಷಾ॑ದೀ ನ॒ರಕಃ । ತಸ್ಮಾನ್ನಃ ಪ॑ರಿಪಾ॒ಹಿ । ಆಯಸ್ಮಿಂಥ್ಸಪ್ತ ವಾಸವಾ ಇಂದ್ರಿಯಾಣಿ ಶತಕ್ರತ॑ವಿತ್ಯೇ॒ತೇ ॥ 73 ॥ 1-19-1 ಇಂ॒ದ್ರ॒ಘೋ॒ಷಾ ವೋ॒ ವಸು॑ಭಿಃ ಪು॒ರಸ್ತಾ॒ದುಪ॑ದಧತಾಂ । ಮನೋ॑ಜವಸೋ ವಃ ಪಿ॒ತೃಭಿ॑ರ್ದಕ್ಷಿಣ॒ತ ಉಪ॑ದಧತಾಂ । ಪ್ರಚೇ॑ತಾ ವೋ ರು॒ದ್ರೈಃ ಪ॒ಶ್ಚಾದುಪ॑ದಧತಾಂ । ವಿ॒ಶ್ವಕ॑ರ್ಮಾ ವ ಆದಿ॒ತ್ಯೈರು॑ತ್ತರ॒ತ ಉಪ॑ದಧತಾಂ । ತ್ವಷ್ಟಾ॑ ವೋ ರೂ॒ಪೈರು॒ಪರಿ॑ಷ್ಟಾ॒ದುಪ॑ದಧತಾಂ । ಸಂಜ್ಞಾನಂ ವಃ ಪ॑ಶ್ಚಾದಿ॒ತಿ । ಆ॒ದಿ॒ತ್ಯಸ್ಸರ್ವೋ॒ಽಗ್ನಿಃ ಪೃ॑ಥಿ॒ವ್ಯಾಂ । ವಾ॒ಯುರಂ॒ತರಿ॑ಕ್ಷೇ । ಸೂರ್ಯೋ॑ ದಿ॒ವಿ । ಚಂ॒ದ್ರಮಾ॑ ದಿ॒ಕ್ಷು । ನಕ್ಷ॑ತ್ರಾಣಿ॒ ಸ್ವಲೋ॒ಕೇ । ಏ॒ವಾ ಹ್ಯೇ॑ವ । ಏ॒ವಾ ಹ್ಯ॑ಗ್ನೇ । ಏ॒ವಾ ಹಿ ವಾ॑ಯೋ । ಏ॒ವಾ ಹೀಂ᳚ದ್ರ । ಏ॒ವಾ ಹಿ ಪೂ॑ಷನ್ । ಏ॒ವಾ ಹಿ ದೇ॑ವಾಃ ॥ 74 ॥ 1-20-1 ಆಪ॑ಮಾಪಾಮ॒ಪಃ ಸರ್ವಾ᳚: । ಅ॒ಸ್ಮಾದ॒ಸ್ಮಾದಿ॒ತೋಽಮುತ॑: । ಅ॒ಗ್ನಿರ್ವಾ॒ಯುಶ್ಚ॒ ಸೂರ್ಯ॑ಶ್ಚ । ಸ॒ಹ ಸಂ॑ಚಸ್ಕ॒ರರ್ದ್ಧಿ॑ಯಾ । ವಾ॒ಯ್ವಶ್ವಾ॑ ರಶ್ಮಿ॒ಪತ॑ಯಃ । ಮರೀ᳚ಚ್ಯಾತ್ಮಾನೋ॒ ಅದ್ರು॑ಹಃ । ದೇ॒ವೀರ್ಭು॑ವನ॒ಸೂವ॑ರೀಃ । ಪು॒ತ್ರ॒ವ॒ತ್ತ್ವಾಯ॑ ಮೇ ಸುತ । ಮಹಾನಾಮ್ನೀರ್ಮ॑ಹಾಮಾ॒ನಾಃ । ಮ॒ಹ॒ಸೋ ಮ॑ಹಸ॒ಸ್ಸ್ವ॑: ॥ 75 ॥ 1-21-1 ದೇ॒ವೀಃ ಪ॑ರ್ಜನ್ಯ॒ಸೂವ॑ರೀಃ । ಪು॒ತ್ರ॒ವ॒ತ್ತ್ವಾಯ॑ ಮೇ ಸುತ । ಅ॒ಪಾಽಶ್ನ್ಯು॑ಷ್ಣಿಮ॒ಪಾರಕ್ಷ॑: । ಅ॒ಪಾಽಶ್ನ್ಯು॑ಷ್ಣಿಮ॒ಪಾರಘಂ᳚ । ಅಪಾ᳚ಘ್ರಾ॒ಮಪ॑ಚಾ॒ಽವರ್ತಿಂ᳚ । ಅಪ॑ದೇ॒ವೀರಿ॒ತೋ ಹಿ॑ತ । ವಜ್ರಂ॑ದೇ॒ವೀರಜೀ॑ತಾಗ್ಂಶ್ಚ । ಭುವ॑ನಂದೇವ॒ಸೂವ॑ರೀಃ । ಆ॒ದಿ॒ತ್ಯಾನದಿ॑ತಿಂದೇ॒ವೀಂ । ಯೋನಿ॑ನೋರ್ಧ್ವಮು॒ದೀಷ॑ತ ॥ 76 ॥ 1-21-2 ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್ಂ ಸ॑ಸ್ತ॒ನೂಭಿ॑: । ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯು॑: । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನ॑: ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಕೇ॒ತವೋ॒ ಅರು॑ಣಾಸಶ್ಚ । ಋ॒ಷ॒ಯೋ ವಾತ॑ರಶ॒ನಾಃ । ಪ್ರ॒ತಿ॒ಷ್ಠಾಗ್ಂ ಶ॒ತಧಾ॑ ಹಿ । ಸ॒ಮಾಹಿ॑ತಾಸೋ ಸಹಸ್ರ॒ಧಾಯ॑ಸಂ । ಶಿ॒ವಾ ನ॒ಶ್ಶಂತ॑ಮಾ ಭವಂತು । ದಿ॒ವ್ಯಾ ಆಪ॒ ಓಷ॑ಧಯಃ । ಸು॒ಮೃ॒ಡೀ॒ಕಾ ಸರ॑ಸ್ವತಿ । ಮಾ ತೇ॒ ವ್ಯೋ॑ಮ ಸಂ॒ದೃಶಿ॑ ॥ 77 ॥ 1-21-3 ಯೋ॑ಽಪಾಂ ಪುಷ್ಪಂ॒ ವೇದ॑ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ । ಚಂ॒ದ್ರಮಾ॒ ವಾ ಅ॒ಪಾಂ ಪುಷ್ಪಂ᳚ । ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ । ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಅ॒ಗ್ನಿರ್ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ᳚ಽಗ್ನೇರಾ॒ಯತ॑ನಂ॒ ವೇದ॑ ॥ 78 ॥ 1-22-1 ಆ॒ಯತ॑ನವಾನ್ ಭವತಿ । ಆಪೋ॒ ವಾ ಅ॒ಗ್ನೇರಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ವಾ॒ಯುರ್ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ ವಾ॒ಯೋರಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ ॥ 79 ॥ 1-22-2 ಆಪೋ॒ ವೈ ವಾ॒ಯೋರಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಅ॒ಸೌ ವೈ ತಪ॑ನ್ನ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ॑ಽಮುಷ್ಯ॒ ತಪ॑ತ ಆ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವಾ ಅ॒ಮುಷ್ಯ॒ ತಪ॑ತ ಆ॒ಯತ॑ನಂ ॥ 80 ॥ 1-22-3 ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಚಂ॒ದ್ರಮಾ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯಶ್ಚಂ॒ದ್ರಮ॑ಸ ಆ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಚಂ॒ದ್ರಮ॑ಸ ಆ॒ಯತ॑ನಂ। ಆ॒ಯತ॑ನವಾನ್ ಭವತಿ ॥ 81 ॥ 1-22-4 ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ನಕ್ಷ॑ತ್ರಾಣಿ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯೋ ನಕ್ಷ॑ತ್ರಾಣಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ನಕ್ಷ॑ತ್ರಾಣಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ ॥ 82 ॥ 1-22-5 ಯೋ॑ಽಪಾಮಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಪ॒ರ್ಜನ್ಯೋ॒ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯಃ ಪ॒ರ್ಜನ್ಯ॑ಸ್ಯಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಪ॒ರ್ಜನ್ಯ॑ಸ್ಯಾ॒ಽಽಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ । ಯೋ॑ಽಪಾಮಾ॒ಯತ॑ನಂ॒ ವೇದ॑ ॥ 83 ॥ 1-22-6 ಆ॒ಯತ॑ನವಾನ್ ಭವತಿ । ಸಂ॒ವ॒ಥ್ಸ॒ರೋ ವಾ ಅ॒ಪಾಮಾ॒ಯತ॑ನಂ । ಆ॒ಯತ॑ನವಾನ್ ಭವತಿ । ಯಸ್ಸಂ॑ವಥ್ಸ॒ರಸ್ಯಾ॒ಯತ॑ನಂ॒ ವೇದ॑ । ಆ॒ಯತ॑ನವಾನ್ ಭವತಿ । ಆಪೋ॒ ವೈ ಸಂ॑ವಥ್ಸ॒ರಸ್ಯಾ॒ಽಽಯತ॑ನಂ । ಆ॒ಯತ॑ನವಾನ್ ಭವತಿ । ಯ ಏ॒ವಂ ವೇದ॑ । ಯೋ᳚ಽಪ್ಸು ನಾವಂ॒ ಪ್ರತಿ॑ಷ್ಠಿತಾಂ॒ ವೇದ॑ । ಪ್ರತ್ಯೇ॒ವ ತಿ॑ಷ್ಠತಿ ॥ 84 ॥ 1-22-7 ಇ॒ಮೇ ವೈ ಲೋ॒ಕಾ ಅ॒ಪ್ಸು ಪ್ರತಿ॑ಷ್ಠಿತಾಃ । ತದೇ॒ಷಾಽಭ್ಯನೂ᳚ಕ್ತಾ । ಅ॒ಪಾಗ್ಂ ರಸ॒ಮುದ॑ಯಗ್ಂ ಸನ್ । ಸೂರ್ಯೇ॑ ಶು॒ಕ್ರಗ್ಂ ಸ॒ಮಾಭೃ॑ತಂ । ಅ॒ಪಾಗ್ಂ ರಸ॑ಸ್ಯ॒ ಯೋ ರಸ॑: । ತಂ ವೋ॑ ಗೃಹ್ಣಾಮ್ಯುತ್ತ॒ಮಮಿತಿ॑ । ಇ॒ಮೇ ವೈ ಲೋ॒ಕಾ ಅ॒ಪಾಗ್ಂ ರಸ॑: । ತೇ॑ಽಮುಷ್ಮಿ॑ನ್ನಾದಿ॒ತ್ಯೇ ಸ॒ಮಾಭೃ॑ತಾಃ । ಜಾ॒ನು॒ದ॒ಘ್ನೀಮು॑ತ್ತರವೇ॒ದೀಂಖಾ॒ತ್ವಾ । ಅ॒ಪಾಂ ಪೂ॑ರಯಿ॒ತ್ವಾ ಗು॑ಲ್ಫದ॒ಘ್ನಂ ॥ 85 ॥ 1-22-8 ಪುಷ್ಕರಪರ್ಣೈಃ ಪುಷ್ಕರದಂಡೈಃ ಪುಷ್ಕರೈಶ್ಚ॑ ಸಗ್ಗ್ಸ್ತೀ॒ರ್ಯ । ತಸ್ಮಿ॑ನ್ವಿಹಾ॒ಯಸೇ । ಅ॒ಗ್ನಿಂ ಪ್ರ॒ಣೀಯೋ॑ಪಸಮಾ॒ಧಾಯ॑ । ಬ್ರ॒ಹ್ಮ॒ವಾ॒ದಿನೋ॑ ವದಂತಿ । ಕಸ್ಮಾ᳚ತ್ಪ್ರಣೀ॒ತೇಽಯಮ॒ಗ್ನಿಶ್ಚೀ॒ಯತೇ᳚ । ಸಾಪ್ರ॑ಣೀ॒ತೇಽಯಮ॒ಪ್ಸು ಹ್ಯಯಂ॑ಚೀ॒ಯತೇ᳚ । ಅ॒ಸೌ ಭುವ॑ನೇ॒ಽಪ್ಯನಾ॑ಹಿತಾಗ್ನಿರೇ॒ತಾಃ । ತಮ॒ಭಿತ॑ ಏ॒ತಾ ಅ॒ಬೀಷ್ಟ॑ಕಾ॒ ಉಪ॑ದಧಾತಿ । ಅ॒ಗ್ನಿ॒ಹೋ॒ತ್ರೇ ದ॑ರ್ಶಪೂರ್ಣಮಾ॒ಸಯೋ᳚: । ಪ॒ಶು॒ಬಂ॒ಧೇ ಚಾ॑ತುರ್ಮಾ॒ಸ್ಯೇಷು॑ ॥ 86 ॥ 1-22-9 ಅಥೋ॑ ಆಹುಃ । ಸರ್ವೇ॑ಷು ಯಜ್ಞಕ್ರ॒ತುಷ್ವಿತಿ॑ । ಏ॒ತದ್ಧ॑ ಸ್ಮ॒ ವಾ ಆ॑ಹುಶ್ಶಂಡಿ॒ಲಾಃ । ಕಮ॒ಗ್ನಿಂಚಿ॑ನುತೇ । ಸ॒ತ್ರಿ॒ಯಮ॒ಗ್ನಿಂಚಿ॑ನ್ವಾ॒ನಃ । ಸಂ॒ವ॒ಥ್ಸ॒ರಂ ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ । ಸಾ॒ವಿ॒ತ್ರಮ॒ಗ್ನಿಂಚಿ॑ನ್ವಾ॒ನಃ । ಅ॒ಮುಮಾ॑ದಿ॒ತ್ಯಂ ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ ॥ 87 ॥ 1-22-10 ನಾ॒ಚಿ॒ಕೇ॒ತಮ॒ಗ್ನಿಂಚಿ॑ನ್ವಾ॒ನಃ । ಪ್ರಾ॒ಣಾನ್ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ । ಚಾ॒ತು॒ರ್ಹೋ॒ತ್ರಿ॒ಯಮ॒ಗ್ನಿಂಚಿ॑ನ್ವಾ॒ನಃ । ಬ್ರಹ್ಮ॑ ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ । ವೈ॒ಶ್ವ॒ಸೃ॒ಜಮ॒ಗ್ನಿಂಚಿ॑ನ್ವಾ॒ನಃ । ಶರೀ॑ರಂ ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ । ಉ॒ಪಾ॒ನು॒ವಾ॒ಕ್ಯ॑ಮಾ॒ಶುಮ॒ಗ್ನಿಂಚಿ॑ನ್ವಾ॒ನಃ ॥ 88 ॥ 1-22-11 ಇ॒ಮಾಁಲ್ಲೋ॒ಕಾನ್ಪ್ರ॒ತ್ಯಕ್ಷೇ॑ಣ । ಕಮ॒ಗ್ನಿಂಚಿ॑ನುತೇ । ಇ॒ಮಮಾ॑ರುಣಕೇತುಕಮ॒ಗ್ನಿಂಚಿ॑ನ್ವಾ॒ನಃ ಇತಿ॑ । ಯ ಏ॒ವಾಸೌ । ಇ॒ತಶ್ಚಾ॒ಮುತ॑ಶ್ಚಾಽವ್ಯತೀಪಾ॒ತೀ । ತಮಿತಿ॑ । ಯೋ᳚ಽಗ್ನೇರ್ಮಿ॑ಥೂ॒ಯಾ ವೇದ॑ । ಮಿ॒ಥು॒ನ॒ವಾನ್ಭ॑ವತಿ । ಆಪೋ॒ ವಾ ಅ॒ಗ್ನೇರ್ಮಿ॑ಥೂ॒ಯಾಃ । ಮಿ॒ಥು॒ನ॒ವಾನ್ಭ॑ವತಿ । ಯ ಏ॒ವಂ ವೇದ॑ ॥ 89 ॥ 1-22-12 ಆಪೋ॒ ವಾ ಇ॒ದಮಾ॑ಸಂಥ್ಸಲಿ॒ಲಮೇ॒ವ । ಸ ಪ್ರ॒ಜಾಪ॑ತಿ॒ರೇಕ॑: ಪುಷ್ಕರಪ॒ರ್ಣೇ ಸಮ॑ಭವತ್ । ತಸ್ಯಾಂತ॒ರ್ಮನ॑ಸಿ ಕಾಮ॒ಸ್ಸಮ॑ವರ್ತತ । ಇ॒ದಗ್ಂ ಸೃ॑ಜೇಯ॒ಮಿತಿ॑ । ತಸ್ಮಾ॒ದ್ಯತ್ಪುರು॑ಷೋ॒ ಮನ॑ಸಾಽಭಿ॒ಗಚ್ಛ॑ತಿ । ತದ್ವಾ॒ಚಾ ವ॑ದತಿ । ತತ್ಕರ್ಮ॑ಣಾ ಕರೋತಿ । ತದೇ॒ಷಾಽಭ್ಯನೂ᳚ಕ್ತಾ । ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॑ । ಮನ॑ಸೋ॒ ರೇತ॑: ಪ್ರಥ॒ಮಂ ಯದಾಸೀ᳚ತ್ ॥ 90 ॥ 1-23-1 ಸ॒ತೋ ಬಂಧು॒ಮಸ॑ತಿ॒ ನಿ॑ರವಿಂದನ್ । ಹೃ॒ದಿ ಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷೇತಿ॑ । ಉಪೈ॑ನಂ॒ತದುಪ॑ನಮತಿ । ಯತ್ಕಾ॑ಮೋ॒ ಭವ॑ತಿ । ಯ ಏ॒ವಂ ವೇದ॑ । ಸ ತಪೋ॑ಽತಪ್ಯತ । ಸ ತಪ॑ಸ್ತ॒ಪ್ತ್ವಾ । ಶರೀ॑ರಮಧೂನುತ । ತಸ್ಯ॒ ಯನ್ಮಾ॒ಗ್ಂ॒ಸಮಾಸೀ᳚ತ್ । ತತೋ॑ಽರು॒ಣಾಃ ಕೇ॒ತವೋ॒ ವಾತ॑ರಶ॒ನಾ ಋಷ॑ಯ॒ ಉದ॑ತಿಷ್ಠನ್ ॥ 91 ॥ 1-23-2 ಯೇ ನಖಾ᳚: । ತೇ ವೈ॑ಖಾನ॒ಸಾಃ । ಯೇ ವಾಲಾ᳚: । ತೇ ವಾ॑ಲಖಿ॒ಲ್ಯಾಃ । ಯೋ ರಸ॑: । ಸೋ॑ಽಪಾಂ । ಅಂ॒ತ॒ರ॒ತಃ ಕೂ॒ರ್ಮಂ ಭೂ॒ತಗ್ಂ ಸರ್ಪಂ॑ತಂ । ತಮ॑ಬ್ರವೀತ್ । ಮಮ॒ ವೈತ್ವಙ್ಮಾ॒ಗ್ಂ॒ಸಾ । ಸಮ॑ಭೂತ್ ॥ 92 ॥ 1-23-3 ನೇತ್ಯ॑ಬ್ರವೀತ್ । ಪೂರ್ವ॑ಮೇ॒ವಾಹಮಿ॒ಹಾಸ॒ಮಿತಿ॑ । ತತ್ಪುರು॑ಷಸ್ಯ ಪುರುಷ॒ತ್ವಂ । ಸ ಸ॒ಹಸ್ರ॑ಶೀರ್ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಕ್ಷಸ್ಸ॒ಹಸ್ರ॑ಪಾತ್ । ಭೂ॒ತ್ವೋದ॑ತಿಷ್ಠತ್ । ತಮ॑ಬ್ರವೀತ್ । ತ್ವಂ ವೈ ಪೂರ್ವಗ್ಂ॑ ಸಮ॑ಭೂಃ । ತ್ವಮಿ॒ದಂ ಪೂರ್ವ॑: ಕುರು॒ಷ್ವೇತಿ॑ । ಸ ಇ॒ತ ಆ॒ದಾಯಾಪ॑: ॥ 93 ॥ 1-23-4 ಅಂ॒ಜ॒ಲಿನಾ॑ ಪು॒ರಸ್ತಾ॑ದು॒ಪಾದ॑ಧಾತ್ । ಏ॒ವಾಹ್ಯೇ॒ವೇತಿ॑ । ತತ॑ ಆದಿ॒ತ್ಯ ಉದ॑ತಿಷ್ಠತ್ । ಸಾ ಪ್ರಾಚೀ॒ ದಿಕ್ । ಅಥಾ॑ರು॒ಣಃ ಕೇ॒ತುರ್ದ॑ಕ್ಷಿಣ॒ತ ಉ॒ಪಾದ॑ಧಾತ್ । ಏ॒ವಾಹ್ಯಗ್ನ॒ ಇತಿ॑ । ತತೋ॒ ವಾ ಅ॒ಗ್ನಿರುದ॑ತಿಷ್ಠತ್ । ಸಾ ದ॑ಕ್ಷಿ॒ಣಾ ದಿಕ್ । ಅಥಾ॑ರು॒ಣಃ ಕೇ॒ತುಃ ಪ॒ಶ್ಚಾದು॒ಪಾದ॑ಧಾತ್ । ಏ॒ವಾಹಿ ವಾಯೋ॒ ಇತಿ॑ ॥ 94 ॥ 1-23-5 ತತೋ॑ ವಾ॒ಯುರುದ॑ತಿಷ್ಠತ್ । ಸಾ ಪ್ರ॒ತೀಚೀ॒ ದಿಕ್ । ಅಥಾ॑ರು॒ಣಃ ಕೇ॒ತುರು॑ತ್ತರ॒ತ ಉ॒ಪಾದ॑ಧಾತ್ । ಏ॒ವಾಹೀಂದ್ರೇತಿ॑ । ತತೋ॒ ವಾ ಇಂದ್ರ॒ ಉದ॑ತಿಷ್ಠತ್ । ಸೋದೀ॑ಚೀ॒ ದಿಕ್ । ಅಥಾ॑ರು॒ಣಃ ಕೇ॒ತುರ್ಮಧ್ಯ॑ ಉ॒ಪಾದ॑ಧಾತ್ । ಏ॒ವಾಹಿ ಪೂಷ॒ನ್ನಿತಿ॑ । ತತೋ॒ ವೈ ಪೂ॒ಷೋದ॑ತಿಷ್ಠತ್ । ಸೇಯಂದಿಕ್ ॥ 95 ॥ 1-23-6 ಅಥಾ॑ರು॒ಣಃ ಕೇ॒ತುರು॒ಪರಿ॑ಷ್ಟಾದು॒ಪಾದ॑ಧಾತ್ । ಏ॒ವಾಹಿ ದೇ॒ವಾ ಇತಿ॑ । ತತೋ॑ ದೇವಮನು॒ಷ್ಯಾಃ ಪಿ॒ತರ॑: । ಗಂ॒ಧ॒ರ್ವಾ॒ಪ್ಸ॒ರಸ॒ಶ್ಚೋದ॑ತಿಷ್ಠನ್ । ಸೋರ್ಧ್ವಾ ದಿಕ್ । ಯಾ ವಿ॒ಪ್ರುಷೋ॑ ವಿ॒ಪರಾ॑ಪತನ್ । ತಾಭ್ಯೋಽಸು॑ರಾ॒ ರಕ್ಷಾಗ್ಂ॑ಸಿ ಪಿಶಾ॒ಚಾಶ್ಚೋದ॑ತಿಷ್ಠನ್ । ತಸ್ಮಾ॒ತ್ತೇ ಪರಾ॑ಭವನ್ । ವಿ॒ಪ್ರುಡ್ಭ್ಯೋ॒ ಹಿ ತೇ ಸಮ॑ಭವನ್ । ತದೇ॒ಷಾಽಭ್ಯನೂ᳚ಕ್ತಾ ॥ 96 ॥ 1-23-7 ಆಪೋ॑ ಹ॒ ಯದ್ಬೃ॑ಹ॒ತೀರ್ಗರ್ಭಾ॒ಮಾಯನ್॑ । ದಕ್ಷಂ॒ದಧಾ॑ನಾ ಜ॒ನಯಂ॑ತೀಸ್ಸ್ವಯಂ॒ಭುಂ । ತತ॑ ಇ॒ಮೇಽದ್ಧ್ಯಸೃ॑ಜ್ಯಂತ॒ ಸರ್ಗಾ᳚: । ಅದ್ಭ್ಯೋ॒ ವಾ ಇ॒ದಗ್ಂ ಸಮ॑ಭೂತ್ । ತಸ್ಮಾ॑ದಿ॒ದಗ್ಂ ಸರ್ವಂ॒ ಬ್ರಹ್ಮ॑ ಸ್ವಯಂ॒ಭ್ವಿತಿ॑ । ತಸ್ಮಾ॑ದಿ॒ದಗ್ಂ ಸರ್ವ॒ಗ್ಂ॒ ಶಿಥಿ॑ಲಮಿ॒ವಾದ್ಧ್ರುವ॑ಮಿವಾಭವತ್ । ಪ್ರ॒ಜಾಪ॑ತಿ॒ರ್ವಾವ ತತ್ । ಆ॒ತ್ಮನಾ॒ತ್ಮಾನಂ॑ ವಿ॒ಧಾಯ॑ । ತದೇ॒ವಾನು॒ಪ್ರಾವಿ॑ಶತ್ । ತದೇ॒ಷಾಽಭ್ಯನೂ᳚ಕ್ತಾ ॥ 97 ॥ 1-23-8 ವಿ॒ಧಾಯ॑ ಲೋ॒ಕಾನ್ವಿ॒ಧಾಯ॑ ಭೂ॒ತಾನಿ॑ । ವಿ॒ಧಾಯ॒ ಸರ್ವಾ᳚: ಪ್ರ॒ದಿಶೋ॒ ದಿಶ॑ಶ್ಚ । ಪ್ರ॒ಜಾಪ॑ತಿಃ ಪ್ರಥಮ॒ಜಾ ಋ॒ತಸ್ಯ॑ । ಆ॒ತ್ಮನಾ॒ತ್ಮಾನ॑ಮ॒ಭಿಸಂವಿ॑ವೇ॒ಶೇತಿ॑ । ಸರ್ವ॑ಮೇ॒ವೇದಮಾ॒ಪ್ತ್ವಾ । ಸರ್ವ॑ಮವ॒ರುದ್ಧ್ಯ॑ । ತದೇ॒ವಾನು॒ಪ್ರವಿ॑ಶತಿ । ಯ ಏ॒ವಂ ವೇದ॑ ॥ 98 ॥ 1-23-9 ಚತು॑ಷ್ಟಯ್ಯ॒ ಆಪೋ॑ ಗೃಹ್ಣಾತಿ । ಚ॒ತ್ವಾರಿ॒ ವಾ ಅ॒ಪಾಗ್ಂ ರೂ॒ಪಾಣಿ॑ । ಮೇಘೋ॑ ವಿ॒ದ್ಯುತ್ । ಸ್ತ॒ನ॒ಯಿ॒ತ್ನುರ್ವೃ॒ಷ್ಟಿಃ । ತಾನ್ಯೇ॒ವಾವ॑ರುಂಧೇ । ಆ॒ತಪ॑ತಿ॒ ವರ್ಷ್ಯಾ॑ ಗೃಹ್ಣಾತಿ । ತಾಃ ಪು॒ರಸ್ತಾ॒ದುಪ॑ದಧಾತಿ । ಏ॒ತಾ ವೈ ಬ್ರ॑ಹ್ಮವರ್ಚ॒ಸ್ಯಾ ಆಪ॑: । ಮು॒ಖ॒ತ ಏ॒ವ ಬ್ರ॑ಹ್ಮವರ್ಚ॒ಸಮವ॑ರುಂಧೇ । ತಸ್ಮಾ᳚ನ್ಮುಖ॒ತೋ ಬ್ರ॑ಹ್ಮವರ್ಚ॒ಸಿತ॑ರಃ ॥ 99 ॥ 1-24-1 ಕೂಪ್ಯಾ॑ ಗೃಹ್ಣಾತಿ । ತಾ ದ॑ಕ್ಷಿಣ॒ತ ಉಪ॑ದಧಾತಿ । ಏ॒ತಾ ವೈ ತೇ॑ಜ॒ಸ್ವಿನೀ॒ರಾಪ॑: । ತೇಜ॑ ಏ॒ವಾಸ್ಯ॑ ದಕ್ಷಿಣ॒ತೋ ದ॑ಧಾತಿ । ತಸ್ಮಾ॒ದ್ದಕ್ಷಿ॒ಣೋಽರ್ಧ॑ಸ್ತೇಜ॒ಸ್ವಿತ॑ರಃ । ಸ್ಥಾ॒ವ॒ರಾ ಗೃ॑ಹ್ಣಾತಿ । ತಾಃ ಪ॒ಶ್ಚಾದುಪ॑ದಧಾತಿ । ಪ್ರತಿ॑ಷ್ಠಿತಾ॒ ವೈ ಸ್ಥಾ॑ವ॒ರಾಃ । ಪ॒ಶ್ಚಾದೇ॒ವ ಪ್ರತಿ॑ತಿಷ್ಠತಿ । ವಹಂ॑ತೀರ್ಗೃಹ್ಣಾತಿ ॥ 100 ॥ 1-24-2 ತಾ ಉ॑ತ್ತರ॒ತ ಉಪ॑ದಧಾತಿ । ಓಜ॑ಸಾ॒ ವಾ ಏ॒ತಾ ವಹಂ॑ತೀರಿ॒ವೋದ್ಗ॑ತೀರಿ॒ವ ಆಕೂಜ॑ತೀರಿ॒ವ ಧಾವಂ॑ತೀಃ । ಓಜ॑ ಏ॒ವಾಸ್ಯೋ᳚ತ್ತರ॒ತೋ ದ॑ಧಾತಿ । ತಸ್ಮಾ॒ದುತ್ತ॒ರೋಽರ್ಧ॑ ಓಜ॒ಸ್ವಿತ॑ರಃ । ಸಂ॒ಭಾ॒ರ್ಯಾ ಗೃ॑ಹ್ಣಾತಿ । ತಾ ಮಧ್ಯ॒ ಉಪ॑ದಧಾತಿ । ಇ॒ಯಂ ವೈ ಸಂ॑ಭಾ॒ರ್ಯಾಃ । ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠತಿ । ಪ॒ಲ್ವ॒ಲ್ಯಾ ಗೃ॑ಹ್ಣಾತಿ । ತಾ ಉ॒ಪರಿ॑ಷ್ಟಾದು॒ಪಾದ॑ಧಾತಿ ॥ 101 ॥ 1-24-3 ಅ॒ಸೌ ವೈ ಪ॑ಲ್ವ॒ಲ್ಯಾಃ । ಅ॒ಮುಷ್ಯಾ॑ಮೇ॒ವ ಪ್ರತಿ॑ತಿಷ್ಠತಿ । ದಿ॒ಕ್ಷೂಪ॑ದಧಾತಿ । ದಿ॒ಕ್ಷು ವಾ ಆಪ॑: । ಅನ್ನಂ॒ ವಾ ಆಪ॑: । ಅ॒ದ್ಭ್ಯೋ ವಾ ಅನ್ನಂ॑ಜಾಯತೇ । ಯದೇ॒ವಾದ್ಭ್ಯೋಽನ್ನಂ॒ಜಾಯ॑ತೇ । ತದವ॑ರುಂಧೇ । ತಂ ವಾ ಏ॒ತಮ॑ರು॒ಣಾಃ ಕೇ॒ತವೋ॒ ವಾತ॑ರಶ॒ನಾ ಋಷ॑ಯೋಽಚಿನ್ವನ್ । ತಸ್ಮಾ॑ದಾರುಣಕೇ॒ತುಕ॑: ॥ 102 ॥ 1-24-4 ತದೇ॒ಷಾಽಭ್ಯನೂ᳚ಕ್ತಾ । ಕೇ॒ತವೋ॒ ಅರು॑ಣಾಸಶ್ಚ । ಋ॒ಷ॒ಯೋ ವಾತ॑ರಶ॒ನಾಃ । ಪ್ರ॒ತಿ॒ಷ್ಠಾಗ್ಂ ಶ॒ತಧಾ॑ಹಿ । ಸ॒ಮಾಹಿ॑ತಾಸೋ ಸಹಸ್ರ॒ಧಾಯ॑ಸ॒ಮಿತಿ॑ । ಶ॒ತಶ॑ಶ್ಚೈ॒ವ ಸ॒ಹಸ್ರ॑ಶಶ್ಚ॒ ಪ್ರತಿ॑ತಿಷ್ಠತಿ । ಯ ಏ॒ತಮ॒ಗ್ನಿಂಚಿ॑ನುತೇ । ಯ ಉ॑ಚೈನಮೇ॒ವಂ ವೇದ॑ ॥ 103 ॥ 1-24-5 ಜಾ॒ನು॒ದ॒ಘ್ನೀಮು॑ತ್ತರವೇ॒ದೀಂಖಾ॒ತ್ವಾ । ಅ॒ಪಾಂ ಪೂ॑ರಯತಿ । ಅ॒ಪಾಗ್ಂ ಸ॑ರ್ವ॒ತ್ವಾಯ॑ । ಪು॒ಷ್ಕ॒ರ॒ಪ॒ರ್ಣಗ್ಂ ರು॒ಕ್ಮಂ ಪುರು॑ಷ॒ಮಿತ್ಯುಪ॑ದಧಾತಿ । ತಪೋ॒ ವೈ ಪು॑ಷ್ಕರಪ॒ರ್ಣಂ । ಸ॒ತ್ಯಗ್ಂ ರು॒ಕ್ಮಃ । ಅ॒ಮೃತಂ॒ ಪುರು॑ಷಃ । ಏ॒ತಾವ॒ದ್ವಾವಾ᳚ಸ್ತಿ । ಯಾವ॑ದೇ॒ತತ್ । ಯಾವ॑ದೇ॒ವಾಸ್ತಿ॑ ॥ 104 ॥ 1-25-1 ತದವ॑ರುಂಧೇ । ಕೂ॒ರ್ಮಮುಪ॑ದಧಾತಿ । ಅ॒ಪಾಮೇ॒ವ ಮೇಧ॒ಮವ॑ರುಂಧೇ । ಅಥೋ᳚ ಸ್ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ । ಆಪ॑ಮಾಪಾಮ॒ಪಸ್ಸರ್ವಾ᳚: । ಅ॒ಸ್ಮಾದ॒ಸ್ಮಾದಿ॒ತೋಽಮುತ॑: । ಅ॒ಗ್ನಿರ್ವಾ॒ಯುಶ್ಚ॒ ಸೂರ್ಯ॑ಶ್ಚ । ಸ॒ಹಸಂ॑ಚಸ್ಕ॒ರರ್ದ್ಧಿ॑ಯಾ॒ ಇತಿ॑ । ವಾ॒ಯ್ವಶ್ವಾ॑ ರಶ್ಮಿ॒ಪತ॑ಯಃ । ಲೋ॒ಕಂ ಪೃ॑ಣಚ್ಛಿ॒ದ್ರಂ ಪೃ॑ಣ ॥ 105 ॥ 1-25-2 ಯಾಸ್ತಿ॒ಸ್ರಃ ಪ॑ರಮ॒ಜಾಃ । ಇಂ॒ದ್ರ॒ಘೋ॒ಷಾ ವೋ॒ ವಸು॑ಭಿರೇ॒ವಾಹ್ಯೇ॒ವೇತಿ॑ । ಪಂಚ॒ಚಿತ॑ಯ॒ ಉಪದ॑ಧಾತಿ । ಪಾಂಕ್ತೋ॒ಽಗ್ನಿಃ । ಯಾವ॑ನೇ॒ವಾಗ್ನಿಃ । ತಂಚಿ॑ನುತೇ । ಲೋ॒ಕಂಪೃ॑ಣಯಾ ದ್ವಿ॒ತೀಯಾ॒ಮುಪ॑ದಧಾತಿ । ಪಂಚ॑ಪದಾ॒ ವೈ ವಿ॒ರಾಟ್ । ತಸ್ಯಾ॒ ವಾ ಇ॒ಯಂ ಪಾದ॑: । ಅಂ॒ತರಿ॑ಕ್ಷಂ॒ ಪಾದ॑: । ದ್ಯೌಃ ಪಾದ॑: । ದಿಶ॒: ಪಾದ॑: । ಪ॒ರೋರ॑ಜಾ॒: ಪಾದ॑: । ವಿ॒ರಾಜ್ಯೇ॒ವ ಪ್ರತಿ॑ತಿಷ್ಠತಿ । ಯ ಏ॒ತಮ॒ಗ್ನಿಂಚಿ॑ನು॒ತೇ । ಯ ಉ॑ಚೈನಮೇ॒ವಂ ವೇದ॑ ॥ 106 ॥ 1-25-3 ಅ॒ಗ್ನಿಂ ಪ್ರ॒ಣೀಯೋ॑ಪಸಮಾ॒ಧಾಯ॑ । ತಮ॒ಭಿತ॑ ಏ॒ತಾ ಅ॒ಬೀಷ್ಟ॑ಕಾ॒ ಉಪ॑ದಧಾತಿ । ಅ॒ಗ್ನಿ॒ಹೋ॒ತ್ರೇ ದ॑ರ್ಶಪೂರ್ಣಮಾ॒ಸಯೋ᳚: । ಪ॒ಶು॒ಬಂ॒ಧೇ ಚಾ॑ತುರ್ಮಾ॒ಸ್ಯೇಷು॑ । ಅಥೋ॑ ಆಹುಃ । ಸರ್ವೇ॑ಷು ಯಜ್ಞಕ್ರ॒ತುಷ್ವಿತಿ॑ । ಅಥ॑ ಹಸ್ಮಾಹಾರು॒ಣಸ್ಸ್ವಾ॑ಯಂ॒ಭುವ॑: । ಸಾ॒ವಿ॒ತ್ರಃ ಸರ್ವೋ॒ಽಗ್ನಿರಿತ್ಯನ॑ನುಷಂಗಂ ಮನ್ಯಾಮಹೇ । ನಾನಾ॒ ವಾ ಏ॒ತೇಷಾಂ᳚ ವೀ॒ರ್ಯಾ॑ಣಿ । ಕಮ॒ಗ್ನಿಂಚಿ॑ನುತೇ ॥ 107 ॥ 1-26-1 ಸ॒ತ್ರಿ॒ಯಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ । ಸಾ॒ವಿ॒ತ್ರಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ । ನಾ॒ಚಿ॒ಕೇ॒ತಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ । ಚಾ॒ತು॒ರ್ಹೋ॒ತ್ರಿ॒ಯಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ । ವೈ॒ಶ್ವ॒ಸೃ॒ಜಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ ॥ 108 ॥ 1-26-2 ಉ॒ಪಾ॒ನು॒ವಾ॒ಕ್ಯ॑ಮಾ॒ಶುಮ॒ಗ್ನಿಂಚಿ॑ನ್ವಾ॒ನಃ । ಕಮ॒ಗ್ನಿಂಚಿ॑ನುತೇ । ಇ॒ಮಮಾ॑ರುಣಕೇತುಕಮ॒ಗ್ನಿಂಚಿ॑ನ್ವಾ॒ನ ಇತಿ॑ । ವೃಷಾ॒ ವಾ ಅ॒ಗ್ನಿಃ । ವೃಷಾ॑ಣೋ॒ ಸಗ್ಗ್ಸ್ಫಾ॑ಲಯೇತ್ । ಹ॒ನ್ಯೇತಾ᳚ಸ್ಯ ಯ॒ಜ್ಞಃ । ತಸ್ಮಾ॒ನ್ನಾನು॒ಷಜ್ಯ॑: । ಸೋತ್ತ॑ರವೇ॒ದಿಷು॑ ಕ್ರ॒ತುಷು॑ ಚಿನ್ವೀತ । ಉ॒ತ್ತ॒ರ॒ವೇ॒ದ್ಯಾಗ್ಂ ಹ್ಯ॑ಗ್ನಿಶ್ಚೀ॒ಯತೇ᳚ । ಪ್ರ॒ಜಾಕಾ॑ಮಶ್ಚಿನ್ವೀತ ॥ 109 ॥ 1-26-3 ಪ್ರಾ॒ಜಾ॒ಪ॒ತ್ಯೋ ವಾ ಏ॒ಷೋ᳚ಽಗ್ನಿಃ । ಪ್ರಾ॒ಜಾ॒ಪ॒ತ್ಯಾಃ ಪ್ರ॒ಜಾಃ । ಪ್ರ॒ಜಾವಾ᳚ನ್ಭವತಿ । ಯ ಏ॒ವಂ ವೇದ॑ । ಪ॒ಶುಕಾ॑ಮಶ್ಚಿನ್ವೀತ । ಸಂ॒ಜ್ಞಾನಂ॒ ವಾ ಏ॒ತತ್ಪ॑ಶೂ॒ನಾಂ । ಯದಾಪ॑: । ಪ॒ಶೂ॒ನಾಮೇ॒ವ ಸಂ॒ಜ್ಞಾನೇ॒ಽಗ್ನಿಂಚಿ॑ನುತೇ । ಪ॒ಶು॒ಮಾನ್ಭ॑ವತಿ । ಯ ಏ॒ವಂ ವೇದ॑ ॥ 110 ॥ 1-26-4 ವೃಷ್ಟಿ॑ಕಾಮಶ್ಚಿನ್ವೀತ । ಆಪೋ॒ ವೈ ವೃಷ್ಟಿ॑: । ಪ॒ರ್ಜನ್ಯೋ॒ ವರ್ಷು॑ಕೋ ಭವತಿ । ಯ ಏ॒ವಂ ವೇದ॑ । ಆ॒ಮ॒ಯಾ॒ವೀ ಚಿ॑ನ್ವೀತ । ಆಪೋ॒ ವೈ ಭೇ॑ಷ॒ಜಂ । ಭೇ॒ಷ॒ಜಮೇ॒ವಾಸ್ಮೈ॑ ಕರೋತಿ । ಸರ್ವ॒ಮಾಯು॑ರೇತಿ । ಅ॒ಭಿ॒ಚರಗ್ಗ್॑ಶ್ಚಿನ್ವೀತ । ವಜ್ರೋ॒ ವಾ ಆಪ॑: ॥ 111 ॥ 1-26-5 ವಜ್ರ॑ಮೇ॒ವ ಭ್ರಾತೃ॑ವ್ಯೇಭ್ಯ॒: ಪ್ರಹ॑ರತಿ । ಸ್ತೃ॒ಣು॒ತ ಏ॑ನಂ । ತೇಜ॑ಸ್ಕಾಮೋ॒ ಯಶ॑ಸ್ಕಾಮಃ । ಬ್ರ॒ಹ್ಮ॒ವ॒ರ್ಚ॒ಸಕಾ॑ಮಸ್ಸ್ವ॒ರ್ಗಕಾ॑ಮಶ್ಚಿನ್ವೀತ । ಏ॒ತಾವ॒ದ್ವಾ ವಾ᳚ಸ್ತಿ । ಯಾವ॑ದೇ॒ತತ್ । ಯಾವ॑ದೇ॒ವಾಸ್ತಿ॑ । ತದವ॑ರುಂಧೇ । ತಸ್ಯೈ॒ತದ್ವ್ರ॒ತಂ । ವರ್ಷ॑ತಿ॒ ನ ಧಾ॑ವೇತ್ ॥ 112 ॥ 1-26-6 ಅ॒ಮೃತಂ॒ ವಾ ಆಪ॑: । ಅ॒ಮೃತ॒ಸ್ಯಾನಂ॑ತರಿತ್ಯೈ । ನಾಪ್ಸು ಮೂತ್ರ॑ಪುರೀ॒ಷಂಕು॑ರ್ಯಾತ್ । ನ ನಿಷ್ಠೀ॑ವೇತ್ । ನ ವಿ॒ವಸ॑ನಸ್ಸ್ನಾಯಾತ್ । ಗುಹ್ಯೋ॒ ವಾ ಏ॒ಷೋ᳚ಽಗ್ನಿಃ । ಏ॒ತಸ್ಯಾ॒ಗ್ನೇರನ॑ತಿದಾಹಾಯ । ನ ಪು॑ಷ್ಕರಪ॒ರ್ಣಾನಿ॒ ಹಿರ॑ಣ್ಯಂ॒ ವಾಽಧಿ॒ತಿಷ್ಠೇ᳚ತ್ । ಏ॒ತಸ್ಯಾ॒ಗ್ನೇರನ॑ಭ್ಯಾರೋಹಾಯ । ನ ಕೂರ್ಮ॒ಸ್ಯಾಶ್ನೀ॑ಯಾತ್ । ನೋದ॒ಕಸ್ಯಾ॒ಘಾತು॑ಕಾ॒ನ್ಯೇನ॑ಮೋದ॒ಕಾನಿ॑ ಭವಂತಿ । ಅ॒ಘಾತು॑ಕಾ॒ ಆಪ॑: । ಯ ಏ॒ತಮ॒ಗ್ನಿಂಚಿ॑ನು॒ತೇ । ಯ ಉ॑ಚೈನಮೇ॒ವಂ ವೇದ॑ ॥ 113 ॥ 1-26-7 ಇ॒ಮಾನು॑ಕಂ॒ ಭುವ॑ನಾ ಸೀಷಧೇಮ । ಇಂದ್ರ॑ಶ್ಚ॒ ವಿಶ್ವೇ॑ ಚ ದೇ॒ವಾಃ । ಯ॒ಜ್ಞಂಚ॑ ನಸ್ತ॒ನ್ವಂಚ॑ ಪ್ರ॒ಜಾಂಚ॑ । ಆ॒ದಿ॒ತ್ಯೈರಿಂದ್ರ॑ಸ್ಸ॒ಹ ಸೀ॑ಷಧಾತು । ಆ॒ದಿ॒ತ್ಯೈರಿಂದ್ರ॒ಸ್ಸಗ॑ಣೋ ಮ॒ರುದ್ಭಿ॑: । ಅ॒ಸ್ಮಾಕಂ॑ ಭೂತ್ವವಿ॒ತಾ ತ॒ನೂನಾಂ᳚ । ಆಪ್ಲ॑ವಸ್ವ॒ ಪ್ರಪ್ಲ॑ವಸ್ವ । ಆಂ॒ಡೀ ಭ॑ವ ಜ॒ ಮಾ ಮು॒ಹುಃ । ಸುಖಾದೀಂದು॑:ಖನಿ॒ಧನಾಂ । ಪ್ರತಿ॑ಮುಂಚಸ್ವ॒ ಸ್ವಾಂ ಪು॒ರಂ ॥ 114 ॥ 1-27-1 ಮರೀ॑ಚಯಸ್ಸ್ವಾಯಂಭು॒ವಾಃ । ಯೇ ಶ॑ರೀ॒ರಾಣ್ಯ॑ಕಲ್ಪಯನ್ । ತೇ ತೇ॑ ದೇ॒ಹಂಕ॑ಲ್ಪಯಂತು । ಮಾ ಚ॑ ತೇ॒ ಖ್ಯಾ ಸ್ಮ॑ ತೀರಿಷತ್ । ಉತ್ತಿ॑ಷ್ಠತ॒ ಮಾ ಸ್ವ॑ಪ್ತ । ಅ॒ಗ್ನಿಮಿ॑ಚ್ಛಧ್ವಂ॒ ಭಾರ॑ತಾಃ । ರಾಜ್ಞ॒ಸ್ಸೋಮ॑ಸ್ಯ ತೃ॒ಪ್ತಾಸ॑: । ಸೂರ್ಯೇ॑ಣ ಸ॒ಯುಜೋ॑ಷಸಃ । ಯುವಾ॑ ಸು॒ವಾಸಾ᳚: । ಅ॒ಷ್ಟಾಚ॑ಕ್ರಾ॒ ನವ॑ದ್ವಾರಾ ॥ 115 ॥ 1-27-2 ದೇ॒ವಾನಾಂ॒ ಪೂರ॑ಯೋ॒ಧ್ಯಾ । ತಸ್ಯಾಗ್ಂ॑ ಹಿರಣ್ಮ॑ಯಃ ಕೋ॒ಶಃ । ಸ್ವ॒ರ್ಗೋ ಲೋ॒ಕೋ ಜ್ಯೋತಿ॒ಷಾಽಽವೃ॑ತಃ । ಯೋ ವೈ ತಾಂ᳚ ಬ್ರಹ್ಮ॑ಣೋ ವೇ॒ದ । ಅ॒ಮೃತೇ॑ನಾಽಽವೃ॒ತಾಂ ಪು॑ರೀಂ । ತಸ್ಮೈ᳚ ಬ್ರಹ್ಮ ಚ॑ ಬ್ರಹ್ಮಾ॒ ಚ । ಆ॒ಯುಃ ಕೀರ್ತಿಂ॑ ಪ್ರ॒ಜಾಂದ॑ದುಃ । ವಿ॒ಭ್ರಾಜ॑ಮಾನಾ॒ಗ್ಂ॒ ಹರಿ॑ಣೀಂ । ಯ॒ಶಸಾ॑ ಸಂಪ॒ರೀವೃ॑ತಾಂ । ಪುರಗ್ಂ॑ ಹಿರಣ್ಮ॑ಯೀಂ ಬ್ರ॒ಹ್ಮಾ ॥ 116 ॥ 1-27-3 ವಿ॒ವೇಶಾ॑ಽಪ॒ರಾಜಿ॑ತಾ । ಪರಾಙೇತ್ಯ॑ಜ್ಯಾಮ॒ಯೀ । ಪರಾಙೇತ್ಯ॑ನಾಶ॒ಕೀ । ಇ॒ಹ ಚಾ॑ಮುತ್ರ॑ ಚಾನ್ವೇ॒ತಿ । ವಿ॒ದ್ವಾಂದೇ॑ವಾಸು॒ರಾನು॑ಭ॒ಯಾನ್ । ಯತ್ಕು॑ಮಾ॒ರೀ ಮಂ॒ದ್ರಯ॑ತೇ । ಯ॒ದ್ಯೋ॒ಷದ್ಯತ್ಪ॑ತಿ॒ವ್ರತಾ᳚ । ಅರಿ॑ಷ್ಟಂ॒ ಯತ್ಕಿಂಚ॑ ಕ್ರಿ॒ಯತೇ᳚ । ಅ॒ಗ್ನಿಸ್ತದನು॑ವೇಧತಿ । ಅ॒ಶೃತಾ॑ಸಶ್ಶೃ॑ತಾಸ॒ಶ್ಚ ॥ 117 ॥ 1-27-4 ಯ॒ಜ್ವಾನೋ॒ ಯೇಽಪ್ಯ॑ಯ॒ಜ್ವನ॑: । ಸ್ವ॑ರ್ಯಂತೋ॒ ನಾಪೇ᳚ಕ್ಷಂತೇ । ಇಂದ್ರ॑ಮ॒ಗ್ನಿಂಚ॑ ಯೇ ವಿ॒ದುಃ । ಸಿಕ॑ತಾ ಇವ ಸ॒ಮ್ಯಂತಿ॑ । ರ॒ಶ್ಮಿಭಿ॑ಸ್ಸಮು॒ದೀರಿ॑ತಾಃ । ಅ॒ಸ್ಮಾಲ್ಲೋ॒ಕಾದ॑ಮುಷ್ಮಾ॒ಚ್ಚ । ಋ॒ಷಿಭಿ॑ರದಾತ್ಪೃ॒ಶ್ನಿಭಿ॑ । ಅಪೇ॑ತ॒ ವೀತ॒ ವಿ ಚ॑ ಸರ್ಪ॒ತಾತ॑: । ಯೇಽತ್ರ॒ ಸ್ಥ ಪು॑ರಾ॒ಣಾ ಯೇ ಚ॒ ನೂತ॑ನಾಃ । ಅಹೋ॑ಭಿರ॒ದ್ಭಿರ॒ಕ್ತುಭಿ॒ರ್ವ್ಯ॑ಕ್ತಂ ॥ 118 ॥ 1-27-5 ಯ॒ಮೋ ದ॑ದಾತ್ವವ॒ಸಾನ॑ಮಸ್ಮೈ । ನೃ ಮು॑ಣಂತು ನೃ ಪಾ॒ತ್ವರ್ಯ॑: । ಅ॒ಕೃ॒ಷ್ಟಾ ಯೇ ಚ॒ ಕೃಷ್ಟ॑ಜಾಃ । ಕು॒ಮಾರೀ॑ಷು ಕ॒ನೀನೀ॑ಷು । ಜಾ॒ರಿಣೀ॑ಷು ಚ॒ ಯೇ ಹಿ॒ತಾಃ । ರೇತ॑: ಪೀತಾ॒ ಆಂಡ॑ಪೀತಾಃ । ಅಂಗಾ॑ರೇಷು ಚ॒ ಯೇ ಹು॒ತಾಃ । ಉ॒ಭಯಾ᳚ನ್ ಪುತ್ರ॑ಪೌತ್ರ॒ಕಾನ್ । ಯು॒ವೇ॒ಽಹಂ ಯ॒ಮರಾಜ॑ಗಾನ್ । ಶ॒ತಮಿನ್ನು ಶ॒ರದ॑: ॥ 119 ॥ 1-27-6 ಅದೋ॒ ಯದ್ಬ್ರಹ್ಮ॑ ವಿಲ॒ಬಂ । ಪಿ॒ತೃ॒ಣಾಂಚ॑ ಯ॒ಮಸ್ಯ॑ ಚ । ವರು॑ಣ॒ಸ್ಯಾಶ್ವಿ॑ನೋರ॒ಗ್ನೇಃ । ಮ॒ರುತಾಂ᳚ಚ ವಿ॒ಹಾಯ॑ಸಾಂ । ಕಾ॒ಮ॒ಪ್ರ॒ಯವ॑ಣಂ ಮೇ ಅಸ್ತು । ಸ ಹ್ಯೇ॑ವಾಸ್ಮಿ॑ ಸ॒ನಾತ॑ನಃ । ಇತಿ ನಾಕೋ ಬ್ರಹ್ಮಿಶ್ರವೋ॑ ರಾಯೋ॒ ಧನಂ । ಪು॒ತ್ರಾನಾಪೋ॑ ದೇ॒ವೀರಿ॒ಹಾಹಿ॑ತಾ ॥ 120 ॥ 1-27-7 ವಿಶೀ᳚ರ್ಷ್ಣೀಂ॒ ಗೃಧ್ರ॑ಶೀರ್ಷ್ಣೀಂಚ । ಅಪೇತೋ॑ ನಿರೃ॒ತಿಗ್ಂ ಹ॑ಥಃ । ಪರಿಬಾಧಗ್ಗ್ ಶ್ವೇ॑ತಕು॒ಕ್ಷಂ । ನಿ॒ಜಂಘಗ್ಂ॑ ಶಬ॒ಲೋದ॑ರಂ । ಸ॒ ತಾನ್ವಾ॒ಚ್ಯಾಯ॑ಯಾ ಸ॒ಹ । ಅಗ್ನೇ॒ ನಾಶ॑ಯ ಸಂ॒ದೃಶ॑: । ಈ॒ರ್ಷ್ಯಾ॒ಸೂ॒ಯೇ ಬು॑ಭು॒ಕ್ಷಾಂ । ಮ॒ನ್ಯುಂ ಕೃ॒ತ್ಯಾಂಚ॑ ದೀಧಿರೇ । ರಥೇ॑ನ ಕಿಗ್ಂಶು॒ಕಾವ॑ತಾ । ಅಗ್ನೇ॒ ನಾಶ॑ಯ ಸಂ॒ದೃಶ॑: ॥ 121 ॥ 1-28-1 ಪ॒ರ್ಜನ್ಯಾ॑ಯ॒ ಪ್ರಗಾ॑ಯತ । ದಿ॒ವಸ್ಪು॒ತ್ರಾಯ॑ ಮೀ॒ಢುಷೇ᳚ । ಸ ನೋ॑ ಯ॒ವಸ॑ಮಿಚ್ಛತು । ಇ॒ದಂ ವಚ॑: ಪ॒ರ್ಜನ್ಯಾ॑ಯ ಸ್ವ॒ರಾಜೇ᳚ । ಹೃ॒ದೋ ಅ॒ಸ್ತ್ವಂತ॑ರಂ॒ತದ್ಯು॑ಯೋತ । ಮ॒ಯೋ॒ಭೂರ್ವಾತೋ॑ ವಿ॒ಶ್ವಕೃ॑ಷ್ಟಯಸ್ಸಂತ್ವ॒ಸ್ಮೇ । ಸು॒ಪಿ॒ಪ್ಪ॒ಲಾ ಓಷ॑ಧೀರ್ದೇ॒ವಗೋ॑ಪಾಃ । ಯೋ ಗರ್ಭ॒ಮೋಷ॑ಧೀನಾಂ । ಗವಾಂ᳚ಕೃ॒ಣೋತ್ಯರ್ವ॑ತಾಂ । ಪ॒ರ್ಜನ್ಯ॑: ಪುರು॒ಷೀಣಾಂ᳚ ॥ 122 ॥ 1-29-1 ಪುನ॑ರ್ಮಾಮೈತ್ತ್ವಿಂದ್ರಿ॒ಯಂ । ಪುನ॒ರಾಯು॒: ಪುನ॒ರ್ಭಗ॑: । ಪುನ॒ರ್ಬ್ರಾಹ್ಮ॑ಣಮೈತು ಮಾ । ಪುನ॒ರ್ದ್ರವಿ॑ಣಮೈತು ಮಾ । ಯನ್ಮೇ॒ಽದ್ಯ ರೇತ॑: ಪೃಥಿ॒ವೀಮಸ್ಕಾನ್॑ । ಯದೋಷ॑ಧೀರ॒ಪ್ಯಸ॑ರ॒ದ್ಯದಾಪ॑: । ಇ॒ದಂತತ್ಪುನ॒ರಾದ॑ದೇ । ದೀ॒ರ್ಘಾ॒ಯು॒ತ್ತ್ವಾಯ॒ ವರ್ಚ॑ಸೇ । ಯನ್ಮೇ॒ ರೇತ॒: ಪ್ರಸಿ॑ಚ್ಯತೇ । ಯನ್ಮ॒ ಆಜಾ॑ಯತೇ॒ ಪುನ॑: । ತೇನ॑ ಮಾಮ॒ಮೃತಂ॑ಕುರು । ತೇನ॑ ಸುಪ್ರ॒ಜಸಂ॑ಕುರು ॥ 123 ॥ 1-30-1 ಅ॒ದ್ಭ್ಯಸ್ತಿರೋ॒ಧಾಽಜಾ॑ಯತ । ತವ॑ ವೈಶ್ರವ॒ಣಸ್ಸ॑ದಾ । ತಿರೋ॑ಧೇಹಿ ಸಪ॒ತ್ನಾನ್ನ॑: । ಯೇ ಅಪೋ॒ಽಶ್ನಂತಿ॑ ಕೇಚ॒ನ । ತ್ವಾ॒ಷ್ಟ್ರೀಂ ಮಾ॒ಯಾಂ ವೈ᳚ಶ್ರವ॒ಣಃ । ರಥಗ್ಂ॑ ಸಹಸ್ರ॒ವಂಧು॑ರಂ । ಪು॒ರು॒ಶ್ಚ॒ಕ್ರಗ್ಂ ಸಹ॑ಸ್ರಾಶ್ವಂ । ಆಸ್ಥಾ॒ಯಾಯಾ॑ಹಿ ನೋ ಬ॒ಲಿಂ । ಯಸ್ಮೈ॑ ಭೂ॒ತಾನಿ॑ ಬ॒ಲಿಮಾವ॑ಹಂತಿ । ಧನಂ॒ಗಾವೋ॒ ಹಸ್ತಿ॒ಹಿರ॑ಣ್ಯ॒ಮಶ್ವಾನ್॑ ॥ 124 ॥ 1-31-1 ಅಸಾ॑ಮ ಸುಮ॒ತೌ ಯ॒ಜ್ಞಿಯ॑ಸ್ಯ । ಶ್ರಿಯಂ॒ ಬಿಭ್ರ॒ತೋಽನ್ನ॑ಮುಖೀಂ ವಿ॒ರಾಜಂ᳚ । ಸು॒ದ॒ರ್ಶ॒ನೇ ಚ॑ ಕ್ರೋಂ॒ಚೇ ಚ॑ । ಮೈ॒ನಾ॒ಗೇ ಚ॑ ಮ॒ಹಾಗಿ॑ರೌ । ಸ॒ತದ್ವಾ॒ಟ್ಟಾರ॑ಗಮಂ॒ತಾ । ಸ॒ಗ್ಂ॒ಹಾರ್ಯ॒ನ್ನಗ॑ರಂ॒ ತವ॑ । ಇತಿ ಮಂತ್ರಾ᳚: । ಕಲ್ಪೋ॑ಽತ ಊ॒ರ್ಧ್ವಂ । ಯದಿ॒ ಬಲಿ॒ಗ್ಂ॒ ಹರೇ᳚ತ್ । ಹಿ॒ರ॒ಣ್ಯ॒ನಾ॒ಭಯೇ॑ ವಿತು॒ದಯೇ॑ ಕೌಬೇ॒ರಾಯಾ॒ಯಂ ಬ॑ಲಿಃ ॥ 125 ॥ 1-31-2 ಸರ್ವಭೂತಧಿಪತಯೇ ನ॑ಮ ಇ॒ತಿ । ಅಥ ಬಲಿಗ್ಂ ಹೃತ್ವೋಪ॑ತಿಷ್ಠೇ॒ತ । ಕ್ಷ॒ತ್ತ್ರಂ ಕ್ಷ॒ತ್ತ್ರಂ ವೈ᳚ಶ್ರವ॒ಣಃ । ಬ್ರಾಹ್ಮಣಾ॑ ವಯ॒ಗ್ಗ್॒ಸ್ಮಃ । ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿಗ್ಂಸೀಃ । ಅಸ್ಮಾತ್ಪ್ರವಿಶ್ಯಾನ್ನ॑ಮದ್ಧೀ॒ತಿ । ಅಥ ತಮಗ್ನಿಮಾ॑ದಧೀ॒ತ । ಯಸ್ಮಿನ್ನೇತತ್ಕರ್ಮ ಪ್ರ॑ಯುಂಜೀ॒ತ । ತಿ॒ರೋಧಾ॒ ಭೂಃ । ತಿ॒ರೋಧಾ॒ ಭುವ॑: ॥ 126 ॥ 1-31-3 ತಿ॒ರೋಧಾ॒ಸ್ಸ್ವ॑: । ತಿ॒ರೋಧಾ॒ ಭೂರ್ಭುವ॒ಸ್ಸ್ವ॑: । ಸರ್ವೇಷಾಂ ಲೋಕಾನಾಮಾಧಿಪತ್ಯೇ॑ ಸೀದೇ॒ತಿ । ಅಥ ತಮಗ್ನಿ॑ಮಿಂಧೀ॒ತ । ಯಸ್ಮಿನ್ನೇತತ್ಕರ್ಮ ಪ್ರ॑ಯುಂಜೀ॒ತ । ತಿ॒ರೋಧಾ॒ ಭೂಸ್ಸ್ವಾಹಾ᳚ । ತಿ॒ರೋಧಾ॒ ಭುವ॒ಸ್ಸ್ವಾಹಾ᳚ । ತಿ॒ರೋಧಾ॒ ಸ್ವ॑ಸ್ಸ್ವಾಹಾ᳚ । ತಿ॒ರೋಧಾ॒ ಭೂರ್ಭುವ॒ಸ್ಸ್ವ॑ಸ್ಸ್ವಾಹಾ᳚ । ಯಸ್ಮಿನ್ನಸ್ಯ ಕಾಲೇ ಸರ್ವಾ ಆಹುತೀರ್ಹುತಾ॑ ಭವೇ॒ಯುಃ ॥ 127 ॥ 1-31-4 ಅಪಿ ಬ್ರಾಹ್ಮಣ॑ಮುಖೀ॒ನಾಃ । ತಸ್ಮಿನ್ನಹ್ನಃ ಕಾಲೇ ಪ್ರ॑ಯುಂಜೀ॒ತ । ಪರ॑ಸ್ಸು॒ಪ್ತಜ॑ನಾದ್ವೇ॒ಪಿ । ಮಾಸ್ಮ ಪ್ರಮಾದ್ಯಂತ॑ಮಾಧ್ಯಾ॒ಪಯೇತ್ । ಸರ್ವಾರ್ಥಾ᳚: ಸಿದ್ಧ್ಯಂ॒ತೇ । ಯ ಏ॑ವಂ ವೇ॒ದ । ಕ್ಷುಧ್ಯನ್ನಿದ॑ಮಜಾ॒ನತಾಂ । ಸರ್ವಾರ್ಥಾ ನ॑ ಸಿದ್ಧ್ಯಂ॒ತೇ । ಯಸ್ತೇ॑ ವಿ॒ಘಾತು॑ಕೋ ಭ್ರಾ॒ತಾ । ಮಮಾಂತರ್ಹೃ॑ದಯೇ॒ ಶ್ರಿತಃ ॥ 128 ॥ 1-31-5 ತಸ್ಮಾ॑ ಇ॒ಮಮಗ್ರ॒ಪಿಂಡಂ॑ಜುಹೋಮಿ । ಸ ಮೇ᳚ಽರ್ಥಾ॒ನ್ಮಾ ವಿವ॑ಧೀತ್ । ಮಯಿ॒ ಸ್ವಾಹಾ᳚ । ರಾ॒ಜಾ॒ಧಿ॒ರಾ॒ಜಾಯ॑ ಪ್ರಸಹ್ಯಸಾ॒ಹಿನೇ᳚ । ನಮೋ॑ ವ॒ಯಂ ವೈ᳚ಶ್ರವ॒ಣಾಯ॑ ಕುರ್ಮಹೇ । ಸ ಮೇ॒ ಕಾಮಾ॒ನ್ಕಾಮ॒ಕಾಮಾ॑ಯ॒ ಮಹ್ಯಂ᳚ । ಕಾ॒ಮೇ॒ಶ್ವ॒ರೋ ವೈ᳚ಶ್ರವ॒ಣೋ ದ॑ದಾತು । ಕು॒ಬೇ॒ರಾಯ॑ ವೈಶ್ರವ॒ಣಾಯ॑ । ಮ॒ಹಾ॒ರಾ॒ಜಾಯ॒ ನಮ॑: । ಕೇ॒ತವೋ॒ ಅರು॑ಣಾಸಶ್ಚ । ಋ॒ಷ॒ಯೋ ವಾತ॑ರಶ॒ನಾಃ । ಪ್ರ॒ತಿ॒ಷ್ಠಾಗ್ಂ ಶ॒ತಧಾ॑ ಹಿ । ಸ॒ಮಾಹಿ॑ತಾಸೋ ಸಹಸ್ರ॒ಧಾಯ॑ಸಂ । ಶಿ॒ವಾ ನ॒ಶ್ಶಂತ॑ಮಾ ಭವಂತು । ದಿ॒ವ್ಯಾ ಆಪ॒ ಓಷ॑ಧಯಃ । ಸು॒ಮೃ॒ಡೀ॒ಕಾ ಸರ॑ಸ್ವತಿ । ಮಾ ತೇ॒ ವ್ಯೋ॑ಮ ಸಂ॒ದೃಶಿ॑ ॥ 129 ॥ 1-31-6 ಸಂವತ್ಸರಮೇತ॑ದ್ವ್ರತಂ॒ಚರೇತ್ । ದ್ವೌ॑ ವಾ ಮಾ॒ಸೌ । ನಿಯಮಸ್ಸ॑ಮಾಸೇ॒ನ । ತಸ್ಮಿನ್ನಿಯಮ॑ವಿಶೇ॒ಷಾಃ । ತ್ರಿಷವಣಮುದಕೋ॑ಪಸ್ಪ॒ರ್ಶೀ । ಚತುರ್ಥಕಾಲಪಾನ॑ಭಕ್ತ॒ಸ್ಸ್ಯಾತ್ । ಅಹರಹರ್ವಾ ಭೈಕ್ಷ॑ಮಶ್ನೀ॒ಯಾತ್ । ಔದುಂಬರೀಭಿಃ ಸಮಿದ್ಭಿರಗ್ನಿಂ॑ ಪರಿ॒ಚರೇತ್ । ಪುನರ್ಮಾ ಮೈತ್ತ್ವಿಂದ್ರಿಯಮಿತ್ಯೇತೇನಾಽನು॑ವಾಕೇ॒ನ । ಉದ್ಧೃತಪರಿಪೂತಾಭಿರದ್ಭಿಃ ಕಾರ್ಯಂ॑ಕುರ್ವೀ॒ತ ॥ 130 ॥ 1-32-1 ಅ॑ಸಂಚ॒ಯವಾನ್ । ಅಗ್ನಯೇ ವಾಯವೇ॑ ಸೂರ್ಯಾ॒ಯ । ಬ್ರಹ್ಮಣೇ ಪ್ರ॑ಜಾಪ॒ತಯೇ । ಚಂದ್ರಮಸೇ ನ॑ಕ್ಷತ್ರೇ॒ಭ್ಯಃ । ಋತುಭ್ಯಸ್ಸಂವ॑ಥ್ಸರಾ॒ಯ । ವರುಣಾಯಾರುಣಾಯೇತಿ ವ್ರ॑ತಹೋ॒ಮಾಃ । ಪ್ರ॒ವ॒ರ್ಗ್ಯವ॑ದಾದೇ॒ಶಃ । ಅರುಣಾಃ ಕಾಂ᳚ಡಋ॒ಷಯಃ । ಅರಣ್ಯೇ॑ಽಧೀಯೀ॒ರನ್ । ಭದ್ರಂ ಕರ್ಣೇಭಿರಿತಿ ದ್ವೇ॑ ಜಪಿ॒ತ್ವಾ ॥ 131 ॥ 1-32-2 ಮಹಾನಾಮ್ನೀಭಿರುದಕಗ್ಂ ಸ॑ಗ್ಗ್ಸ್ಪ॒ರ್ಶ್ಯ । ತಮಾಚಾ᳚ರ್ಯೋ ದ॒ದ್ಯಾತ್ । ಶಿವಾ ನಶ್ಶಂತಮೇತ್ಯೋಶಧೀ॑ರಾಲ॒ಭತೇ । ಸುಮೃಡೀಕೇ॑ತಿ ಭೂ॒ಮಿಂ । ಏವಮ॑ಪವ॒ರ್ಗೇ । ಧೇ॑ನುರ್ದ॒ಕ್ಷಿಣಾ । ಕಗ್ಂಸಂ ವಾಸ॑ಶ್ಚ ಕ್ಷೌ॒ಮಂ । ಅನ್ಯ॑ದ್ವಾಶು॒ಕ್ಲಂ । ಯ॑ಥಾಶ॒ಕ್ತಿ ವಾ । ಏವಗ್ಗ್ ಸ್ವಾಧ್ಯಾಯ॑ಧರ್ಮೇ॒ಣ । ಅರಣ್ಯೇ॑ಽಧೀಯೀ॒ತ । ತಪಸ್ವೀ ಪುಣ್ಯೋ ಭವತಿ ತಪಸ್ವೀ ಪು॑ಣ್ಯೋ ಭ॒ವತಿ ॥ 132 ॥ 1-32-3 ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್ಂಸ॑ಸ್ತ॒ನೂಭಿ॑: । ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯು॑: । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನ॑: ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಓಂ ಶಾಂತಿ॒: ಶಾಂತಿ॒: ಶಾಂತಿ॑: ॥