യാ ജാ॒താ ഓഷ॑ധയോ ദേ॒വേഭ്യ॑സ്ത്രിയു॒ഗം പു॒രാ । മന്ദാ॑മി ബ॒ഭ്രൂണാ॑മ॒ഹഗ്ം ശ॒തം ധാമാ॑നി സ॒പ്ത ച॑ ॥ 1 ശ॒തം വോ॑ അംബ॒ ധാമാ॑നി സ॒ഹസ്ര॑മു॒ത വോ॒ രുഹ॑: । അഥാ॑ ശതക്രത്വോ യൂ॒യമി॒മം മേ॑ അഗ॒ദം കൃ॑ത ॥ 2 പുഷ്പാ॑വതീഃ പ്ര॒സൂവ॑തീഃ ഫ॒ലിനീ॑രഫ॒ലാ ഉ॒ത । അശ്വാ॑ ഇവ സ॒ജിത്വ॑രീർവീ॒രുധഃ॑ പാരയി॒ഷ്ണവ॑: ॥ 3 ഓഷ॑ധീ॒രിതി॑ മാതര॒സ്തദ്വോ॑ ദേവീ॒രുപ॑ ബ്രുവേ । രപാഗ്ം॑സി വിഘ്ന॒തീരി॑ത॒ രപ॑ശ്ചാ॒തയ॑മാനാഃ ॥ 4 അ॒ശ്വ॒ത്ഥേ വോ॑ നി॒ഷദ॑നം പ॒ർണേ വോ॑ വസ॒തിഃ കൃ॒താ । ഗോ॒ഭാജ॒ ഇത്കിലാ॑സഥ॒ യത്സ॒നവ॑ഥ॒ പൂരു॑ഷം ॥ 5 യദ॒ഹം വാ॒ജയ॑ന്നി॒മാ ഓഷ॑ധീ॒ർഹസ്ത॑ ആദ॒ധേ । ആ॒ത്മാ യക്ഷ്മ॑സ്യ നശ്യതി പു॒രാ ജീ॑വ॒ഗൃഭോ॑ യഥാ ॥ 6 യദോഷ॑ധയഃ സം॒ഗച്ഛ॑ന്തേ॒ രാജാ॑ന॒: സമി॑താവിവ । വിപ്ര॒: സ ഉ॑ച്യതേ ഭി॒ഷഗ്ര॑ക്ഷോ॒ഹാഽമീ॑വ॒ചാത॑നഃ ॥ 7 നിഷ്കൃ॑തി॒ർനാമ॑ വോ മാ॒താഽഥാ॑ യൂ॒യഗ്ം സ്ഥ॒ സങ്കൃ॑തീഃ । സ॒രാഃ പ॑ത॒ത്രിണീ᳚: സ്ഥന॒ യദാ॒മയ॑തി॒ നിഷ്കൃ॑ത ॥ 8 അ॒ന്യാ വോ॑ അ॒ന്യാമ॑വത്വ॒ന്യാഽന്യസ്യാ॒ ഉപാ॑വത । താഃ സർവാ॒ ഓഷ॑ധയഃ സംവിദാ॒നാ ഇ॒ദം മേ॒ പ്രാവ॑താ॒ വച॑: ॥ 9 ഉച്ഛുഷ്മാ॒ ഓഷ॑ധീനാം॒ ഗാവോ॑ ഗോ॒ഷ്ഠാദി॑വേരതേ । ധനഗ്ം॑ സനി॒ഷ്യന്തീ॑നാമാ॒ത്മാനം॒ തവ॑ പൂരുഷ ॥ 10 അതി॒ വിശ്വാ᳚: പരി॒ഷ്ഠാഃ സ്തേ॒ന ഇ॑വ വ്ര॒ജമ॑ക്രമുഃ । ഓഷ॑ധയ॒: പ്രാചു॑ച്യവു॒ര്യത്കിം ച॑ ത॒നുവാ॒ഗ്ം॒ രപ॑: ॥ 11 യാസ്ത॑ ആത॒സ്ഥുരാ॒ത്മാനം॒ യാ ആ॑വിവി॒ശുഃ പരു॑: പരുഃ । താസ്തേ॒ യക്ഷ്മം॒ വി ബാ॑ധന്താമു॒ഗ്രോ മ॑ധ്യമ॒ശീരി॑വ ॥ 12 സാ॒കം യ॑ക്ഷ്മ॒ പ്ര പ॑ത ശ്യേ॒നേന॑ കികിദീ॒വിനാ᳚ । സാ॒കം വാത॑സ്യ॒ ധ്രാജ്യാ॑ സാ॒കം ന॑ശ്യ നി॒ഹാക॑യാ ॥ 13 അ॒ശ്വാ॒വ॒തീഗ്ം സോ॑മവ॒തീമൂ॒ർജയ॑ന്തീ॒ മുദോ॑ജസം । ആ വി॑ത്സി॒ സർവാ॒ ഓഷ॑ധീര॒സ്മാ അ॑രി॒ഷ്ടതാ॑തയേ ॥ 14 യാഃ ഫ॒ലിനീ॒ര്യാ അ॑ഫ॒ലാ അ॑പു॒ഷ്പാ യാശ്ച॑ പു॒ഷ്പിണീ᳚: । ബൃഹ॒സ്പതി॑ പ്രസൂതാ॒സ്താ നോ॑ മുഞ്ച॒ന്ത്വഗ്ംഹ॑സഃ ॥ 15 യാ ഓഷ॑ധയ॒: സോമ॑രാജ്ഞീ॒: പ്രവി॑ഷ്ടാഃ പൃഥി॒വീമനു॑ । താസാം॒ ത്വമ॑സ്യുത്ത॒മാ പ്രണോ॑ ജീ॒വാത॑വേ സുവ ॥ 16 അ॒വ॒പത॑ന്തീരവദന്ദി॒വ ഓഷ॑ധയ॒: പരി॑ । യം ജീ॒വമ॒ശ്നവാ॑മഹൈ॒ ന സ രി॑ഷ്യാതി॒ പൂരു॑ഷഃ ॥ 17 യാശ്ചേ॒ദമു॑പശൃ॒ണ്വന്തി॒ യാശ്ച॑ ദൂ॒രം പരാ॑ഗതാഃ । ഇ॒ഹ സം॒ഗത്യ॒ താഃ സർവാ॑ അ॒സ്മൈ സം ദ॑ത്ത ഭേഷ॒ജം ॥ 18 മാ വോ॑ രിഷത്ഖനി॒താ യസ്മൈ॑ ചാ॒ഹം ഖനാ॑മി വഃ । ദ്വി॒പച്ചതു॑ഷ്പദ॒സ്മാക॒ഗ്ം॒ സർവ॑മ॒സ്ത്വനാ॑തുരം ॥ 19 ഓഷ॑ധയ॒: സം വ॑ദന്തേ॒ സോമേ॑ന സ॒ഹ രാജ്ഞാ᳚ । യസ്മൈ॑ ക॒രോതി॑ ബ്രാഹ്മ॒ണസ്തഗ്ം രാ॑ജൻ പാരയാമസി ॥ 20 ഓം ശാന്തി॒: ശാന്തി॒: ശാന്തി॑: ।