हैंహైHaindavamஹிહિં
📍
Font Size:
ത്രിപുരോപനിഷത്ത്
ഓം വാങ്മേ മനസി പ്രതിഷ്ഠിതാ । മനോ മേ വാചി പ്രതിഷ്ഠിതം । ആവിരാവീർമ ഏധി । വേദസ്യ മ ആണീസ്ഥഃ । ശ്രുതം മേ മാ പ്രഹാസിഃ । അനേനാധീതേനാഹോരാത്രാൻ സംദധാമി । ഋതം വദിഷ്യാമി । സത്യം വദിഷ്യാമി । തന്മാമവതു । തദ്വക്താരമവതു । അവതു മാം । അവതു വക്താരം । ഓം ശാന്തിഃ ശാന്തിഃ ശാന്തിഃ ॥
തിസ്രഃ പുരാസ്ത്രിപഥാ വിശ്ചർഷണാ അത്രാകഥാ അക്ഷരാഃ സന്നിവിഷ്ടാഃ ।
അധിഷ്ഠായൈനാമജരാ പുരാണീ മഹത്തരാ മഹിമാ ദേവതാനാം ॥ 1 ॥
നവയോനീർനവചക്രാണി ദീധിരേ നവൈവയോഗാ നവയോഗിന്യശ്ച ।
നവാനാം ചക്രേ അധിനാഥാഃ സ്യോനാ നവ മുദ്രാ നവ ഭദ്രാ മഹീനാം ॥ 2 ॥
ഏകാ സാ ആസീത് പ്രഥമാ സാ നവാസീദാസോന വിംശദാസോനത്രിംശത് ।
ചത്വാരിംശദഥ തിസ്രഃ സമിധാ ഉശതീരിവ മാതരോ മാ വിശന്തു ॥ 3 ॥
ഊർധ്വജ്വലജ്ജ്വലനം ജ്യോതിരഗ്രേ തമോ വൈ തിരശ്ചീനമജരം തദ്രജോഽഭൂത് ।
ആനന്ദനം മോദനം ജ്യോതിരിന്ദ്രോ രേതാ ഉ വൈ മണ്ഡലാ മണ്ഡയന്തി ॥ 4 ॥
തിസ്രശ്ച രേഖാഃ സദനാനി ഭൂമേസ്ത്രിവിഷ്ടപാസ്ത്രിഗുണാസ്ത്രിപ്രകാരാഃ ।
ഏതത്പുരം പൂരകം പൂരകാണാമത്ര പ്രഥതേ മദനോ മദന്യാ ॥ 5 ॥
മദന്തികാ മാനിനീ മംഗലാ ച സുഭഗാ ച സാ സുന്ദരീ സിദ്ധിമത്താ ।
ലജ്ജാ മതിസ്തുഷ്ടിരിഷ്ടാ ച പുഷ്ടാ ലക്ഷ്മീരുമാ ലലിതാ ലാലപന്തീ ॥ 6 ॥
ഇമാം വിജ്ഞായ സുധയാ മദന്തി പരിസ്രുതാ തർപയന്തഃ സ്വപീഠം ।
നാകസ്യ പൃഷ്ഠേ മഹതോ വസന്തി പരം ധാമ ത്രൈപുരം ചാവിശന്തി ॥ 7 ॥
കാമോ യോനിഃ കമലാ വജ്രപാണിർഗുഹാ ഹസാ മാതരിശ്വാഭ്രമിന്ദ്രഃ ।
പുനർഗുഹാ സകലാ മായയാ ച പുരുച്യേഷാ വിശ്വമാതാദിവിദ്യാ ॥ 8 ॥
ഷഷ്ഠം സപ്തമമഥ വഹ്നിസാരഥിമസ്യാ മൂലത്രിക്രമാദേശയന്തഃ ।
കഥ്യം കവിം കല്പകം കാമമീശം തുഷ്ടുവാംസോ അമൃതത്വം ഭജന്തേ ॥ 9 ॥
ത്രിവിഷ്ടപം ത്രിമുഖം വിശ്വമാതുർനവരേഖാഃ സ്വരമധ്യം തദീലേ ।
ബൃഹത്തിഥീർദശപഞ്ചാദിനിത്യാ സാ ഷോഡശീ പുരമധ്യം ബിഭർത്തി ॥ 10 ॥
ദ്വാ മണ്ഡലാദ്വാ സ്തന ബിംബമേകം മുഖം ചാധസ്ത്രീണി ഗുഹാ സദനാനി ।
കാമീം കലാം കാമ്യരൂപാം വിദിത്വാ നരോ ജായതേ കാമരൂപശ്ച കാമ്യഃ ॥ 11 ॥
പരിസ്രുതം ഝഷമാദ്യം പലം ച ഭക്താനി യോനീഃ സുപരിഷ്കൃതാനി ।
നിവേദയൻ ദേവതായൈ മഹത്യൈ സ്വാത്മീകൃത്യ സുകൃതീ സിദ്ധിമേതി ॥ 12 ॥
സൃണ്യേവ സിതയാ വിശ്ചർഷണിഃ പാശേന പ്രതിബധ്നാത്യഭീകാൻ ।
ഇഷുഭിഃ പഞ്ചഭിർധനുഷാ വിധ്യത്യാദിശക്തിരരുണാ വിശ്വജന്യാ ॥ 13 ॥
ഭഗഃ ശക്തിർഭഗവാൻകാമ ഈശ ഉഭാ ദാതാരാവിഹ സൗഭഗാനാം ।
സമപ്രധാനൗ സമസത്ത്വൗ സമോജൗ തയോഃ ശക്തിരജരാ വിശ്വയോനിഃ ॥ 14 ॥
പരിസ്രുതാ ഹവിഷാ പാവിതേന പ്രംസകോചേ ഗലിതേ വൈമനസ്കഃ ।
ശർവഃ സർവസ്യ ജഗതോ വിധാതാ ധർതാ ഹർതാ വിശ്വരൂപത്വമേതി ॥ 15 ॥
ഇയം മഹോപനിഷത് ത്രിപുരായാ യാമക്ഷരം പരമേ ഗീർഭിരീട്ടേ ।
ഏഷർഗ്യജുഃ പരമേതച്ച സാമേവായമഥർവേയമന്യാ ച വിദ്യാം ॥ 16 ॥
ഓം ഹ്രീം ഓം ഹ്രീം ഇത്യുപനിഷത് ॥
ഓം വാങ്മേ മനസി പ്രതിഷ്ഠിതാ । മനോ മേ വാചി പ്രതിഷ്ഠിതം । ആവിരാവീർമ ഏധി । വേദസ്യ മ ആണീസ്ഥഃ । ശ്രുതം മേ മാ പ്രഹാസിഃ । അനേനാധീതേനാഹോരാത്രാൻ സംദധാമി । ഋതം വദിഷ്യാമി । സത്യം വദിഷ്യാമി । തന്മാമവതു । തദ്വക്താരമവതു । അവതു മാം । അവതു വക്താരം । ഓം ശാന്തിഃ ശാന്തിഃ ശാന്തിഃ ॥
ഇതി ത്രിപുരോപനിഷത് ।
Recite with devotion and pure heart
Regular practice brings spiritual benefits