हैंహైHaindavamஹிહિં
📍
Font Size:
శ్రీ లలితోపనిషత్
శ్రీలలితాత్రిపురసుందర్యై నమః ।
ఓం పరమకారణభూతా శక్తిః కేన నవచక్రరూపో దేహః । నవచక్రశక్తిమయం శ్రీచక్రమ్ వారాహీపితృరూపా కురుకుల్లా బలిదేవతా మాతా । । పురుషార్థాః సాగరాః । దేహో నవరత్నే ద్వీపః । ఆధారనవకముద్రాః శక్తయః । త్వగాదిసప్తధాతుభిరనేకైః సంయుక్తాః సంకల్పాః కల్పతరవః । తేజః కల్పకోద్యానమ్ ॥
రసనయా భాసమానా మధురామ్లతిక్తకటుకషాయలవణరసాః షడ్రసాః । క్రియాశక్తిః పీఠం కుండలినీ జ్ఞానశక్తిరహమిచ్ఛాశక్తిః । మహాత్రిపురసుందరీ జ్ఞాతా హోతా । జ్ఞానమర్ధ్యం జ్ఞేయం హవిః
జ్ఞాతృజ్ఞానజ్ఞేయానాం నమోభేదభావనం శ్రీచక్రపూజనమ్ ॥
నియతిసహితశృంగారాదయో నవరసాః । అణిమాదయః కామక్రోధలోభమోహమదమాత్సర్యపుణ్యపాపమయా బ్రాహ్మ్యాదయోఽష్టశక్తయః । ఆధారనవకముద్రా శక్తయః । పృథ్వ్యప్తేజోవాయ్వాకాశశ్రోత్రత్వక్చక్షుర్జిహ్వా-ప్రాణవాక్పాణిపాదపాయూపస్థమనోవికారాః షోడశశక్తయః । వచనాదానగమనవిసర్గానందాదానోపాదానోపేక్షా-బుద్ధయోఽనంగకుసుమాదిశక్తయోఽష్టౌ । అలంబుషాకుహూవిశ్వోదరీవరుణాహస్తిజిహ్వాయశస్వినీ-
గాంధారీపూషాసరస్వతీడాపింగలాసుషుమ్నా చేతి చతుర్దశనాడయః సర్వసంక్షోభిణ్యాదిచతుర్దశారదేవతాః ॥
ప్రాణాపానవ్యానోదానసమాననాగకూర్మకృకలదేవదత్తధనంజయా దశవాయవః సర్వసిద్ధిప్రదాది బహిర్దశారదేవతాః । ఏతద్వాయుదశకసంసర్గోపాధిభేదేన రేచకపూరకపోషకదాహకాల్పావకామృతమితి ప్రాణః సంఖ్యత్వేన పంచవిధోఽస్తి । జఠరాగ్నిర్మనుష్యాణాం మోహకో భక్ష్యభోజ్యలేహ్యచోష్యాత్మకం చతుర్విధమన్నం పాచయతి । తదా
కాశవాన్సకలాః సర్వజ్ఞత్వాద్యంతర్దశారదేవతాః ॥
శీతోష్ణసుఖదుఃఖేచ్ఛాసత్వరజస్తమోగుణాదయ వశిన్యాదిశక్తయోఽష్టౌ । శబ్దస్పర్శరూపరసగంధాః పంచతన్మాత్రాః పంచపుష్పబాణా మన ఇక్షుధనుర్వల్యో బాణో రాగః పాశో ద్వేషోఽంకుశః । అవ్యక్తమహత్తత్త్వాహంకారకామేశ్వరీవజ్రేశ్వరీ-భగమాలిన్యోఽంతస్త్రికోణాగ్రదేవతాః ॥
పంచదశతిథిరూపేణ కాలస్య పరిణామావలోకనపంచదశనిత్యాః శుద్ధానురుపాధిదేవతాః । నిరుపాధిసార్వదేవకామేశ్వరీ సదాఽఽనందపూర్ణా । స్వాత్మ్యైక్యరూపలలితాకామేశ్వరీ సదాఽఽనందఘనపూర్ణా స్వాత్మైక్యరూపా దేవతా లలితామితి ॥
సాహిత్యకరణం సత్త్వం । కర్త్తవ్యమకర్త్తవ్యమితి భావనాముక్తా ఉపచారాః । అహం త్వమస్తి నాస్తి కర్త్తవ్యాకర్త్తవ్యముపాసితవ్యానుపాసితవ్యమితి వికల్పనా । మనోవిలాపనం హోమః ॥
బాహ్యాభ్యంతరకరణానాం రూపగ్రహణయోగ్యతాస్తీత్యావాహనమ్ । తస్య బాహ్యాభ్యంతరకరణానామేకరూపవిషయగ్రహణమాసనమ్ । రక్తశుక్లపదైకీకరణం పాద్యమ్ । ఉజ్జ్వలదామోదాఽఽనందాత్సానందనమర్ఘ్యమ్ । స్వచ్ఛాస్వతః శక్తిరిత్యాచమనమ్ । చిచ్చంద్రమయీస్మరణం స్నానమ్ । చిదగ్నిస్వరూపపరమానందశక్తిస్మరణం వస్త్రమ్ । ప్రత్యేకం సప్తవింశతిధాభిన్నత్వేన ఇచ్ఛాక్రియాత్మకబ్రహ్మగ్రంథిమయీ సతంతుబ్రహ్మనాడీ బ్రహ్మసూత్రం సవ్యాతిరిక్తవస్త్రమ్ । సంగరహితం స్మరణం విభూషణమ్ । స్వచ్ఛందపరిపూర్ణస్మరణం గంధః । సమస్తవిషయాణాం మనఃస్థైర్యేణానుసంధానం కుసుమమ్ । తేషామేవ సర్వదా స్వీకరణం ధూపః । పవనాచ్ఛిన్నోర్ధ్వజ్వాలాసచ్చిదాహ్లాదాకాశదేహో దీపః । సమస్తయాతాయాతవర్జనం నైవేద్యమ్ । అవస్థాత్రయైకీకరణం తాంబూలమ్ । మూలాధారాదాబ్రహ్మరంధ్రపర్యంతం బ్రహ్మరంధ్రాదామూలాధారపర్యంతం గతాగతరూపేణ ప్రాదక్షిణ్యమ్ । తురీయావస్థానం సంస్కారదేహశూన్యం ప్రమాదితావతిమజ్జనం బలిహరణమ్ । సత్త్వమస్తి కర్త్తవ్యమకర్త్తవ్యమౌదాసీన్యమాత్మవిలాపనం హోమః । భావనావిషయాణామభేదభావనా తర్పణమ్ । స్వయం తత్పాదుకానిమజ్జనం పరిపూర్ణధ్యానమ్ ॥
ఏవం మూర్తిత్రయం భావనయా యుక్తో ముక్తో భవతి । తస్య దేవతాత్మైక్యసిద్ధిశ్చితికార్యాణ్యప్రయత్నేన సిధ్యంతి స ఏవ శివయోగీతి కథ్యతే ॥
ఇతి శ్రీలలితోపనిషత్సంపూర్ణా ।
Recite with devotion and pure heart
Regular practice brings spiritual benefits