हैंహైHaindavamஹிહિં
📍
Font Size:
ശ്രീ ലളിതോപനിഷത്ത്
ശ്രീലലിതാത്രിപുരസുന്ദര്യൈ നമഃ ।
ഓം പരമകാരണഭൂതാ ശക്തിഃ കേന നവചക്രരൂപോ ദേഹഃ । നവചക്രശക്തിമയം ശ്രീചക്രം വാരാഹീപിതൃരൂപാ കുരുകുല്ലാ ബലിദേവതാ മാതാ । । പുരുഷാര്ഥാഃ സാഗരാഃ । ദേഹോ നവരത്നേ ദ്വീപഃ । ആധാരനവകമുദ്രാഃ ശക്തയഃ । ത്വഗാദിസപ്തധാതുഭിരനേകൈഃ സമ്യുക്താഃ സങ്കല്പാഃ കല്പതരവഃ । തേജഃ കല്പകോദ്യാനം ॥
രസനയാ ഭാസമാനാ മധുരാമ്ലതിക്തകടുകഷായലവണരസാഃ ഷഡ്രസാഃ । ക്രിയാശക്തിഃ പീഠം കുണ്ഡലിനീ ജ്ഞാനശക്തിരഹമിച്ഛാശക്തിഃ । മഹാത്രിപുരസുന്ദരീ ജ്ഞാതാ ഹോതാ । ജ്ഞാനമര്ധ്യം ജ്ഞേയം ഹവിഃ
ജ്ഞാതൃജ്ഞാനജ്ഞേയാനാം നമോഭേദഭാവനം ശ്രീചക്രപൂജനം ॥
നിയതിസഹിതശൃങ്ഗാരാദയോ നവരസാഃ । അണിമാദയഃ കാമക്രോധലോഭമോഹമദമാത്സര്യപുണ്യപാപമയാ ബ്രാഹ്മ്യാദയോഽഷ്ടശക്തയഃ । ആധാരനവകമുദ്രാ ശക്തയഃ । പൃഥ്വ്യപ്തേജോവായ്വാകാശശ്രോത്രത്വക്ചക്ഷുര്ജിഹ്വാ-പ്രാണവാക്പാണിപാദപായൂപസ്ഥമനോവികാരാഃ ഷോഡശശക്തയഃ । വചനാദാനഗമനവിസര്ഗാനന്ദാദാനോപാദാനോപേക്ഷാ-ബുദ്ധയോഽനങ്ഗകുസുമാദിശക്തയോഽഷ്ടൗ । അലംബുഷാകുഹൂവിശ്വോദരീവരുണാഹസ്തിജിഹ്വായശസ്വിനീ-ഗാന്ധാരീപൂഷാസരസ്വതീഡാപിങ്ഗലാസുഷുമ്നാ ചേതി ചതുര്ദശനാഡയഃ സര്വസങ്ക്ഷോഭിണ്യാദിചതുര്ദശാരദേവതാഃ ॥
പ്രാണാപാനവ്യാനോദാനസമാനനാഗകൂര്മകൃകലദേവദത്തധനഞ്ജയാ ദശവായവഃ സര്വസിദ്ധിപ്രദാദി ബഹിര്ദശാരദേവതാഃ । ഏതദ്വായുദശകസംസര്ഗോപാധിഭേദേന രേചകപൂരകപോഷകദാഹകാല്പാവകാമൃതമിതി പ്രാണഃ സങ്ഖ്യത്വേന പഞ്ചവിധോഽസ്തി । ജഠരാഗ്നിര്മനുഷ്യാണാം മോഹകോ ഭക്ഷ്യഭോജ്യലേഹ്യചോഷ്യാത്മകം ചതുര്വിധമന്നം പാചയതി । തദാ
കാശവാന്സകലാഃ സര്വജ്ഞത്വാദ്യന്തര്ദശാരദേവതാഃ ॥
ശീതോഷ്ണസുഖദുഃഖേച്ഛാസത്ത്വരജസ്തമോഗുണാദയ വശിന്യാദിശക്തയോഽഷ്ടൗ । ശബ്ദസ്പര്ശരൂപരസഗന്ധാഃ പഞ്ചതന്മാത്രാഃ പഞ്ചപുഷ്പബാണാ മന ഇക്ഷുധനുര്വല്യോ ബാണോ രാഗഃ പാശോ ദ്വേഷോഽങ്കുശഃ । അവ്യക്തമഹത്തത്ത്വാഹങ്കാരകാമേശ്വരീവജ്രേശ്വരീ-ഭഗമാലിന്യോഽന്തസ്ത്രികോണാഗ്രദേവതാഃ ॥
പഞ്ചദശതിഥിരൂപേണ കാലസ്യ പരിണാമാവലോകനപഞ്ചദശനിത്യാഃ ശുദ്ധാനുരുപാധിദേവതാഃ । നിരുപാധിസാര്വദേവകാമേശ്വരീ സദാഽഽനന്ദപൂര്ണാ । സ്വാത്മ്യൈക്യരൂപലലിതാകാമേശ്വരീ സദാഽഽനന്ദഘനപൂര്ണാ സ്വാത്മൈക്യരൂപാ ദേവതാ ലലിതാമിതി ॥
സാഹിത്യകരണം സത്ത്വം । കര്ത്തവ്യമകര്ത്തവ്യമിതി ഭാവനാമുക്താ ഉപചാരാഃ । അഹം ത്വമസ്തി നാസ്തി കര്ത്തവ്യാകര്ത്തവ്യമുപാസിതവ്യാനുപാസിതവ്യമിതി വികല്പനാ । മനോവിലാപനം ഹോമഃ ॥
ബാഹ്യാഭ്യന്തരകരണാനാം രൂപഗ്രഹണയോഗ്യതാസ്തീത്യാവാഹനം । തസ്യ ബാഹ്യാഭ്യന്തരകരണാനാമേകരൂപവിഷയഗ്രഹണമാസനം । രക്തശുക്ലപദൈകീകരണം പാദ്യം । ഉജ്ജ്വലദാമോദാഽഽനന്ദാത്സാനന്ദനമര്ഘ്യം । സ്വച്ഛാസ്വതഃ ശക്തിരിത്യാചമനം । ചിച്ചന്ദ്രമയീസ്മരണം സ്നാനം । ചിദഗ്നിസ്വരൂപപരമാനന്ദശക്തിസ്മരണം വസ്ത്രം । പ്രത്യേകം സപ്തവിംശതിധാഭിന്നത്വേന ഇച്ഛാക്രിയാത്മകബ്രഹ്മഗ്രന്ഥിമയീ സതന്തുബ്രഹ്മനാഡീ ബ്രഹ്മസൂത്രം സവ്യാതിരിക്തവസ്ത്രം । സങ്ഗരഹിതം സ്മരണം വിഭൂഷണം । സ്വച്ഛന്ദപരിപൂര്ണസ്മരണം ഗന്ധഃ । സമസ്തവിഷയാണാം മനഃസ്ഥൈര്യേണാനുസന്ധാനം കുസുമം । തേഷാമേവ സര്വദാ സ്വീകരണം ധൂപഃ । പവനാച്ഛിന്നോര്ധ്വജ്വാലാസച്ചിദാഹ്ലാദാകാശദേഹോ ദീപഃ । സമസ്തയാതായാതവര്ജനം നൈവേദ്യം । അവസ്ഥാത്രയൈകീകരണം താമ്ബൂലം । മൂലാധാരാദാബ്രഹ്മരന്ധ്രപര്യന്തം ബ്രഹ്മരന്ധ്രാദാമൂലാധാരപര്യന്തം ഗതാഗതരൂപേണ പ്രദക്ഷിണ്യം । തുരീയാവസ്ഥാനം സംസ്കാരദേഹശൂന്യം പ്രമാദിതാവതിമജ്ജനം ബലിഹരണം । സത്ത്വമസ്തി കര്ത്തവ്യമകര്ത്തവ്യമൌദാസീന്യമാത്മവിലാപനം ഹോമഃ । ഭാവനാവിഷയാണാമഭേദഭാവനാ തര്പണം । സ്വയം തത്പാദുകാനിമജ്ജനം പരിപൂര്ണധ്യാനം ॥
ഏവം മൂര്തിത്രയം ഭാവനയാ യുക്തോ മുക്തോ ഭവതി । തസ്യ ദേവതാത്മൈക്യസിദ്ധിശ്ചിതികാര്യാണ്യപ്രയത്നേന സിധ്യന്തി സ ഏവ ശിവയോഗീതി കഥ്യതേ ॥
ഇതി ശ്രീലലിതോപനിഷത്സമ്പൂര്ണാ ।
Recite with devotion and pure heart
Regular practice brings spiritual benefits