हैंహైHaindavamஹிહિં
📍
Font Size:
ദേവ്യഥർവശീർഷം
ഓം സർവേ വൈ ദേവാ ദേവീമുപതസ്ഥുഃ കാസി ത്വ-മ്മഹാദേവീതി ॥ 1 ॥
സാ-ഽബ്രവീദഹ-മ്ബ്രഹ്മസ്വരൂപിണീ ।
മത്തഃ പ്രകൃതിപുരുഷാത്മക-ഞ്ജഗത് ।
ശൂന്യ-ഞ്ചാശൂന്യ-ഞ്ച ॥ 2 ॥
അഹമാനന്ദാനാനന്ദൗ ।
അഹം-വിഁജ്ഞാനാവിജ്ഞാനേ ।
അഹ-മ്ബ്രഹ്മാബ്രഹ്മണി വേദിതവ്യേ ।
അഹ-മ്പഞ്ചഭൂതാന്യപഞ്ചഭൂതാനി ।
അഹമഖില-ഞ്ജഗത് ॥ 3 ॥
വേദോ-ഽഹമവേദോ-ഽഹം ।
വിദ്യാ-ഽഹമവിദ്യാ-ഽഹം ।
അജാ-ഽഹമനജാ-ഽഹം ।
അധശ്ചോർധ്വ-ഞ്ച തിര്യക്ചാഹം ॥ 4 ॥
അഹം രുദ്രേഭിർവസുഭിശ്ചരാമി ।
അഹമാദിത്യൈരുത വിശ്വദേവൈഃ ।
അഹ-മ്മിത്രാവരുണാവുഭൗ ബിഭർമി ।
അഹമിന്ദ്രാഗ്നീ അഹമശ്വിനാവുഭൗ ॥ 5 ॥
അഹം സോമ-ന്ത്വഷ്ടാര-മ്പൂഷണ-മ്ഭഗ-ന്ദധാമി ।
അഹം-വിഁഷ്ണുമുരുക്രമ-മ്ബ്രഹ്മാണമുത പ്രജാപതി-ന്ദധാമി ॥ 6 ॥
അ॒ഹ-ന്ദ॑ധാമി॒ ദ്രവി॑ണം ഹ॒വിഷ്മ॑തേ സുപ്രാ॒വ്യേ॒3 യജ॑മാനായ സുന്വ॒തേ ।
അ॒ഹം രാഷ്ട്രീ॑ സം॒ഗമ॑നീ॒ വസൂ॑നാ-ഞ്ചികി॒തുഷീ॑ പ്രഥ॒മാ യ॒ജ്ഞിയാ॑നാം ।
അ॒ഹം സു॑വേ പി॒തര॑മസ്യ മൂ॒ർധന്മമ॒ യോനി॑ര॒പ്സ്വന്ത-സ്സ॑മു॒ദ്രേ ।
യ ഏവം-വേഁദ । സ ദേവീം സമ്പദമാപ്നോതി ॥ 7 ॥
തേ ദേവാ അബ്രുവൻ
നമോ ദേവ്യൈ മഹാദേവ്യൈ ശിവായൈ സതത-ന്നമഃ ।
നമഃ പ്രകൃത്യൈ ഭദ്രായൈ നിയതാഃ പ്രണതാ-സ്സ്മ താം ॥ 8 ॥
താമ॒ഗ്നിവ॑ർണാ॒-ന്തപ॑സാ ജ്വല॒ന്തീം-വൈഁ॑രോച॒നീ-ങ്ക॑ർമഫ॒ലേഷു॒ ജുഷ്ടാം᳚ ।
ദു॒ർഗാ-ന്ദേ॒വീം ശര॑ണ-മ്പ്രപ॑ദ്യാമഹേ-ഽസുരാന്നാശയിത്ര്യൈ തേ നമഃ ॥ 9 ॥
(ഋ.വേ.8.100.11)
ദേ॒വീം-വാഁച॑മജനയന്ത ദേ॒വാസ്താം-വിഁ॒ശ്വരൂ॑പാഃ പ॒ശവോ॑ വദന്തി ।
സാ നോ॑ മ॒ന്ദ്രേഷ॒മൂർജ॒-ന്ദുഹാ॑നാ ധേ॒നുർവാഗ॒സ്മാനുപ॒ സുഷ്ടു॒തൈതു॑ ॥ 10 ॥
കാലരാത്രീ-മ്ബ്രഹ്മസ്തുതാം-വൈഁഷ്ണവീം സ്കന്ദമാതരം ।
സരസ്വതീമദിതി-ന്ദക്ഷദുഹിതര-ന്നമാമഃ പാവനാം ശിവാം ॥ 11 ॥
മഹാലക്ഷ്മ്യൈ ച വിദ്മഹേ സർവശക്ത്യൈ ച ധീമഹി ।
തന്നോ ദേവീ പ്രചോദയാത് ॥ 12 ॥
അദിതിർഹ്യജനിഷ്ട ദക്ഷ യാ ദുഹിതാ തവ ।
താ-ന്ദേവാ അന്വജായന്ത ഭദ്രാ അമൃതബന്ധവഃ ॥ 13 ॥
കാമോ യോനിഃ കമലാ വജ്രപാണി-
ര്ഗുഹാ ഹസാ മാതരിശ്വാഭ്രമിന്ദ്രഃ ।
പുനർഗുഹാ സകലാ മായയാ ച
പുരൂച്യൈഷാ വിശ്വമാതാദിവിദ്യോം ॥ 14 ॥
ഏഷാ-ഽഽത്മശക്തിഃ ।
ഏഷാ വിശ്വമോഹിനീ ।
പാശാങ്കുശധനുർബാണധരാ ।
ഏഷാ ശ്രീമഹാവിദ്യാ ।
യ ഏവം-വേഁദ സ ശോക-ന്തരതി ॥ 15 ॥
നമസ്തേ അസ്തു ഭഗവതി മാതരസ്മാൻപാഹി സർവതഃ ॥ 16 ॥
സൈഷാഷ്ടൗ വസവഃ ।
സൈഷൈകാദശ രുദ്രാഃ ।
സൈഷാ ദ്വാദശാദിത്യാഃ ।
സൈഷാ വിശ്വേദേവാ-സ്സോമപാ അസോമപാശ്ച ।
സൈഷാ യാതുധാനാ അസുരാ രക്ഷാംസി പിശാചാ യക്ഷാ സിദ്ധാഃ ।
സൈഷാ സത്ത്വരജസ്തമാംസി ।
സൈഷാ ബ്രഹ്മവിഷ്ണുരുദ്രരൂപിണീ ।
സൈഷാ പ്രജാപതീന്ദ്രമനവഃ ।
സൈഷാ ഗ്രഹനക്ഷത്രജ്യോതീംഷി । കലാകാഷ്ഠാദികാലരൂപിണീ ।
താമഹ-മ്പ്രണൗമി നിത്യം ।
പാപാപഹാരിണീ-ന്ദേവീ-മ്ഭുക്തിമുക്തിപ്രദായിനീം ।
അനന്താം-വിഁജയാം ശുദ്ധാം ശരണ്യാം ശിവദാം ശിവാം ॥ 17 ॥
വിയദീകാരസംയുഁക്തം-വീഁതിഹോത്രസമന്വിതം ।
അർധേന്ദുലസിത-ന്ദേവ്യാ ബീജം സർവാർഥസാധകം ॥ 18 ॥
ഏവമേകാക്ഷര-മ്ബ്രഹ്മ യതയ-ശ്ശുദ്ധചേതസഃ ।
ധ്യായന്തി പരമാനന്ദമയാ ജ്ഞാനാംബുരാശയഃ ॥ 19 ॥
വാങ്മായാ ബ്രഹ്മസൂസ്തസ്മാ-ഥ്ഷഷ്ഠം-വഁക്ത്രസമന്വിതം ।
സൂര്യോ-ഽവാമശ്രോത്രബിന്ദുസംയുഁക്തഷ്ടാത്തൃതീയകഃ ।
നാരായണേന സമ്മിശ്രോ വായുശ്ചാധരയുക്തതഃ ।
വിച്ചേ നവാർണകോ-ഽർണ-സ്സ്യാന്മഹദാനന്ദദായകഃ ॥ 20 ॥
ഹൃത്പുണ്ഡരീകമധ്യസ്ഥാ-മ്പ്രാതസ്സൂര്യസമപ്രഭാം ।
പാശാങ്കുശധരാം സൗമ്യാം-വഁരദാഭയഹസ്തകാം ।
ത്രിനേത്രാം രക്തവസനാ-മ്ഭക്തകാമദുഘാ-മ്ഭജേ ॥ 21 ॥
നമാമി ത്വാ-മ്മഹാദേവീ-മ്മഹാഭയവിനാശിനീം ।
മഹാദുർഗപ്രശമനീ-മ്മഹാകാരുണ്യരൂപിണീം ॥ 22 ॥
യസ്യാ-സ്സ്വരൂപ-മ്ബ്രഹ്മാദയോ ന ജാനന്തി തസ്മാദുച്യതേ അജ്ഞേയാ ।
യസ്യാ അന്തോ ന ലഭ്യതേ തസ്മാദുച്യതേ അനന്താ ।
യസ്യാ ലക്ഷ്യ-ന്നോപലക്ഷ്യതേ തസ്മാദുച്യതേ അലക്ഷ്യാ ।
യസ്യാ ജനന-ന്നോപലഭ്യതേ തസ്മാദുച്യതേ അജാ ।
ഏകൈവ സർവത്ര വർതതേ തസ്മാദുച്യതേ ഏകാ ।
ഏകൈവ വിശ്വരൂപിണീ തസ്മാദുച്യതേ നൈകാ ।
അത ഏവോച്യതേ അജ്ഞേയാനന്താലക്ഷ്യാജൈകാ നൈകേതി ॥ 23 ॥
മന്ത്രാണാ-മ്മാതൃകാ ദേവീ ശബ്ദാനാ-ഞ്ജ്ഞാനരൂപിണീ ।
ജ്ഞാനാനാ-ഞ്ചിന്മയാതീതാ ശൂന്യാനാം ശൂന്യസാക്ഷിണീ ।
യസ്യാഃ പരതര-ന്നാസ്തി സൈഷാ ദുർഗാ പ്രകീർതിതാ ॥ 24 ॥
താ-ന്ദുർഗാ-ന്ദുർഗമാ-ന്ദേവീ-ന്ദുരാചാരവിഘാതിനീം ।
നമാമി ഭവഭീതോ-ഽഹം സംസാരാർണവതാരിണീം ॥ 25 ॥
ഇദമഥർവശീർഷം-യോഁ-ഽധീതേ സ പഞ്ചാഥർവശീർഷജപഫലമാപ്നോതി ।
ഇദമഥർവശീർഷമജ്ഞാത്വാ യോ-ഽർചാം സ്ഥാപയതി ।
ശതലക്ഷ-മ്പ്രജപ്ത്വാ-ഽപി സോ-ഽർചാസിദ്ധി-ന്ന വിന്ദതി ।
ശതമഷ്ടോത്തര-ഞ്ചാസ്യ പുരശ്ചര്യാവിധി-സ്സ്മൃതഃ ।
ദശവാര-മ്പഠേദ്യസ്തു സദ്യഃ പാപൈഃ പ്രമുച്യതേ ।
മഹാദുർഗാണി തരതി മഹാദേവ്യാഃ പ്രസാദതഃ । 26 ॥
സായമധീയാനോ ദിവസകൃത-മ്പാപ-ന്നാശയതി ।
പ്രാതരധീയാനോ രാത്രികൃത-മ്പാപ-ന്നാശയതി ।
സായ-മ്പ്രാതഃ പ്രയുഞ്ജാനോ അപാപോ ഭവതി ।
നിശീഥേ തുരീയസന്ധ്യായാ-ഞ്ജപ്ത്വാ വാക്സിദ്ധിർഭവതി ।
നൂതനായാ-മ്പ്രതിമായാ-ഞ്ജപ്ത്വാ ദേവതാസാന്നിധ്യ-മ്ഭവതി ।
പ്രാണപ്രതിഷ്ഠായാ-ഞ്ജപ്ത്വാ പ്രാണാനാ-മ്പ്രതിഷ്ഠാ ഭവതി ।
ഭൗമാശ്വിന്യാ-മ്മഹാദേവീസന്നിധൗ ജപ്ത്വാ മഹാമൃത്യു-ന്തരതി ।
സ മഹാമൃത്യു-ന്തരതി ।
യ ഏവം-വേഁദ ।
ഇത്യുപനിഷത് ॥ 27 ॥
ഇതി ദേവ്യഥർവശീർഷം ।
Recite with devotion and pure heart
Regular practice brings spiritual benefits