हैंహైHaindavamஹிહિં
📍
Font Size:
விஷ்ணு ஸஹஸ்ரநாம ஸ்தோத்ரம்
ஓம்ʼ ஶுக்லாம்ப³ரத⁴ரம்ʼ விஷ்ணும்ʼ ஶஶிவர்ணம்ʼ சதுர்பு⁴ஜம் ।
ப்ரஸன்னவத³னம்ʼ த்⁴யாயேத் ஸர்வவிக்⁴னோபஶாந்தயே ॥ 1 ॥
யஸ்யத்³விரத³வக்த்ராத்³யா꞉ பாரிஷத்³யா꞉ பர꞉ ஶதம் ।
விக்⁴னம்ʼ நிக்⁴னந்தி ஸததம்ʼ விஷ்வக்ஸேனம்ʼ தமாஶ்ரயே ॥ 2 ॥
பூர்வ பீடி²கா ॥
வ்யாஸம்ʼ வஸிஷ்ட² நப்தாரம்ʼ ஶக்தே꞉ பௌத்ரமகல்மஷம் ।
பராஶராத்மஜம்ʼ வந்தே³ ஶுகதாதம்ʼ தபோநிதி⁴ம் ॥ 3 ॥
வ்யாஸாய விஷ்ணு ரூபாய வ்யாஸரூபாய விஷ்ணவே ।
நமோ வை ப்³ரஹ்மநித⁴யே வாஸிஷ்டா²ய நமோ நம꞉ ॥ 4 ॥
அவிகாராய ஶுத்³தா⁴ய நித்யாய பரமாத்மனே ।
ஸதை³க ரூப ரூபாய விஷ்ணவே ஸர்வஜிஷ்ணவே ॥ 5 ॥
யஸ்ய ஸ்மரணமாத்ரேண ஜன்மஸம்ʼஸாரப³ந்த⁴னாத் ।
விமுச்யதே நமஸ்தஸ்மை விஷ்ணவே ப்ரப⁴விஷ்ணவே ॥ 6 ॥
ஓம்ʼ நமோ விஷ்ணவே ப்ரப⁴விஷ்ணவே ।
ஶ்ரீ வைஶம்பாயன உவாச –
ஶ்ருத்வா த⁴ர்மா நஶேஷேண பாவனானி ச ஸர்வஶ꞉ ।
யுதி⁴ஷ்டி²ர꞉ ஶாந்தனவம்ʼ புனரேவாப்⁴ய பா⁴ஷத ॥ 7 ॥
யுதி⁴ஷ்டி²ர உவாச –
கிமேகம்ʼ தை³வதம்ʼ லோகே கிம்ʼ வா(அ)ப்யேகம்ʼ பராயணம்ʼ
ஸ்துவந்த꞉ கம்ʼ கமர்சந்த꞉ ப்ராப்னுயுர்மானவா꞉ ஶுப⁴ம் ॥ 8 ॥
கோ த⁴ர்ம꞉ ஸர்வத⁴ர்மாணாம்ʼ ப⁴வத꞉ பரமோ மத꞉ ।
கிம்ʼ ஜபன்முச்யதே ஜந்துர்ஜன்மஸம்ʼஸார ப³ந்த⁴னாத் ॥ 9 ॥
ஶ்ரீ பீ⁴ஷ்ம உவாச –
ஜக³த்ப்ரபு⁴ம்ʼ தே³வதே³வ மனந்தம்ʼ புருஷோத்தமம் ।
ஸ்துவந்நாம ஸஹஸ்ரேண புருஷ꞉ ஸததோத்தி²த꞉ ॥ 10 ॥
தமேவ சார்சயந்நித்யம்ʼ ப⁴க்த்யா புருஷமவ்யயம் ।
த்⁴யாயன் ஸ்துவந்நமஸ்யம்ʼஶ்ச யஜமானஸ்தமேவ ச ॥ 11 ॥
அநாதி³ நித⁴னம்ʼ விஷ்ணும்ʼ ஸர்வலோக மஹேஶ்வரம் ।
லோகாத்⁴யக்ஷம்ʼ ஸ்துவந்நித்யம்ʼ ஸர்வ து³꞉கா²திகோ³ ப⁴வேத் ॥ 12 ॥
ப்³ரஹ்மண்யம்ʼ ஸர்வ த⁴ர்மஜ்ஞம்ʼ லோகானாம்ʼ கீர்தி வர்த⁴னம் ।
லோகநாத²ம்ʼ மஹத்³பூ⁴தம்ʼ ஸர்வபூ⁴த ப⁴வோத்³ப⁴வம்॥ 13 ॥
ஏஷ மே ஸர்வ த⁴ர்மாணாம்ʼ த⁴ர்மோ(அ)தி⁴க தமோமத꞉ ।
யத்³ப⁴க்த்யா புண்ட³ரீகாக்ஷம்ʼ ஸ்தவைரர்சேன்னர꞉ ஸதா³ ॥ 14 ॥
பரமம்ʼ யோ மஹத்தேஜ꞉ பரமம்ʼ யோ மஹத்தப꞉ ।
பரமம்ʼ யோ மஹத்³ப்³ரஹ்ம பரமம்ʼ ய꞉ பராயணம் । 15 ॥
பவித்ராணாம்ʼ பவித்ரம்ʼ யோ மங்க³லானாம்ʼ ச மங்க³லம் ।
தை³வதம்ʼ தே³வதானாம்ʼ ச பூ⁴தானாம்ʼ யோ(அ)வ்யய꞉ பிதா ॥ 16 ॥
யத꞉ ஸர்வாணி பூ⁴தானி ப⁴வந்த்யாதி³ யுகா³க³மே ।
யஸ்மிம்ʼஶ்ச ப்ரலயம்ʼ யாந்தி புனரேவ யுக³க்ஷயே ॥ 17 ॥
தஸ்ய லோக ப்ரதா⁴னஸ்ய ஜக³ந்நாத²ஸ்ய பூ⁴பதே ।
விஷ்ணோர்நாம ஸஹஸ்ரம்ʼ மே ஶ்ருணு பாப ப⁴யாபஹம் ॥ 18 ॥
யானி நாமானி கௌ³ணானி விக்²யாதானி மஹாத்மன꞉ ।
ருʼஷிபி⁴꞉ பரிகீ³தானி தானி வக்ஷ்யாமி பூ⁴தயே ॥ 19 ॥
ருʼஷிர்நாம்னாம்ʼ ஸஹஸ்ரஸ்ய வேத³வ்யாஸோ மஹாமுனி꞉ ॥
ச²ந்தோ³(அ)னுஷ்டுப் ததா² தே³வோ ப⁴க³வான் தே³வகீஸுத꞉ ॥ 20 ॥
அம்ருʼதாம்ʼ ஶூத்³ப⁴வோ பீ³ஜம்ʼ ஶக்திர்தே³வகிநந்த³ன꞉ ।
த்ரிஸாமா ஹ்ருʼத³யம்ʼ தஸ்ய ஶாந்த்யர்தே² விநியுஜ்யதே ॥ 21 ॥
விஷ்ணும்ʼ ஜிஷ்ணும்ʼ மஹாவிஷ்ணும்ʼ ப்ரப⁴விஷ்ணும்ʼ மஹேஶ்வரம் ॥
அனேகரூப தை³த்யாந்தம்ʼ நமாமி புருஷோத்தமம் ॥ 22 ॥
பூர்வந்யாஸ꞉ –
அஸ்ய ஶ்ரீ விஷ்ணோர்தி³வ்ய ஸஹஸ்ரநாம ஸ்தோத்ர மஹாமந்த்ரஸ்ய ॥
ஶ்ரீ வேத³வ்யாஸோ ப⁴க³வான் ருʼஷி꞉ ।
அனுஷ்டுப் ச²ந்த³꞉ ।
ஶ்ரீமஹாவிஷ்ணு꞉ பரமாத்மா ஶ்ரீமந்நாராயணோ தே³வதா ।
அம்ருʼதாம்ʼஶூத்³ப⁴வோ பா⁴னுரிதி பீ³ஜம் ।
தே³வகீநந்த³ன꞉ ஸ்ரஷ்டேதி ஶக்தி꞉ ।
உத்³ப⁴வ꞉, க்ஷோப⁴ணோ தே³வ இதி பரமோமந்த்ர꞉ ।
ஶங்க²ப்⁴ருʼன்னந்த³கீ சக்ரீதி கீலகம் ।
ஶார்ங்க³த⁴ன்வா க³தா³த⁴ர இத்யஸ்த்ரம் ।
ரதா²ங்க³பாணி ரக்ஷோப்⁴ய இதி நேத்ரம் ।
த்ரிஸாமாஸாமக³꞉ ஸாமேதி கவசம் ।
ஆனந்த³ம்ʼ பரப்³ரஹ்மேதி யோனி꞉ ।
ருʼதுஸ்ஸுத³ர்ஶன꞉ கால இதி தி³க்³ப³ந்த⁴꞉ ॥
ஶ்ரீவிஶ்வரூப இதி த்⁴யானம் ।
ஶ்ரீ மஹாவிஷ்ணு ப்ரீத்யர்தே² ஸஹஸ்ரநாம ஜபே பாராயணே விநியோக³꞉ ।
கரந்யாஸ꞉ –
விஶ்வம்ʼ விஷ்ணுர்வஷட்கார இத்யங்கு³ஷ்டா²ப்⁴யாம்ʼ நம꞉
அம்ருʼதாம்ʼ ஶூத்³ப⁴வோ பா⁴னுரிதி தர்ஜனீப்⁴யாம்ʼ நம꞉
ப்³ரஹ்மண்யோ ப்³ரஹ்மக்ருʼத் ப்³ரஹ்மேதி மத்⁴யமாப்⁴யாம்ʼ நம꞉
ஸுவர்ணபி³ந்து³ ரக்ஷோப்⁴ய இதி அநாமிகாப்⁴யாம்ʼ நம꞉
நிமிஷோ(அ)நிமிஷ꞉ ஸ்ரக்³வீதி கநிஷ்டி²காப்⁴யாம்ʼ நம꞉
ரதா²ங்க³பாணி ரக்ஷோப்⁴ய இதி கரதல கரப்ருʼஷ்டா²ப்⁴யாம்ʼ நம꞉
அங்க³ந்யாஸ꞉ –
ஸுவ்ரத꞉ ஸுமுக²꞉ ஸூக்ஷ்ம இதி ஜ்ஞானாய ஹ்ருʼத³யாய நம꞉
ஸஹஸ்ரமூர்தி꞉ விஶ்வாத்மா இதி ஐஶ்வர்யாய ஶிரஸே ஸ்வாஹா
ஸஹஸ்ரார்சி꞉ ஸப்தஜிஹ்வ இதி ஶக்த்யை ஶிகா²யை வஷட்
த்ரிஸாமா ஸாமக³ஸ்ஸாமேதி ப³லாய கவசாய ஹும்ʼ
ரதா²ங்க³பாணி ரக்ஷோப்⁴ய இதி நேத்ராப்⁴யாம்ʼ வௌஷட்
ஶாங்க³த⁴ன்வா க³தா³த⁴ர இதி வீர்யாய அஸ்த்ராயப²ட்
ருʼது꞉ ஸுத³ர்ஶன꞉ கால இதி தி³க்³ப⁴ந்த⁴꞉
த்⁴யானம் –
க்ஷீரோத⁴ன்வத்ப்ரதே³ஶே ஶுசிமணி-விலஸ-த்ஸைகதே-மௌக்திகானாம்ʼ
மாலா-க்லுʼப்தாஸனஸ்த²꞉ ஸ்ப²டிக-மணினிபை⁴-ர்மௌக்திகை-ர்மண்டி³தாங்க³꞉ ।
ஶுப்⁴ரை-ரப்⁴ரை-ரத³ப்⁴ரை-ருபரிவிரசிதை-ர்முக்த பீயூஷ வர்ஷை꞉
ஆனந்தீ³ ந꞉ புனீயா-த³ரிநலினக³தா³ ஶங்க²பாணி-ர்முகுந்த³꞉ ॥ 1 ॥
பூ⁴꞉ பாதௌ³ யஸ்ய நாபி⁴ர்விய-த³ஸுர நிலஶ்சந்த்³ர ஸூர்யௌ ச நேத்ரே
கர்ணாவாஶா꞉ ஶிரோத்³யௌர்முக²மபி த³ஹனோ யஸ்ய வாஸ்தேயமப்³தி⁴꞉ ।
அந்த꞉ஸ்த²ம்ʼ யஸ்ய விஶ்வம்ʼ ஸுர நரக²க³கோ³போ⁴கி³ க³ந்த⁴ர்வதை³த்யை꞉
சித்ரம்ʼ ரம்ʼ ரம்யதே தம்ʼ த்ரிபு⁴வன வபுஶம்ʼ விஷ்ணுமீஶம்ʼ நமாமி ॥ 2 ॥
ஓம்ʼ நமோ ப⁴க³வதே வாஸுதே³வாய !
ஶாந்தாகாரம்ʼ பு⁴ஜக³ஶயனம்ʼ பத்³மநாப⁴ம்ʼ ஸுரேஶம்ʼ
விஶ்வாதா⁴ரம்ʼ க³க³னஸத்³ருʼஶம்ʼ மேக⁴வர்ணம்ʼ ஶுபா⁴ங்க³ம் ।
லக்ஷ்மீகாந்தம்ʼ கமலநயனம்ʼ யோகி³ஹ்ருʼர்த்⁴யானக³ம்யம்
வந்தே³ விஷ்ணும்ʼ ப⁴வப⁴யஹரம்ʼ ஸர்வலோகைகநாத²ம் ॥ 3 ॥
மேக⁴ஶ்யாமம்ʼ பீதகௌஶேயவாஸம்ʼ
ஶ்ரீவத்ஸாகம்ʼ கௌஸ்துபோ⁴த்³பா⁴ஸிதாங்க³ம் ।
புண்யோபேதம்ʼ புண்ட³ரீகாயதாக்ஷம்ʼ
விஷ்ணும்ʼ வந்தே³ ஸர்வலோகைகநாத²ம் ॥ 4 ॥
நம꞉ ஸமஸ்த பூ⁴தானாம்ʼ ஆதி³ பூ⁴தாய பூ⁴ப்⁴ருʼதே ।
அனேகரூப ரூபாய விஷ்ணவே ப்ரப⁴விஷ்ணவே ॥ 5॥
ஸஶங்க²சக்ரம்ʼ ஸகிரீடகுண்ட³லம்ʼ
ஸபீதவஸ்த்ரம்ʼ ஸரஸீருஹேக்ஷணம் ।
ஸஹார வக்ஷ꞉ஸ்த²ல ஶோபி⁴ கௌஸ்துப⁴ம்ʼ
நமாமி விஷ்ணும்ʼ ஶிரஸா சதுர்பு⁴ஜம் । 6॥
சா²யாயாம்ʼ பாரிஜாதஸ்ய ஹேமஸிம்ʼஹாஸனோபரி
ஆஸீனமம்பு³த³ஶ்யாமமாயதாக்ஷமலங்க்ருʼதம் ॥ 7 ॥
சந்த்³ரானனம்ʼ சதுர்பா³ஹும்ʼ ஶ்ரீவத்ஸாங்கித வக்ஷஸம்
ருக்மிணீ ஸத்யபா⁴மாப்⁴யாம்ʼ ஸஹிதம்ʼ க்ருʼஷ்ணமாஶ்ரயே ॥ 8 ॥
பஞ்சபூஜ –
லம்ʼ - ப்ருʼதி²வ்யாத்மனே க³ந்த²ம்ʼ ஸமர்பயாமி
ஹம்ʼ - ஆகாஶாத்மனே புஷ்பை꞉ பூஜயாமி
யம்ʼ - வாய்வாத்மனே தூ⁴பமாக்⁴ராபயாமி
ரம்ʼ - அக்³ன்யாத்மனே தீ³பம்ʼ த³ர்ஶயாமி
வம்ʼ - அம்ருʼதாத்மனே நைவேத்³யம்ʼ நிவேத³யாமி
ஸம்ʼ - ஸர்வாத்மனே ஸர்வோபசார பூஜா நமஸ்காரான் ஸமர்பயாமி
ஸ்தோத்ரம் ॥
ஹரி꞉ ஓம்
விஶ்வம்ʼ விஷ்ணுர்வஷட்காரோ பூ⁴தப⁴வ்யப⁴வத்ப்ரபு⁴꞉ ।
பூ⁴தக்ருʼத்³பூ⁴தப்⁴ருʼத்³பா⁴வோ பூ⁴தாத்மா பூ⁴தபா⁴வன꞉ ॥ 1 ॥
பூதாத்மா பரமாத்மா ச முக்தானாம்ʼ பரமாக³தி꞉ ।
அவ்யய꞉ புருஷ꞉ ஸாக்ஷீ க்ஷேத்ரஜ்ஞோ(அ)க்ஷர ஏவ ச ॥ 2 ॥
யோகோ³ யோக³விதா³ம்ʼ நேதா ப்ரதா⁴ன புருஷேஶ்வர꞉ ।
நாரஸிம்ʼஹவபு꞉ ஶ்ரீமான் கேஶவ꞉ புருஷோத்தம꞉ ॥ 3 ॥
ஸர்வ꞉ ஶர்வ꞉ ஶிவ꞉ ஸ்தா²ணுர்பூ⁴தாதி³ர்நிதி⁴ரவ்யய꞉ ।
ஸம்ப⁴வோ பா⁴வனோ ப⁴ர்தா ப்ரப⁴வ꞉ ப்ரபு⁴ரீஶ்வர꞉ ॥ 4 ॥
ஸ்வயம்பூ⁴꞉ ஶம்பு⁴ராதி³த்ய꞉ புஷ்கராக்ஷோ மஹாஸ்வன꞉ ।
அநாதி³நித⁴னோ தா⁴தா விதா⁴தா தா⁴துருத்தம꞉ ॥ 5 ॥
அப்ரமேயோ ஹ்ருʼஷீகேஶ꞉ பத்³மநாபோ⁴(அ)மரப்ரபு⁴꞉ ।
விஶ்வகர்மா மனுஸ்த்வஷ்டா ஸ்த²விஷ்ட²꞉ ஸ்த²விரோ த்⁴ருவ꞉ ॥ 6 ॥
அக்³ராஹ்ய꞉ ஶாஶ்வதோ க்ருʼஷ்ணோ லோஹிதாக்ஷ꞉ ப்ரதர்த³ன꞉ ।
ப்ரபூ⁴தஸ்த்ரிககுப்³தா⁴ம பவித்ரம்ʼ மங்க³லம்ʼ பரம் ॥ 7 ॥
ஈஶான꞉ ப்ராணத³꞉ ப்ராணோ ஜ்யேஷ்ட²꞉ ஶ்ரேஷ்ட²꞉ ப்ரஜாபதி꞉ ।
ஹிரண்யக³ர்போ⁴ பூ⁴க³ர்போ⁴ மாத⁴வோ மது⁴ஸூத³ன꞉ ॥ 8 ॥
ஈஶ்வரோ விக்ரமீத⁴ன்வீ மேதா⁴வீ விக்ரம꞉ க்ரம꞉ ।
அனுத்தமோ து³ராத⁴ர்ஷ꞉ க்ருʼதஜ்ஞ꞉ க்ருʼதிராத்மவான்॥ 9 ॥
ஸுரேஶ꞉ ஶரணம்ʼ ஶர்ம விஶ்வரேதா꞉ ப்ரஜாப⁴வ꞉ ।
அஹஸ்ஸம்ʼவத்ஸரோ வ்யால꞉ ப்ரத்யய꞉ ஸர்வத³ர்ஶன꞉ ॥ 10 ॥
அஜஸ்ஸர்வேஶ்வர꞉ ஸித்³த⁴꞉ ஸித்³தி⁴꞉ ஸர்வாதி³ரச்யுத꞉ ।
வ்ருʼஷாகபிரமேயாத்மா ஸர்வயோக³விநிஸ்ஸ்ருʼத꞉ ॥ 11 ॥
வஸுர்வஸுமனா꞉ ஸத்ய꞉ ஸமாத்மா ஸம்மிதஸ்ஸம꞉ ।
அமோக⁴꞉ புண்ட³ரீகாக்ஷோ வ்ருʼஷகர்மா வ்ருʼஷாக்ருʼதி꞉ ॥ 12 ॥
ருத்³ரோ ப³ஹுஶிரா ப³ப்⁴ருர்விஶ்வயோனி꞉ ஶுசிஶ்ரவா꞉ ।
அம்ருʼத꞉ ஶாஶ்வதஸ்தா²ணுர்வராரோஹோ மஹாதபா꞉ ॥ 13 ॥
ஸர்வக³꞉ ஸர்வ வித்³பா⁴னுர்விஷ்வக்ஸேனோ ஜனார்த³ன꞉ ।
வேதோ³ வேத³வித³வ்யங்கோ³ வேதா³ங்கோ³ வேத³வித்கவி꞉ ॥ 14 ॥
லோகாத்⁴யக்ஷ꞉ ஸுராத்⁴யக்ஷோ த⁴ர்மாத்⁴யக்ஷ꞉ க்ருʼதாக்ருʼத꞉ ।
சதுராத்மா சதுர்வ்யூஹஶ்சதுர்த³ம்ʼஷ்ட்ரஶ்சதுர்பு⁴ஜ꞉ ॥ 15 ॥
ப்⁴ராஜிஷ்ணுர்போ⁴ஜனம்ʼ போ⁴க்தா ஸஹிஷ்ணுர்ஜக³தா³தி³ஜ꞉ ।
அனகோ⁴ விஜயோ ஜேதா விஶ்வயோனி꞉ புனர்வஸு꞉ ॥ 16 ॥
உபேந்த்³ரோ வாமன꞉ ப்ராம்ʼஶுரமோக⁴꞉ ஶுசிரூர்ஜித꞉ ।
அதீந்த்³ர꞉ ஸங்க்³ரஹ꞉ ஸர்கோ³ த்⁴ருʼதாத்மா நியமோ யம꞉ ॥ 17 ॥
வேத்³யோ வைத்³ய꞉ ஸதா³யோகீ³ வீரஹா மாத⁴வோ மது⁴꞉ ।
அதீந்த்³ரியோ மஹாமாயோ மஹோத்ஸாஹோ மஹாப³ல꞉ ॥ 18 ॥
மஹாபு³த்³தி⁴ர்மஹாவீர்யோ மஹாஶக்திர்மஹாத்³யுதி꞉ ।
அநிர்தே³ஶ்யவபு꞉ ஶ்ரீமானமேயாத்மா மஹாத்³ரித்⁴ருʼக் ॥ 19 ॥
மஹேஶ்வாஸோ மஹீப⁴ர்தா ஶ்ரீநிவாஸ꞉ ஸதாங்க³தி꞉ ।
அநிருத்³த⁴꞉ ஸுரானந்தோ³ கோ³விந்தோ³ கோ³விதா³ம்ʼ பதி꞉ ॥ 20 ॥
மரீசிர்த³மனோ ஹம்ʼஸ꞉ ஸுபர்ணோ பு⁴ஜகோ³த்தம꞉ ।
ஹிரண்யநாப⁴꞉ ஸுதபா꞉ பத்³மநாப⁴꞉ ப்ரஜாபதி꞉ ॥ 21 ॥
அம்ருʼத்யு꞉ ஸர்வத்³ருʼக் ஸிம்ʼஹ꞉ ஸந்தா⁴தா ஸந்தி⁴மான் ஸ்தி²ர꞉ ।
அஜோ து³ர்மர்ஷண꞉ ஶாஸ்தா விஶ்ருதாத்மா ஸுராரிஹா ॥ 22 ॥
கு³ருர்கு³ருதமோ தா⁴ம ஸத்ய꞉ ஸத்யபராக்ரம꞉ ।
நிமிஷோ(அ)நிமிஷ꞉ ஸ்ரக்³வீ வாசஸ்பதிருதா³ரதீ⁴꞉ ॥ 23 ॥
அக்³ரணீக்³ராமணீ꞉ ஶ்ரீமான் ந்யாயோ நேதா ஸமீரண꞉
ஸஹஸ்ரமூர்தா⁴ விஶ்வாத்மா ஸஹஸ்ராக்ஷ꞉ ஸஹஸ்ரபாத் ॥ 24 ॥
ஆவர்தனோ நிவ்ருʼத்தாத்மா ஸம்ʼவ்ருʼத꞉ ஸம்ப்ரமர்த³ன꞉ ।
அஹ꞉ ஸம்ʼவர்தகோ வஹ்நிரனிலோ த⁴ரணீத⁴ர꞉ ॥ 25 ॥
ஸுப்ரஸாத³꞉ ப்ரஸன்னாத்மா விஶ்வத்⁴ருʼக்³விஶ்வபு⁴க்³விபு⁴꞉ ।
ஸத்கர்தா ஸத்க்ருʼத꞉ ஸாது⁴ர்ஜஹ்னுர்நாராயணோ நர꞉ ॥ 26 ॥
அஸங்க்²யேயோ(அ)ப்ரமேயாத்மா விஶிஷ்ட꞉ ஶிஷ்டக்ருʼச்சு²சி꞉ ।
ஸித்³தா⁴ர்த²꞉ ஸித்³த⁴ஸங்கல்ப꞉ ஸித்³தி⁴த³꞉ ஸித்³தி⁴ ஸாத⁴ன꞉ ॥ 27 ॥
வ்ருʼஷாஹீ வ்ருʼஷபோ⁴ விஷ்ணுர்வ்ருʼஷபர்வா வ்ருʼஷோத³ர꞉ ।
வர்த⁴னோ வர்த⁴மானஶ்ச விவிக்த꞉ ஶ்ருதிஸாக³ர꞉ ॥ 28 ॥
ஸுபு⁴ஜோ து³ர்த⁴ரோ வாக்³மீ மஹேந்த்³ரோ வஸுதோ³ வஸு꞉ ।
நைகரூபோ ப்³ருʼஹத்³ரூப꞉ ஶிபிவிஷ்ட꞉ ப்ரகாஶன꞉ ॥ 29 ॥
ஓஜஸ்தேஜோத்³யுதித⁴ர꞉ ப்ரகாஶாத்மா ப்ரதாபன꞉ ।
ருʼத்³த³꞉ ஸ்பஷ்டாக்ஷரோ மந்த்ரஶ்சந்த்³ராம்ʼஶுர்பா⁴ஸ்கரத்³யுதி꞉ ॥ 30 ॥
அம்ருʼதாம்ʼஶூத்³ப⁴வோ பா⁴னு꞉ ஶஶபி³ந்து³꞉ ஸுரேஶ்வர꞉ ।
ஔஷத⁴ம்ʼ ஜக³த꞉ ஸேது꞉ ஸத்யத⁴ர்மபராக்ரம꞉ ॥ 31 ॥
பூ⁴தப⁴வ்யப⁴வந்நாத²꞉ பவன꞉ பாவனோ(அ)னல꞉ ।
காமஹா காமக்ருʼத்காந்த꞉ காம꞉ காமப்ரத³꞉ ப்ரபு⁴꞉ ॥ 32 ॥
யுகா³தி³ க்ருʼத்³யுகா³வர்தோ நைகமாயோ மஹாஶன꞉ ।
அத்³ருʼஶ்யோ வ்யக்தரூபஶ்ச ஸஹஸ்ரஜித³னந்தஜித் ॥ 33 ॥
இஷ்டோ(அ)விஶிஷ்ட꞉ ஶிஷ்டேஷ்ட꞉ ஶிக²ண்டீ³ நஹுஷோ வ்ருʼஷ꞉ ।
க்ரோத⁴ஹா க்ரோத⁴க்ருʼத்கர்தா விஶ்வபா³ஹுர்மஹீத⁴ர꞉ ॥ 34 ॥
அச்யுத꞉ ப்ரதி²த꞉ ப்ராண꞉ ப்ராணதோ³ வாஸவானுஜ꞉ ।
அபாம்ʼநிதி⁴ரதி⁴ஷ்டா²னமப்ரமத்த꞉ ப்ரதிஷ்டி²த꞉ ॥ 35 ॥
ஸ்கந்த³꞉ ஸ்கந்த³த⁴ரோ து⁴ர்யோ வரதோ³ வாயுவாஹன꞉ ।
வாஸுதே³வோ ப்³ருʼஹத்³பா⁴னுராதி³தே³வ꞉ புரந்த⁴ர꞉ ॥ 36 ॥
அஶோகஸ்தாரணஸ்தார꞉ ஶூர꞉ ஶௌரிர்ஜனேஶ்வர꞉ ।
அனுகூல꞉ ஶதாவர்த꞉ பத்³மீ பத்³மனிபே⁴க்ஷண꞉ ॥ 37 ॥
பத்³மநாபோ⁴(அ)ரவிந்தா³க்ஷ꞉ பத்³மக³ர்ப⁴꞉ ஶரீரப்⁴ருʼத் ।
மஹர்தி⁴ர்ருʼத்³தோ⁴ வ்ருʼத்³தா⁴த்மா மஹாக்ஷோ க³ருட³த்⁴வஜ꞉ ॥ 38 ॥
அதுல꞉ ஶரபோ⁴ பீ⁴ம꞉ ஸமயஜ்ஞோ ஹவிர்ஹரி꞉ ।
ஸர்வலக்ஷணலக்ஷண்யோ லக்ஷ்மீவான் ஸமிதிஞ்ஜய꞉ ॥ 39 ॥
விக்ஷரோ ரோஹிதோ மார்கோ³ ஹேதுர்தா³மோத³ர꞉ ஸஹ꞉ ।
மஹீத⁴ரோ மஹாபா⁴கோ³ வேக³வானமிதாஶன꞉ ॥ 40 ॥
உத்³ப⁴வ꞉, க்ஷோப⁴ணோ தே³வ꞉ ஶ்ரீக³ர்ப⁴꞉ பரமேஶ்வர꞉ ।
கரணம்ʼ காரணம்ʼ கர்தா விகர்தா க³ஹனோ கு³ஹ꞉ ॥ 41 ॥
வ்யவஸாயோ வ்யவஸ்தா²ன꞉ ஸம்ʼஸ்தா²ன꞉ ஸ்தா²னதோ³ த்⁴ருவ꞉ ।
பரர்தி⁴꞉ பரமஸ்பஷ்ட꞉ துஷ்ட꞉ புஷ்ட꞉ ஶுபே⁴க்ஷண꞉ ॥ 42 ॥
ராமோ விராமோ விரஜோ மார்கோ³னேயோ நயோ(அ)னய꞉ ।
வீர꞉ ஶக்திமதாம்ʼ ஶ்ரேஷ்டோ² த⁴ர்மோத⁴ர்ம விது³த்தம꞉ ॥ 43 ॥
வைகுண்ட²꞉ புருஷ꞉ ப்ராண꞉ ப்ராணத³꞉ ப்ரணவ꞉ ப்ருʼது²꞉ ।
ஹிரண்யக³ர்ப⁴꞉ ஶத்ருக்⁴னோ வ்யாப்தோ வாயுரதோ⁴க்ஷஜ꞉ ॥ 44 ॥
ருʼது꞉ ஸுத³ர்ஶன꞉ கால꞉ பரமேஷ்டீ² பரிக்³ரஹ꞉ ।
உக்³ர꞉ ஸம்ʼவத்ஸரோ த³க்ஷோ விஶ்ராமோ விஶ்வத³க்ஷிண꞉ ॥ 45 ॥
விஸ்தார꞉ ஸ்தா²வர ஸ்தா²ணு꞉ ப்ரமாணம்ʼ பீ³ஜமவ்யயம் ।
அர்தோ²(அ)னர்தோ² மஹாகோஶோ மஹாபோ⁴கோ³ மஹாத⁴ன꞉ ॥ 46 ॥
அநிர்விண்ண꞉ ஸ்த²விஷ்டோ² பூ⁴ர்த⁴ர்மயூபோ மஹாமக²꞉ ।
நக்ஷத்ரனேமிர்நக்ஷத்ரீ க்ஷம꞉, க்ஷாம꞉ ஸமீஹன꞉ ॥ 47 ॥
யஜ்ஞ இஜ்யோ மஹேஜ்யஶ்ச க்ரது꞉ ஸத்ரம்ʼ ஸதாங்க³தி꞉ ।
ஸர்வத³ர்ஶீ விமுக்தாத்மா ஸர்வஜ்ஞோ ஜ்ஞானமுத்தமம் ॥ 48 ॥
ஸுவ்ரத꞉ ஸுமுக²꞉ ஸூக்ஷ்ம꞉ ஸுகோ⁴ஷ꞉ ஸுக²த³꞉ ஸுஹ்ருʼத் ।
மனோஹரோ ஜிதக்ரோதோ⁴ வீர பா³ஹுர்விதா³ரண꞉ ॥ 49 ॥
ஸ்வாபன꞉ ஸ்வவஶோ வ்யாபீ நைகாத்மா நைககர்மக்ருʼத்। ।
வத்ஸரோ வத்ஸலோ வத்ஸீ ரத்நக³ர்போ⁴ த⁴னேஶ்வர꞉ ॥ 50 ॥
த⁴ர்மகு³ப்³த⁴ர்மக்ருʼத்³த⁴ர்மீ ஸத³ஸத்க்ஷரமக்ஷரம்॥
அவிஜ்ஞாதா ஸஹஸ்த்ராம்ʼஶுர்விதா⁴தா க்ருʼதலக்ஷண꞉ ॥ 51 ॥
க³ப⁴ஸ்தினேமி꞉ ஸத்த்வஸ்த²꞉ ஸிம்ʼஹோ பூ⁴த மஹேஶ்வர꞉ ।
ஆதி³தே³வோ மஹாதே³வோ தே³வேஶோ தே³வப்⁴ருʼத்³கு³ரு꞉ ॥ 52 ॥
உத்தரோ கோ³பதிர்கோ³ப்தா ஜ்ஞானக³ம்ய꞉ புராதன꞉ ।
ஶரீர பூ⁴தப்⁴ருʼத்³ போ⁴க்தா கபீந்த்³ரோ பூ⁴ரித³க்ஷிண꞉ ॥ 53 ॥
ஸோமபோ(அ)ம்ருʼதப꞉ ஸோம꞉ புருஜித் புருஸத்தம꞉ ।
வினயோ ஜய꞉ ஸத்யஸந்தோ⁴ தா³ஶார்ஹ꞉ ஸாத்வதாம்ʼ பதி꞉ ॥ 54 ॥
ஜீவோ வினயிதா ஸாக்ஷீ முகுந்தோ³(அ)மித விக்ரம꞉ ।
அம்போ⁴நிதி⁴ரனந்தாத்மா மஹோத³தி⁴ ஶயோந்தக꞉ ॥ 55 ॥
அஜோ மஹார்ஹ꞉ ஸ்வாபா⁴வ்யோ ஜிதாமித்ர꞉ ப்ரமோத³ன꞉ ।
ஆனந்தோ³(அ)நந்த³னோனந்த³꞉ ஸத்யத⁴ர்மா த்ரிவிக்ரம꞉ ॥ 56 ॥
மஹர்ஷி꞉ கபிலாசார்ய꞉ க்ருʼதஜ்ஞோ மேதி³னீபதி꞉ ।
த்ரிபத³ஸ்த்ரித³ஶாத்⁴யக்ஷோ மஹாஶ்ருʼங்க³꞉ க்ருʼதாந்தக்ருʼத் ॥ 57 ॥
மஹாவராஹோ கோ³விந்த³꞉ ஸுஷேண꞉ கனகாங்க³தீ³ ।
கு³ஹ்யோ க³பீ⁴ரோ க³ஹனோ கு³ப்தஶ்சக்ர க³தா³த⁴ர꞉ ॥ 58 ॥
வேதா⁴꞉ ஸ்வாங்கோ³(அ)ஜித꞉ க்ருʼஷ்ணோ த்³ருʼட⁴꞉ ஸங்கர்ஷணோ(அ)ச்யுத꞉ ।
வருணோ வாருணோ வ்ருʼக்ஷ꞉ புஷ்கராக்ஷோ மஹாமனா꞉ ॥ 59 ॥
ப⁴க³வான் ப⁴க³ஹா(ஆ)நந்தீ³ வனமாலீ ஹலாயுத⁴꞉ ।
ஆதி³த்யோ ஜ்யோதிராதி³த்ய꞉ ஸஹிஷ்ணுர்க³திஸத்தம꞉ ॥ 60 ॥
ஸுத⁴ன்வா க²ண்ட³பரஶுர்தா³ருணோ த்³ரவிணப்ரத³꞉ ।
தி³வ꞉ஸ்ப்ருʼக் ஸர்வத்³ருʼக்³வ்யாஸோ வாசஸ்பதிரயோநிஜ꞉ ॥ 61 ॥
த்ரிஸாமா ஸாமக³꞉ ஸாம நிர்வாணம்ʼ பே⁴ஷஜம்ʼ பி⁴ஷக் ।
ஸந்யாஸக்ருʼச்ச²ம꞉ ஶாந்தோ நிஷ்டா² ஶாந்தி꞉ பராயணம்। 62 ॥
ஶுபா⁴ங்க³꞉ ஶாந்தித³꞉ ஸ்ரஷ்டா குமுத³꞉ குவலேஶய꞉ ।
கோ³ஹிதோ கோ³பதிர்கோ³ப்தா வ்ருʼஷபா⁴க்ஷோ வ்ருʼஷப்ரிய꞉ ॥ 63 ॥
அநிவர்தீ நிவ்ருʼத்தாத்மா ஸங்க்ஷேப்தா க்ஷேமக்ருʼச்சி²வ꞉ ।
ஶ்ரீவத்ஸவக்ஷா꞉ ஶ்ரீவாஸ꞉ ஶ்ரீபதி꞉ ஶ்ரீமதாம்ʼவர꞉ ॥ 64 ॥
ஶ்ரீத³꞉ ஶ்ரீஶ꞉ ஶ்ரீநிவாஸ꞉ ஶ்ரீநிதி⁴꞉ ஶ்ரீவிபா⁴வன꞉ ।
ஶ்ரீத⁴ர꞉ ஶ்ரீகர꞉ ஶ்ரேய꞉ ஶ்ரீமாம்ˮல்லோகத்ரயாஶ்ரய꞉ ॥ 65 ॥
ஸ்வக்ஷ꞉ ஸ்வங்க³꞉ ஶதானந்தோ³ நந்தி³ர்ஜ்யோதிர்க³ணேஶ்வர꞉ ।
விஜிதாத்மா(அ)விதே⁴யாத்மா ஸத்கீர்திச்சி²ன்னஸம்ʼஶய꞉ ॥ 66 ॥
உதீ³ர்ண꞉ ஸர்வதஶ்சக்ஷுரனீஶ꞉ ஶாஶ்வதஸ்தி²ர꞉ ।
பூ⁴ஶயோ பூ⁴ஷணோ பூ⁴திர்விஶோக꞉ ஶோகநாஶன꞉ ॥ 67 ॥
அர்சிஷ்மானர்சித꞉ கும்போ⁴ விஶுத்³தா⁴த்மா விஶோத⁴ன꞉ ।
அநிருத்³தோ⁴(அ)ப்ரதிரத²꞉ ப்ரத்³யும்னோ(அ)மிதவிக்ரம꞉ ॥ 68 ॥
காலனேமினிஹா வீர꞉ ஶௌரி꞉ ஶூரஜனேஶ்வர꞉ ।
த்ரிலோகாத்மா த்ரிலோகேஶ꞉ கேஶவ꞉ கேஶிஹா ஹரி꞉ ॥ 69 ॥
காமதே³வ꞉ காமபால꞉ காமீ காந்த꞉ க்ருʼதாக³ம꞉ ।
அநிர்தே³ஶ்யவபுர்விஷ்ணுர்வீரோ(அ)னந்தோ த⁴னஞ்ஜய꞉ ॥ 70 ॥
ப்³ரஹ்மண்யோ ப்³ரஹ்மக்ருʼத்³ ப்³ரஹ்மா ப்³ரஹ்ம ப்³ரஹ்மவிவர்த⁴ன꞉ ।
ப்³ரஹ்மவித்³ ப்³ராஹ்மணோ ப்³ரஹ்மீ ப்³ரஹ்மஜ்ஞோ ப்³ராஹ்மணப்ரிய꞉ ॥ 71 ॥
மஹாக்ரமோ மஹாகர்மா மஹாதேஜா மஹோரக³꞉ ।
மஹாக்ரதுர்மஹாயஜ்வா மஹாயஜ்ஞோ மஹாஹவி꞉ ॥ 72 ॥
ஸ்தவ்ய꞉ ஸ்தவப்ரிய꞉ ஸ்தோத்ரம்ʼ ஸ்துதி꞉ ஸ்தோதா ரணப்ரிய꞉ ।
பூர்ண꞉ பூரயிதா புண்ய꞉ புண்யகீர்திரநாமய꞉ ॥ 73 ॥
மனோஜவஸ்தீர்த²கரோ வஸுரேதா வஸுப்ரத³꞉ ।
வஸுப்ரதோ³ வாஸுதே³வோ வஸுர்வஸுமனா ஹவி꞉ ॥ 74 ॥
ஸத்³க³தி꞉ ஸத்க்ருʼதி꞉ ஸத்தா ஸத்³பூ⁴தி꞉ ஸத்பராயண꞉ ।
ஶூரஸேனோ யது³ஶ்ரேஷ்ட²꞉ ஸந்நிவாஸ꞉ ஸுயாமுன꞉ ॥ 75 ॥
பூ⁴தாவாஸோ வாஸுதே³வ꞉ ஸர்வாஸுநிலயோ(அ)னல꞉ ।
த³ர்பஹா த³ர்பதோ³ த்³ருʼப்தோ து³ர்த⁴ரோ(அ)தா²பராஜித꞉ ॥ 76 ॥
விஶ்வமூர்திர்மஹாமூர்திர்தீ³ப்தமூர்திரமூர்திமான் ।
அனேகமூர்திரவ்யக்த꞉ ஶதமூர்தி꞉ ஶதானன꞉ ॥ 77 ॥
ஏகோ நைக꞉ ஸ்தவ꞉ க꞉ கிம்ʼ யத்தத் பத³மனுத்தமம் ।
லோகப³ந்து⁴ர்லோகநாதோ² மாத⁴வோ ப⁴க்தவத்ஸல꞉ ॥ 78 ॥
ஸுவர்ணவர்ணோ ஹேமாங்கோ³ வராங்க³ஶ்சந்த³னாங்க³தீ³ ।
வீரஹா விஷம꞉ ஶூன்யோ க்⁴ருʼதாஶீரசலஶ்சல꞉ ॥ 79 ॥
அமானீ மானதோ³ மான்யோ லோகஸ்வாமீ த்ரிலோகத்⁴ருʼத் ।
ஸுமேதா⁴ மேத⁴ஜோ த⁴ன்ய꞉ ஸத்யமேதா⁴ த⁴ராத⁴ர꞉ ॥ 80 ॥
தேஜோ(அ)வ்ருʼஷோ த்³யுதித⁴ர꞉ ஸர்வஶஸ்த்ரப்⁴ருʼதாம்ʼவர꞉ ।
ப்ரக்³ரஹோ நிக்³ரஹோ வ்யக்³ரோ நைகஶ்ருʼங்கோ³ க³தா³க்³ரஜ꞉ ॥ 81 ॥
சதுர்மூர்தி ஶ்சதுர்பா³ஹு ஶ்சதுர்வ்யூஹ ஶ்சதுர்க³தி꞉ ।
சதுராத்மா சதுர்பா⁴வஶ்சதுர்வேத³விதே³கபாத் ॥ 82 ॥
ஸமாவர்தோ(அ)நிவ்ருʼத்தாத்மா து³ர்ஜயோ து³ரதிக்ரம꞉ ।
து³ர்லபோ⁴ து³ர்க³மோ து³ர்கோ³ து³ராவாஸோ து³ராரிஹா ॥ 83 ॥
ஶுபா⁴ங்கோ³ லோகஸாரங்க³꞉ ஸுதந்துஸ்தந்துவர்த⁴ன꞉ ।
இந்த்³ரகர்மா மஹாகர்மா க்ருʼதகர்மா க்ருʼதாக³ம꞉ ॥ 84 ॥
உத்³ப⁴வ꞉ ஸுந்த³ர꞉ ஸுந்தோ³ ரத்னநாப⁴꞉ ஸுலோசன꞉ ।
அர்கோ வாஜஸன꞉ ஶ்ருʼங்கீ³ ஜயந்த꞉ ஸர்வவிஜ்ஜயீ ॥ 85 ॥
ஸுவர்ணபி³ந்து³ரக்ஷோப்⁴ய꞉ ஸர்வவாகீ³ஶ்வரேஶ்வர꞉ ।
மஹாஹ்ருʼதோ³ மஹாக³ர்தோ மஹாபூ⁴தோ மஹாநிதி⁴꞉ ॥ 86 ॥
குமுத³꞉ குந்த³ர꞉ குந்த³꞉ பர்ஜன்ய꞉ பாவனோ(அ)னில꞉ ।
அம்ருʼதாஶோ(அ)ம்ருʼதவபு꞉ ஸர்வஜ்ஞ꞉ ஸர்வதோமுக²꞉ ॥ 87 ॥
ஸுலப⁴꞉ ஸுவ்ரத꞉ ஸித்³த⁴꞉ ஶத்ருஜிச்ச²த்ருதாபன꞉ ।
ந்யக்³ரோதோ⁴(அ)து³ம்ப³ரோ(அ)ஶ்வத்த²ஶ்சாணூராந்த்⁴ர நிஷூத³ன꞉ ॥ 88 ॥
ஸஹஸ்ரார்சி꞉ ஸப்தஜிஹ்வ꞉ ஸப்தைதா⁴꞉ ஸப்தவாஹன꞉ ।
அமூர்திரனகோ⁴(அ)சிந்த்யோ ப⁴யக்ருʼத்³ப⁴யநாஶன꞉ ॥ 89 ॥
அணுர்ப்³ருʼஹத்க்ருʼஶ꞉ ஸ்தூ²லோ கு³ணப்⁴ருʼந்நிர்கு³ணோ மஹான் ।
அத்⁴ருʼத꞉ ஸ்வத்⁴ருʼத꞉ ஸ்வாஸ்ய꞉ ப்ராக்³வம்ʼஶோ வம்ʼஶவர்த⁴ன꞉ ॥ 90 ॥
பா⁴ரப்⁴ருʼத் கதி²தோ யோகீ³ யோகீ³ஶ꞉ ஸர்வகாமத³꞉ ।
ஆஶ்ரம꞉ ஶ்ரமண꞉, க்ஷாம꞉ ஸுபர்ணோ வாயுவாஹன꞉ ॥ 91 ॥
த⁴னுர்த⁴ரோ த⁴னுர்வேதோ³ த³ண்டோ³ த³மயிதா த³ம꞉ ।
அபராஜித꞉ ஸர்வஸஹோ நியந்தா(அ)நியமோ(அ)யம꞉ ॥ 92 ॥
ஸத்த்வவான் ஸாத்த்விக꞉ ஸத்ய꞉ ஸத்யத⁴ர்மபராயண꞉ ।
அபி⁴ப்ராய꞉ ப்ரியார்ஹோ(அ)ர்ஹ꞉ ப்ரியக்ருʼத் ப்ரீதிவர்த⁴ன꞉ ॥ 93 ॥
விஹாயஸக³திர்ஜ்யோதி꞉ ஸுருசிர்ஹுதபு⁴க்³விபு⁴꞉ ।
ரவிர்விரோசன꞉ ஸூர்ய꞉ ஸவிதா ரவிலோசன꞉ ॥ 94 ॥
அனந்தோ ஹுதபு⁴க்³போ⁴க்தா ஸுக²தோ³ நைகஜோ(அ)க்³ரஜ꞉ ।
அநிர்விண்ண꞉ ஸதா³மர்ஷீ லோகதி⁴ஷ்டா²னமத்³பு⁴த꞉ ॥ 95 ॥
ஸனாத்ஸனாதனதம꞉ கபில꞉ கபிரவ்யய꞉ ।
ஸ்வஸ்தித³꞉ ஸ்வஸ்திக்ருʼத்ஸ்வஸ்தி꞉ ஸ்வஸ்திபு⁴க் ஸ்வஸ்தித³க்ஷிண꞉ ॥ 96 ॥
அரௌத்³ர꞉ குண்ட³லீ சக்ரீ விக்ரம்யூர்ஜிதஶாஸன꞉ ।
ஶப்³தா³திக³꞉ ஶப்³த³ஸஹ꞉ ஶிஶிர꞉ ஶர்வரீகர꞉ ॥ 97 ॥
அக்ரூர꞉ பேஶலோ த³க்ஷோ த³க்ஷிண꞉, க்ஷமிணாம்ʼவர꞉ ।
வித்³வத்தமோ வீதப⁴ய꞉ புண்யஶ்ரவணகீர்தன꞉ ॥ 98 ॥
உத்தாரணோ து³ஷ்க்ருʼதிஹா புண்யோ து³꞉ஸ்வப்னநாஶன꞉ ।
வீரஹா ரக்ஷண꞉ ஸந்தோ ஜீவன꞉ பர்யவஸ்தி²த꞉ ॥ 99 ॥
அனந்தரூபோ(அ)னந்த ஶ்ரீர்ஜிதமன்யுர்ப⁴யாபஹ꞉ ।
சதுரஶ்ரோ க³பீ⁴ராத்மா விதி³ஶோ வ்யாதி³ஶோ தி³ஶ꞉ ॥ 100 ॥
அநாதி³ர்பூ⁴ர்பு⁴வோ லக்ஷ்மீ꞉ ஸுவீரோ ருசிராங்க³த³꞉ ।
ஜனனோ ஜனஜன்மாதி³ர்பீ⁴மோ பீ⁴மபராக்ரம꞉ ॥ 101 ॥
ஆதா⁴ரநிலயோ(அ)தா⁴தா புஷ்பஹாஸ꞉ ப்ரஜாக³ர꞉ ।
ஊர்த்⁴வக³꞉ ஸத்பதா²சார꞉ ப்ராணத³꞉ ப்ரணவ꞉ பண꞉ ॥ 102 ॥
ப்ரமாணம்ʼ ப்ராணநிலய꞉ ப்ராணப்⁴ருʼத் ப்ராணஜீவன꞉ ।
தத்த்வம்ʼ தத்த்வவிதே³காத்மா ஜன்மம்ருʼத்யுஜராதிக³꞉ ॥ 103 ॥
பூ⁴ர்பு⁴வ꞉ ஸ்வஸ்தருஸ்தார꞉ ஸவிதா ப்ரபிதாமஹ꞉ ।
யஜ்ஞோ யஜ்ஞபதிர்யஜ்வா யஜ்ஞாங்கோ³ யஜ்ஞவாஹன꞉ ॥ 104 ॥
யஜ்ஞப்⁴ருʼத்³ யஜ்ஞக்ருʼத்³ யஜ்ஞீ யஜ்ஞபு⁴க் யஜ்ஞஸாத⁴ன꞉ ।
யஜ்ஞாந்தக்ருʼத்³ யஜ்ஞகு³ஹ்யமன்னமந்நாத³ ஏவ ச ॥ 105 ॥
ஆத்மயோனி꞉ ஸ்வயஞ்ஜாதோ வைகா²ன꞉ ஸாமகா³யன꞉ ।
தே³வகீநந்த³ன꞉ ஸ்ரஷ்டா க்ஷிதீஶ꞉ பாபநாஶன꞉ ॥ 106 ॥
ஶங்க²ப்⁴ருʼன்னந்த³கீ சக்ரீ ஶார்ங்க³த⁴ன்வா க³தா³த⁴ர꞉ ।
ரதா²ங்க³பாணிரக்ஷோப்⁴ய꞉ ஸர்வப்ரஹரணாயுத⁴꞉ ॥ 107 ॥
ஶ்ரீ ஸர்வப்ரஹரணாயுத⁴ ஓம்ʼ நம இதி ।
வனமாலீ க³தீ³ ஶார்ங்கீ³ ஶங்கீ² சக்ரீ ச நந்த³கீ ।
ஶ்ரீமாந்நாராயணோ விஷ்ணுர்வாஸுதே³வோ(அ)பி⁴ரக்ஷது ॥ 108 ॥
ஶ்ரீ வாஸுதே³வோ(அ)பி⁴ரக்ஷது ஓம்ʼ நம இதி ।
உத்தர பீடி²கா ॥
இதீத³ம்ʼ கீர்தனீயஸ்ய கேஶவஸ்ய மஹாத்மன꞉ ।
நாம்னாம்ʼ ஸஹஸ்ரம்ʼ தி³வ்யாநாமஶேஷேண ப்ரகீர்திதம்। ॥ 1 ॥
ய இத³ம்ʼ ஶ்ருʼணுயாந்நித்யம்ʼ யஶ்சாபி பரிகீர்தயேத்॥
நாஶுப⁴ம்ʼ ப்ராப்னுயாத் கிஞ்சித்ஸோ(அ)முத்ரேஹ ச மானவ꞉ ॥ 2 ॥
வேதா³ந்தகோ³ ப்³ராஹ்மண꞉ ஸ்யாத் க்ஷத்ரியோ விஜயீ ப⁴வேத் ।
வைஶ்யோ த⁴னஸம்ருʼத்³த⁴꞉ ஸ்யாத் ஶூத்³ர꞉ ஸுக²மவாப்னுயாத் ॥ 3 ॥
த⁴ர்மார்தீ² ப்ராப்னுயாத்³த⁴ர்மமர்தா²ர்தீ² சார்த²மாப்னுயாத் ।
காமானவாப்னுயாத் காமீ ப்ரஜார்தீ² ப்ராப்னுயாத்ப்ரஜாம்। ॥ 4 ॥
ப⁴க்திமான் ய꞉ ஸதோ³த்தா²ய ஶுசிஸ்தத்³க³தமானஸ꞉ ।
ஸஹஸ்ரம்ʼ வாஸுதே³வஸ்ய நாம்நாமேதத் ப்ரகீர்தயேத் ॥ 5 ॥
யஶ꞉ ப்ராப்னோதி விபுலம்ʼ யாதிப்ராதா⁴ன்யமேவ ச ।
அசலாம்ʼ ஶ்ரியமாப்னோதி ஶ்ரேய꞉ ப்ராப்னோத்யனுத்தமம்। ॥ 6 ॥
ந ப⁴யம்ʼ க்வசிதா³ப்னோதி வீர்யம்ʼ தேஜஶ்ச விந்த³தி ।
ப⁴வத்யரோகோ³ த்³யுதிமான் ப³லரூப கு³ணான்வித꞉ ॥ 7 ॥
ரோகா³ர்தோ முச்யதே ரோகா³த்³ப³த்³தோ⁴ முச்யேத ப³ந்த⁴னாத் ।
ப⁴யான்முச்யேத பீ⁴தஸ்து முச்யேதாபன்ன ஆபத³꞉ ॥ 8 ॥
து³ர்கா³ண்யதிதரத்யாஶு புருஷ꞉ புருஷோத்தமம் ।
ஸ்துவந்நாமஸஹஸ்ரேண நித்யம்ʼ ப⁴க்திஸமன்வித꞉ ॥ 9 ॥
வாஸுதே³வாஶ்ரயோ மர்த்யோ வாஸுதே³வபராயண꞉ ।
ஸர்வபாபவிஶுத்³தா⁴த்மா யாதி ப்³ரஹ்ம ஸனாதனம்। ॥ 10 ॥
ந வாஸுதே³வ ப⁴க்தாநாமஶுப⁴ம்ʼ வித்³யதே க்வசித் ।
ஜன்மம்ருʼத்யுஜராவ்யாதி⁴ப⁴யம்ʼ நைவோபஜாயதே ॥ 11 ॥
இமம்ʼ ஸ்தவமதீ⁴யான꞉ ஶ்ரத்³தா⁴ப⁴க்திஸமன்வித꞉ ।
யுஜ்யேதாத்ம ஸுக²க்ஷாந்தி ஶ்ரீத்⁴ருʼதி ஸ்ம்ருʼதி கீர்திபி⁴꞉ ॥ 12 ॥
ந க்ரோதோ⁴ ந ச மாத்ஸர்யம்ʼ ந லோபோ⁴ நாஶுபா⁴மதி꞉ ।
ப⁴வந்தி க்ருʼதபுண்யானாம்ʼ ப⁴க்தானாம்ʼ புருஷோத்தமே ॥ 13 ॥
த்³யௌ꞉ ஸசந்த்³ரார்கநக்ஷத்ரா க²ம்ʼ தி³ஶோ பூ⁴ர்மஹோத³தி⁴꞉ ।
வாஸுதே³வஸ்ய வீர்யேண வித்⁴ருʼதானி மஹாத்மன꞉ ॥ 14 ॥
ஸஸுராஸுரக³ந்த⁴ர்வம்ʼ ஸயக்ஷோரக³ராக்ஷஸம் ।
ஜக³த்³வஶே வர்ததேத³ம்ʼ க்ருʼஷ்ணஸ்ய ஸ சராசரம்। ॥ 15 ॥
இந்த்³ரியாணி மனோபு³த்³தி⁴꞉ ஸத்த்வம்ʼ தேஜோ ப³லம்ʼ த்⁴ருʼதி꞉ ।
வாஸுதே³வாத்மகான்யாஹு꞉, க்ஷேத்ரம்ʼ க்ஷேத்ரஜ்ஞ ஏவ ச ॥ 16 ॥
ஸர்வாக³மாநாமாசார꞉ ப்ரத²மம்ʼ பரிகல்பதே ।
ஆசாரப்ரப⁴வோ த⁴ர்மோ த⁴ர்மஸ்ய ப்ரபு⁴ரச்யுத꞉ ॥ 17 ॥
ருʼஷய꞉ பிதரோ தே³வா மஹாபூ⁴தானி தா⁴தவ꞉ ।
ஜங்க³மாஜங்க³மம்ʼ சேத³ம்ʼ ஜக³ந்நாராயணோத்³ப⁴வம் ॥ 18 ॥
யோகோ³ஜ்ஞானம்ʼ ததா² ஸாங்க்²யம்ʼ வித்³யா꞉ ஶில்பாதி³கர்ம ச ।
வேதா³꞉ ஶாஸ்த்ராணி விஜ்ஞானமேதத்ஸர்வம்ʼ ஜனார்த³னாத் ॥ 19 ॥
ஏகோ விஷ்ணுர்மஹத்³பூ⁴தம்ʼ ப்ருʼத²க்³பூ⁴தான்யனேகஶ꞉ ।
த்ரீம்ʼலோகான்வ்யாப்ய பூ⁴தாத்மா பு⁴ங்க்தே விஶ்வபு⁴க³வ்யய꞉ ॥ 20 ॥
இமம்ʼ ஸ்தவம்ʼ ப⁴க³வதோ விஷ்ணோர்வ்யாஸேன கீர்திதம் ।
படே²த்³ய இச்சேத்புருஷ꞉ ஶ்ரேய꞉ ப்ராப்தும்ʼ ஸுகா²னி ச ॥ 21 ॥
விஶ்வேஶ்வரமஜம்ʼ தே³வம்ʼ ஜக³த꞉ ப்ரபு⁴மவ்யயம்।
ப⁴ஜந்தி யே புஷ்கராக்ஷம்ʼ ந தே யாந்தி பராப⁴வம் ॥ 22 ॥
ந தே யாந்தி பராப⁴வம்ʼ ஓம்ʼ நம இதி ।
அர்ஜுன உவாச –
பத்³மபத்ர விஶாலாக்ஷ பத்³மநாப⁴ ஸுரோத்தம ।
ப⁴க்தானா மனுரக்தானாம்ʼ த்ராதா ப⁴வ ஜனார்த³ன ॥ 23 ॥
ஶ்ரீப⁴க³வானுவாச –
யோ மாம்ʼ நாமஸஹஸ்ரேண ஸ்தோதுமிச்ச²தி பாண்ட³வ ।
ஸோ(அ)ஹமேகேன ஶ்லோகேன ஸ்துத ஏவ ந ஸம்ʼஶய꞉ ॥ 24 ॥
ஸ்துத ஏவ ந ஸம்ʼஶய ஓம்ʼ நம இதி ।
வ்யாஸ உவாச –
வாஸநாத்³வாஸுதே³வஸ்ய வாஸிதம்ʼ பு⁴வனத்ரயம் ।
ஸர்வபூ⁴தநிவாஸோ(அ)ஸி வாஸுதே³வ நமோ(அ)ஸ்து தே ॥ 25 ॥
ஶ்ரீவாஸுதே³வ நமோஸ்துத ஓம்ʼ நம இதி ।
பார்வத்யுவாச –
கேனோபாயேன லகு⁴னா விஷ்ணோர்நாமஸஹஸ்ரகம் ।
பட்²யதே பண்டி³தைர்நித்யம்ʼ ஶ்ரோதுமிச்சா²ம்யஹம்ʼ ப்ரபோ⁴ ॥ 26 ॥
ஈஶ்வர உவாச –
ஶ்ரீராம ராம ராமேதி ரமே ராமே மனோரமே ।
ஸஹஸ்ரநாம தத்துல்யம்ʼ ராமநாம வரானனே ॥ 27 ॥
ஶ்ரீராம நாம வரானன ஓம்ʼ நம இதி ।
ப்³ரஹ்மோவாச –
நமோ(அ)ஸ்த்வனந்தாய ஸஹஸ்ரமூர்தயே ஸஹஸ்ரபாதா³க்ஷிஶிரோருபா³ஹவே ।
ஸஹஸ்ரநாம்னே புருஷாய ஶாஶ்வதே ஸஹஸ்ரகோடீ யுக³தா⁴ரிணே நம꞉ ॥ 28 ॥
ஶ்ரீ ஸஹஸ்ரகோடீ யுக³தா⁴ரிணே நம ஓம்ʼ நம இதி ।
ஸஞ்ஜய உவாச –
யத்ர யோகே³ஶ்வர꞉ க்ருʼஷ்ணோ யத்ர பார்தோ² த⁴னுர்த⁴ர꞉ ।
தத்ர ஶ்ரீர்விஜயோ பூ⁴திர்த்⁴ருவா நீதிர்மதிர்மம ॥ 29 ॥
ஶ்ரீ ப⁴க³வான் உவாச –
அனன்யாஶ்சிந்தயந்தோ மாம்ʼ யே ஜனா꞉ பர்யுபாஸதே ।
தேஷாம்ʼ நித்யாபி⁴யுக்தானாம்ʼ யோக³க்ஷேமம்ʼ வஹாம்யஹம்। ॥ 30 ॥
பரித்ராணாய ஸாதூ⁴னாம்ʼ விநாஶாய ச து³ஷ்க்ருʼதாம்। ।
த⁴ர்மஸம்ʼஸ்தா²பனார்தா²ய ஸம்ப⁴வாமி யுகே³ யுகே³ ॥ 31 ॥
ஆர்தா꞉ விஷண்ணா꞉ ஶிதி²லாஶ்ச பீ⁴தா꞉ கோ⁴ரேஷு ச வ்யாதி⁴ஷு வர்தமானா꞉ ।
ஸங்கீர்த்ய நாராயணஶப்³த³மாத்ரம்ʼ விமுக்தது³꞉கா²꞉ ஸுகி²னோ ப⁴வந்தி ॥ 32 ॥
காயேன வாசா மனஸேந்த்³ரியைர்வா பு³த்³த்⁴யாத்மனா வா ப்ரக்ருʼதே꞉ ஸ்வபா⁴வாத் ।
கரோமி யத்³யத்ஸகலம்ʼ பரஸ்மை நாராயணாயேதி ஸமர்பயாமி ॥ 33 ॥
யத³க்ஷர பத³ப்⁴ரஷ்டம்ʼ மாத்ராஹீனம்ʼ து யத்³ப⁴வேத்
தத்²ஸர்வம்ʼ க்ஷம்யதாம்ʼ தே³வ நாராயண நமோ(அ)ஸ்து தே ।
விஸர்க³ பி³ந்து³ மாத்ராணி பத³பாதா³க்ஷராணி ச
ந்யூனானி சாதிரிக்தானி க்ஷமஸ்வ புருஷோத்தம꞉ ॥
இதி ஶ்ரீ மஹாபா⁴ரதே ஶதஸாஹஸ்ரிகாயாம்ʼ ஸம்ʼஹிதாயாம்ʼ வையாஸிக்யாமனுஶாஸன பர்வாந்தர்க³த ஆனுஶாஸனிக பர்வணி, மோக்ஷத⁴ர்மே பீ⁴ஷ்ம யுதி⁴ஷ்டி²ர ஸம்ʼவாதே³ ஶ்ரீ விஷ்ணோர்தி³வ்ய ஸஹஸ்ரநாம ஸ்தோத்ரம்ʼ நாமைகோன பஞ்ச ஶதாதி⁴க ஶததமோத்⁴யாய꞉ ॥
ஶ்ரீ விஷ்ணு ஸஹஸ்ரநாம ஸ்தோத்ரம்ʼ ஸமாப்தம் ॥
ஓம்ʼ தத்ஸத் ஸர்வம்ʼ ஶ்ரீ க்ருʼஷ்ணார்பணமஸ்து ॥
Recite with devotion and pure heart
Regular practice brings spiritual benefits