ധ്യാനം – ശാന്താകാരം ഭുജഗശയനം പദ്മനാഭം സുരേശം വിശ്വാകാരം ഗഗനസദൃശം മേഘവർണം ശുഭാംഗം । ലക്ഷ്മീകാന്തം കമലനയനം യോഗിഹൃദ്ധ്യാനഗമ്യം വന്ദേ വിഷ്ണും ഭവഭയഹരം സർവലോകൈകനാഥം ॥ കവചം – ഓം । പൂർവതോ മാം ഹരിഃ പാതു പശ്ചാച്ചക്രീ ച ദക്ഷിണേ । കൃഷ്ണ ഉത്തരതഃ പാതു ശ്രീശോ വിഷ്ണുശ്ച സർവതഃ ॥ 1 ॥ ഊർധ്വമാനന്ദകൃത് പാതു അധസ്താച്ഛാർങ്ഗഭൃത് സദാ । പാദൗ പാതു സരോജാംഘ്രിഃ ജംഘേ പാതു ജനാർദനഃ ॥ 2 ॥ ജാനുനീ മേ ജഗന്നാഥഃ ഊരൂ പാതു ത്രിവിക്രമഃ । ഗുഹ്യം പാതു ഹൃഷീകേശഃ പൃഷ്ഠം പാതു മമാവ്യയഃ ॥ 3 ॥ പാതു നാഭിം മമാനന്തഃ കുക്ഷിം രാക്ഷസമർദനഃ । ദാമോദരോ മേ ഹൃദയം വക്ഷഃ പാതു നൃകേസരീ ॥ 4 ॥ കരൗ മേ കാലിയാരാതിഃ ഭുജൗ ഭക്താർതിഭഞ്ജനഃ । കണ്ഠം കാലാംബുദശ്യാമഃ സ്കന്ധൗ മേ കംസമർദനഃ ॥ 5 ॥ നാരായണോഽവ്യാന്നാസാം മേ കർണൗ കേശിപ്രഭഞ്ജനഃ । കപോലേ പാതു വൈകുണ്ഠോ ജിഹ്വാം പാതു ദയാനിധിഃ ॥ 6 ॥ ആസ്യം ദശാസ്യഹന്താഽവ്യാന്നേത്രേ മേ ഹരിലോചനഃ । ഭ്രുവൗ മേ പാതു ഭൂമീശോ ലലാടം മേ സദാഽച്യുതഃ ॥ 7 ॥ മുഖം മേ പാതു ഗോവിന്ദഃ ശിരോ ഗരുഡവാഹനഃ । മാം ശേഷശായീ സർവേഭ്യോ വ്യാധിഭ്യോ ഭക്തവത്സലഃ ॥ 8 ॥ പിശാചാഗ്നി ജലേഭ്യോ മാമാപദ്ഭ്യോ പാതു വാമനഃ । സർവേഭ്യോ ദുരിതേഭ്യശ്ച പാതു മാം പുരുഷോത്തമഃ ॥ 9 ॥ ഇദം ശ്രീവിഷ്ണുകവചം സർവമംഗലദായകം । സർവരോഗപ്രശമനം സർവശത്രുവിനാശനം ॥ 10 ॥ ഇതി ശ്രീ വിഷ്ണു കവചം ।