அஸ்ய ஶ்ரீ ஆதி³த்யகவசஸ்தோத்ரமஹாமந்த்ரஸ்ய அக³ஸ்த்யோ ப⁴க³வாந்ருஷி꞉ அநுஷ்டுப்ச²ந்த³꞉ ஆதி³த்யோ தே³வதா ஶ்ரீம் பீ³ஜம் ணீம் ஶக்தி꞉ ஸூம் கீலகம் மம ஆதி³த்யப்ரஸாத³ஸித்³த்⁴யர்தே² ஜபே விநியோக³꞉ । த்⁴யாநம் – ஜபாகுஸுமஸங்காஶம் த்³விபு⁴ஜம் பத்³மஹஸ்தகம் ஸிந்தூ³ராம்ப³ரமால்யம் ச ரக்தக³ந்தா⁴நுலேபநம் மாணிக்யரத்நக²சிதஸர்வாப⁴ரணபூ⁴ஷிதம் ஸப்தாஶ்வரத²வாஹம் து மேரும் சைவ ப்ரத³க்ஷிணம் ॥ 1 ॥ தே³வாஸுரவரைர்வந்த்³யம் க்⁴ருணிபி⁴꞉ பரிஸேவிதம் । த்⁴யாயேத் படே²த் ஸுவர்ணாப⁴ம் ஸூர்யஸ்ய கவசம் முதா³ ॥ 2 ॥ அத² கவசம் – க்⁴ருணி꞉ பாது ஶிரோதே³ஶே ஸூர்ய꞉ பாது லலாடகம் । ஆதி³த்யோ லோசநே பாது ஶ்ருதீ பாது தி³வாகர꞉ ॥ 3 ॥ க்⁴ராணம் பாது ஸதா³ பா⁴நு꞉ முக²ம் பாது ஸதா³ ரவி꞉ । ஜிஹ்வாம் பாது ஜக³ந்நேத்ர꞉ கண்ட²ம் பாது விபா⁴வஸு꞉ ॥ 4 ॥ ஸ்கந்தௌ⁴ க்³ரஹபதி꞉ பாது பு⁴ஜௌ பாது ப்ரபா⁴கர꞉ । கராவப்³ஜகர꞉ பாது ஹ்ருத³யம் பாது நபோ⁴மணி꞉ ॥ 5 ॥ த்³வாத³ஶாத்மா கடிம் பாது ஸவிதா பாது ஸக்தி²நீ । ஊரூ பாது ஸுரஶ்ரேஷ்டோ² ஜாநுநீ பாது பா⁴ஸ்கர꞉ ॥ 6 ॥ ஜங்கே⁴ மே பாது மார்தாண்டோ³ கு³ள்பௌ² பாது த்விஷாம் பதி꞉ । பாதௌ³ தி³நமணி꞉ பாது பாது மித்ரோ(அ)கி²லம் வபு꞉ ॥ 7 ॥ ஆதி³த்யகவசம் புண்யமபே⁴த்³யம் வஜ்ரஸந்நிப⁴ம் । ஸர்வரோக³ப⁴யாதி³ப்⁴யோ முச்யதே நாத்ர ஸம்ஶய꞉ ॥ 8 ॥ ஸம்வத்ஸரமுபாஸித்வா ஸாம்ராஜ்யபத³வீம் லபே⁴த் । அஶேஷரோக³ஶாந்த்யர்த²ம் த்⁴யாயேதா³தி³த்யமண்ட³லம் ॥ 9 ॥ ஆதி³த்ய மண்ட³ல ஸ்துதி꞉ – அநேகரத்நஸம்யுக்தம் ஸ்வர்ணமாணிக்யபூ⁴ஷணம் । கல்பவ்ருக்ஷஸமாகீர்ணம் கத³ம்ப³குஸுமப்ரியம் ॥ 10 ॥ ஸிந்தூ³ரவர்ணாய ஸுமண்ட³லாய ஸுவர்ணரத்நாப⁴ரணாய துப்⁴யம் । பத்³மாதி³நேத்ரே ச ஸுபங்கஜாய ப்³ரஹ்மேந்த்³ர-நாராயண-ஶங்கராய ॥ 11 ॥ ஸம்ரக்தசூர்ணம் ஸஸுவர்ணதோயம் ஸகுங்குமாப⁴ம் ஸகுஶம் ஸபுஷ்பம் । ப்ரத³த்தமாதா³ய ச ஹேமபாத்ரே ப்ரஶஸ்தநாத³ம் ப⁴க³வந் ப்ரஸீத³ ॥ 12 ॥ இதி ஶ்ரீ ஆதி³த்ய கவசம் ।