ശിവയോസ്തനുജായാസ്തു ശ്രിതമംദാരശാഖിനേ । ശിഖിവര്യതുരംഗായ സുബ്രഹ്മണ്യായ മംഗളമ് ॥ 1 ॥ ഭക്താഭീഷ്ടപ്രദായാസ്തു ഭവരോഗവിനാശിനേ । രാജരാജാദിവംദ്യായ രണധീരായ മംഗളമ് ॥ 2 ॥ ശൂരപദ്മാദിദൈതേയതമിസ്രകുലഭാനവേ । താരകാസുരകാലായ ബാലകായാസ്തു മംഗളമ് ॥ 3 ॥ വല്ലീവദനരാജീവ മധുപായ മഹാത്മനേ । ഉല്ലസന്മണികോടീരഭാസുരായാസ്തു മംഗളമ് ॥ 4 ॥ കംദര്പകോടിലാവണ്യനിധയേ കാമദായിനേ । കുലിശായുധഹസ്തായ കുമാരായാസ്തു മംഗളമ് ॥ 5 ॥ മുക്താഹാരലസത്കംഠരാജയേ മുക്തിദായിനേ । ദേവസേനാസമേതായ ദൈവതായാസ്തു മംഗളമ് ॥ 6 ॥ കനകാംബരസംശോഭികടയേ കലിഹാരിണേ । കമലാപതിവംദ്യായ കാര്തികേയായ മംഗളമ് ॥ 7 ॥ ശരകാനനജാതായ ശൂരായ ശുഭദായിനേ । ശീതഭാനുസമാസ്യായ ശരണ്യായാസ്തു മംഗളമ് ॥ 8 ॥ മംഗളാഷ്ടകമേതദ്യേ മഹാസേനസ്യ മാനവാഃ । പഠംതീ പ്രത്യഹം ഭക്ത്യാ പ്രാപ്നുയുസ്തേ പരാം ശ്രിയമ് ॥ 9 ॥ ഇതി ശ്രീ സുബ്രഹ്മണ്യ മംഗളാഷ്ടകമ് ।