അസ്യ ശ്രീസുബ്രഹ്മണ്യകവചസ്തോത്രമഹാമന്ത്രസ്യ, ബ്രഹ്മാ ഋഷിഃ, അനുഷ്ടുപ്ഛന്ദഃ, ശ്രീസുബ്രഹ്മണ്യോ ദേവതാ, ഓം നമ ഇതി ബീജം, ഭഗവത ഇതി ശക്തിഃ, സുബ്രഹ്മണ്യായേതി കീലകം, ശ്രീസുബ്രഹ്മണ്യ പ്രസാദസിദ്ധ്യർഥേ ജപേ വിനിയോഗഃ ॥ കരന്യാസഃ – ഓം സാം അങ്ഗുഷ്ഠാഭ്യാം നമഃ । ഓം സീം തർജനീഭ്യാം നമഃ । ഓം സൂം മധ്യമാഭ്യാം നമഃ । ഓം സൈം അനാമികാഭ്യാം നമഃ । ഓം സൗം കനിഷ്ഠികാഭ്യാം നമഃ । ഓം സഃ കരതലകരപൃഷ്ഠാഭ്യാം നമഃ ॥ അങ്ഗന്യാസഃ – ഓം സാം ഹൃദയായ നമഃ । ഓം സീം ശിരസേ സ്വാഹാ । ഓം സൂം ശിഖായൈ വഷട് । ഓം സൈം കവചായ ഹും । ഓം സൗം നേത്രത്രയായ വൗഷട് । ഓം സഃ അസ്ത്രായ ഫട് । ഭൂർഭുവസ്സുവരോമിതി ദിഗ്ബന്ധഃ ॥ ധ്യാനമ് । സിന്ദൂരാരുണമിന്ദുകാന്തിവദനം കേയൂരഹാരാദിഭിഃ ദിവ്യൈരാഭരണൈർവിഭൂഷിതതനും സ്വർഗാദിസൗഖ്യപ്രദമ് । അമ്ഭോജാഭയശക്തികുക്കുടധരം രക്താങ്ഗരാഗോജ്ജ്വലം സുബ്രഹ്മണ്യമുപാസ്മഹേ പ്രണമതാം ഭീതിപ്രണാശോദ്യതമ് ॥ ലമിത്യാദി പഞ്ചപൂജാ । ഓം ലം പൃഥിവ്യാത്മനേ സുബ്രഹ്മണ്യായ ഗന്ധം സമർപയാമി । ഓം ഹം ആകാശാത്മനേ സുബ്രഹ്മണ്യായ പുഷ്പാണി സമർപയാമി । ഓം യം വായ്വാത്മനേ സുബ്രഹ്മണ്യായ ധൂപമാഘ്രാപയാമി । ഓം രം അഗ്ന്യാത്മനേ സുബ്രഹ്മണ്യായ ദീപം ദർശയാമി । ഓം വം അമൃതാത്മനേ സുബ്രഹ്മണ്യായ സ്വാദന്നം നിവേദയാമി । കവചമ് । സുബ്രഹ്മണ്യോഽഗ്രതഃ പാതു സേനാനീഃ പാതു പൃഷ്ഠതഃ । ഗുഹോ മാം ദക്ഷിണേ പാതു വഹ്നിജഃ പാതു വാമതഃ ॥ 1 ॥ ശിരഃ പാതു മഹാസേനഃ സ്കന്ദോ രക്ഷേല്ലലാടകമ് । നേത്രേ മേ ദ്വാദശാക്ഷശ്ച ശ്രോത്രേ രക്ഷതു വിശ്വഭൃത് ॥ 2 ॥ മുഖം മേ ഷണ്മുഖഃ പാതു നാസികാം ശങ്കരാത്മജഃ । ഓഷ്ഠൌ വല്ലീപതിഃ പാതു ജിഹ്വാം പാതു ഷഡാനനഃ ॥ 3 ॥ ദേവസേനാപതിര്ദന്താന് ചിബുകം ബഹുലോദ്ഭവഃ । കണ്ഠം താരകജിത്പാതു ബാഹൂ ദ്വാദശബാഹുകഃ ॥ 4 ॥ ഹസ്തൌ ശക്തിധരഃ പാതു വക്ഷഃ പാതു ശരോദ്ഭവഃ । ഹൃദയം വഹ്നിഭൂഃ പാതു കുക്ഷിം പാത്വമ്ബികാസുതഃ ॥ 5 ॥ നാഭിം ശംഭുസുതഃ പാതു കടിം പാതു ഹരാത്മജഃ । ഊരൂ പാതു ഗജാരൂഢോ ജാനൂ മേ ജാഹ്നവീസുതഃ ॥ 6 ॥ ജങ്ഘേ വിശാഖോ മേ പാതു പാദൗ മേ ശിഖിവാഹനഃ । സർവാണ്യങ്ഗാനി ഭൂതേശഃ സർവധാതൂംശ്ച പാവകിഃ ॥ 7 ॥ സന്ധ്യാകാലേ നിശീഥിന്യാം ദിവാ പ്രാതർജലേഽഗ്നിഷു । ദുർഗമേ ച മഹാരണ്യേ രാജദ്വാരേ മഹാഭയേ ॥ 8 ॥ തുമുലേ രണ്യമധ്യേ ച സർവദുഷ്ടമൃഗാദിഷു । ചോരാദിസാധ്വസേഽഭേദ്യേ ജ്വരാദിവ്യാധിപീഡനേ ॥ 9 ॥ ദുഷ്ടഗ്രഹാദിഭീതൗ ച ദുർനിമിത്താദിഭീഷണേ । അസ്ത്രശസ്ത്രനിപാതേ ച പാതു മാം ക്രൗഞ്ചരന്ധ്രകൃത് ॥ 10 ॥ യഃ സുബ്രഹ്മണ്യകവചം ഇഷ്ടസിദ്ധിപ്രദം പഠേത് । തസ്യ താപത്രയം നാസ്തി സത്യം സത്യം വദാമ്യഹമ് ॥ 11 ॥ ധർമാർഥീ ലഭതേ ധർമമർഥാർഥീ ചാർഥമാപ്നുയാത് । കാമാർഥീ ലഭതേ കാമം മോക്ഷാർഥീ മോക്ഷമാപ്നുയാത് ॥ 12 ॥ യത്ര യത്ര ജപേദ്ഭക്ത്യാ തത്ര സന്നിഹിതോ ഗുഹഃ । പൂജാപ്രതിഷ്ഠാകാലേ ച ജപകാലേ പഠേദിദമ് ॥ 13 ॥ തേഷാമേവ ഫലാവാപ്തിഃ മഹാപാതകനാശനമ് । യഃ പഠേച്ഛൃണുയാദ്ഭക്ത്യാ നിത്യം ദേവസ്യ സന്നിധൌ । സർവാന്കാമാനിഹ പ്രാപ്യ സോഽന്തേ സ്കന്ദപുരം വ്രജേത് ॥ 14 ॥ ഉത്തരന്യാസഃ ॥ കരന്യാസഃ – ഓം സാം അങ്ഗുഷ്ഠാഭ്യാം നമഃ । ഓം സീം തർജനീഭ്യാം നമഃ । ഓം സൂം മധ്യമാഭ്യാം നമഃ । ഓം സൈം അനാമികാഭ്യാം നമഃ । ഓം സൗം കനിഷ്ഠികാഭ്യാം നമഃ । ഓം സഃ കരതലകരപൃഷ്ഠാഭ്യാം നമഃ ॥ അങ്ഗന്യാസഃ – ഓം സാം ഹൃദയായ നമഃ । ഓം സീം ശിരസേ സ്വാഹാ । ഓം സൂം ശിഖായൈ വഷട് । ഓം സൈം കവചായ ഹും । ഓം സൗം നേത്രത്രയായ വൗഷട് । ഓം സഃ അസ്ത്രായ ഫട് । ഭൂർഭുവസ്സുവരോമിതി ദിഗ്വിമോകഃ ॥ ഇതി ശ്രീ സുബ്രഹ്മണ്യ കവച സ്തോത്രമ് ॥