ಶ್ರೀ ಶಿವರಾಮಾಷ್ಟಕಂ

ಶಿವ ಹರೇ ಶಿವರಾಮಸಖೇ ಪ್ರಭೋ

ತ್ರಿವಿಧತಾಪನಿವಾರಣ ಹೇ ವಿಭೋ ।

ಅಜಜನೇಶ್ವರಯಾದವ ಪಾಹಿ ಮಾಂ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 1 ॥

ಕಮಲಲೋಚನ ರಾಮ ದಯಾನಿಧೇ

ಹರ ಗುರೋ ಗಜರಕ್ಷಕ ಗೋಪತೇ ।

ಶಿವತನೋ ಭವಶಂಕರ ಪಾಹಿ ಮಾಂ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 2 ॥

ಸುಜನರಂಜನಮಂಗಲಮಂದಿರಂ

ಭಜತಿ ತೇ ಪುರುಷಃ ಪರಮಂ ಪದಂ ।

ಭವತಿ ತಸ್ಯ ಸುಖಂ ಪರಮಾದ್ಭುತಂ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 3 ॥

ಜಯ ಯುಧಿಷ್ಠಿರವಲ್ಲಭ ಭೂಪತೇ

ಜಯ ಜಯಾರ್ಜಿತ ಪುಣ್ಯಪಯೋನಿಧೇ ।

ಜಯ ಕೃಪಾಮಯ ಕೃಷ್ಣ ನಮೋಽಸ್ತು ತೇ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 4 ॥

ಭವವಿಮೋಚನ ಮಾಧವ ಮಾಪತೇ

ಸುಕವಿಮಾನಸಹಂಸ ಶಿವಾರತೇ ।

ಜನಕಜಾರತ ರಾಘವ ರಕ್ಷ ಮಾಂ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 5 ॥

ಅವನಿಮಂಡಲಮಂಗಲ ಮಾಪತೇ

ಜಲದಸುಂದರ ರಾಮ ರಮಾಪತೇ ।

ನಿಗಮಕೀರ್ತಿಗುಣಾರ್ಣವ ಗೋಪತೇ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 6 ॥

ಪತಿತಪಾವನ ನಾಮಮಯೀ ಲತಾ

ತವ ಯಶೋ ವಿಮಲಂ ಪರಿಗೀಯತೇ ।

ತದಪಿ ಮಾಧವ ಮಾಂ ಕಿಮುಪೇಕ್ಷಸೇ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 7 ॥

ಅಮರತಾಪರದೇವ ರಮಾಪತೇ

ವಿಜಯತಸ್ತವ ನಾಮಧನೋಪಮಾ ।

ಮಯಿ ಕಥಂ ಕರುಣಾರ್ಣವ ಜಾಯತೇ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 8 ॥

ಹನುಮತಃ ಪ್ರಿಯಚಾಪಕರ ಪ್ರಭೋ

ಸುರಸರಿದ್ಧೃತಶೇಖರ ಹೇ ಗುರೋ ।

ಮಮ ವಿಭೋ ಕಿಮು ವಿಸ್ಮರಣಂ ಕೃತಂ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 9 ॥

ಅಹರಹರ್ಜನ ರಂಜನಸುಂದರಂ

ಪಠತಿ ಯಃ ಶಿವರಾಮಕೃತಸ್ತವಂ ।

ವಿಶತಿ ರಾಮರಮಾಚರಣಾಂಬುಜೇ

ಶಿವ ಹರೇ ವಿಜಯಂ ಕುರು ಮೇ ವರಂ ॥ 10 ॥

ಪ್ರಾತರುತ್ಥಾಯ ಯೋ ಭಕ್ತ್ಯಾ ಪಠೇದೇಕಾಗ್ರಮಾನಸಃ ।

ವಿಜಯೋ ಜಾಯತೇ ತಸ್ಯ ವಿಷ್ಣುಮಾರಾಧ್ಯಮಾಪ್ನುಯಾತ್ ॥ 11 ॥

ಇತಿ ಶ್ರೀಶಿವರಾಮಸ್ತೋತ್ರಂ ।

Recite with devotion and pure heart

Regular practice brings spiritual benefits