ഹൈന്ദവം
हैंహై
ഹൈന്ദവം
ஹிહિં📍
Font Size:
ശ്രീ രാമ ദ്വാദശനാമ സ്തോത്രം
പ്രഥമം ശ്രീധരം വിദ്യാദ്ദ്വിതീയം രഘുനായകം ।
തൃതീയം രാമചന്ദ്രം ച ചതുർഥം രാവണാന്തകം ॥ 1 ॥
പഞ്ചമം ലോകപൂജ്യം ച ഷഷ്ഠമം ജാനകീപതിം ।
സപ്തമം വാസുദേവം ച ശ്രീരാമം ചാഽഷ്ടമം തഥാ ॥ 2 ॥
നവമം ജലദശ്യാമം ദശമം ലക്ഷ്മണാഗ്രജം ।
ഏകാദശം ച ഗോവിന്ദം ദ്വാദശം സേതുബന്ധനം ॥ 3 ॥
ദ്വാദശൈതാനി നാമാനി യഃ പഠേച്ഛ്രദ്ധയാന്വിതഃ ।
അർധരാത്രേ തു ദ്വാദശ്യാം കുഷ്ഠദാരിദ്ര്യനാശനം ॥ 4 ॥
അരണ്യേ ചൈവ സംഗ്രാമേ അഗ്നൗ ഭയനിവാരണം ।
ബ്രഹ്മഹത്യാ സുരാപാനം ഗോഹത്യാദി നിവാരണം ॥ 5 ॥
സപ്തവാരം പഠേന്നിത്യം സർവാരിഷ്ടനിവാരണം ।
ഗ്രഹണേ ച ജലേ സ്ഥിത്വാ നദീതീരേ വിശേഷതഃ ।
അശ്വമേധശതം പുണ്യം ബ്രഹ്മലോകം ഗമിഷ്യതി ॥ 6 ॥
ഇതി ശ്രീ സ്കാന്ദപുരാണേ ഉത്തരഖണ്ഡേ ശ്രീ ഉമാമഹേശ്വരസംവാദേ ശ്രീ രാമ ദ്വാദശനാമസ്തോത്രം ।
Recite with devotion and pure heart
Regular practice brings spiritual benefits