हैंహైHaindavamஹிહિં
📍
Font Size:
శ్రీ లలితా త్రిశతి స్తోత్రం
అగస్త్య ఉవాచ ।
అశ్వానన మహాబుద్ధే సర్వశాస్త్రవిశారద ।
కథితం లలితాదేవ్యాశ్చరితం పరమాద్భుతం ॥ 1 ॥
పూర్వం ప్రాదుర్భవో మాతుస్తతః పట్టాభిషేచనం ।
భండాసురవధశ్చైవ విస్తరేణ త్వయోదితః ॥ 2 ॥
వర్ణితం శ్రీపురం చాపి మహావిభవవిస్తరం ।
శ్రీమత్పంచదశాక్షర్యాః మహిమా వర్ణితస్తథా ॥ 3 ॥
షోఢాన్యాసాదయో న్యాసాః న్యాసఖండే సమీరితాః ।
అంతర్యాగక్రమశ్చైవ బహిర్యాగక్రమస్తథా ॥ 4 ॥
మహాయాగక్రమశ్చైవ పూజాఖండే ప్రకీర్తితాః ।
పురశ్చరణఖండే తు జపలక్షణమీరితం ॥ 5 ॥
హోమఖండే త్వయా ప్రోక్తో హోమద్రవ్యవిధిక్రమః ।
చక్రరాజస్య విద్యాయాః శ్రీదేవ్యా దేశికాత్మనోః ॥ 6 ॥
రహస్యఖండే తాదాత్మ్యం పరస్పరముదీరితం ।
స్తోత్రఖండే బహువిధాః స్తుతయః పరికీర్తితాః ॥ 7 ॥
మంత్రిణీదండినీదేవ్యోః ప్రోక్తే నామసహస్రకే ।
న తు శ్రీలలితాదేవ్యాః ప్రోక్తం నామసహస్రకం ॥ 8 ॥
తత్ర మే సంశయో జాతో హయగ్రీవ దయానిధే ।
కిం వా త్వయా విస్మృతం తజ్జ్ఞాత్వా వా సముపేక్షితం ॥ 9 ॥
మమ వా యోగ్యతా నాస్తి శ్రోతుం నామసహస్రకం ।
కిమర్థం భవతా నోక్తం తత్ర మే కారణం వద ॥ 10 ॥
సూత ఉవాచ ।
ఇతి పృష్టో హయగ్రీవో మునినా కుంభజన్మనా ।
ప్రహృష్టో వచనం ప్రాహ తాపసం కుంభసంభవం ॥ 11 ॥
శ్రీహయగ్రీవ ఉవాచ ।
లోపాముద్రాపతేఽగస్త్య సావధానమనాః శృణు ।
నామ్నాం సహస్రం యన్నోక్తం కారణం తద్వదామి తే ॥ 12 ॥
రహస్యమితి మత్వాహం నోక్తవాంస్తే న చాన్యథా ।
పునశ్చ పృచ్ఛతే భక్త్యా తస్మాత్తత్తే వదామ్యహం ॥ 13 ॥
బ్రూయాచ్ఛిష్యాయ భక్తాయ రహస్యమపి దేశికః ।
భవతా న ప్రదేయం స్యాదభక్తాయ కదాచన ॥ 14 ॥
న శఠాయ న దుష్టాయ నావిశ్వాసాయ కర్హిచిత్ ।
శ్రీమాతృభక్తియుక్తాయ శ్రీవిద్యారాజవేదినే ॥ 15 ॥
ఉపాసకాయ శుద్ధాయ దేయం నామసహస్రకం ।
యాని నామసహస్రాణి సద్యః సిద్ధిప్రదాని వై ॥ 16 ॥
తంత్రేషు లలితాదేవ్యాస్తేషు ముఖ్యమిదం మునే ।
శ్రీవిద్యైవ తు మంత్రాణాం తత్ర కాదిర్యథా పరా ॥ 17 ॥
పురాణాం శ్రీపురమివ శక్తీనాం లలితా తథా ।
శ్రీవిద్యోపాసకానాం చ యథా దేవో పరః శివః ॥ 18 ॥
తథా నామసహస్రేషు పరమేతత్ప్రకీర్తితం ।
యథాస్య పఠనాద్దేవీ ప్రీయతే లలితాంబికా ॥ 19 ॥
అన్యనామసహస్రస్య పాఠాన్న ప్రీయతే తథా ।
శ్రీమాతుః ప్రీతయే తస్మాదనిశం కీర్తయేదిదం ॥ 20 ॥
బిల్వపత్రైశ్చక్రరాజే యోఽర్చయేల్లలితాంబికాం ।
పద్మైర్వా తులసీపుష్పైరేభిర్నామసహస్రకైః ॥ 21 ॥
సద్యః ప్రసాదం కురుతే తస్య సింహాసనేశ్వరీ ।
చక్రాధిరాజమభ్యర్చ్య జప్త్వా పంచదశాక్షరీం ॥ 22 ॥
జపాంతే కీర్తయేన్నిత్యమిదం నామసహస్రకం ।
జపపూజాద్యశక్తశ్చేత్పఠేన్నామసహస్రకం ॥ 23 ॥
సాంగార్చనే సాంగజపే యత్ఫలం తదవాప్నుయాత్ ।
ఉపాసనే స్తుతీరన్యాః పఠేదభ్యుదయో హి సః ॥ 24 ॥
ఇదం నామసహస్రం తు కీర్తయేన్నిత్యకర్మవత్ ।
చక్రరాజార్చనం దేవ్యా జపో నామ్నాం చ కీర్తనం ॥ 25 ॥
భక్తస్య కృత్యమేతావదన్యదభ్యుదయం విదుః ।
భక్తస్యావశ్యకమిదం నామసాహస్రకీర్తనం ॥ 26 ॥
తత్ర హేతుం ప్రవక్ష్యామి శృణు త్వం కుంభసంభవ ।
పురా శ్రీలలితాదేవీ భక్తానాం హితకామ్యయా ॥ 27 ॥
వాగ్దేవీర్వశినీముఖ్యాః సమాహూయేదమబ్రవీత్ ।
వాగ్దేవతా వశిన్యాద్యాః శృణుధ్వం వచనం మమ ॥ 28 ॥
భవత్యో మత్ప్రసాదేన ప్రోల్లసద్వాగ్విభూతయః ।
మద్భక్తానాం వాగ్విభూతిప్రదానే వినియోజితాః ॥ 29 ॥
మచ్చక్రస్య రహస్యజ్ఞా మమ నామపరాయణాః ।
మమ స్తోత్రవిధానాయ తస్మాదాజ్ఞాపయామి వః ॥ 30 ॥
కురుధ్వమంకితం స్తోత్రం మమ నామసహస్రకైః ।
యేన భక్తైః స్తుతాయా మే సద్యః ప్రీతిః పరా భవేత్ ॥ 31 ॥
ఇత్యాజ్ఞప్తాస్తతో దేవ్యః శ్రీదేవ్యా లలితాంబయా ।
రహస్యైర్నామభిర్దివ్యైశ్చక్రుః స్తోత్రమనుత్తమం ॥ 32 ॥
రహస్యనామసాహస్రమితి తద్విశ్రుతం పరం ।
తతః కదాచిత్సదసి స్థిత్వా సింహాసనేఽమ్బికా ॥ 33 ॥
స్వసేవావసరం ప్రాదాత్సర్వేషాం కుంభసంభవ ।
సేవార్థమాగతాస్తత్ర బ్రహ్మాణీబ్రహ్మకోటయః ॥ 34 ॥
లక్ష్మీనారాయణానాం చ కోటయః సముపాగతాః ।
గౌరీకోటిసమేతానాం రుద్రాణామపి కోటయః ॥ 35 ॥
మంత్రిణీదండినీముఖ్యాః సేవార్థం యః సమాగతాః ।
శక్తయో వివిధాకారాస్తాసాం సంఖ్యా న విద్యతే ॥ 36 ॥
దివ్యౌఘా మానవౌఘాశ్చ సిద్ధౌఘాశ్చ సమాగతాః ।
తత్ర శ్రీలలితాదేవీ సర్వేషాం దర్శనం దదౌ ॥ 37 ॥
తేషు దృష్ట్వోపవిష్టేషు స్వే స్వే స్థానే యథాక్రమం ।
తత్ర శ్రీలలితాదేవీకటాక్షాక్షేపచోదితాః ॥ 38 ॥
ఉత్థాయ వశినీముఖ్యా బద్ధాంజలిపుటాస్తదా ।
అస్తువన్నామసాహస్రైః స్వకృతైర్లలితాంబికాం ॥ 39 ॥
శ్రుత్వా స్తవం ప్రసన్నాభూల్లలితా పరమేశ్వరీ ।
తే సర్వే విస్మయం జగ్ముర్యే తత్ర సదసి స్థితాః ॥ 40 ॥
తతః ప్రోవాచ లలితా సదస్యాన్ దేవతాగణాన్ ।
దేవ్యువాచ ।
మమాజ్ఞయైవ వాగ్దేవ్యశ్చక్రుః స్తోత్రమనుత్తమం ॥ 41 ॥
అంకితం నామభిర్దివ్యైర్మమ ప్రీతివిధాయకైః ।
తత్పఠధ్వం సదా యూయం స్తోత్రం మత్ప్రీతివృద్ధయే ॥ 42 ॥
ప్రవర్తయధ్వం భక్తేషు మమ నామసాహస్రకం ।
ఇదం నామసహస్రం మే యో భక్తః పఠతే సకృత్ ॥ 43 ॥
స మే ప్రియతమో జ్ఞేయస్తస్మై కామాన్ దదామ్యహం ।
శ్రీచక్రే మాం సమభ్యర్చ్య జప్త్వా పంచదశాక్షరీం ॥ 44 ॥
పశ్చాన్నామసహస్రం మే కీర్తయేన్మమ తుష్టయే ।
మామర్చయతు వా మా వా విద్యాం జపతు వా న వా ॥ 45 ॥
కీర్తయేన్నామసాహస్రమిదం మత్ప్రీతయే సదా ।
మత్ప్రీత్యా సకలాన్కామాంల్లభతే నాత్ర సంశయః ॥ 46 ॥
తస్మాన్నామసహస్రం మే కీర్తయధ్వం సదాదరాత్ ।
శ్రీహయగ్రీవ ఉవాచ ।
ఇతి శ్రీలలితేశానీ శాస్తి దేవాన్ సహానుగాన్ ॥ 47 ॥
తదాజ్ఞయా తదారభ్య బ్రహ్మవిష్ణుమహేశ్వరాః ।
శక్తయో మంత్రిణీముఖ్యా ఇదం నామసహస్రకం ॥ 48 ॥
పఠంతి భక్త్యా సతతం లలితాపరితుష్టయే ।
తస్మాదవశ్యం భక్తేన కీర్తనీయమిదం మునే ॥ 49 ॥
ఆవశ్యకత్వే హేతుస్తే మయా ప్రోక్తో మునీశ్వర ।
ఇదానీం నామసాహస్రం వక్ష్యామి శ్రద్ధయా శృణు ॥ 50 ॥
ఇతి శ్రీబ్రహ్మాండపురాణే హయగ్రీవాగస్త్యసంవాదే లలితాసహస్రనామపూర్వభాగో నామ ప్రథమోఽధ్యాయః ॥
అస్య శ్రీలలితా త్రిశతీస్తోత్ర మహామంత్రస్య, భగవాన్ హయగ్రీవ ఋషిః, అనుష్టుప్ ఛందః, శ్రీలలితామహాత్రిపురసుందరీ దేవతా, ఐం బీజం, సౌః శక్తిః, క్లీం కీలకం, మమ చతుర్విధపురుషార్థఫలసిద్ధ్యర్థే జపే వినియోగః ।
ఐమిత్యాదిభిరంగన్యాసకరన్యాసాః కార్యాః ।
ధ్యానం ।
అతిమధురచాపహస్తా-
-మపరిమితామోదబాణసౌభాగ్యాం ।
అరుణామతిశయకరుణా-
-మభినవకులసుందరీం వందే ।
శ్రీ హయగ్రీవ ఉవాచ ।
కకారరూపా కల్యాణీ కల్యాణగుణశాలినీ ।
కల్యాణశైలనిలయా కమనీయా కలావతీ ॥ 1 ॥
కమలాక్షీ కల్మషఘ్నీ కరుణామృతసాగరా ।
కదంబకాననావాసా కదంబకుసుమప్రియా ॥ 2 ॥
కందర్పవిద్యా కందర్పజనకాపాంగవీక్షణా ।
కర్పూరవీటిసౌరభ్యకల్లోలితకకుప్తటా ॥ 3 ॥
కలిదోషహరా కంజలోచనా కమ్రవిగ్రహా ।
కర్మాదిసాక్షిణీ కారయిత్రీ కర్మఫలప్రదా ॥ 4 ॥
ఏకారరూపా చైకాక్షర్యేకానేకాక్షరాకృతిః ।
ఏతత్తదిత్యనిర్దేశ్యా చైకానందచిదాకృతిః ॥ 5 ॥
ఏవమిత్యాగమాబోధ్యా చైకభక్తిమదర్చితా ।
ఏకాగ్రచిత్తనిర్ధ్యాతా చైషణారహితాదృతా ॥ 6 ॥
ఏలాసుగంధిచికురా చైనఃకూటవినాశినీ ।
ఏకభోగా చైకరసా చైకైశ్వర్యప్రదాయినీ ॥ 7 ॥
ఏకాతపత్రసామ్రాజ్యప్రదా చైకాంతపూజితా ।
ఏధమానప్రభా చైజదనేకజగదీశ్వరీ ॥ 8 ॥
ఏకవీరాదిసంసేవ్యా చైకప్రాభవశాలినీ ।
ఈకారరూపా చేశిత్రీ చేప్సితార్థప్రదాయినీ ॥ 9 ॥
ఈదృగిత్యవినిర్దేశ్యా చేశ్వరత్వవిధాయినీ ।
ఈశానాదిబ్రహ్మమయీ చేశిత్వాద్యష్టసిద్ధిదా ॥ 10 ॥
ఈక్షిత్రీక్షణసృష్టాండకోటిరీశ్వరవల్లభా ।
ఈడితా చేశ్వరార్ధాంగశరీరేశాధిదేవతా ॥ 11 ॥
ఈశ్వరప్రేరణకరీ చేశతాండవసాక్షిణీ ।
ఈశ్వరోత్సంగనిలయా చేతిబాధావినాశినీ ॥ 12 ॥
ఈహావిరహితా చేశశక్తిరీషత్స్మితాననా ।
లకారరూపా లలితా లక్ష్మీవాణీనిషేవితా ॥ 13 ॥
లాకినీ లలనారూపా లసద్దాడిమపాటలా ।
లలంతికాలసత్ఫాలా లలాటనయనార్చితా ॥ 14 ॥
లక్షణోజ్జ్వలదివ్యాంగీ లక్షకోట్యండనాయికా ।
లక్ష్యార్థా లక్షణాగమ్యా లబ్ధకామా లతాతనుః ॥ 15 ॥
లలామరాజదలికా లంబిముక్తాలతాంచితా ।
లంబోదరప్రసూర్లభ్యా లజ్జాఢ్యా లయవర్జితా ॥ 16 ॥
హ్రీంకారరూపా హ్రీంకారనిలయా హ్రీంపదప్రియా ।
హ్రీంకారబీజా హ్రీంకారమంత్రా హ్రీంకారలక్షణా ॥ 17 ॥
హ్రీంకారజపసుప్రీతా హ్రీంమతీ హ్రీంవిభూషణా ।
హ్రీంశీలా హ్రీంపదారాధ్యా హ్రీంగర్భా హ్రీంపదాభిధా ॥ 18 ॥
హ్రీంకారవాచ్యా హ్రీంకారపూజ్యా హ్రీంకారపీఠికా ।
హ్రీంకారవేద్యా హ్రీంకారచింత్యా హ్రీం హ్రీంశరీరిణీ ॥ 19 ॥
హకారరూపా హలధృక్పూజితా హరిణేక్షణా ।
హరప్రియా హరారాధ్యా హరిబ్రహ్మేంద్రవందితా ॥ 20 ॥
హయారూఢాసేవితాంఘ్రిర్హయమేధసమర్చితా ।
హర్యక్షవాహనా హంసవాహనా హతదానవా ॥ 21 ॥
హత్యాదిపాపశమనీ హరిదశ్వాదిసేవితా ।
హస్తికుంభోత్తుంగకుచా హస్తికృత్తిప్రియాంగనా ॥ 22 ॥
హరిద్రాకుంకుమాదిగ్ధా హర్యశ్వాద్యమరార్చితా ।
హరికేశసఖీ హాదివిద్యా హాలామదాలసా ॥ 23 ॥
సకారరూపా సర్వజ్ఞా సర్వేశీ సర్వమంగలా ।
సర్వకర్త్రీ సర్వభర్త్రీ సర్వహంత్రీ సనాతనా ॥ 24 ॥
సర్వానవద్యా సర్వాంగసుందరీ సర్వసాక్షిణీ ।
సర్వాత్మికా సర్వసౌఖ్యదాత్రీ సర్వవిమోహినీ ॥ 25 ॥
సర్వాధారా సర్వగతా సర్వావగుణవర్జితా ।
సర్వారుణా సర్వమాతా సర్వభూషణభూషితా ॥ 26 ॥
కకారార్థా కాలహంత్రీ కామేశీ కామితార్థదా ।
కామసంజీవనీ కల్యా కఠినస్తనమండలా ॥ 27 ॥
కరభోరూః కలానాథముఖీ కచజితాంబుదా ।
కటాక్షస్యందికరుణా కపాలిప్రాణనాయికా ॥ 28 ॥
కారుణ్యవిగ్రహా కాంతా కాంతిధూతజపావలిః ।
కలాలాపా కంబుకంఠీ కరనిర్జితపల్లవా ॥ 29 ॥
కల్పవల్లీసమభుజా కస్తూరీతిలకాంచితా ।
హకారార్థా హంసగతిర్హాటకాభరణోజ్జ్వలా ॥ 30 ॥
హారహారికుచాభోగా హాకినీ హల్యవర్జితా ।
హరిత్పతిసమారాధ్యా హఠాత్కారహతాసురా ॥ 31 ॥
హర్షప్రదా హవిర్భోక్త్రీ హార్దసంతమసాపహా ।
హల్లీసలాస్యసంతుష్టా హంసమంత్రార్థరూపిణీ ॥ 32 ॥
హానోపాదాననిర్ముక్తా హర్షిణీ హరిసోదరీ ।
హాహాహూహూముఖస్తుత్యా హానివృద్ధివివర్జితా ॥ 33 ॥
హయ్యంగవీనహృదయా హరిగోపారుణాంశుకా ।
లకారాఖ్యా లతాపూజ్యా లయస్థిత్యుద్భవేశ్వరీ ॥ 34 ॥
లాస్యదర్శనసంతుష్టా లాభాలాభవివర్జితా ।
లంఘ్యేతరాజ్ఞా లావణ్యశాలినీ లఘుసిద్ధిదా ॥ 35 ॥
లాక్షారససవర్ణాభా లక్ష్మణాగ్రజపూజితా ।
లభ్యేతరా లబ్ధభక్తిసులభా లాంగలాయుధా ॥ 36 ॥
లగ్నచామరహస్తశ్రీశారదాపరివీజితా ।
లజ్జాపదసమారాధ్యా లంపటా లకులేశ్వరీ ॥ 37 ॥
లబ్ధమానా లబ్ధరసా లబ్ధసంపత్సమున్నతిః ।
హ్రీంకారిణీ హ్రీంకారాద్యా హ్రీంమధ్యా హ్రీంశిఖామణిః ॥ 38 ॥
హ్రీంకారకుండాగ్నిశిఖా హ్రీంకారశశిచంద్రికా ।
హ్రీంకారభాస్కరరుచిర్హ్రీంకారాంభోదచంచలా ॥ 39 ॥
హ్రీంకారకందాంకురికా హ్రీంకారైకపరాయణా ।
హ్రీంకారదీర్ఘికాహంసీ హ్రీంకారోద్యానకేకినీ ॥ 40 ॥
హ్రీంకారారణ్యహరిణీ హ్రీంకారావాలవల్లరీ ।
హ్రీంకారపంజరశుకీ హ్రీంకారాంగణదీపికా ॥ 41 ॥
హ్రీంకారకందరాసింహీ హ్రీంకారాంభోజభృంగికా ।
హ్రీంకారసుమనోమాధ్వీ హ్రీంకారతరుమంజరీ ॥ 42 ॥
సకారాఖ్యా సమరసా సకలాగమసంస్తుతా ।
సర్వవేదాంతతాత్పర్యభూమిః సదసదాశ్రయా ॥ 43 ॥
సకలా సచ్చిదానందా సాధ్యా సద్గతిదాయినీ ।
సనకాదిమునిధ్యేయా సదాశివకుటుంబినీ ॥ 44 ॥
సకాలాధిష్ఠానరూపా సత్యరూపా సమాకృతిః ।
సర్వప్రపంచనిర్మాత్రీ సమనాధికవర్జితా ॥ 45 ॥
సర్వోత్తుంగా సంగహీనా సగుణా సకలేష్టదా ।
కకారిణీ కావ్యలోలా కామేశ్వరమనోహరా ॥ 46 ॥
కామేశ్వరప్రాణనాడీ కామేశోత్సంగవాసినీ ।
కామేశ్వరాలింగితాంగీ కామేశ్వరసుఖప్రదా ॥ 47 ॥
కామేశ్వరప్రణయినీ కామేశ్వరవిలాసినీ ।
కామేశ్వరతపఃసిద్ధిః కామేశ్వరమనఃప్రియా ॥ 48 ॥
కామేశ్వరప్రాణనాథా కామేశ్వరవిమోహినీ ।
కామేశ్వరబ్రహ్మవిద్యా కామేశ్వరగృహేశ్వరీ ॥ 49 ॥
కామేశ్వరాహ్లాదకరీ కామేశ్వరమహేశ్వరీ ।
కామేశ్వరీ కామకోటినిలయా కాంక్షితార్థదా ॥ 50 ॥
లకారిణీ లబ్ధరూపా లబ్ధధీర్లబ్ధవాంఛితా ।
లబ్ధపాపమనోదూరా లబ్ధాహంకారదుర్గమా ॥ 51 ॥
లబ్ధశక్తిర్లబ్ధదేహా లబ్ధైశ్వర్యసమున్నతిః ।
లబ్ధవృద్ధిర్లబ్ధలీలా లబ్ధయౌవనశాలినీ ॥ 52 ॥
లబ్ధాతిశయసర్వాంగసౌందర్యా లబ్ధవిభ్రమా ।
లబ్ధరాగా లబ్ధపతిర్లబ్ధనానాగమస్థితిః ॥ 53 ॥
లబ్ధభోగా లబ్ధసుఖా లబ్ధహర్షాభిపూరితా ।
హ్రీంకారమూర్తిర్హ్రీంకారసౌధశృంగకపోతికా ॥ 54 ॥
హ్రీంకారదుగ్ధాబ్ధిసుధా హ్రీంకారకమలేందిరా ।
హ్రీంకారమణిదీపార్చిర్హ్రీంకారతరుశారికా ॥ 55 ॥
హ్రీంకారపేటకమణిర్హ్రీంకారాదర్శబింబితా ।
హ్రీంకారకోశాసిలతా హ్రీంకారాస్థాననర్తకీ ॥ 56 ॥
హ్రీంకారశుక్తికాముక్తామణిర్హ్రీంకారబోధితా ।
హ్రీంకారమయసౌవర్ణస్తంభవిద్రుమపుత్రికా ॥ 57 ॥
హ్రీంకారవేదోపనిషద్ హ్రీంకారాధ్వరదక్షిణా ।
హ్రీంకారనందనారామనవకల్పకవల్లరీ ॥ 58 ॥
హ్రీంకారహిమవద్గంగా హ్రీంకారార్ణవకౌస్తుభా ।
హ్రీంకారమంత్రసర్వస్వా హ్రీంకారపరసౌఖ్యదా ॥ 59 ॥
॥ ఉత్తరపీఠికా ॥
హయగ్రీవ ఉవాచ ।
ఇత్యేవం తే మయాఖ్యాతం దేవ్యా నామశతత్రయం ।
రహస్యాతిరహస్యత్వాద్గోపనీయం త్వయా మునే ॥ 1 ॥
శివవర్ణాని నామాని శ్రీదేవ్యా కథితాని హి ।
శక్త్యక్షరాణి నామాని కామేశకథితాని చ ॥ 2 ॥
ఉభయాక్షరనామాని హ్యుభాభ్యాం కథితాని వై ।
తదన్యైర్గ్రథితం స్తోత్రమేతస్య సదృశం కిము ॥ 3 ॥
నానేన సదృశం స్తోత్రం శ్రీదేవీప్రీతిదాయకం ।
లోకత్రయేఽపి కల్యాణం సంభవేన్నాత్ర సంశయః ॥ 4 ॥
సూత ఉవాచ ।
ఇతి హయముఖగీతం స్తోత్రరాజం నిశమ్య
ప్రగలితకలుషోఽభూచ్చిత్తపర్యాప్తిమేత్య ।
నిజగురుమథ నత్వా కుంభజన్మా తదుక్తం
పునరధికరహస్యం జ్ఞాతుమేవం జగాద ॥ 5 ॥
అగస్త్య ఉవాచ ।
అశ్వానన మహాభాగ రహస్యమపి మే వద ।
శివవర్ణాని కాన్యత్ర శక్తివర్ణాని కాని హి ॥ 6 ॥
ఉభయోరపి వర్ణాని కాని వా వద దేశిక ।
ఇతి పృష్టః కుంభజేన హయగ్రీవోఽవదత్పునః ॥ 7 ॥
హయగ్రీవ ఉవాచ ।
తవ గోప్యం కిమస్తీహ సాక్షాదంబానుశాసనాత్ ।
ఇదం త్వతిరహస్యం తే వక్ష్యామి శృణు కుంభజ ॥ 8 ॥
ఏతద్విజ్ఞానమాత్రేణ శ్రీవిద్యా సిద్ధిదా భవేత్ ।
కత్రయం హద్వయం చైవ శైవో భాగః ప్రకీర్తితః ॥ 9 ॥
శక్త్యక్షరాణి శేషాణి హ్రీంకార ఉభయాత్మకః ।
ఏవం విభాగమజ్ఞాత్వా యే విద్యాజపశాలినః ॥ 10 ॥
న తేషాం సిద్ధిదా విద్యా కల్పకోటిశతైరపి ।
చతుర్భిః శివచక్రైశ్చ శక్తిచక్రైశ్చ పంచభిః ॥ 11 ॥
నవచక్రైశ్చ సంసిద్ధం శ్రీచక్రం శివయోర్వపుః ।
త్రికోణమష్టకోణం చ దశకోణద్వయం తథా ॥ 12 ॥
చతుర్దశారం చైతాని శక్తిచక్రాణి పంచ చ ।
బిందుశ్చాష్టదలం పద్మం పద్మం షోడశపత్రకం ॥ 13 ॥
చతురశ్రం చ చత్వారి శివచక్రాణ్యనుక్రమాత్ ।
త్రికోణే బైందవం శ్లిష్టం అష్టారేఽష్టదలాంబుజం ॥ 14 ॥
దశారయోః షోడశారం భూగృహం భువనాశ్రకే ।
శైవానామపి శాక్తానాం చక్రాణాం చ పరస్పరం ॥ 15 ॥
అవినాభావసంబంధం యో జానాతి స చక్రవిత్ ।
త్రికోణరూపిణీ శక్తిర్బిందురూపపరః శివః ॥ 16 ॥
అవినాభావసంబంధం తస్మాద్బిందుత్రికోణయోః ।
ఏవం విభాగమజ్ఞాత్వా శ్రీచక్రం యః సమర్చయేత్ ॥ 17 ॥
న తత్ఫలమవాప్నోతి లలితాంబా న తుష్యతి ।
యే చ జానంతి లోకేఽస్మిన్ శ్రీవిద్యాచక్రవేదినః ॥ 18 ॥
సామన్యవేదినః సర్వే విశేషజ్ఞోఽతిదుర్లభః ।
స్వయంవిద్యావిశేషజ్ఞో విశేషజ్ఞం సమర్చయేత్ ॥ 19 ॥
తస్మై దేయం తతో గ్రాహ్యమశక్తస్తస్య దాపయేత్ ।
అంధం తమః ప్రవిశంతి యేఽవిద్యాం సముపాసతే ॥ 20 ॥
ఇతి శ్రుతిరపాహైతానవిద్యోపాసకాన్పునః ।
విద్యాన్యోపాసకానేవ నిందత్యారుణికీ శ్రుతిః ॥ 21 ॥
అశ్రుతా సశ్రుతాసశ్చ యజ్వానో యేఽప్యయజ్వనః ।
స్వర్యంతో నాపేక్షంతే ఇంద్రమగ్నిం చ యే విదుః ॥ 22 ॥
సికతా ఇవ సంయంతి రశ్మిభిః సముదీరితాః ।
అస్మాల్లోకాదముష్మాచ్చేత్యాహ చారణ్యకశ్రుతిః ॥ 23 ॥
యస్య నో పశ్చిమం జన్మ యది వా శంకరః స్వయం ।
తేనైవ లభ్యతే విద్యా శ్రీమత్పంచదశాక్షరీ ॥ 24 ॥
ఇతి మంత్రేషు బహుధా విద్యాయా మహిమోచ్యతే ।
మోక్షైకహేతువిద్యా తు శ్రీవిద్యా నాత్ర సంశయః ॥ 25 ॥
న శిల్పాదిజ్ఞానయుక్తే విద్వచ్ఛబ్ధః ప్రయుజ్యతే ।
మోక్షైకహేతువిద్యా సా శ్రీవిద్యైవ న సంశయః ॥ 26 ॥
తస్మాద్విద్యావిదేవాత్ర విద్వాన్విద్వానితీర్యతే ।
స్వయం విద్యావిదే దద్యాత్ఖ్యాపయేత్తద్గుణాన్సుధీః ॥ 27 ॥
స్వయంవిద్యారహస్యజ్ఞో విద్యామాహాత్మ్యవేద్యపి ।
విద్యావిదం నార్చయేచ్చేత్కో వా తం పూజయేజ్జనః ॥ 28 ॥
ప్రసంగాదిదముక్తం తే ప్రకృతం శృణు కుంభజ ।
యః కీర్తయేత్సకృద్భక్త్యా దివ్యనామశతత్రయం ॥ 29 ॥
తస్య పుణ్యమహం వక్ష్యే శృణు త్వం కుంభసంభవ ।
రహస్యనామసాహస్రపాఠే యత్ఫలమీరితం ॥ 30 ॥
తత్ఫలం కోటిగుణితమేకనామజపాద్భవేత్ ।
కామేశ్వరీకామేశాభ్యాం కృతం నామశతత్రయం ॥ 31 ॥
నాన్యేన తులయేదేతత్ స్తోత్రేణాన్యకృతేన చ ।
శ్రియః పరంపరా యస్య భావి వా చోత్తరోత్తరం ॥ 32 ॥
తేనైవ లభ్యతే చైతత్పశ్చాచ్ఛ్రేయః పరీక్షయేత్ ।
అస్యా నామ్నాం త్రిశత్యాస్తు మహిమా కేన వర్ణ్యతే ॥ 33 ॥
యా స్వయం శివయోర్వక్త్రపద్మాభ్యాం పరినిఃసృతా ।
నిత్యం షోడశసంఖ్యాకాన్విప్రానాదౌ తు భోజయేత్ ॥ 34 ॥
అభ్యక్తాంస్తిలతైలేన స్నాతానుష్ణేన వారిణా ।
అభ్యర్చ్య గంధపుష్పాద్యైః కామేశ్వర్యాదినామభిః ॥ 35 ॥
సూపాపూపైః శర్కరాద్యైః పాయసైః ఫలసంయుతైః ।
విద్యావిదో విశేషేణ భోజయేత్షోడశ ద్విజాన్ ॥ 36 ॥
ఏవం నిత్యార్చనం కుర్యాదాదౌ బ్రాహ్మణభోజనం ।
త్రిశతీనామభిః పశ్చాద్బ్రాహ్మణాన్క్రమశోఽర్చయేత్ ॥ 37 ॥
తైలాభ్యంగాదికం దత్వా విభవే సతి భక్తితః ।
శుక్లప్రతిపదారభ్య పౌర్ణమాస్యవధి క్రమాత్ ॥ 38 ॥
దివసే దివసే విప్రా భోజ్యా వింశతిసంఖ్యయా ।
దశభిః పంచభిర్వాపి త్రిభిరేకేన వా దినైః ॥ 39 ॥
త్రింశత్షష్టిః శతం విప్రాః సంభోజ్యాస్త్రిశతం క్రమాత్ ।
ఏవం యః కురుతే భక్త్యా జన్మమధ్యే సకృన్నరః ॥ 40 ॥
తస్యైవ సఫలం జన్మ ముక్తిస్తస్య కరే స్థిరా ।
రహస్యనామసాహస్రభోజనేఽప్యేవమేవ హి ॥ 41 ॥
ఆదౌ నిత్యబలిం కుర్యాత్పశ్చాద్బ్రాహ్మణభోజనం ।
రహస్యనామసాహస్రమహిమా యో మయోదితః ॥ 42 ॥
స శీకరాణురత్నైకనామ్నో మహిమవారిధేః ।
వాగ్దేవీరచితే నామసాహస్రే యద్యదీరితం ॥ 43 ॥
తత్ఫలం కోటిగుణితం నామ్నోఽప్యేకస్య కీర్తనాత్ ।
ఏతదన్యైర్జపైః స్తోత్రైరర్చనైర్యత్ఫలం భవేత్ ॥ 44 ॥
తత్ఫలం కోటిగుణితం భవేన్నామశతత్రయాత్ ।
వాగ్దేవీరచితే స్తోత్రే తాదృశో మహిమా యది ॥ 45 ॥
సాక్షాత్కామేశకామేశీకృతేఽస్మిన్గృహ్యతామితి ।
సకృత్సంకీర్తనాదేవ నామ్నామస్మిన్ శతత్రయే ॥ 46 ॥
భవేచ్చిత్తస్య పర్యాప్తిర్న్యూనమన్యానపేక్షిణీ ।
న జ్ఞాతవ్యమితోఽప్యన్యత్ర జప్తవ్యం చ కుంభజ ॥ 47 ॥
యద్యత్సాధ్యతమం కార్యం తత్తదర్థమిదం జపేత్ ।
తత్తత్ఫలమవాప్నోతి పశ్చాత్కార్యం పరీక్షయేత్ ॥ 48 ॥
యే యే ప్రయోగాస్తంత్రేషు తైస్తైర్యత్సాధ్యతే ఫలం ।
తత్సర్వం సిధ్యతి క్షిప్రం నామత్రిశతకీర్తనాత్ ॥ 49 ॥
ఆయుష్కరం పుష్టికరం పుత్రదం వశ్యకారకం ।
విద్యాప్రదం కీర్తికరం సుకవిత్వప్రదాయకం ॥ 50 ॥
సర్వసంపత్ప్రదం సర్వభోగదం సర్వసౌఖ్యదం ।
సర్వాభీష్టప్రదం చైవ దేవ్యా నామశతత్రయం ॥ 51 ॥
ఏతజ్జపపరో భూయాన్నాన్యదిచ్ఛేత్కదాచన ।
ఏతత్కీర్తనసంతుష్టా శ్రీదేవీ లలితాంబికా ॥ 52 ॥
భక్తస్య యద్యదిష్టం స్యాత్తత్తత్పూరయతే ధ్రువం ।
తస్మాత్కుంభోద్భవ మునే కీర్తయ త్వమిదం సదా ॥ 53 ॥
నాపరం కించిదపి తే బోద్ధవ్యమవశిష్యతే ।
ఇతి తే కథితం స్తోత్రం లలితాప్రీతిదాయకం ॥ 54 ॥
నావిద్యావేదినే బ్రూయాన్నాభక్తాయ కదాచన ।
న శఠాయ న దుష్టాయ నావిశ్వాసాయ కర్హిచిత్ ॥ 56 ॥
యో బ్రూయాత్త్రిశతీం నామ్నాం తస్యానర్థో మహాన్భవేత్ ।
ఇత్యాజ్ఞా శాంకరీ ప్రోక్తా తస్మాద్గోప్యమిదం త్వయా ॥ 57 ॥
లలితాప్రేరితేనైవ మయోక్తం స్తోత్రముత్తమం ।
రహస్యనామసాహస్రాదపి గోప్యమిదం మునే ॥ 58 ॥
సూత ఉవాచ ।
ఏవముక్త్వా హయగ్రీవః కుంభజం తాపసోత్తమం ।
స్తోత్రేణానేన లలితాం స్తుత్వా త్రిపురసుందరీం ।
ఆనందలహరీమగ్నమానసః సమవర్తత ॥ 59 ॥
ఇతి శ్రీ లలితా త్రిశతీ స్తోత్రరత్నం ।
Recite with devotion and pure heart
Regular practice brings spiritual benefits