हैंహైHaindavamஹிહિં
📍
Font Size:
ശ്രീ ലളിത കവചം
സനത്കുമാര ഉവാച –
അഥ തേ കവചം ദേവ്യാ വക്ഷ്യേ നവരതാത്മകം ।
യേന ദേവാസുരനരജയീ സ്യാത്സാധകഃ സദാ ॥ 1 ॥
സർവതഃ സർവദാത്മാനം ലലിതാ പാതു സർവഗാ ।
കാമേശീ പുരതഃ പാതു ഭഗമാലീ ത്വനന്തരം ॥ 2 ॥
ദിശം പാതു തഥാ ദക്ഷപാർശ്വം മേ പാതു സർവദാ ।
നിത്യക്ലിന്നാഥ ഭേരുണ്ഡാ ദിശം മേ പാതു കൗണപീം ॥ 3 ॥
തഥൈവ പശ്ചിമം ഭാഗം രക്ഷതാദ്വഹ്നിവാസിനീ ।
മഹാവജ്രേശ്വരീ നിത്യാ വായവ്യേ മാം സദാവതു ॥ 4 ॥
വാമപാർശ്വം സദാ പാതു ഇതീമേലരിതാ തതഃ ।
മാഹേശ്വരീ ദിശം പാതു ത്വരിതം സിദ്ധിദായിനീ ॥ 5 ॥
പാതു മാമൂർധ്വതഃ ശശ്വദ്ദേവതാ കുലസുന്ദരീ ।
അധോ നീലപതാകാഖ്യാ വിജയാ സർവതശ്ച മാം ॥ 6 ॥
കരോതു മേ മങ്ഗലാനി സർവദാ സർവമങ്ഗലാ ।
ദേഹേന്ദ്രിയമനഃപ്രാണാഞ്ജ്വാലാമാലിനിവിഗ്രഹാ ॥ 7 ॥
പാലയത്വനിശം ചിത്താ ചിത്തം മേ സർവദാവതു ।
കാമാത്ക്രോധാത്തഥാ ലോഭാന്മോഹാന്മാനാന്മദാദപി ॥ 8 ॥
പാപാന്മാം സർവതഃ ശോകാത്സങ്ക്ഷയാത്സർവതഃ സദാ ।
അസത്യാത്ക്രൂരചിന്താതോ ഹിംസാതശ്ചൌരതസ്തഥാ ।
സ്തൈമിത്യാച്ച സദാ പാതു പ്രേരയന്ത്യഃ ശുഭം പ്രതി ॥ 9 ॥
നിത്യാഃ ഷോഡശ മാം പാതു ഗജാരൂഢാഃ സ്വശക്തിഭിഃ ।
തഥാ ഹയസമാരൂഢാഃ പാതു മാം സർവതഃ സദാ ॥ 10 ॥
സിംഹാരൂഢാസ്തഥാ പാതു പാതു ഋക്ഷഗതാ അപി ।
രഥാരൂഢാശ്ച മാം പാതു സർവതഃ സർവദാ രണേ ॥ 11 ॥
താർക്ഷ്യാരൂഢാശ്ച മാം പാതു തഥാ വ്യോമഗതാശ്ച താഃ ।
ഭൂതഗാഃ സർവഗാഃ പാതു പാതു ദേവ്യശ്ച സർവദാ ॥ 12 ॥
ഭൂതപ്രേതപിശാചാശ്ച പരകൃത്യാദികാൻ ഗദാൻ ।
ദ്രാവയന്തു സ്വശക്തീനാം ഭൂഷണൈരായുധൈർമമ ॥ 13 ॥
ഗജാശ്വദ്വീപിപഞ്ചാസ്യതാർക്ഷ്യാരൂഢാഖിലായുധാഃ ।
അസങ്ഖ്യാഃ ശക്തയോ ദേവ്യഃ പാതു മാം സർവതഃ സദാ ॥ 14 ॥
സായം പ്രാതർജപന്നിത്യാകവചം സർവരക്ഷകം ।
കദാചിന്നാശുഭം പശ്യേത്സർവദാനന്ദമാസ്ഥിതഃ ॥ 15 ॥
ഇത്യേതത്കവചം പ്രോക്തം ലലിതായാഃ ശുഭാവഹം ।
യസ്യ സന്ധാരണാന്മർത്യോ നിർഭയോ വിജയീ സുഖീ ॥ 16 ॥
ഇതി ശ്രീബൃഹന്നാരദീയപുരാണേ പൂർവഭാഗേ തൃതീയപാദേ
ബൃഹദുപാഖ്യാനേ ഏകോനനവതിതമോഽധ്യായേ ശ്രീ ലലിതാ കവചം ।
Recite with devotion and pure heart
Regular practice brings spiritual benefits