ശ്രീ ദേവീ പ്രാർഥന – ഹ്രീങ്കാരാസനഗർഭിതാനലശിഖാം സൗഃ ക്ലീം കലാം ബിഭ്രതീം സൗവർണാംബരധാരിണീം വരസുധാധൗതാം ത്രിനേത്രോജ്ജ്വലാം । വന്ദേ പുസ്തകപാശമങ്കുശധരാം സ്രഗ്ഭൂഷിതാമുജ്ജ്വലാം ത്വാം ഗൗരീം ത്രിപുരാം പരാത്പരകലാം ശ്രീചക്രസഞ്ചാരിണീം ॥ അസ്യ ശ്രീ ശുദ്ധശക്തിമാലാമഹാമന്ത്രസ്യ, ഉപസ്ഥേന്ദ്രിയാധിഷ്ഠായീ വരുണാദിത്യ ഋഷയഃ ദേവീ ഗായത്രീ ഛന്ദഃ സാത്വിക കകാരഭട്ടാരകപീഠസ്ഥിത കാമേശ്വരാങ്കനിലയാ മഹാകാമേശ്വരീ ശ്രീ ലലിതാ ഭട്ടാരികാ ദേവതാ, ഐം ബീജം ക്ലീം ശക്തിഃ സൗഃ കീലകം മമ ഖഡ്ഗസിദ്ധ്യർഥേ സർവാഭീഷ്ടസിദ്ധ്യർഥേ ജപേ വിനിയോഗഃ മൂലമന്ത്രേണ ഷഡംഗന്യാസം കുര്യാത് । ധ്യാനം – താദൃശം ഖഡ്ഗമാപ്നോതി യേന ഹസ്തസ്ഥിതേനവൈ । അഷ്ടാദശ മഹാദ്വീപ സമ്രാട് ഭോത്കാ ഭവിഷ്യതി ॥ ആരക്താഭാം ത്രിണേത്രാമരുണിമവസനാം രത്നതാടങ്കരമ്യാം ഹസ്താംഭോജൈസ്സപാശാങ്കുശ മദന ധനുസ്സായകൈർവിസ്ഫുരന്തീം । ആപീനോത്തുംഗ വക്ഷോരുഹ കലശലുഠത്താര ഹാരോജ്ജ്വലാംഗീം ധ്യായേദംഭോരുഹസ്ഥാ-മരുണിമവസനാ-മീശ്വരീമീശ്വരാണാം ॥ ലമിത്യാദിപഞ്ച പൂജാം കുര്യാത്, യഥാശക്തി മൂലമന്ത്രം ജപേത് । ലം - പൃഥിവീതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ഗന്ധം പരികല്പയാമി - നമഃ ഹം - ആകാശതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ പുഷ്പം പരികല്പയാമി - നമഃ യം - വായുതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ധൂപം പരികല്പയാമി - നമഃ രം - തേജസ്തത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ദീപം പരികല്പയാമി - നമഃ വം - അമൃതതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ അമൃതനൈവേദ്യം പരികല്പയാമി - നമഃ സം - സർവതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ താംബൂലാദിസർവോപചാരാൻ പരികല്പയാമി - നമഃ ശ്രീ ദേവീ സംബോധനം (1) ഓം ഐം ഹ്രീം ശ്രീം ഐം ക്ലീം സൗഃ ഓം നമസ്ത്രിപുരസുന്ദരീ, ന്യാസാംഗദേവതാഃ (6) ഹൃദയദേവീ, ശിരോദേവീ, ശിഖാദേവീ, കവചദേവീ, നേത്രദേവീ, അസ്ത്രദേവീ, തിഥിനിത്യാദേവതാഃ (16) കാമേശ്വരീ, ഭഗമാലിനീ, നിത്യക്ലിന്നേ, ഭേരുണ്ഡേ, വഹ്നിവാസിനീ, മഹാവജ്രേശ്വരീ, ശിവദൂതീ, ത്വരിതേ, കുലസുന്ദരീ, നിത്യേ, നീലപതാകേ, വിജയേ, സർവമംഗലേ, ജ്വാലാമാലിനീ, ചിത്രേ, മഹാനിത്യേ, ദിവ്യൗഘഗുരവഃ (7) പരമേശ്വര, പരമേശ്വരീ, മിത്രേശമയീ, ഷഷ്ഠീശമയീ, ചര്യാനാഥമയീ, ലോപാമുദ്രമയീ, അഗസ്ത്യമയീ, സിദ്ധൗഘഗുരവഃ (4) കാലതാപശമയീ, ധർമാചാര്യമയീ, മുക്തകേശീശ്വരമയീ, ദീപകലാനാഥമയീ, മാനവൗഘഗുരവഃ (8) വിഷ്ണുദേവമയീ, പ്രഭാകരദേവമയീ, തേജോദേവമയീ, മനോജദേവമയി, കല്യാണദേവമയീ, വാസുദേവമയീ, രത്നദേവമയീ, ശ്രീരാമാനന്ദമയീ, ശ്രീചക്ര പ്രഥമാവരണദേവതാഃ അണിമാസിദ്ധേ, ലഘിമാസിദ്ധേ, ഗരിമാസിദ്ധേ, മഹിമാസിദ്ധേ, ഈശിത്വസിദ്ധേ, വശിത്വസിദ്ധേ, പ്രാകാമ്യസിദ്ധേ, ഭുക്തിസിദ്ധേ, ഇച്ഛാസിദ്ധേ, പ്രാപ്തിസിദ്ധേ, സർവകാമസിദ്ധേ, ബ്രാഹ്മീ, മാഹേശ്വരീ, കൗമാരി, വൈഷ്ണവീ, വാരാഹീ, മാഹേന്ദ്രീ, ചാമുണ്ഡേ, മഹാലക്ഷ്മീ, സർവസങ്ക്ഷോഭിണീ, സർവവിദ്രാവിണീ, സർവാകർഷിണീ, സർവവശങ്കരീ, സർവോന്മാദിനീ, സർവമഹാങ്കുശേ, സർവഖേചരീ, സർവബീജേ, സർവയോനേ, സർവത്രിഖണ്ഡേ, ത്രൈലോക്യമോഹന ചക്രസ്വാമിനീ, പ്രകടയോഗിനീ, ശ്രീചക്ര ദ്വിതീയാവരണദേവതാഃ കാമാകർഷിണീ, ബുദ്ധ്യാകർഷിണീ, അഹങ്കാരാകർഷിണീ, ശബ്ദാകർഷിണീ, സ്പർശാകർഷിണീ, രൂപാകർഷിണീ, രസാകർഷിണീ, ഗന്ധാകർഷിണീ, ചിത്താകർഷിണീ, ധൈര്യാകർഷിണീ, സ്മൃത്യാകർഷിണീ, നാമാകർഷിണീ, ബീജാകർഷിണീ, ആത്മാകർഷിണീ, അമൃതാകർഷിണീ, ശരീരാകർഷിണീ, സർവാശാപരിപൂരക ചക്രസ്വാമിനീ, ഗുപ്തയോഗിനീ, ശ്രീചക്ര തൃതീയാവരണദേവതാഃ അനംഗകുസുമേ, അനംഗമേഖലേ, അനംഗമദനേ, അനംഗമദനാതുരേ, അനംഗരേഖേ, അനംഗവേഗിനീ, അനംഗാങ്കുശേ, അനംഗമാലിനീ, സർവസങ്ക്ഷോഭണചക്രസ്വാമിനീ, ഗുപ്തതരയോഗിനീ, ശ്രീചക്ര ചതുർഥാവരണദേവതാഃ സർവസങ്ക്ഷോഭിണീ, സർവവിദ്രാവിനീ, സർവാകർഷിണീ, സർവഹ്ലാദിനീ, സർവസമ്മോഹിനീ, സർവസ്തംഭിനീ, സർവജൃംഭിണീ, സർവവശങ്കരീ, സർവരഞ്ജനീ, സർവോന്മാദിനീ, സർവാർഥസാധികേ, സർവസമ്പത്തിപൂരിണീ, സർവമന്ത്രമയീ, സർവദ്വന്ദ്വക്ഷയങ്കരീ, സർവസൗഭാഗ്യദായക ചക്രസ്വാമിനീ, സമ്പ്രദായയോഗിനീ, ശ്രീചക്ര പഞ്ചമാവരണദേവതാഃ സർവസിദ്ധിപ്രദേ, സർവസമ്പത്പ്രദേ, സർവപ്രിയങ്കരീ, സർവമംഗലകാരിണീ, സർവകാമപ്രദേ, സർവദുഃഖവിമോചനീ, സർവമൃത്യുപ്രശമനി, സർവവിഘ്നനിവാരിണീ, സർവാംഗസുന്ദരീ, സർവസൗഭാഗ്യദായിനീ, സർവാർഥസാധക ചക്രസ്വാമിനീ, കുലോത്തീർണയോഗിനീ, ശ്രീചക്ര ഷഷ്ടാവരണദേവതാഃ സർവജ്ഞേ, സർവശക്തേ, സർവൈശ്വര്യപ്രദായിനീ, സർവജ്ഞാനമയീ, സർവവ്യാധിവിനാശിനീ, സർവാധാരസ്വരൂപേ, സർവപാപഹരേ, സർവാനന്ദമയീ, സർവരക്ഷാസ്വരൂപിണീ, സർവേപ്സിതഫലപ്രദേ, സർവരക്ഷാകരചക്രസ്വാമിനീ, നിഗർഭയോഗിനീ, ശ്രീചക്ര സപ്തമാവരണദേവതാഃ വശിനീ, കാമേശ്വരീ, മോദിനീ, വിമലേ, അരുണേ, ജയിനീ, സർവേശ്വരീ, കൗലിനി, സർവരോഗഹരചക്രസ്വാമിനീ, രഹസ്യയോഗിനീ, ശ്രീചക്ര അഷ്ടമാവരണദേവതാഃ ബാണിനീ, ചാപിനീ, പാശിനീ, അങ്കുശിനീ, മഹാകാമേശ്വരീ, മഹാവജ്രേശ്വരീ, മഹാഭഗമാലിനീ, സർവസിദ്ധിപ്രദചക്രസ്വാമിനീ, അതിരഹസ്യയോഗിനീ, ശ്രീചക്ര നവമാവരണദേവതാഃ ശ്രീ ശ്രീ മഹാഭട്ടാരികേ, സർവാനന്ദമയചക്രസ്വാമിനീ, പരാപരരഹസ്യയോഗിനീ, നവചക്രേശ്വരീ നാമാനി ത്രിപുരേ, ത്രിപുരേശീ, ത്രിപുരസുന്ദരീ, ത്രിപുരവാസിനീ, ത്രിപുരാശ്രീഃ, ത്രിപുരമാലിനീ, ത്രിപുരസിദ്ധേ, ത്രിപുരാംബാ, മഹാത്രിപുരസുന്ദരീ, ശ്രീദേവീ വിശേഷണാനി - നമസ്കാരനവാക്ഷരീച മഹാമഹേശ്വരീ, മഹാമഹാരാജ്ഞീ, മഹാമഹാശക്തേ, മഹാമഹാഗുപ്തേ, മഹാമഹാജ്ഞപ്തേ, മഹാമഹാനന്ദേ, മഹാമഹാസ്കന്ധേ, മഹാമഹാശയേ, മഹാമഹാ ശ്രീചക്രനഗരസാമ്രാജ്ഞീ, നമസ്തേ നമസ്തേ നമസ്തേ നമഃ । ഫലശ്രുതിഃ – ഏഷാ വിദ്യാ മഹാസിദ്ധിദായിനീ സ്മൃതിമാത്രതഃ । അഗ്നിവാതമഹാക്ഷോഭേ രാജാരാഷ്ട്രസ്യവിപ്ലവേ ॥ ലുണ്ഠനേ തസ്കരഭയേ സംഗ്രാമേ സലിലപ്ലവേ । സമുദ്രയാനവിക്ഷോഭേ ഭൂതപ്രേതാദികേ ഭയേ ॥ അപസ്മാരജ്വരവ്യാധിമൃത്യുക്ഷാമാദിജേഭയേ । ശാകിനീ പൂതനായക്ഷരക്ഷഃകൂഷ്മാണ്ഡജേ ഭയേ ॥ മിത്രഭേദേ ഗ്രഹഭയേ വ്യസനേഷ്വാഭിചാരികേ । അന്യേഷ്വപി ച ദോഷേഷു മാലാമന്ത്രം സ്മരേന്നരഃ ॥ താദൃശം ഖഡ്ഗമാപ്നോതി യേന ഹസ്തസ്ഥിതേനവൈ । അഷ്ടാദശമഹാദ്വീപസമ്രാഡ്ഭോക്താഭവിഷ്യതി ॥ സർവോപദ്രവനിർമുക്തസ്സാക്ഷാച്ഛിവമയോഭവേത് । ആപത്കാലേ നിത്യപൂജാം വിസ്താരാത്കർതുമാരഭേത് ॥ ഏകവാരം ജപധ്യാനം സർവപൂജാഫലം ലഭേത് । നവാവരണദേവീനാം ലലിതായാ മഹൗജനഃ ॥ ഏകത്ര ഗണനാരൂപോ വേദവേദാംഗഗോചരഃ । സർവാഗമരഹസ്യാർഥഃ സ്മരണാത്പാപനാശിനീ ॥ ലലിതായാമഹേശാന്യാ മാലാ വിദ്യാ മഹീയസീ । നരവശ്യം നരേന്ദ്രാണാം വശ്യം നാരീവശങ്കരം ॥ അണിമാദിഗുണൈശ്വര്യം രഞ്ജനം പാപഭഞ്ജനം । തത്തദാവരണസ്ഥായി ദേവതാബൃന്ദമന്ത്രകം ॥ മാലാമന്ത്രം പരം ഗുഹ്യം പരം ധാമ പ്രകീർതിതം । ശക്തിമാലാ പഞ്ചധാസ്യാച്ഛിവമാലാ ച താദൃശീ ॥ തസ്മാദ്ഗോപ്യതരാദ്ഗോപ്യം രഹസ്യം ഭുക്തിമുക്തിദം ॥ ॥ ഇതി ശ്രീ ദേവീഖഡ്ഗമാലാസ്തോത്രരത്നം സമാപ്തം ॥